143 Diosan Suma chuymanïtapat Biblian jiskʼa tʼaqanakapa

Tatitojj munasiñaniwa, qhuyapayasiñapajj wiñayawa, cheka cancañapasti jan tucusquiriwa.

Yant'apjjam, uñjapjjaraquim, Tatitun munasir cancañapa, jupar take chuymamp maqhatirejj cusisiñan jakewa.

Munasiñamamp qhuyapayasiñamampejj sapürupuniw nayamp chicäsqui, Tatay, utamansti wiñayapuniw jacä.

¿Jan ucajj Diosan munasiñapjja, jan tucusquir llamp'usiñapsa janich yäkcta? Chekpachansa uca Diosan llamp'u tucutapajja juman take ucanac arrepientisisa apanucuñamataquiwa.

Tatitojj takenir munasiriwa, takpach luratanacaparojj munasiñampiw uñji.

Tatitun munasiñapasti, qhuyapayasiñapasa jan tucusquiriraquiwa. Sapärmanthiw machakar tucuraqui, ¡cunja jach'as Tatitun chekapätapajja!

Tatay, jumajj munasiñanïtawa, juch pampachiriraquïtawa, jumar art'asirinacataquejj qhuyapayasirïtawa.

Diosasti take cuntejj lurcän ucanacan sumätapwa uñjäna. Uqhamatwa sojjtïri urojj phokhasïna.

Jumajj asquïtawa, asqui luraractajja; leyinacamay yatichita.

Tatitur yuspagarapjjam, munasirïtap laycu, qhuyapayasiñapajj wiñayawa,

Tatitur yuspagarapjjam, munasiñanïtap laycu, qhuyapayasiñapajj wiñayawa.

Jumanacajj uqham jan walïcasinsa, sumäquis ucwa wawanacamarojj churapjjtajja. ¡Alajjpachanquir Awquimasti ucatsa juc'ampiwa qhitinacatejj jupar mayqui ucanacar sumanaca churañataquejja!

Tatitur yuspagarapjjam, jupajj munasiñaniwa, qhuyapayasiñapajj wiñayawa.

Tatitojj asquiwa, chekaparaquiwa, jupaw jucharar jakenacarojj asqui thac uñachayi;

Tatitusti Moisesan nayrakatapanjja jach'atwa aqham sas art'asïna: —¡Dios Tatitusti, wiñay jaquiriwa, uqhamarac qhuyapayasiriraqui. Janiw janc'aqui colerasirïquiti, jan ucasti jach'a munasiriwa, uqhamarac chekaraqui!

Takenin nayranacapaw jumarojj uñch'uquisipctam, jumaw waquisitarjam mank'añ jupanacar churtajja. Jumaw amparam lokatattajja, take jaquirinacarusti asquinac jilarquir churtajja.

Munasiñamajj chuymachitpan, nayatac arscäyätajj ucarjam phokhasiñapataqui.

Ucampis cunapachatejj Khespiyir Diosajj qhuyapayasiñapa, munasiñapsa take jakenacaru uñacht'ayistojja, janiw cuna asqui luratas laycuti, jan ucasti qhuyapayasiñap laycuwa khespiyistu jarekäwi toke. Kollan Ajayu toke machakat naciyaraquistu machak jacañ churasa.

Yatiractanwa Diosajj jupar munirinacarojj take cunsa asquitaquiw waquicharapi qhitinacatejj jupan amtataparjam jawsatäpqui ucanacataquejja.

Tatituw yakha marcanquir jakenacarojj uñji, wajchanacampir ijma warminacampiruw uywi, ñankha lurir jakenacataquisti thaquip chhaktayi.

Tatiturojj take chuymamp alcatam, asc luraraquim, oraken jacasim, chekaparac jacam; Asqui jakejj yatiñ cancañampiw parli, lajjrapajj chekap sarnakañ khanañchi. Diosapan leyinacap chuymapar catjjäsi, cayunacapasti janipuniw llust'caniti. Ñankha lurir jakejj asqui jakeruw uñch'uqui, jupar jiwayañ amtaraqui; Tatitusti janiw amparapar jalt'ayquiti, janiraquiw taripäwin juchañchat uñjasiñap munquiti. Tatitur takpach chuymamp suyt'am, jupar jaysaraquim, jupaw orak catokañamataquejj ch'amañchätam, ñankha luririnacan t'unjasïwip uñjaraquïta. Ñankha lurir jakeruw jach'achasir uñjta, ch'ojjña kokjam jilantasquir uñjaracta; uca khepat wasitat uñjir sarta, jupasti tucusjjataynawa, jupar thakasasti janiw jicjjatcti. Asqui jaker uñtam, suma jaker uñjam: jutir jacañapajj sumancañ jacañäniwa; ñankha luririnacasti tucjatäpjjaniwa, jutir pachpa jacañapaw t'unjascani. Asqui jakenacajj Tatitut yanap catokapjje, juparaquiw jan walt'añ urunacan arjjatiripajja. Tatiturojj suma chuymamp munasim, jupasti chuyma mankheman mayisitamarjamaw churätam.

