Éxodo 34:6 - Qullan Arunaca

⁶ Tatitusti Moisesan nayrakatapanjja jach'atwa aqham sas art'asïna: —¡Dios Tatitusti, wiñay jaquiriwa, uqhamarac qhuyapayasiriraqui. Janiw janc'aqui colerasirïquiti, jan ucasti jach'a munasiriwa, uqhamarac chekaraqui!

Aymar Bibliia 1986

⁶ Tatitusti Moisesan nayrakatapanjja jach'atwa aqham sas art'asïna: —¡Dios Tatitusti, wiñay jaquiriwa, uqhamarac qhuyapayasiriraqui. Janiw janc'aqui colerasirïquiti, jan ucasti jach'a munasiriwa, uqhamarac chekaraqui!

Qullan Arunaka DC

⁶ Tatitusti Moisesan nayraqatap sarakipasin jach'at säna: —¡Tatituwa! ¡Tatituwa! ¡Munasiri, khuyapayasir Diosawa. Janiw jank'ak q'apisirïkiti, jach'a munasiriwa, chiqarakiwa!

Éxodo 34:6 Jak'a apnaqawi uñst'ayäwi

Génesis 24:27

saraquïnwa: “¡Kollanäpan Abraham uywirejjan Diosapajja, jupajj chekapapuniwa, qhuyapayasiriraquiwa Abraham uywirejjataquejja, thaquinsa juparaquiw irpasinquitu, uywirejjan familianacapan utapar puriñajjcama!” sasa.

2 Samuel 24:14

Davidasti Gad profetarojj saraquïnwa: —Janiw cun lurt'irjamäctsa. Jichhajj waliquïspaw Tatitun amparaparu catuyasjjañasajja, qhuyapayasiñapasti wali jach'awa, janiw waquisquiti jakenacan amparanacaparu jalt'añasajja —sasa.

1 Reyes 19:11

Ucatsti Tatitojj sänwa: “Ankar mistunim, ucatsti nayan nayrakatajjanraqui sayt'asiraquim, kollu patjjana” sasa. Uca horasanwa Tatitojj pasawayi, ucatjja mä jach'a wali ch'amani thayawa kolljja allinucuraqui, uqhamarac Tatitun nayrakatapana karkanacjja jaljtayaraqui; ucampis Tatitojj janiw uca thayanccänti. Uca thayjjarusti mä orake qhathatiraquiw utjaraquïna; ucampis Tatitojj janiw uca orake qhathatinccänti.

1 Reyes 8:30

Ist'itaya mayisitanacajjaru, uqhamarac Israel marcamarusa cunapachatejj aca chekana oración lurapcan ucqhasa. Jumajj ist'amaya alajjpachatpacha cawqhantejj jactajja ucqhatpacha ucatsti perdonanipjjeta.

2 Crónicas 30:9

Jumanacatejj Tatitun ucar cutt'anjjapjjäta ucajja, uñisirinacamajja jilanacamaru, wawanacamaru preso catupqui ucanacajja, jupanacatjja qhuyapt'ayasiniwa, ucatsti antutanjjapjjaniwa aca orakeru cutt'aniñapataqui, jumanacan Tatit Diosamasti qhuyapayasirïtap laycu, janiw jumanacarojj apanucupcätamti jumanacatejj jupan ucar cutt'anipjjäta ucajja” sasa.

Nehemías 9:17

Janiw jupanacajj ist'aña munapcänti, ni cuna jach'a luräwinactejj jupanac laycu lurcta ucsa amtañ munapcänti. Jupanacajj chuymanacapa kalarayasisajja mä jilïrwa ajllisipjjäna Egiptoru wastatampi esclavöñaru irpañapataqui. Ucampis jumajj juchanac pampachasiri Diosätawa, mä suma qhuyapayasiriraqui, c'achaquiraqui colerasiñataqui, uqhamarac wali munasiriraqui, ucatjja janiw jaytanucctati jupanacarojja.

Salmos 108:4

Munasiñamajj alajjpachat juc'amp jach'awa, asqui cancañamajj alajjpachcamaw puri.

Salmos 111:4

amtascay muspharcañanac jupajj luri. Tatitojj munasiñaniwa, qhuyapayasiriraquiwa:

Salmos 111:8

wiñayatac suma utt'ayatawa, chekapampi, asqui cancañamp luratawa.

