Éxodo 34:7 - Qullan Arunaka DC

⁷ Waranqa wawanakan wawanakapatakis pachpa chiqa aski munasiriwa, ñanqha luratanaksa, jan wali amtäwinaksa, juchanaksa pampachiwa; ukampis juchanirux mutuyapuniwa, awkinakan ñanqha luratanakapatxa, wawanakaparu, allchhinakaparu, allchhinakapan wawanakaparu, allchhinakapan allchhinakaparuw mutuyi —sasa.

Aymar Bibliia 1986

⁷ Waranka wawanacaman wawanacapataquisa pachpa cheka asqui munasiriquïscaniwa, uqhamarac perdonaraquiwa jan wali luratanacsa, jan wali amtäwinacsa, take juchanacsa. Ucampis juchanirojj janiw jan mutuyasaqui jaytquiti, jan ucasti awquinacan juchanacapatjja mutuyiwa wawanacaparu, allchhinacaparu, allchhinacapan wawanacaparu, uqhamarac allchhinacapan allchhinacaparusa.

Qullan Arunaca

⁷ Waranka wawanacaman wawanacapataquisa pachpa cheka asqui munasiriquïscaniwa, uqhamarac perdonaraquiwa jan wali luratanacsa, jan wali amtäwinacsa, take juchanacsa. Ucampis juchanirojj janiw jan mutuyasaqui jaytquiti, jan ucasti awquinacan juchanacapatjja mutuyiwa wawanacaparu, allchhinacaparu, allchhinacapan wawanacaparu, uqhamarac allchhinacapan allchhinacaparusa.

Éxodo 34:7 Jak'a apnaqawi uñst'ayäwi

Génesis 19:16

Ukampisa Lot chachax janiw jank'achaskänti, ukat angelanakax juparusa, warmiparusa, pä phuchhaparusa amparat katxarusaw markat waysuwayapxäna. Tatitun khuyapayasiñap laykuw ukham qhispit uñjasipxäna.

1 Reyes 8:30

Kunapachatix Jerusalén markat jayan jikxatasipkä, ukatsti utam tuqi uñtat mayisipkä ukapachax, nayan achikt'asitanakaxsa, Israel markaman achikt'asitanakapsa ist'akimaya. Jumax alaxpachatpach ist'am, kawkhantix jaktaxa ukkhatpacha, ukatsti pampachapxarakita.

1 Reyes 8:32

alaxpachatpach ist'anim, juchañcharakim, uywatanakamarusti chiqapar uñjam. Juchanirusti juchañcham, jan wali luratapat mutuyäwix jupxankañapataki, jan juchanirusti chiqapar uñjarakim, kunjämatix wakt'ki ukhamarjama.

2 Crónicas 30:9

Jumanakatix Tatitur kutt'anxapxäta ukaxa, uñisirinakamax jilanakamaru, wawanakamaru katuntat apapki ukanakax, jupanakat khuyapt'ayasiniwa, ukatsti aka uraqir kuttaniñapatakiw antutanxapxani, jumanakan Tatit Diosamasti khuyapayasiriwa, munasirirakiwa, jumanakatix jupan ukar kutt'anipxäta ukax, janiw jupax apanukupkätamti” sasa.

Nehemías 1:5

Jupar akham sarakta: “Alaxpachankir Dios Tatay, axsarkañ jach'a Diosay, jumar munapktam ukanakarusa, kamachi arunakam phuqhirinakarus janiw armktati, chiqa chuymanïtawa, arust'äwir mantat arumsa phuqtawa;

Nehemías 9:32

“Ukhamasti, nanakan Diosaxay, taqi ch'amani axsarkañ Diosay, sumankäwir mantatamsa, munasiñamsa imtawa, jichhax uñjamaya ukataq jan walt'añanaka jutatapa, reyinakaxarusa, jilïrinakaxarusa, sacerdotenakaxarusa, profetanakaxarusa, nayra awkinakaxarusa, Asiria markan reyinakapan amparapar jalt'apkta ukkhat jichhürkama.

Job 10:14

jucha lurtti, janicha uk uñch'ukisinkistästaxa, juchaxat nayar juchañchañataki.

Salmos 103:3

Tatituw taqpach juchanakaxat pampachitu, jupaw taqi usunakaxat k'umarachitu,

Salmos 109:14

Awkipan ñanqha luratanakap Tatitux amtaspan, taykapan juchapsti janirak pampachpati;

Salmos 130:4

Ukampis jumaw juchanakat pampachapxista, ukhamat jumar waqaychañataki.