Jach'a kollunacajj yakha chekarusay sartasipcpan, kollunacas aynacharusay jutasipcpan, ucampis munasiñajjajj jumataquejj janipuniw tucuscaniti, uqhamaraqui sumar mantäwi arust'äwejjajj janiw t'unjatäcaniti.” Uqham siwa jumar qhuyapayiri Tatitojja.

Jumaruw yuspagarsma, muspharcañpun nayataquejj lurtajja, ¡ucsti sumpun yatista!

Tatituw awatirejjajja, janiw cunats t'akhescäti: suma ch'ojjña pastonacaruw samart'ayitu; k'oma uma thiyanacaruw awatitu, jupaw machak ch'am churitu, cheka thaquinjam irpitu, sutipar jach'añchañ laycu.

Tatay, jumar wakaychirinacataquejj jach'a munasiñ imaraptajja, jumar maqhatirinacarusti taken uñjcañaw qhuyapayasiñam uñachaytajja;

amtascay muspharcañanac jupajj luri. Tatitojj munasiñaniwa, qhuyapayasiriraquiwa: Jupar iyawsirinacarojj mank'añ churi, arust'äwipat wiñayaw amtasi.

Nayajj jumar sismawa: “Jumaw nayan Tatitojjätajja, asquejjätasa, janiw cunas jumjamajj utjquiti” sasa.

Diosasti jupanacat qhuyapayasïnwa, ñankha luratanacap pampachäna, janiw jupanacarojj tucjcänti: walja cutiw k'apisiñap t'acurayasïna, janiw tipusiñapamp atipjayascänti;

Tatitojj take sarnakäwipan chekap uñjiriwa, take luräwinacapan munasiñaniwa.

Jesusasti sänwa: —¿Cunatsa ‘asquinacjjat’ jisct'ista? Mayaquiw asquejja utji, ucasti Diosawa. Ucampis wiñay jacañarutejj mantañ munstajja, camachinac phokham.

Ucampis Diosajj munasiñapwa uñacht'ayistu, cunapachatejj jiwasanacajj juchanïscäyätan ucapachaw Cristojj jiwasanac laycu jiwawayi.

Tatitojj munasiriwa, qhuyapayasiriwa, janiw mäc k'apisirïquiti, qhuyapayasiñan phokhantatawa.

Jumasti, Tatay, qhuyapayasir Diosätawa, llamp'u chuymani, munasiñani, asqui Diosätawa.

Ucatsti Esaú jilapajj warminacaru, wawanacaruw uñcataraquïna, ucatsti jisct'araquïnwa: —¿Acanacajj qhitinacasa? —sasa. —Ucanacajj cuntejj Diosajj sirvirimaru churqui ucanacawa —sasaw Jacobojj saraquïna.

Yuspagarañamp Tatitur k'ochupjjam; Diosasataquejj arpamp chic k'ochupjjam. Jupaw alajjpacharojj kenayanacamp phokhanti, oraketac jallu waquichi, ch'umi mankhanacan koranac ch'ojjñaptayi. Jupaw uywanacarojj mank'añ churi, juparaquiw allkamarin chhiwlinacaparojj wararipqui ucapachajj mank'añ churi.

Tatitojj sapür jach'añchatäpan, Diosaw jan walt'añanacas apasqui, jupaw Diosasajja, khespiyasiñasasa.

Puncunacapar jac'achasipjjam, kollan utapar mantapjjam, yuspagar churapjjam, sutip jach'añchapjjaraquim.

Nayajj Tatitun munasiñapatwa parlañ munta, yupaychaña k'ochunacap k'ochuña, take cuntejj jupajj jiwasanacatac lurqui ucanacata, Israelan wawanacapataquejj qhuyapayasiñapajj jach'ätapata, cuntejj qhuyapayasiñapanjja lurqui, uqhamaraqui jach'a munasiñapansa, take ucanacata.

