Éxodo 34:6 - Qullan Arunaka DC

⁶ Tatitusti Moisesan nayraqatap sarakipasin jach'at säna: —¡Tatituwa! ¡Tatituwa! ¡Munasiri, khuyapayasir Diosawa. Janiw jank'ak q'apisirïkiti, jach'a munasiriwa, chiqarakiwa!

Aymar Bibliia 1986

⁶ Tatitusti Moisesan nayrakatapanjja jach'atwa aqham sas art'asïna: —¡Dios Tatitusti, wiñay jaquiriwa, uqhamarac qhuyapayasiriraqui. Janiw janc'aqui colerasirïquiti, jan ucasti jach'a munasiriwa, uqhamarac chekaraqui!

Qullan Arunaca

⁶ Tatitusti Moisesan nayrakatapanjja jach'atwa aqham sas art'asïna: —¡Dios Tatitusti, wiñay jaquiriwa, uqhamarac qhuyapayasiriraqui. Janiw janc'aqui colerasirïquiti, jan ucasti jach'a munasiriwa, uqhamarac chekaraqui!

Éxodo 34:6 Jak'a apnaqawi uñst'ayäwi

Génesis 24:27

sarakïnwa: “¡Abraham uywirixan Tatit Diosapax jach'añchatäpan, jupax Abraham uywirixar munasiñapsa khuyapayasiñapsa uñacht'ayapuniwa, nayarusti juparakiw thakhin irpasinkitu, uywirixan wila masinakapan utapkama!” sasa.

2 Samuel 24:14

Davidasti ukxaruw Gad profetar sarakïna: —¡Nayatakix wali ch'amaw uka kimsat may ajlliñaxa! Ukampis Tatitux khuyapayasiriwa, ukhamasti jupakiy kunjämarutix munki ukhamarjam mutuyitpan. Janiw uñisirinakaxan t'aqhisiyat uñjasiñ munkti —sasa.

1 Reyes 19:11

Ukat Tatitux jupar säna: “Anqar mistunim, ukatsti qullu patxan nayraqataxan sayt'asim” sasa. Ukapachaw Tatitux uka chiqa sarakipawayäna, ukatsti mä jach'a wali ch'aman thayaw qullu allinuküna, qarqanaksti Tatitun nayraqatapan jaljtayarakïna; ukampis Tatitux janiw uka thayankkänti. Uka thaya qhipatsti mä uraqi khathatiw utjarakïna; ukampis Tatitux janiw uka uraqi khathatinkkänti.

1 Reyes 8:30

Kunapachatix Jerusalén markat jayan jikxatasipkä, ukatsti utam tuqi uñtat mayisipkä ukapachax, nayan achikt'asitanakaxsa, Israel markaman achikt'asitanakapsa ist'akimaya. Jumax alaxpachatpach ist'am, kawkhantix jaktaxa ukkhatpacha, ukatsti pampachapxarakita.

2 Crónicas 30:9

Jumanakatix Tatitur kutt'anxapxäta ukaxa, uñisirinakamax jilanakamaru, wawanakamaru katuntat apapki ukanakax, jupanakat khuyapt'ayasiniwa, ukatsti aka uraqir kuttaniñapatakiw antutanxapxani, jumanakan Tatit Diosamasti khuyapayasiriwa, munasirirakiwa, jumanakatix jupan ukar kutt'anipxäta ukax, janiw jupax apanukupkätamti” sasa.

Nehemías 9:17

Kuna jach'a luräwinaktix jupanak layku lurkta uk janiw jupanakax ist'añ munapkänti, janirakiw amtañsa munapkänti. Jupanakax chuymanakap qalarayasisax mä jilïri ajllisipxäna, Egiptor wasitatampi t'aqhisiyatäñaru irpañapataki. Ukampis jumax pampachasir Tatitütawa, munasiri, khuyapayasir Tatitütawa, llamp'u chuymanïtawa, janiw jank'ak phiñasktati, munasiñamax jach'awa, ukat jupanakar jan jaytanukktati.

Salmos 108:4

4 (5) Munasiñamax alaxpachat juk'amp jach'awa. ¡Aski kankañamax alaxpachkamaw puri!