Salmos 136:10

Egiptonkirinakan jilïr yuqall wawanakapar jiwarayiriru, munasiñapax wiñayawa.

Salmos 136:15

Mar Rojo qutar Faraonan jaqinakapar jaquntiriru, munasiñapax wiñayawa.

Salmos 25:11

Tatay, juchanakaxax waljapuniwa; sutiman jach'ätap laykuy pampacht'ita.

Salmos 86:15

Jumasti, Tatay, khuyapayasir Diosätawa, llamp'u chuymani, munasiñani, aski Diosätawa.

Salmos 99:8

Tatay, Diosaxay, jupanakarux ist'äyätawa, ñanqha luratanakapat t'aqhisiykchïyät ukasa, jupanakatakix juchat pampachir Diosäyätawa.

Éxodo 23:21

Janiw jupat saraqätati, juparuw jaysäta, janiw jupatak sayt'asïtati, janiw jumanakan juchanakam pampachkaniti, jupax nayan sutixaruw taqi kuns luri.

Éxodo 23:7

“K'ari irkatañanakat jithiqtätawa, jan juchan aski jaqir k'arimp jiwayatäñatak janirak juchañchamti; nayax janiw juchan jaqirux janis juchanïkaspa ukham uñjkäti.

Éxodo 33:19

Ukat Tatitux sarakïna: —Nayax khuyapayasiñaxat uñacht'ayäma, sutixsa juman ist'kañ arsurakï. Khitirutix nayax munkta ukaruw khuyapayä, khitirutix nayax munkta ukaruw yanapt'arakï.

Éxodo 34:9

—¡Tatay! ¡Tatay! Chiqpachapun khuyapayasiñam jikxatsta ukax, nanakamp chikay saram. Chiqpachansa aka jaqinakax jan ist'asirïpxiwa, ukampis nanakan juchanakaxata, jan wali luratanakaxatsa pampachapxitaya, jumatakjam tukt'ayasay katuqt'asxapxita —sasa.

Isaías 45:21

Parlapxam, arsusipxarakim, munapxsta ukapachax jumanakpura jiskt'asipxam: ¿Khitis nayratpacha taqi akanak arsünxa? ¿Khitis nayra urunakatpach yatiyänxa? ¿Janit naya Tatitu ukanak lurktxa? Janiw yaqha Diosax nayat sipan utjkiti. Nayat sipan yaqha atipjiri, qhispiyiri Diosax janiw utjkiti.

Jeremías 30:11

Naya, Tatituw uk arsta, nayaw jumampïskta jumar qhispiyañataki. Kawkïr markanakarutix ananukkäyäsma uka markanaksti t'unjarakïwa. Ukampis jumarux janiw t'unjkämati; jan ukasti juchamatjamak mutuyäma, juchamatsti mutuyapunirakïmawa.”

Jeremías 32:18

Jumasti jaqinakarux khuyapayasiñam wawanakapan wawanakaparuw uñacht'aytaxa, awkinakapan juchanakapatxa, uka jaqinakarux mutuyaraktawa. ¡Jach'a ch'amani Tatitu, sutimax Taqi Ch'amani Tatitu satawa!

Jeremías 9:24

24 (23) Maynitix jach'a jach'a tukuñ munchixa, nayar uñt'atapat jach'a jach'a tukpan, nayan Tatitütax yatitapata, aka uraqin munasiñampi, askimpi, chiqampi lurataxata, ukham luräwix wal kusisiyitu. Naya, Tatituw uk arsta.”

Daniel (hebreo) 9:4

Tatitu Diosaxaruw mayista, juparusti akanak arsusta: “ ‘Tatay, jach'a ch'aman Diosay, arsutanakam phuqhapuntawa, kamachi arunakam phuqhirinakarusa, jumar munirinakarus munasiñam uñacht'ayapuntawa.

Daniel (hebreo) 9:9

Ukampis nanakan Tatituxay, jumankiw khuyapayasiñasa, juchanak pampachañasa. Nanakax nayraqataman jumatakiw sayt'asipxta,

Miqueas 6:11

Sallqjat yänakampiw qamiriptapxtaxa; k'ari tupuñanak apnaqapxtaxa, lunthatat yänakampiw utanakamarus phuqhantapxtaxa.