Tatitojj munasiriwa, qhuyapayasiriraquiwa, k'apisiñapajj c'achhaquiwa, munasiñapasti jilarquiriwa. Tatitojj takenir munasiriwa, takpach luratanacaparojj munasiñampiw uñji.

Diosan jan uñjcay yänacapajj jupan luratanacap tokew uñacht'ayasi. Khanpachwa uñacht'ayasi cunapachatejj aca orakejj luratäcäns ucürutpacha jupajj Diosätapa, ch'amapajj jan tucusquiriraquïtapa. Ucatpï jakenacajj jan cunjämats jupat jaltapcaspatejja.

Tatay, jumaw nayan take cunajjätajja; jumaw asquinacamamp phokhantista; jacañajjajj amparamar catuyatawa.

¡Awquiman Diosapajj yuspagaratäpan, jupaw yanapascätam; take ch'amani Diosaw bendiciscätam! ¡Alajjpacha bendicionanacampi! ¡Jach'a kota mankhanquir bendicionanacampi! ¡Walja wawanïña bendicionanacampi!

Tatitojj asquimpir chekapampiruw munasi, qhuyapayasiñapajj orakpacharuw phokhanti.

Tatay, sutim yatirinacajj jumaruw iyawsapjjtam, jumar thakerinacarojj janipuniw apanucctati.

diosanacan Diosapar yuspagarapjjam: qhuyapayasiñapajj wiñayawa.

Ucat Tatitojj saraquïnwa: —Nayasti jumansa uñjcatawa qhuyapayäjja, uqhamarac sutejjsa juman ist'cataraquiw arsuraquëjja. Nayajja qhuyapt'ayäwa qhitirutejj muncta ucaru, uqhamarac yanaparaquïwa qhitirutejj muncta ucaru.

Tatay, khapak sutimarojj jach'añchasimaya, janis nanacarojj jach'añchapquita; munasiñam laycu, chekapätam laycuy jach'añchasim. Sacerdotenaca, Tatitur iyawsapjjam: Jupaw yanapistu, arjjataraquistu. Tatitur iyawsirinaca, jupar alcatapjjam: Jupaw yanapistu, arjjataraquistu. Tatitojj jiwasanacat amtasistuwa, asquinac churaraquistani, Israel marcarojj asquinac churani, sacerdotenacarojj asquinac churaraquini. Tatitur iyawsirinacarojj asquinac churani, jisc'arusa, jach'arusa. Tatitojj wawanacamar waljaniptaypan, jumanacarusa, wawanacamarusa. Alajjpach acapach lurir Tatitojj asquinacapay jumanacar churpan. Alajjpachajj Tatitunquiwa, jakerusti orak catuyi. Jiwatanacajj janiw Tatitur jach'añchapcaspati, janiraquiw mankhapachanquirinacas jach'ar aptapcaspati. Jiwasanacasti Tatituruw jach'añchapjjañäni, jichhasa, wiñayasa. ¡Tatitojj jach'añchatäpan! ¿Cunatarac ñankha lurir jakenacast jisqhisipquitani: “Cawquincarac Diosamasti” sasasti? Diosasajj alajjpachanquiwa, cuntejj jupajj munqui uc luri.

Tatitusti qhitirutï munasqui ucarojj chekachiwa, cunjämatejj mä awquejj munat wawaparojj chekachqui uqhama.

Diosaw khant'ayistu, imaraquistu; jupaw qhuyapayasiñampi, aytat cancañamp churi. Jan camscay asqui jaquir jakenacarojj, Tatitojj munasiwa, jach'aruw apti, asquinacap churaraqui.

Tatituw juman imirimajja, jupaw juman jac'amancasqui.

Tatitojj qhuyapayasiñamp asqui cancañampipuniw irpi, arusjäwipamp arsutanacapamp imir jakenacarojja.

Tatitojj llaquimp aynacht'atanacan jac'apancasquiwa, jupanacar khespiyañataqui, aynacht'at chuymanacap waytañataqui.

Juparaquiw take llaquinacapatjja khespiyi. Janiw jupan mä qhitanitapati khespiyquejja; jan ucasti quipca Tatituw khespiyi. Qhuyapayasiñap laycu, munasiñap laycuraquiw jupajj khespiyi, jupaw wayti, amparat caturaqui. Uqhampunwa luri.