Salmos 112:4

Qhuyapayasiñan asqui jakejj, ch'amacan khantir khanjamaw c'ajti.

Salmos 116:5

Tatitojj llamp'u chuymaniwa, asquiraquiwa, Diosasajj qhuyapayasiriwa;

Salmos 138:2

Kollan templom uñcatataw quillt'asï, munasiñamampita, cheka cancañamampit sutimar yuspagarä: sutimarusa, arunacamarus take cunjjaruw jilancaytajja.

Salmos 145:8

Tatitojj munasiriwa, qhuyapayasiriraquiwa, k'apisiñapajj c'achhaquiwa, munasiñapasti jilarquiriwa.

Salmos 146:6

Jupaw alajjpach acapach luri, lamar kotarusa, take ucan utjirinacarusa. Jupajj arsutap phokhapuniwa.

Salmos 31:19

Tatay, jumar wakaychirinacataquejj jach'a munasiñ imaraptajja, jumar maqhatirinacarusti taken uñjcañaw qhuyapayasiñam uñachaytajja;

Salmos 57:10

Munasiñamajj alajjpachat juc'amp jach'awa; asqui cancañamajj alajjpachcamaw puri.

Salmos 86:15

Jumasti, Tatay, qhuyapayasir Diosätawa, llamp'u chuymani, munasiñani, asqui Diosätawa.

Salmos 86:5

Tatay, jumajj munasiñanïtawa, juch pampachiriraquïtawa, jumar art'asirinacataquejj qhuyapayasirïtawa.

Salmos 91:4

chhekhanacapampiw imjjatätam, chhekhanacap mankhäjjan imantasïta. Amparapajj jarc'acasiñar uñtataw imätam.

Éxodo 20:5

Janiwa uca diosanac nayrakatan alt'asïtati, janiraquiw yupaychätasa, naya sapaquïtwa jumana Tatitu Diosamajja, janiw muncti yakhanacampïpjjañama, nayaraquiwa mutuyaracta awquinacan juchanacapatsa, uqhamarac cunapachatejj nayar uñisipquitu ucqhajja wawanacarusa, allchhinacarusa, allchhinacan wawanacaparusa.

Éxodo 22:27

Uca isipaquiw utji thayata jarct'asiñataquejja. Jan cutt'ayancasma ucajja, ¿cunampis iquispajja? Ucat jupatejj nayaru arnakasitaspa ucajja ist'iristwa arnakasitanacapjja, nayasti qhuyapayasirïtwa.

Éxodo 33:19

Ucat Tatitojj saraquïnwa: —Nayasti jumansa uñjcatawa qhuyapayäjja, uqhamarac sutejjsa juman ist'cataraquiw arsuraquëjja. Nayajja qhuyapt'ayäwa qhitirutejj muncta ucaru, uqhamarac yanaparaquïwa qhitirutejj muncta ucaru.

Proverbios 3:3

Janipuni cunapachas armasimti munasiñampita cheka cancañampita; ucanacsti mä collarjama cuncamar warcuntasim. Chuymamarusti ucanacjja sum imaraquim,

Eclesiastés 8:11

Jan wali luratanacapata jan jucha uñt'ayatajja, jakenacarojj jan walinaca luraña juc'amp yatichi.

Isaías 12:4

ucatsti sapjjaraquïtawa: “Tatitur yuspagarapjjam, jupar art'asipjjaraquim, marcanacarusti yatiyapjjaraquim cuntejj jupajj lurqui ucanaca, amtayapjjaraquim jupajj take cunjjancatapa.

Isaías 65:16

Qhititejj aca marcan mä bendición mayiñ munanejja, chekpacha asqui Diosaruw mayiraquini; aca marcan mä juramento luriristi, cheka asqui Diosan sutipjjaruw luraraquini. Nayra t'akhesïwinacasti armatäjjewa, nayrakatajjatsti chhaktjjaraquiwa.

Jeremías 32:18

Jumasti jakenacarojj qhuyapayasiñamjja wawanacapan wawanacaparuraquiw uñacht'aytajja, uqhamaraquiwa jakenacarus mutuyaractawa awquinacapan juchanacapatjja. ¡Jach'a ch'amani Dios, sutimajj Take Ch'amani Dios satawa!

