Mateo 7:6 - Qullan Arunaca

⁶ “Janiraqui kollanäquis uca yänacjja anunacarojj churapjjamti, ucatarac uca anunacasti jumanacar cutcatapjjeristam jisc'a jisc'a tucjañataqui. Janiraqui perlanacamsa qhuchinacarojj warjjaruyapjjamti, taquisipjjañapataqui.

Aymar Bibliia 1986

⁶ “Janiraqui kollanäquis uca yänacjja anunacarojj churapjjamti, ucatarac uca anunacasti jumanacar cutcatapjjeristam jisc'a jisc'a tucjañataqui. Janiraqui perlanacamsa qhuchinacarojj warjjaruyapjjamti, taquisipjjañapataqui.

Qullan Arunaka DC

⁶ “Qullanäki uka yänak jan anunakar churapxamti, ukatarak uka anunakasti jumanakar kutkatasin achjasipkiristam. Janirak munat suma yänakamsa khuchhinakar warxaruyapxamti, khuchhinakasti taksupxaspawa.

Mateo 7:6 Jak'a apnaqawi uñst'ayäwi

Proverbios 11:22

Jan amuyt'ani warmejj jiwaquïcchisa, cunjämatï mä qhuchhejj nasapana kori anillompi uchatäcaspa uqhamaquiwa.

Proverbios 23:9

Jan amuyt'an jakerojj jan parlamti, ch'iqhi arunacamatjja jupajj sawcasïtamwa.

Proverbios 26:11

Cunjämatï mä anojj wak'aksutaparu cuttasejja, uqhamawa jan amuyt'an jakejj jan wali luräwinacaparu cuttasiraqui.

Proverbios 26:4

Jan amuyt'an jakerojj jan arjjayamti, jupjama jan tucuñamataqui.

Mateo 15:26

Ucjjarojj Jesusajj saraquïnwa: —Janiw walïquiti wawanacat t'ant'a apakasin ankanquir anunacar churañajja —sasa.

Mateo 24:10

Uca urunacansti waljaniraquiw nayar iyawsatanacapjja chhaktayasipjjani, jupanac puraraquiw maynis mayni contra catuntayasipjjani, uñisisipjjaraquini.

Mateo 7:5

¡C'ari chuyman jake!, nayrakat uca thuru lawa nayramancquis uc apsusim, ucatwa jumajj sum uñjasma uca jisc'a k'añojj jilaman nayrapan utjquis uc apsuñataquejja.

2 Corintios 11:26

Walja cutiw sarañanacancta, ucatsti walja cutiraquiw jawiranacampis niya apayasta, lunthatanac toketsa ajjsarañajjajj utjaraquïnwa, pachpa marca masinacajjatsa uqhamarac jaya jakenac toketsa. Walja cutiw marcanacan jan walt'añanacan uñjasta, uqhamaraqui wasaranacansa, kotansa; ajjsarañajjasti janiraquiw jayanccänti c'ari jilatanac taypinsa.

Filipenses 3:2

Amuyasipjjam qhitinacatejj anunacjam sarnakapqui ucanacata, jan walinac lurapquis ucanacatsa; amuyasipjjam circuncisionan janchi qharekapqui ucanacata.

Hebreos 10:29

Uqhamajj ¿cunja jach'a mutuñsa catokañapäni qhitinacatejj Diosan Yokaparu, uqhamarac wilaparus jisc'achapjje, munasir Diosan Ajayuparus jisc'achapjje ucanacajja? Uca wilaw arust'äwi cheka tucuyejja, ucampiraquiw jupanacajj Diosatac yakhachatäpjje.

Hebreos 6:6

jupanacatejj Tatitut jithektapjjaspa ucapachajja, janiw jupanacar wasitat cutiquipstayancsnati, jupanacpachaw Diosan Yokaparojj ch'accatasipqui, jakenacan larusiñapataquiw uchapjjaraqui.

2 Pedro 2:22

Ucampis ucanacampejj cunatejj sisqui ucaw phokhasisqui ucatsti siwa: “Anojj wak'sutaparuw cutjjatasjje, ucqha jarekat qhuchisti wasitatwa ñek'eru sunt'sjjaraqui” sasa.

Apocalipsis 22:15

Ucampis ankaruw kheparapjjani jan wali sarnakerinacasa laykasirinacasa, wachoka juchan sarnakerinacasa, jake jiwayirinacasa, yakha diosanacar yupaychirinacasa, uqhamarac take sallkjirinacasa.