Diosajj Israel marcataquejj munasiñaniwa, k'oma chuyman jakenacataquis munasiñaniraquiwa.

Uca suyt'añ churiri Diosajja, cusisiñampi, sumancañampi jumanacar phokhantpan juparu iyawsapjjatam laycu, uqhamat uca suyt'añanjja phokt'atäpjjañamataqui Kollan Ajayun ch'amap toke.

Tatitojj munasiriwa, qhuyapayasiriraquiwa, k'apisiñapajj c'achhaquiwa, munasiñapasti jilarquiriwa.

Takpach chuymajjampiw Tatitur jach'añchä, takpach chuymajjampiw kollan sutip jach'ar aptä. Janiw jucha luratasarjam t'akhesiyquistuti, janiraquiw juchanacasatjam mutuyquistuti; camisatejj alajjpachajj oraket jayanquejja, uqhämaw munasiñapajj arquirinacapataquejja; camisatejj inti jalsut inti jalantcam wali jayajja, uqhäm jiwasanacat juchanacas jayarst'ayistu. Cunjämatejj mä awquejj wawanacapat qhuyapayasquejja, uqhamaw Tatitojj iyawsirinacapat qhuyapayasi; jupajj jiwasanacan lak'ätas yati, ñek'it luratäpjjatas yatiraqui. Jaken jacañapajj korar uñtataquiw uñsti, pankarar uñtataquiw pankarsu: ch'aman thayamp jalarayatajj chhaktjjewa, janiraquiw qhitis mayamp uñjcjjeti. Tatitur wakaychirinacataquisti munasiñapajj wiñayawa, asqui cancañapajj allchhin allchhipataquis utjascaquiwa: arust'äwiparjam sarnakerinacataqui, arsutanacaparjam phokherinacataqui. Tatitojj alajjpachan reyi konuñap utt'ayasi, ch'aman cancañapajj alajjpach acapach apnake. Takpach chuymajjampiw Tatitur jach'añchä, janiw qhuyapayasiñapat armascäti. Tatitur jach'añchapjjam: angelanacapa, arsutanacap phokherinaca, arupar janc'ac jaysirinaca. Tatitun alajjpach tamanacapa, jupar jach'añchapjjam, munañap phokher loktirinacapa, jach'ar aptapjjam. Takpach luratanacapa, Tatitur jach'añchapjjam, jupan apnakat orakpachan jach'ar aptapjjam. ¡Takpach chuymajjampiw Tatitur jach'añchä! Tatituw takpach juchanacajjat pampachitu, jupaw take usunacajjat c'umarachitu; jupaw amay imäwit khespiyitu, juparaquiw munasiñamp qhuyapayasiñamp phokt'itu; Tatituw asquinacamp cusisiyitu, pacar uñtat machakar tucuyaraquitu.

Nayajj waynäyätwa, jichhasti niyaw ch'ama karitäjjta: janipuniw asqui jaker apanucut uñjcti, janiraquiw wawanacapar mayjasirs uñjcti.

Tatitur wakaychirinacataquisti munasiñapajj wiñayawa, asqui cancañapajj allchhin allchhipataquis utjascaquiwa: arust'äwiparjam sarnakerinacataqui, arsutanacaparjam phokherinacataqui.

Tatiturojj qhuyapayasiñapat yuspagarapjjam, jakenacatac muspharcañanac luratapata. Umat pharjatanacaruw um churi, mank'at awtjatanacarusti jilarquir mank'a churaraqui.

Jupaw chuyma usuchjatanacarojj waliptayi, chhojjrinacap c'umaracharaqui.

Tatay, jumar wakaychirinacataquejj jach'a munasiñ imaraptajja, jumar maqhatirinacarusti taken uñjcañaw qhuyapayasiñam uñachaytajja; naya tokeruy jinchum alcatanita, janc'aquiy nayar khespiyirejj jutita, nayan imantasiñ karkajjaruy tucum, khespiyasiñ utajjaruy tucuraquim, jupanacamp chic utjatam laycuw ñankha luririnacan jan wali amtäwinacapat khespiytajja; timanacapamp jan tokeyañataquisti utamaruw jupanac imanttajja.

