Mateo 7:7 - Qullan Arunaca

⁷ “Mayipjjam, Diosajj churapjjätamwa; thakapjjam, jicjjatapjjaraquïtawa; puncsa lekt'apjjam, jist'aratäpjjaraquïtawa.

Aymar Bibliia 1986

⁷ “Mayipjjam, Diosajj churapjjätamwa; thakapjjam, jicjjatapjjaraquïtawa; puncsa lekt'apjjam, jist'aratäpjjaraquïtawa.

Qullan Arunaka DC

⁷ “Mayipxam, Diosax churapxätamwa; thaqhapxam, jikxatapxätawa; punku liqt'apxam, jist'aratäpxätawa.

Mateo 7:7 Jak'a apnaqawi uñst'ayäwi

Génesis 26:32

Uca pachpa ururaquiw Isaacan sirvirinacapajj jutapjjäna: “Uma jicjjatapjjta cawqhantejj phuch'u allisipcäyät ucqhanjja” sasa.

1 Reyes 3:5

Mä arumasti Gabaón chekanjja, Tatituw samcana Salomonaru uñstäna, aqham sasa: “Mayita cuntï jumajj muncta uca, nayasti churämawa” —sasa.

Salmos 10:17

Tatay, jumaw jan yäkat jakenacan mayisitap ist'asctajja, jumaw chuymachasctajja, ch'amañchascaractajja.

Salmos 10:4

Ñankha lurir jakejj, jan p'enkanpachaw arsu: “Janiw Diosajj utjquiti, janiw qhitis luratajjat camsquitaniti” sasa. Uqhamac jupajj amuyi.

Salmos 119:12

Tatay, jumajj kollanätawa; leyinacamay yatichita.

Salmos 27:8

Chuymajjajj situwa: “Tatitun ajanup thakam.” Nayasti, Tatay, ajanum thakta.

Salmos 34:4

Tatituruw nayajj art'asta, jupasti take llaquinacat irpsutu;

Salmos 37:4

Tatiturojj suma chuymamp munasim, jupasti chuyma mankheman mayisitamarjamaw churätam.

Salmos 50:15

llaquincasin jawsanita; nayajj khespiyämawa, jumasti jach'aruw aptitäta” sasa.

Salmos 69:32

Uc uñjasajj llaquitanacajj cusisipjjaniwa, Diosar thakerinacan chuymanacapasti ch'amañchasiniwa.

Salmos 70:4

Jumar thakerinacasti cusisipjjpan, jumamp chic c'uchirasipjjpan; khespiyäwim thakerinacajj wiñayapun arsupjjpan: “Diosajj jach'a ch'amaniwa” sasa.

Salmos 86:5

Tatay, jumajj munasiñanïtawa, juch pampachiriraquïtawa, jumar art'asirinacataquejj qhuyapayasirïtawa.

Proverbios 8:17

Nayasti muntwa qhitinacatejj munapquitu ucanacaru, qhitinacatejj thakapquitani ucanacasti jicjjatapjjetaniwa.

Cantar de los cantares 3:2

Ucatsti sartasinjja marcpachwa muytanta, callenacana, uqhamarac plazanacana, nayan ancha munatajjaru thakasajja. Thaktwa, ucampis juparojj janiw jicjjatcti.

Isaías 30:19

Jerusalenan jaquir Sión marca, jan juc'ampi jachcjjapjjamti. Tatituw jumatjja qhuyapt'ayasïtam yanap mayisisa arnakasitamata, ist'asinsti jaysaraquïtamwa.

Jeremías 33:3

Nayar art'asita, nayasti ist'araquïmawa, ucatsti cunanactejj jumajj jan yatcta, uñjcaracta ucanacwa uñacht'ayaraquïma.

Amós 5:4

Aqham siw Tatit Diosajj israelitanacarojja: “Nayaru thakapjjeta, ucatsti jacasipcätawa.

Mateo 18:19

“Sapjjaracsmawa, paninitejj acapachan mä sapa amtañampi mä cunsa oracionan mayinejja, alajjpachanquir Awquejjajj churaniniwa.

Mateo 21:22

Take cuntejj oracionan mayipjjasma, ucat iyawsapjjaraquisma ucajja catokapjjasmawa.

Mateo 6:33

Uqhamasti, nayrakatajj Diosan reinopa munapjjam, uqhamarac cunatejj chekäqui jupan nayrakatapanjja ucanaca, ucatsti take aca yänacajja jumanacarojj churataquïpjjätawa.

Mateo 7:11

Jumanacajj uqham jan walïcasinsa, sumäquis ucwa wawanacamarojj churapjjtajja. ¡Alajjpachanquir Awquimasti ucatsa juc'ampiwa qhitinacatejj jupar mayqui ucanacar sumanaca churañataquejja!

Mateo 7:8

Mayirejja catokewa, thakheristi jicjjataraquiwa, puncu lekt'irirusti jist'arataraquiwa.

Marcos 11:24

Ucatpï sapjjsmajja, take cuntejj Diosat iyawsañampi mayipjjätajja catokapcasma uqhamjja, ucajj uqhamäniwa.

Lucas 13:25

Utanisti sartasin punc jist'antipanjja, jumanaca ankanquirinacajj punc lekt'apjjäta: ‘Tata, jist'art'apjjeta’ sasa. Ucampis jupajj sapjjätamwa: ‘Janiw uñt'apcsmati cawquinquirïsipcstajja’ sasa.

Lucas 18:1

Jesusasti mä uñtasïwi tokew yatichäna, jan mayjt'asis oración lurañataqui.

Juan 15:16

Janiw jumanacati nayar ajllipquista, jan ucasti nayaw jumanacar ajllipjjsma sarapjjañamataqui, uqhamaraqui walja achupjjañamataqui, uca achusti acht'añapataquiraqui. Uqhamatwa cuntejj nayan sutejjar mayipcäta ucjja Awquejj churapjjätam.

Juan 15:7

“Jumanacatejj nayampi mayaquïsipcätajja, janirac yatichäwinacajj armapcäta ucajja, mayipjjam cuntejj munapcäta uca, ucatsti churatäpjjätawa.

Juan 4:10

Ucjjarusti Jesusajj saraquïnwa: —Cuntejj Diosajj churqui uctejj yatismajja, uqhamarac qhititejj um mayctam uc yatiraquisma ucajja, jumaw nayarojj um mayitasmajja, nayasti jacquir umwa churaraquirisma —sasa.

Romanos 2:7

Diosajj wiñay jacañwa churani take qhitinacatejj Diosan marcapa, cheka cancañampi jan inact'as thakerinacarojja.

Romanos 3:11

Janiw utjquiti mayni amuyt'irisa. Janiraquiw maynis Diosar thakerejj utjcaraquiti.

Hebreos 11:6

Janiw Diosarojj jan iyawsañampejj cunapachas cusisiycsnati, jupar jac'achasiñataquejja maynejj iyawsañapawa Diosajj utjatapa, uqhamaraqui jupar thakerinacarojj bendicirïtapa.

Santiago 5:15

Cunapachatejj jupanacajj iyawsañampi orapjjanejja, uca usutajj khespitäjjaniwa. Tatitusti juparojj sartayjjaraquiniwa, juchanïchi ucqhasti perdonataraquïniwa.

1 Juan 3:22

jupasti churistaniwa take cuntejj mayiñäni uca, camachinacapar jaysatas laycu, luräwinacasamp cusisiyatas laycuraqui.