Miqueas 7:18

Janiw yaqha Diosax jumjam utjkiti, khitinakatix markamat jilt'apki uka juk'aniruxa, ñanqha luratanakap jumax pampachtawa, jumataki sayt'asitanakapsa armaraktawa. Juman munasiñaman jach'ätap layku, q'apisiñamsa janirakiw wiñayatak katxäsktati.

Nahúm 1:6

¿Khitirak q'apisitap nayraqatan sayt'aspasti? ¿Khitirak phiñasitapar qallkataspasti? Q'apisiñapax ninjamaw aqatati, jupa nayraqatansti qarqanakas payaruw ch'iyjtawayi.

Mateo 12:31

“Ukatpï sapxsmaxa, jaqinakan taqi juchanakapsa, jan wali arsutanakapsa Diosax pampachaniwa, ukampis Qullan Ajayur arunakapamp ñanqhachirirux janiw pampachkaniti.

Mateo 6:12

Juchanakaxat pampachapxita, kamisatix nanakax jan wal lurapkitu ukanakarux pampachapkta ukhama.

Lucas 7:42

uka manu jan phuqhirjamäpxipansti, qullqi mayt'ir jaqix panpachaniruw manupat pampachatayna. Jichhax sita, jupanakat ¿kawkïris qullqi mayt'ir jaqirux jil munaspacha? —sasa.

Lucas 7:48

Ukatsti warmirux sänwa: —Juchanakamax pampachatäxiwa —sasa.

Hechos 13:38

Ukhamasti, jilatanaka, yatipxam, Jesús tuqiw jumanakarux juchat pampachäwi utjatap yatiyasi.

Hechos 5:31

Diosaw jach'ar apti, reyi qunuñapan kupïxaparuw qunt'ayasi, jach'a munañan Jilïr Qhispiyirirak tukuyi, Israel markan Diosar kutikipstañapataki, juchanakapat pampachäwi katuqañapatakiraki.

Efesios 1:7

Criston wila wartatap tuqiw juchanakat qhispitäñasa, pampachatäñas utjistu. Diosasti phullch'irkir khuyapayasiñap jiwasatak utjayi, taqi yatiñ kankaña, amuyt'a kankañ jiwasar churasa,

Efesios 4:32

Ukatsipana jumanakax suma chuymanïpxam, maynit maynikam khuyapt'ayasisa, purapat pampachasipxam, kunjämtix Diosax jumanakar Cristo tuqi pampachapktam ukhama.

Deuteronomio 32:35

phuqsusiñ urux purinkani ukkhataki, aynacht'añapax purinkani ukkhataki. ¡Niyaw jak'ankxi jupanakar t'unjañ uruxa, niyaw jak'ankxi mutuyäwipaxa!’ sasa.

Deuteronomio 7:10

Ukampis jupar uñisirinakarux jank'akiw t'unjaraki.

Deuteronomio 7:9

Yatipxam, Tatit Diosax chiqa Diosawa, jupakirakiw arust'äwipsa munasiñampi wawanakapana, wawanakapamp phuqharaki, jupar taqi chuymampi munasirinakaru, kamachi arunakapsa phuqhirinakaru.

Hebreos 12:29

Diosasasti taqi kun nakhantir ninar uñtatawa.

Josué 24:19

Ukampis Josué chachax jupanakarux sänwa: —Jumanakax janjaw Tatitur luqtapkasmati, jupax qullana jan kamskaya Diosawa, janiw jumanakan sayt'asitanakamsa, jucha luratanakamsa inak uñjkaniti.

1 Juan 1:9

ukampis jiwasatix juchanakas arsusiñän ukkhaxa, jupax chiqawa, juchanakas pampachañataki, taqi jan walinakat q'umachañatakis askirakiwa.

Apocalipsis 20:15

khitinakan sutinakapatix wiñay jakañ qillqatan jan qillqatäkän ukanakax, ukar jaquntataw uñjasipxäna.

Apocalipsis 21:8

Ukampis axsaririnaka, jan iyawsirinaka, uñisisirinaka, jaqi jiwayirinaka, wachuqa juchan sarnaqirinaka, layqasirinaka, idolonakar yupaychirinaka, k'arisirinakampisti, azufrempi nakhir nina qutar jaquntataw uñjasipxani, ukasti payïri jiwawa” sasa.