Mä pobre jaker mayt'irejj Tatituruw mayt'asqui, ucatsti Tatit pachpawa uca manjja phokjjani.

jupaw amay imäwit khespiyitu, juparaquiw munasiñamp qhuyapayasiñamp phokt'itu;

k'apisiñapajj mä juc'ataquiquiwa, munasiñapasti wiñayataquiwa; jayp'u tokerutejj jachañajj puristanejja, willjta tokerojj cusisiñaw utj- jjestani.

Arsutamarjamay ch'am churita, uqhämat nayajj jacä; janiquiy inamay suyayistati.

Arsutanacam phokhañataquiw jalascta, chuymajjar cusisiñamp phokt'atam laycu.

jan amuyt'asirïtajj laycojj chhojjrinacajjajj ñusantasquiwa, thujsantascaraquiwa,

chekpachansa Tatitun sumätapa yatipjjsta ucqhajja.

Uqhamatwa jumanacajj alajjpachanquir Awquiman wawanacapäpjjätajja. Jupasti takenitaquiw intsa jalsuyani, uqhamarac asqui jakenacataquisa, jan asqui jakenacataquisa jallsa puriyaniraqui.

Tatitojj jach'añchatäpan, jupajj llaquisiñ urunacajjanjja, munasiñapampiw muspharcañanac lurarapitu.

Alajjpachanquir Diosar yuspagarapjjam, qhuyapayasiñapajj wiñayawa.

Colerasiñajjanjja mä juc'ataquiquiw jumatjja imantastjja, ucampisa wiñay munasiñampiw jumatjja qhuyapayasta.” Khespiyiri Tatitumajja uqham siwa.

Tatay, aca uywatamarojj asquinacpun churtajja, arsutanacamarjamaw uñjtajja.

Diosar k'ochupjjam, sutipar jach'añchapjjam, kenay patan sarnakerir jach'añchapjjam. Tatitump cusisipjjam, nayrakatapan c'uchirasipjjam.

Ucampis Kollan Ajayun luräwipajja acanacawa: munasiña, cusisiña, samaraña, llamp'u chuymanïña, takempis sumancaña, qhuyapayasirïña, take cunansa phokherïña,

Ucapachasti Diosajj churaniwa sapa maynirus luräwiparjama. Diosajj wiñay jacañwa churani take qhitinacatejj Diosan marcapa, cheka cancañampi jan inact'as thakerinacarojja.

Nayajj Dios sapanac samarañ jicjjatta, suyt'añajjajj jupat juti.

Diosajj jupanacan janchïpjjatap amtasïna, jan cutjtir samanar uñtatäpjjatap amuyaraquïna.

Nayranacamajj lurat janchejj uñjäna; ucanacasti takpachaw kellkatamar kellkantasïna. Jacañ urunacajjajj suma jaqhutänwa, nayrïr uru janïr purinquipana.

Arunacamarojj munastwa, arunacamampejj cusisitaw uñjasta.

Jupanacan amuyt'anacapajj ch'amact'atawa, nayasti yatichäwimampiw cusista.

Jumaw amparam lokatattajja, take jaquirinacarusti asquinac jilarquir churtajja.

Diosan thaquipajj chekapawa, Tatitun arsutanacapajj take chuymamp iyawscayawa, Diosajj jupar take chuymamp alcatirinacarojj imascapuniwa.

Tatay, qhuyapayasiñamat wiñayapuniw k'ochü, juman asquïtamat jan karjasisaw yatiyä. jumaw lamar kotanquir ajjsarcañ animalar t'unjtajja, ch'aman amparamampiw timanacamarojj ananuctajja. Alajjpachas acapachas jumanquiwa, jumaw acapach lurtajja, takpach oraken utjirinacs luraractajja. Jumaw amsta toksa, aynach toksa lurtajja, Tabor kollump Hermón kollumpejj cusisitaw sutim jach'añchapjje. Amparamajj take ch'amaniwa; ch'eka amparamajj jan atipcayawa, cupi amparamasti wali ch'amaniwa. Chekapar uñjañampi, asqui cancañampiw reyi konuñamarojj thurjjäsiyi, munasiñamp, cheka cancañampiw jumar jicjjatirejj jutapjje. Tatay, jumar cusisiñamp yupaychir marcajj cusisiñaniwa: khanamamp khant'ayat sarnaker marcajj cusisiñaniwa, juman sutim laycuw sapür cusisiñanïpjje, juman asqui cancañam laycuw cusisipjje. Jumaw ch'amapätajja, aytat cancañapätasa, qhuyapayasiñam laycuw ch'amanacajjajj jiljjati. Jiwasanacan arjjatirisajj Tatituwa, Reyisasti Israel marcan Kollanapawa. Nayra pachanjja, uñstäwi tokew parläyätajja, iyawsirinacamarusti aqham säyätawa: “Marcajj taypit jan ajjsarir chacharuw ajllista, juparuw jach'ar aptta, yanaparacta. Wiñay munasiñamat arsü; arsutam phokherïtamat yatiyä, alajjpachjam jan mayjt'irïtamat parlaraquï.

