Mateo 7:11 - Qullan Arunaca

¹¹ Jumanacajj uqham jan walïcasinsa, sumäquis ucwa wawanacamarojj churapjjtajja. ¡Alajjpachanquir Awquimasti ucatsa juc'ampiwa qhitinacatejj jupar mayqui ucanacar sumanaca churañataquejja!

Aymar Bibliia 1986

¹¹ Jumanacajj uqham jan walïcasinsa, sumäquis ucwa wawanacamarojj churapjjtajja. ¡Alajjpachanquir Awquimasti ucatsa juc'ampiwa qhitinacatejj jupar mayqui ucanacar sumanaca churañataquejja!

Qullan Arunaka DC

¹¹ Jumanakatix, jan wali jaqïkasin, sumäkis uk wawanakamar churapxstaxa, ¡alaxpachankir Awkimasti, khitinakatix jupar mayki ukanakarux juk'amp sumanak churarakinixa!

Mateo 7:11 Jak'a apnaqawi uñst'ayäwi

Génesis 6:5

Cunapachatejj Tatitojj jakenacan sinti jan walinaca lurapjjatap uñjän ucqhajja, uqhamaraqui jakejj ñankha lurañacpuni amtascatapatjja,

Génesis 8:21

Cunapachatejj Tatituru ucqha suma k'aphejj purïna ucqhajj Tatitojj aqham sänwa: “Janipuniw mayampsa aca orakerojj maldiscjjäti jaken juchap laycojja, jakesti waynatpacha ñankha lurañacpunwa amtasquejja. Janiraquiw animalanacarojj mayampsa tucj-jjäti, cunjämtejj jichhajj lurcta uqhama.

2 Samuel 7:19

¡Take ucanacasti jumataquejj janiw cunäquisa, Tatitu, aca sirviriman, uqhamarac wawanacajjan apnakañapajj cunjamäcanitï acat kheparojja uca tokenacatsa khanañcharactawa! ¡Janiw qhiti jakesa jumjamajj lurquiti, Tatitu!

Job 15:16

¡jakejj ucanacat sipansa juc'ampi ñusantatawa, jisc'achcañaraquiwa, ucatsti jan umaña k'añu umar uñtatawa!

Salmos 84:11

Diosaw khant'ayistu, imaraquistu; jupaw qhuyapayasiñampi, aytat cancañamp churi. Jan camscay asqui jaquir jakenacarojj, Tatitojj munasiwa, jach'aruw apti, asquinacap churaraqui.

Salmos 85:12

Tatit pachpaw jall apayanini, orakesasti sum achuraquini.

Salmos 86:15

Jumasti, Tatay, qhuyapayasir Diosätawa, llamp'u chuymani, munasiñani, asqui Diosätawa.

Salmos 86:5

Tatay, jumajj munasiñanïtawa, juch pampachiriraquïtawa, jumar art'asirinacataquejj qhuyapayasirïtawa.

Isaías 49:15

Ucampis: “¿Mä taycajj wawanacaparojj armasiti, munasiñaps janiraquich churqui? Inas uca taycajj armaschispa, ucampis nayajj janipuniw armascäti.

Isaías 63:7

Nayajj Tatitun munasiñapatwa parlañ munta, yupaychaña k'ochunacap k'ochuña, take cuntejj jupajj jiwasanacatac lurqui ucanacata, Israelan wawanacapataquejj qhuyapayasiñapajj jach'ätapata, cuntejj qhuyapayasiñapanjja lurqui, uqhamaraqui jach'a munasiñapansa, take ucanacata.

Jeremías 17:9

“Jaken chuymapjama ñankha, c'arintirejj janiw utjquiti. ¿Qhitisa jaken chuymapjja sum uñjaspa?

Jeremías 33:14

Tatitojj siwa: “Mä uruw purinini, cunapachatejj take bendicionanac Judá marcaru uqhamaraqui Israelaru churañataqui arscäyäta uca urojja.