Salmos 111:4

Amtaskay muspharkañanak jupax luri. Tatitux munasiñaniwa, khuyapayasiriwa;

Salmos 111:8

wiñayatak suma utt'ayatawa, chiqapampi, aski kankañampi luratawa.

Salmos 112:4

Khuyapayasiñan aski jaqix, ch'amakan qhantir qhanjamaw k'ajti.

Salmos 116:5

Tatitux llamp'u chuymaniwa, askirakiwa; Diosasax munasiriwa.

Salmos 138:2

Qullan utam uñtataw killt'asï, munasiñamampita, chiqa kankañamampit yuspagarañataki, sutimarusa, arunakamarus taqi kunxaruw jilankaytaxa.

Salmos 145:8

Tatitux suma jaqiwa, khuyapayirirakiwa, q'apisiñapax k'achakiwa, munasiñapasti jilarkiriwa.

Salmos 146:6

Jupaw alaxpacha, akapach luri, lamar qutarusa, taqi ukan utjirinakarusa. Jupax arsutap phuqhapuniwa.

Salmos 31:19

19 (20) ¡Tatay, kunja jach'as munasiñamax jumar waqaychirinakatakixa! Mä qurïkaspas ukham imtaxa, jumar katuyasirinakarusti, taqin uñjkañaw munasiñam lakirpaytaxa.

Salmos 57:10

10 (11) Munasiñamax alaxpachat juk'ampi jach'awa; aski kankañamax alaxpachkamaw puri.

Salmos 86:15

Jumasti, Tatay, khuyapayasir Diosätawa, llamp'u chuymani, munasiñani, aski Diosätawa.

Salmos 86:5

Tatay, jumax munasiñanïtawa, juch pampachirirakïtawa; jumar art'asirinakatakix munasirïtawa.

Salmos 91:4

chhiqhanakapampiw imxatätam, chhiqhanakap manqhäxan imantasïta. ¡Amparapax jark'aqasiñar uñtataw imätam!

Éxodo 20:5

Janiw uka diosanakatak killt'asïtati, janirakiw yupaychätasa, nayaw juman Tatit Diosamätxa, jan yaqhampïñam munir Diosätwa, nayar uñisir awkinakan juchapatxa, nayaw wawanakaparusa, allchhinakaparusa, allchhinakan allchhinakaparus mutuyta;

Éxodo 22:27

27 (26) thayat jarkt'asiñatakix uka isipakiw jupan utji. Jan kutt'ayankasma ukaxa, ¿kuna isimpirak janxatasispasti? Jupax nayaruw art'asinitaspa, nayasti khuyapayasirïtax laykux ist'äwa.

Éxodo 33:19

Ukat Tatitux sarakïna: —Nayax khuyapayasiñaxat uñacht'ayäma, sutixsa juman ist'kañ arsurakï. Khitirutix nayax munkta ukaruw khuyapayä, khitirutix nayax munkta ukaruw yanapt'arakï.

Proverbios 3:3

Janipun kunapachas armasimti munasiñampita, chiqa kankañampita; mä wallqar uñtat kunkamar ukanak warkuntasim. Chuymamar ukanak sum imasirakim,

Eclesiastés 8:11

Juchan jaqirux jan mäki juchap uñt'ayasaxa, juk'amp jucha lurañaruw puriyi.

Isaías 12:4

ukat sapxarakïta: “Tatitur yuspagarapxam, jupar art'asipxam, markanakarusti kuntix jupax lurki ukanak yatiyapxam, jupan aka uraqpachan jilïrïtap amtayapxam.

Isaías 65:16

Khititix aka markan askinak katuqañ munanixa, chiqa aski Tatituruw mayini; aka markan mä juramento luriristi, chiqa aski Diosan sutipxaruw lurani. Nayra t'aqhisïwinakasti armatäxiwa, nayraqataxatsa chhaqtxarakiwa.

Jeremías 32:18

Jumasti jaqinakarux khuyapayasiñam wawanakapan wawanakaparuw uñacht'aytaxa, awkinakapan juchanakapatxa, uka jaqinakarux mutuyaraktawa. ¡Jach'a ch'amani Tatitu, sutimax Taqi Ch'amani Tatitu satawa!