Uñisirinacajjan uñjcañaw mank'añ waquicharapista, k'apquir kollampiw p'ekejjat jawintista, vasojjasti phokharasquiwa.

Tatituw asqui jaken jacañ urunacap imasqui, catokäwipasti wiñayataquïniwa; pisi maranacan janiw pist'ayasipcaniti, mach'a pachansti jilarquir mank'añanïpjjaniwa.

Khapak marcamajj wiñay khapak marcawa, khapak apnakäwimajj wiñay apnakäwiraquiwa. Tatitojj arsutanacap phokheriwa, take luräwinacapan munasiñaniwa.

Tatay, jumaw iyawsir jakerojj asquinac churtajja, qhuyapayasiñamajj jarc'akasiñar uñtataw muyuntasqui.

Asquïpjjamaya, cunjämatejj alajjpachanquir Awquimajj asquïqui uqhama.

¡Tatitojj jach'añchatäpan! Tatitur yuspagarapjjam, munasiñanïtap laycu, qhuyapayasiñapajj wiñayawa.

Jakenacarusa, uywanacarus mank'añ chuririru: qhuyapayasiñapajj wiñayawa.

T'akhesiyat jakenacaruw chekapar uñji, mank'at awtjatanacaruw mank'añ churaraqui. Tatituw catuntat jakenacarojj antutnucuyi.

Cuntejj Diosajj lurqui ucajj asquiraquiwa, take ucanacsti catokañasawa Diosar yuspagarasina,

Tatitur wakaychirinacataquisti munasiñapajj wiñayawa, asqui cancañapajj allchhin allchhipataquis utjascaquiwa:

Nayajj Tatituruw munasta, mayisitajjar ist'atap laycu;

Tatituw nayarojj asquinacamp phokhantitani: Tatay, qhuyapayasiñamajj wiñayawa, amparamamp luratanacarojj janiquiy armanucumti.

Jumajj pobrenacan arjjatiripätam laycu, qhititejj aynacht'atäqui ucarus arjjataractawa, jan walt'añanjja jumaw arjjattajja lupinsa jumaw ch'iwiñcht'aractajja. Khoru jakenacan samananacapasti thaya horasan jach'a thayar uñtatawa,

Sapa cuti jumanacat amtasta ucqhajja Diosaruw yuspagarta.

Chekapar uñjañamajj wiñay asquiwa, yatichäwimasti chekaparaquiwa.

Tatitojj jupar munirinacarojj imiwa, ñankha luririnacarusti t'unjiwa.

Tatay, acapachajj munasiñamamp phokhantatawa; leyinacamay yatichita.

Tatay, munasiñamajj alajjpachcamaw puri, asqui cancañamasti alajjpachcamaw jict'asi, chekapar uñjañ cancañamajj jach'a kollunacjamawa, arsutanacamasti jach'a lamar umanacjamawa. Tatay, jumaw jakenacarusa, animalanacarus uñjasctajja.

Uqhamanwa yattanjja, iyawsaractan Diosajj jiwasanacar munatapa. Diosajj munasiñawa; qhititejj munasiñan jacqui ucajja Diosanwa jaqui, Diosasti jupanaraqui.

¿Cun sañänisa take acanacarojja? Diosatejj jiwasampïchejja, ¿qhitirac jiwas conträspasti?

Tatitusti iyawsirinacaparojj sum uñjasqui, qhuyapayasiñap suyt'irinacarojj imasquiwa, jiwan amparapat jupanacar khespiyañataqui, mach'a pachanacan chuymachañataqui.

Diosasti asquiwa, janiw armascaniti cuntejj lurapcta, uqhamarac munasiñanacamsa uñacht'ayapjjaracta Diosanquir jilatanacar yanapt'asina ucanacatjja. Jichhacamas ucjj lurasipcactawa.