Jeremías 9:24

Maynitejj jach'a jach'a tucuñ munchejja, nayar uñt'atapat jach'a jach'a tucpan, nayan Tatitütajj yatitapata, aca oraken munasiñampi, asquiru, chekaparuraqui luratajjata, ucaraquiw nayatacjamajja. Naya Tatituw ucjja arsta.”

Lamentaciones 3:23

Sapärmanthiw machakar tucuraqui, ¡cunja jach'as Tatitun chekapätapajja!

Joel 2:13

¡Jumanacasti Tatitu Diosamar cuttjjapjjam, isinacama ch'iyanokcamayjja, chuymanacamaya ch'iyanokapjjamjja! Tatitojj munasiriwa, qhuyapayasiriraquiwa, paciencia chuymaniwa, munasiñapas jach'araquiwa; cuna mutuyäwetejj utjqui ucsa, jiwasatjja jayar apanucjjañataquisa.

Jonás 4:2

Ucatsti, oracionapanjja Tatitumpiw parläna aqham sasa: — Uñtam, Tata, nayajj cunapachatï orakejjancascäyäta ucqhajj aqham pasañapjja yatipuniyätwa. Ucatwa Tarsis marcaru jaltjjayätjja, ucampis nayajj yattwa jumajj qhuyapayasiri Diosätama, janirac janc'a colerasirïtamsa, wali munasiñanïtam laycojja; mä mutuyäwi apayaniñataquisa yatiycta ucasa amthapisjjtawa uca mutuyäwejj jan lurasjjañapataqui.

Miqueas 7:18

“Janiw yakha Diosajj jumjam utjquiti, jumasti pampachtawa ñankha luratanacapjja, juma contra sayt'asitanacapsa armaractawa, qhitinacatï marcamatjja jilt'apqui uca juc'aniru. Jumaw munasiñamjja uñacht'ayapjjesta, colerasiñamsti janiraquiw wiñayatac catjjäsctati.

Miqueas 7:20

¡Tata munasiñamampi, cheka cancañamampjja janiquiy armasimti, Abraham, Jacob uca nayra awquinacajjaru arscäyätas ucanacjja!”

Nahúm 1:3

Dios Tatitojj wali llamp'u chuymaniwa, ucampis wali ch'amaniraquiwa, juchanirusti juchapjja uñt'asiyapuniniwa. Tatitojj jach'a ajjsarcañ thayanac patan sarnake, kenayanacasti cayunacapan polvonacapawa.

Números 12:8

Jupampisti ajanuy ajanuwa parlapjjtjja, khana arunacampi. Jupasti ajanuy ajanuw uñjitu, ¿cunatarac jumanacasti jupjjata jan wali arunac parlapjjtasti?” sasa.

Juan 1:17

Moisés tokew leyejj churatäna, ucampis munasiñajj uqhamarac cheka arunacas Jesucristo tokew juti.

Romanos 2:4

¿Jan ucajj Diosan munasiñapjja, jan tucusquir llamp'usiñapsa janich yäkcta? Chekpachansa uca Diosan llamp'u tucutapajja juman take ucanac arrepientisisa apanucuñamataquiwa.

Deuteronomio 32:3

“Diosan sutipwa khanañchä: ¡Uñt'apjjam Diosasan jach'a cancañapjja!

Deuteronomio 4:31

Diosasti suma chuymanïtap laycojj janiw jaytanucupcätamti ni t'unjapcätamsa, janiraquiw armascaniti cawquïri arust'äwirutï awquinacamampi mantawayqui ucanacsa, ni arupampi arsuwayqui ucanac phokhañsa.

Deuteronomio 5:10

Ucatsti waranka warankanacaruw munasiñampi uñjaracta, qhitinacatejj nayaru munapquitu, camachi arunacajjsa phokhapcaraqui ucanacarojja.

Santiago 5:11

Jiwasasti: “Cusisiñaniwa” sistanwa qhitinacatejj t'akhesipqui ucanacarojja. Jumanacajj Job chachan llamp'u chuymanïtapatjja ist'apjjtawa, yatipjjaractawa cunjämsa Tatitojj tucuyarojj jupampi lurcatayna ucjja. Tatitojj wali munasiriwa qhuyapayasiriraquiwa.