Mateo 7:11 - Qullan Arunaka DC

¹¹ Jumanakatix, jan wali jaqïkasin, sumäkis uk wawanakamar churapxstaxa, ¡alaxpachankir Awkimasti, khitinakatix jupar mayki ukanakarux juk'amp sumanak churarakinixa!

Aymar Bibliia 1986

¹¹ Jumanacajj uqham jan walïcasinsa, sumäquis ucwa wawanacamarojj churapjjtajja. ¡Alajjpachanquir Awquimasti ucatsa juc'ampiwa qhitinacatejj jupar mayqui ucanacar sumanaca churañataquejja!

Qullan Arunaca

¹¹ Jumanacajj uqham jan walïcasinsa, sumäquis ucwa wawanacamarojj churapjjtajja. ¡Alajjpachanquir Awquimasti ucatsa juc'ampiwa qhitinacatejj jupar mayqui ucanacar sumanaca churañataquejja!

Mateo 7:11 Jak'a apnaqawi uñst'ayäwi

Génesis 6:5

Tatitux jaqinakan sinti jan walinak lurapxatap uñjäna, jaqin ñanqha lurañakpuni amtaskatapa,

Génesis 8:21

Kunapachatix uka suma q'aphix Tatitun ukar purïna ukkhasti, Tatitux akham sänwa: “Janipuniw mayampsa aka uraqirux jaqin jucha luratap laykux ñanqhachkxäti, jaqix waynatpacha ñanqha lurañak amtaski. Janirakiw animalanakarus mayampsa tukjkxäti, kunjämtix jichhax lurktxa ukhama.

2 Samuel 7:19

¡Dios Tatay, taqi ukanakax jumatak juk'akïkaspa ukham aka luqtirimarux wawanakaxan apnaqäwipax akat qhipar kunjamäkanitix uka tuqinakat qhanañcharaktaxa! ¡Dios Tatay, ukhamaw juman amtäwimax taqi jaqitaki!

Job 15:16

¡jaqix ukanakat sipan jan walinak lurañ yatintatawa, jisk'achkañarakiwa, ñanqha lurañatakix umatsa pharjayaskaspa ukhamawa!

Salmos 84:11

11 (12) Diosaw qhan churistu, imarakistu; jan kamskay askin jakirinakarux, jupaw khuyapayasiñampi, aytat kankañampi churi, Tatitux taqi kun churi.

Salmos 85:12

12 (13) Tatit pachpaw jallu apayanini, uraqisasti sum achurakini.

Salmos 86:15

Jumasti, Tatay, khuyapayasir Diosätawa, llamp'u chuymani, munasiñani, aski Diosätawa.

Salmos 86:5

Tatay, jumax munasiñanïtawa, juch pampachirirakïtawa; jumar art'asirinakatakix munasirïtawa.

Isaías 49:15

Ukampisa: ¿Mä taykax wawanakapat armasispati, jan ukax, munasiñap janirakich churkaspa? Inas uka taykax armaschispa, ukampis nayax janipuniw armaskämati.

Isaías 63:7

Nayax Tatitun munasiñapat parlañ munta, yupaychañ q'uchunakap q'uchuña, taqi kuntix jupax jiwasanakatak lurki ukanaka, Israelan wawanakapatak khuyapayasiñapan jach'ätapata, kuntix khuyapayasiñapana, jach'a munasiñapansa lurki taqi ukanakata.

Jeremías 17:9

“Jaqin chuymapjam ñanqha, sallqjirix janiw utjkiti. ¿Khitis ukan ukhamätap amuyt'aspa?

Jeremías 33:14

Tatitux siwa: “Kuna suma waxt'asïwinaktix Judá markaru, Israel markarus churañ arskäyäta uka urux purininiwa.

Oseas 14:2

2 (3) Tatitur kuttanxapxam, akham mayt'asisa: “Taqi ñanqha luratanakaxat pampacht'apxita, nanakan jumar yupaychatanakaxsa, suma chuymampirak katuqt'apxita.

Miqueas 7:18

Janiw yaqha Diosax jumjam utjkiti, khitinakatix markamat jilt'apki uka juk'aniruxa, ñanqha luratanakap jumax pampachtawa, jumataki sayt'asitanakapsa armaraktawa. Juman munasiñaman jach'ätap layku, q'apisiñamsa janirakiw wiñayatak katxäsktati.

Malaquías 1:6

Taqi ch'aman Tatitux sacerdotenakar akham siwa: “Wawanakax awkinakapar waqaychapxiwa, uywatanakas uywirinakaparux yäqapxarakiwa. Nayatix jumanakan awkimästa ukasti ¿kunatarak nayar jan waqaychapxistasti? Nayatix jumanakan uywirimästa ukasti, ¿kunatarak nayar jan yäqapxistasti? Jumanakax nayar jisk'achapxistawa, yatkasas sasipkakistawa: ‘¿Kun lurasarak nanakasti jumar jisk'achapxsmasti?’ sasa.

Mateo 23:9

Janirak akapachan khitirus ‘awki’ sapxamti, jumanakan mä sapa Awkikiw utji; jupasti alaxpachankiwa.

Mateo 7:10

¿Jan ukax wawapan chawlla mayipan mä asiru churiristi?

Juan 3:16

Diosax akapachar wal munatap laykuw mä sapa Yuqapar khithani, taqi khitinakatix jupar iyawsapkani ukanakan jan chhaqhañapataki, jan ukasti wiñay jakañanïñapataki.

Romanos 3:19

Kuntix kamachix siski uk yatipxtanwa, khitinakatix kamachirjama sarnaqapki ukanakaruw parli, taqin amukt'apxañapataki, taqi akapachankirinakax Diosan taripäwipar puriñapataki;

Romanos 3:9

¿Kamsarakiñänisti? ¿Jiwas judionakasti mayninakat sipan juk'ampi askïpxtanti? ¡Janiw kunäkipansa! Niy qhanak sistanxa, judionakas jan judionakas taqiniw juchankapxi,

Romanos 8:32

Diosasti pachpa Wawaparuw taqi jiwasanak laykux jiwar katuyi, ukhamasti, ¿kamisarak Wawapamp chika kunsa jan churkistaspasti?

Gálatas 3:22

Qillqatan siski ukarjamax, taqiniw juchan katuntat jakapxi, ukax ukhamaw khitinakatix Jesucristor iyawsapki jupanakan, Diosan arsutap katuqapxañapataki.

Santiago 1:17

Kunatix askïki, chiqäki ukax alaxpachankir Diosat juti, jupax alaxpachankir warawaranak lurawayi. Diosax pachpakïskiwa, jupansti janiw mayjt'añasa, ch'amakt'añas utjkiti.

1 Juan 3:1

Uñjapxam, Dios Awkix walpun munasistu, Diosan wawanakapaw satäñasatakixa, jïsa, wawanakapapunïsktanwa. Ukatpï Diosar jan iyawsirinakax jan uñt'kistutixa, jupanakan Diosar jan uñt'apxatap layku.

1 Juan 4:10

Munasiñax akan uñsti: janiw jiwasanakat Diosarux munapkäyätan, jan ukasti jupaw jiwasanakar munistu, ukat Wawap khithani, juchanakas layku jakañap luqtasiri.