Ñankha lurir jakenacajj llaquinacampiw t'akhesipjjani; Tatitur iyawsir jakenacarusti qhuyapayasiñapaw muyunti.

Tatitun muspharcayätap yatta, jupajj take diosanacat sipan ch'amaniwa.

Diosajjay, Tatitojjay, takpach chuymajjampiw yupaychäma, sutimarusti wiñayataquiw jach'añchä.

“Mayipjjam, Diosajj churapjjätamwa; thakapjjam, jicjjatapjjaraquïtawa; puncsa lekt'apjjam, jist'aratäpjjaraquïtawa.

Umjamaw jachajj nayranacajjat warasi, yatichäwiman jan yäkatätap laycu.

Diosajj jach'añchatäpan, mayisitajjarojj janiw inar tucuyquiti, janiraquiw munasiñaps jithektayquituti.

Tatitojj llamp'u chuymaniwa, asquiraquiwa, Diosasajj qhuyapayasiriwa;

Jan wali thaquit jithektayita, munañaman asquip yatichita.

Jucha luratarojja munasiñampi, cheka cancañampiwa pampachi; Tatitur ajjsaratap laycuwa maynejja jan walita jithekti.

Tatitun muspharcañ luratanacapat amtasï, nayra pachanacan luratanacapata, take luratanacapat lup'isï, muspharcañ luratanacapata.

Tatay, niy lanctasiñampïscäyät ucapachaw, qhuyapayasiñamajj yanapt'itu. Llaquinacajjajj walipun yapjjatascän ucapachaw chuymachäwimampejj cusisiyista.

Uqhamajja asqui lurañanjja janiw karjasiñasäquiti, janitejj karjtcañäni ucajja, horasaparuw cosechjja apthapiñäni.

Nayasti, Tatay, jumaruw take chuymamp alcatsma: “Jumaw nayan Diosajjätajja” saracsmawa. Jacañajjajj amparamanquiwa: nayar arcnaker timanacajjat khespiyita;

Juman ch'amam catokerinacajj cusisiñanïpjjewa, kollumcam puriñ munirinacajj cusisiñanïpjjewa.

Chica arumaw jumar yuspagarañatac uñatatta, arunacamat jumar yuspagarañataqui.

Tatiturojj siwa: “Jumätaw imantasiñajjajja, jarc'akasiñajjasa, Diosajjay, jumaruw takpach chuymamp alcatsma” sasa.

Cunjämatejj mä awatirejj ovejanacap ant'ata jutejja, uqhamaraquiw jupajj juti, amparapar ovejanac icht'ata, ichjjarusiwa ovejanacaparojja, uqha wawachat ovej kallunacarusti sum uñjaraqui.

Dios Tatay, muspharcañ luratanacamajj waljawa, nanacat qhuyapayasitamas waljaraquiwa: janiw qhitis jumjamajj utjquiti. Ucanacjjat yatiyañ yant'ta, arsuñ yant'aracta, nayataquisti janiw jact'añjamäquiti.

Tatitojj chekaparuw uñji, t'akhesir jakenacaruw arjjati;

Kollan templom uñcatataw quillt'asï, munasiñamampita, cheka cancañamampit sutimar yuspagarä: sutimarusa, arunacamarus take cunjjaruw jilancaytajja.

Kamirinacajj jan cunaniruw tucupjje, mank'at t'akhesipjjaraqui, Tatitur thakerinacasti janiw cunats t'akhesipcaniti.

Niyapuniw aca oraket chhaktayatajj uñjasta, nayasti janiw arunacamat armascti.

Asqui jakejj sapüruw qhuyapayasi, mayt'araqui, allchhinacapasti asqui catokäwïcaspas uqhamawa.

Muspharcañ khapak cancañamat jupanacarojj yatiyasini, nayasti muspharcañ luratanacamat parlaraquï. Ajjsarcay ch'aman luratanacamat yatiyasini, nayasti jach'a luräwinacamat parlaraquï. Jach'a qhuyapayasiñamat amtasaw yatiyapjjani, juman asqui cancañamat jach'at jallallapjjani.

Tatitun nayrakatapan amuct'am; jupan yanapap llamp'u chuymamp suyam, ñankha lurir jaken atipjatapat jan k'apisimti; ñankhanac amtir jakets janirac mayjt'asimti.

Uca urunsti saraquïtawa: “Yuspagarsmaw Tatay, nayataquejj coleratäcchiyäta ucasa, jichhajj colerasiñamajj tucusjjewa, ucatsti sumancañracwa nayarojj churjjesta.

