Mateo 5:48 - Qullan Arunaca

⁴⁸ Asquïpjjamaya, cunjämatejj alajjpachanquir Awquimajj asquïqui uqhama.

Aymar Bibliia 1986

⁴⁸ Asquïpjjamaya, cunjämatejj alajjpachanquir Awquimajj asquïqui uqhama.

Qullan Arunaka DC

⁴⁸ Jumanakax askïpxam, kunjämatix alaxpachankir Awkimax askïki ukhama.

Mateo 5:48 Jak'a apnaqawi uñst'ayäwi

Génesis 17:1

Cunapachatejj Abramajj llätunc tunca llätuncani maranëjjan ucqhaw Tatitojj jupar uñstäna, ucatsti saraquïnwa: —Nayätwa take ch'amani Diosajja; jumasti nayan nayrakatajjanjja cheka asqui sarnakam,

2 Samuel 22:31

“Diosan thaquipajj chekapawa, Tatitun arsutanacapajj take chuymamp iyawscayawa, ¡Diosajj jupar take chuymamp alcatirinacarojj imascapuniwa!

Salmos 37:37

Asqui jaker uñtam, suma jaker uñjam: jutir jacañapajj sumancañ jacañäniwa;

Levítico 11:44

nayätwa jumanacan Tatitu Diosamajja. Jumanacasti k'omachasipjjañamawa, ucatsti kollanäpjjañamaraquiwa, nayasti kollanätwa uca laycu. Cawquïri animalanacatejj orakenjam katatnaktqui ucanacampisti janipuni k'añuchasipjjamti.

Levítico 19:2

“Israelita jakenacarusti aqham saraquim: Jumanacasti kollanäpjjam, naya Tatitu Diosamasti kollanätwa.

Levítico 20:26

Jumanacajj nayataquejj yakhachatäpjjañanacamapuniwa, naya jumanacan Tatitu Diosamasti jumanacataquejj yakhachatätwa, ucampisa yakha marcanacat sipansa yakhachapjjaracsmawa, jumanacajj nayancapjjañanacamataqui.

Mateo 5:16

Uqhamaraqui jumanacan khanamajj jakenacataquejj khant'aracpan. Uqham suma wali luräwinacam uñjasa jumanacan Dios Awquimaru yupaychapjjañapataqui.

Mateo 5:45

Uqhamatwa jumanacajj alajjpachanquir Awquiman wawanacapäpjjätajja. Jupasti takenitaquiw intsa jalsuyani, uqhamarac asqui jakenacataquisa, jan asqui jakenacataquisa jallsa puriyaniraqui.

Mateo 5:47

Uqhamaraqui jilanacamaruquitejj aruntasipcsta ucajja, ¿cuna suma asquirac lurapjjta? Diosar jan uñt'iris ucjja luraraquiwa.

Lucas 6:36

Jumanacasti qhuyapayasirïpjjamaya, cunjämtï Awquimajj qhuyapayasirïqui uqhama.

Lucas 6:40

Janiw qhiti yatekeris yatichiripatjja juc'ampïquiti, yatekañ tucuyjjaspa ucqhasa yatichiripjamaraquïspawa.

2 Corintios 13:11

Jichhajj jilatanaca, cusisitäpjjapunim. Jacañanacamansti chekapapunïpjjam, chuymachasipjjaraquim, sumanaraqui jumanaccamajj jacapjjam. Samarañ churir munasir Diosaw jumanacampïscanejja.

2 Corintios 13:9

Ucataracwa cunapachatï t'uqhäpjjta ucqhajj cusisipjjtjja, jumanacaqui ch'amanïsipcamjja; nanacasti Tatitutjja mayisipcaquïwa jumanacajj chekapar tucupjjañamataquipuni.

2 Corintios 7:1

Uqhamapï munat jilatanaca, Diosan take aca arsutanacapajj jiwasataquiwa. Ucatpï take cunatejj k'añuchquistaspa ucatjja jithektañasajja, ucatsti k'oma sarnakañasawa janchisansa, uqhamaraqui ajayusansa. Diosar ajjsarasaraquiw juparojj take catuyasjjañasajja.

Efesios 3:1

Ucatpï naya Pablojj Cristo Jesús laycu preso catutätjja jumanacataqui jan judiöpctas ucanacatac asqui.

Deuteronomio 18:13

Jumanacasti Tatitu Diosampejj cheka chuymampipun sarnakapjjam.

Deuteronomio 27:10

Uqhamasti jumanacajj jaysapjjam, camachi arunacaparjama, leyinacaparjama sarnakasa.”

Colosenses 1:28

Nanacajj Cristo Tatitjjatwa parlapjjtjja. Takeniruraquiw ewjjt'apjjta yatichapjjaracta sum amuyt'apjjañapataqui, uqhamata takenis suma jiltatäñapataqui Tatitumpi mayaquïñapanjja.

Colosenses 4:12

Epafras jilatasti Criston sirviripawa, jumanaca taypit misturiraquiquiwa, jupasti jumanacarojj aruntanipjjaractamwa. Jupasti jumanacataquejj walipuniw Diosatjj mayisqui jumanacan sum sayt'asipjjañamataqui, uqhamarac Diosan munañap lurañaru suma catuyatäpjjañamataqui.

Santiago 1:4

Ucampisa munapjjamaya ch'amacht'asitanacamasti suma asqui tucuñapataqui, uqhamata jumanacajj suma jiltatäpjjañamataqui, janiraqui cunas pist'añapataqui.

1 Juan 3:3

Take qhititejj acanac Jesucristotjja suyt'qui ucajja, jupa pachpawa k'omachasi cunjämatejj Tatit Jesucristojj k'omäqui uqhama.