Jeremías 9:24

24 (23) Maynitix jach'a jach'a tukuñ munchixa, nayar uñt'atapat jach'a jach'a tukpan, nayan Tatitütax yatitapata, aka uraqin munasiñampi, askimpi, chiqampi lurataxata, ukham luräwix wal kusisiyitu. Naya, Tatituw uk arsta.”

Lamentaciones 3:23

Sapärmanthiw machaqar tukuraki; ¡kunja jach'as Tatitun chiqapätapaxa!

Joel 2:13

¡Juchanakamat amthapisisax Tatitumar makhatxapxam, isinakam ch'iyanuqkamayaxa, chuymanakamay ch'allxtayasipxam! Tatitux khuyapayasiriwa, llamp'u chuymaniwa, munasiñapas jach'arakiwa; juchanak luratat mutuyañäki uksa, jiwasat apaqirirakiwa.

Jonás 4:2

Ukat Tatiturux mayisïna, akham sasa: —Tatay, markaxankaskäyät ukkhax akhamäñapxa yatipuniyätwa. Ukat Tarsis markar jaltañar uchasta, nayax juman khuyapayasiri, llamp'u chuyman Diosätam yattwa, janiw ukspach phiñasktati; jach'a munasiñanïtam laykux mutuyañatak amtkta uksa, amthapisisax janiw ukham lurkxtati.

Miqueas 7:18

Janiw yaqha Diosax jumjam utjkiti, khitinakatix markamat jilt'apki uka juk'aniruxa, ñanqha luratanakap jumax pampachtawa, jumataki sayt'asitanakapsa armaraktawa. Juman munasiñaman jach'ätap layku, q'apisiñamsa janirakiw wiñayatak katxäsktati.

Miqueas 7:20

¡Tatay, munasiñamampita, chiqa kankañamampit janikiy armasimti, kunjämtix jumax Abraham, Jacob uka nayra awkinakaxaru arskäyätas ukanakxa!

Nahúm 1:3

Dios Tatitux wali llamp'u chuymaniwa, ukampis wali ch'amanirakiwa, juchanirus juchapxa uñt'asiyapuniniwa. Tatitux jach'a axsarkañ thayanak patan sarnaqi, qinayanakasti kayunakapan laq'a sartayatapawa.

Números 12:8

jupampisti ajanuy ajanuw parlta, qhana arunakampiraki. Jupatix ajanuy ajanu uñjchitu ukasti, ¿kunatarak jumanakasti jupar k'umipxtasti?” sasa.

Juan 1:17

kamachix Moisés tuqiw churasïna, ukampis munasiñampi, chiqa kankañampix Jesucristo tuqiw juti.

Romanos 2:4

Jumasti Diosan jan tukuskir munasiñapsa, walikiw sañapsa, llamp'uchasiñapsa janiw yäqktati, munasiñapan jupa tuqir kutikipstatamsa janiw amuyasktati.

Deuteronomio 32:3

“Diosan sutip qhanañchä: ¡Diosasan jach'a kankañap uñt'apxam!

Deuteronomio 4:31

Diosan suma chuymanïtap laykux janiw jaytanukupkätamti, t'unjapkätamsa, janiw awkinakamamp lurat arust'äwit armaskaniti, janirakiw arupampi arsuwayki ukanak phuqhañsa armaskaniti.

Deuteronomio 5:10

ukampisa munasiñampiw uñjarakta, khitinakatix nayar munasipkitu, kamachi arunakaxsa phuqhapkaraki jupanakan waranqa mita wawanakan saraqirinakaparusa.

Santiago 5:11

Jiwasasti khitinakatix t'aqhisipki jupanakarux “kusisiñaniwa” sistanwa. Jumanakax kunjämtix Job chachax t'aqhiskän uk ist'apxtawa, ukatsti kunjämtix Tatitux tukuyar jupampi lurkän uk yatipxaraktawa. Tatitux wali munasiri, khuyapayasiriwa.