Iyawsäwi laycu Dios nayrakatan asquit uñt'atäjjatasatwa Diosampi sumancañajj utjistu Jesucristo Tatitusana. Diosan uñisiripäcasinsa Dios quipcaw sumancthapiyistu jupan Wawapan jiwatap toke, ucataracwa jichhajj uca Wawapan jacäwip toke khespiyatäñäni, jupampi sumancthapitas laycu. Janiw ucaquïcaraquiti jan ucasti Diosancjjasinjja cusisiractanwa Jesucristo toke, Tatit Jesucristos tokew Diosampejj sumancthapitäjjtanjja. Cunjämatejj mä sapa jake toke juchajj aca oraker mantanquejja, ucat jiwajj uca jucha laycurac utjejja, uqhamaraquiw jiwajj take jakerojj catuntawayi juchachasitap laycu. Janïr ley utjquipanwa aca orakenjja juchajj utj-jjäna, cawqhantejj jan leyejj utjquejja janiraquiw juchajj amtatäquiti. Ucampis Adanan urunacapat Moisesan urunacapcamajja, jiwañajj ch'amanïnwa juchachasirinacataquejja, jupanacajj janis Adanjama juch lurapcchïna ucasa. Adanasti chekpachansa mä uñacht'äwiquïnwa qhititejj jutañapäcän ucatjja. Ucampis Adanan juchapjja janiw cuntejj Diosajj churquistu ucampejj mayachcsnati. Mä jaken juchar puritap laycojja walja jakenacaw jiwari. Ucampis Diosajj ina ch'usataqui khespiyasiña churquistu mä jake Jesucristo toke ucasti, chekpachansa juc'amp jach'awa, uqhamarac walja jakenacatac asquiraquiwa. Mä sapa jaken jucha luratapajja janiw Diosan jiwasar khespiyasiñ churquistu ucampejj uñtascaspati. Juchañchatäñasti mä sapa jucha laycuw utji, ucampis khespiyasiñjja Diosajj ina ch'usatacwa jakenacarojj churi, uca jakenacajj walja juchanïscpasaya. Jiwañatejj mä sapa jaken jucha luratap laycu mantanchïnjja, ucat juc'ampiwa machak jacañanjja munañanïpjjani, qhitinacarutejj Diosajj ina ch'usataqui catokqui Jesucristo laycu ucanacajja. Cunjämatejj Adanan juchap laycuqui juchañchatäñajj take jaketaqui utjejja, uca quipcaraquiw Diosan asqui munasiñapajj Jesucristo toke khespiyasiñajj jakenacataquejj utjaraqui. Cunjämatejj mayni jaken juchañchasitap laycuqui waljani juchararäpjjejja, uqhamaraquiw mayni sapa jaken ist'asiri tucutap laycojj waljaniraqui Dios nayrakatanjja asquit catokatänejja. Cristo tokeraquiw jiwasanacajj Diosarojj jac'achastanjja, iyawsäwi laycu jupat bendiciona catokañataqui. Uca bendicionansti takeniw ch'amani sayt'atätanjja, Diosan marcaparu mantañataqui suyt'äwinsti cusisitätanwa.

Tatay, qhuyapayasiñamajj nanacjjar purinpan, camisatejj jumat suyapcsma uqhämarjama.

Jïsa, Tatitojj jach'a luräwinac lurarapistu, jiwasanacasti wali cusisitäpjjäyätanwa.

¡Tatitur ajjsart'ir jake, cusisiñanïtawa, Tatitur jaysir jake, cusisiñanïtawa. Ch'ama tucutamatjam mank'asïta, cusisitaw utjasïta, take cunas waliquiw sararapïtam.

Tatituw marcaparojj ch'am churi, jupaw marcaparojj sumancañ churi.

Jumasti, Tatay, jac'ancasctawa, takpach arsutanacamajj chekpachapuniwa.

Diosajj janiw Wawaparus perdonquiti, ucatpï Wawaparojj jiwañaru catuyejja jiwasanacan juchanacas laycu. Uqhamasti ¿janiquit take cuns churquistani Wawapamp chicjja?

Dios Tatay, jumaruw art'asinsma, jumasti waliptayistawa.

Diosajjay, munasiñam laycuy qhuyapt'ayasita, qhuyapayasirïtam laycuy juchanacajjat pampachita.