Oseas 14:2

Tatitur cuttanjjapjjam, aqham mayt'asisa: “Perdonapjjet take ñankha luratanacajjata, suma chuymampirac catokapjjeta, nanacan jumaru yupaychatanacajj-jja.

Miqueas 7:18

“Janiw yakha Diosajj jumjam utjquiti, jumasti pampachtawa ñankha luratanacapjja, juma contra sayt'asitanacapsa armaractawa, qhitinacatï marcamatjja jilt'apqui uca juc'aniru. Jumaw munasiñamjja uñacht'ayapjjesta, colerasiñamsti janiraquiw wiñayatac catjjäsctati.

Malaquías 1:6

Take ch'aman Diosasti sacerdotenacarojj aqham siwa: “Wawanacasti awquinacaparojj munapjjewa, uqhamaraqui uywatanacas uywirinacaparojj munapjjaraquiwa. Ucampisa nayatejj jumanacan awquinacamästa, ucapachasti ¿cunatarac jan nayarusti munapjjesta? Nayatejj jumanacan uywirimästa ucqhasti, ¿cunatarac jan nayarusti ajjsarañampi uñjapjjesta? Jumanacasti jisc'achapjjestawa, ucatsti sasipcactawa: ‘¿Cunanarac nanacasti jumarojj jisc'achapjjsma?’ sasa.

Mateo 23:9

Janiraqui qhitirus ‘awqui’ sapjjamti acapachanjja, maya sapaquiw Awquisajj taketaquis utji; jupasti alajjpachanquiwa.

Mateo 7:10

¿Jan ucajj cunapachatejj wawapajj chawlla mayi ucqhajj awquipasti mä asiru churaspati?

Juan 3:16

“Diosajj acapachar wal munatap laycuw mä sapa Yokapar qhitani, take qhitinacatejj jupar iyawsapqui ucanacajj jan chhakañapataqui, jan ucasti wiñay jacañanïñapataqui.

Romanos 3:19

Yatiractanwa, leyejj qhitinacatejj uca leyincapqui ucanacaruw parli, takpachani amuquïpjjañapataqui, uqhamat take jaquir jakenacajj Diosan maldicionapar puriñapataqui.

Romanos 3:9

¿Cunaraquisti? Jiwasa judionacasti jupanacat sipansa ¿juc'ampi sumäpjjtanti? Janiw cunjämatsa, niyaqui khanañchtanjja judionacasa jan judionacasa, juchancapjjatapa.

Romanos 8:32

Diosajj janiw Wawaparus perdonquiti, ucatpï Wawaparojj jiwañaru catuyejja jiwasanacan juchanacas laycu. Uqhamasti ¿janiquit take cuns churquistani Wawapamp chicjja?

Gálatas 3:22

Ucampis cunjämtejj Kellkatanjja sisqui: “Takeniw juchampi preso catutäpjje” sasa, ucajj uqhamawa qhitinacatejj iyawsapqui ucanacajj Jesucristo toke catokapjjañapataqui iyawsatap laycu, cuntejj Diosajj arsuwaycäna uqhamarjama.

Santiago 1:17

Take cunatejj asquïqui uqhamarac chekäqui ucajj alajjpachatwa juti, qhititejj alajjpach khananac lurqui uca Diosawa churistu. Diosajj pachpaquipunïsquiwa, janiraquiw jupanjja sarir ch'iwir uñtatas utjquiti.

1 Juan 3:1

Yatipjjam Dios Awquejj kawksa munasistu wawanacapat uñt'atäñasataqui, jïsa wawanacapapunïsctanwa. Ucatpï Diosar jan iyawsirinacajj jan uñt'quistutejja, Diosar jan uñt'apjjatap laycu.

1 Juan 4:10

Aqhamanquiw munasiñajja: janiw jiwasanacati Diosar munapcäyätanjja, jan ucasti jupaw munistu Wawap qhitanisina juchanacasat khespiyañataqui.