Daniel (hebreo) 2:23 - Qullan Arunaca

²³ Nayra awquinacajjan Diosapa, jumaruw nayajj yuspagarsma, yupaycharacsma, nayaru ch'amani, yatiñani tucuyista ucata; jichhasti khanañcharaquista cuntejj jumaru mayipcsma ucsa; cunatejj reyiru llaquisiycän ucsa yatiyapjjaraquistawa,” sasa.

Aymar Bibliia 1986

²³ Nayra awquinacajjan Diosapa, jumaruw nayajj yuspagarsma, yupaycharacsma, nayaru ch'amani, yatiñani tucuyista ucata; jichhasti khanañcharaquista cuntejj jumaru mayipcsma ucsa; cunatejj reyiru llaquisiycän ucsa yatiyapjjaraquistawa,” sasa.

Qullan Arunaka DC

²³ Nayra awkinakaxan Diosapay, jumaruw nayax yuspagarsma, yupaycharaksma, jumaw yatiñ kankañ churista, ch'am churarakista; jichhasti jumaw mayipksma uk yatiyista: reyir llakisiykän uksa qhanañchapxarakista” sasa.

Daniel (hebreo) 2:23 Jak'a apnaqawi uñst'ayäwi

Génesis 18:17

Ucatsti Tatitojj saraquïnwa: “Abrahamarusti siristwa cuntejj lurcä ucjja,

Génesis 31:42

Janitejj Diosajjajja, Abraham, uqhamarac Isaac awquejjajj yupaychcäna uca Diosajj nayampïcasapäna ucqhajj jumajj jan cunani uqhampachaqui qhitanucutasamänjja. Ucampisa Diosajj t'akhesitajj-jja, uqhamarac irnakatajjsa uñjiwa, ucatwa masayp'ojj uñsttamjja —sasa.

1 Reyes 18:36

Naqhantayas loktañ horasajja, Elías profetajj jac'achasisinjja art'änwa: “¡Tatay, Abrahamana, Isaacana, uqhamarac Israelan Diosapa: uñacht'ayasim jichhüruna jumajj Israelana Diosapätama, nayasti juman sirvirimätajjaraqui, uqhamarac take acanacjja lurctwa juman arumarjama!

1 Reyes 8:57

“Jichhasti Tatitu Diosajj jiwasampïpan, cunjämatï chicäcäna nayra awquinacasampi uqhama. Janipuni apanucustpanti, ni jaytistpansa,

1 Crónicas 29:10

Ucatsti Davidajj take tantachäwi jakenacan nayrakatapanwa Tatiturojj bendicïna, aqham sasa: “¡Israel awquejjana Tatit Diosapa, wiñayataquiw bendicitäyäta!

1 Crónicas 29:13

Ucatwa jichhajja nanacan Diosajja yuspagarapjjsma, uqhamarac jach'a sutimsa yupaychapjjaracsma;

2 Crónicas 20:6

Ucatsti art'änwa: “Nayra awquinacajjan Tatit Diosapa, ¡jumätawa alajjpachanquiri Diosajja, jumaraquiw take marcanacarus apnakasctajja! ¡Juman amparamanquiwa ch'amasa, munañanïñasa, janiw qhitis jumataquejj sayt'asiñapäquiti!

Salmos 21:2

Munataparjamaw phoktajja; mayisitanacaparuw ist'aractajja.

Salmos 21:4

Jupajj jacañ mayisïyätam, jumasti jacañ churtajja, walja maranac jacañampi, jan tucusir jacañamp catuytajja.

Salmos 25:14

Tatitojj arquirinacapampejj sum parlasi; jupanacarusti arusjäwir mantatap uñt'ayi.

Salmos 50:14

Diosar loktañamajj yuspagarañ chuymäpan; Alajjpachanquir Diosar arsutanacam phokham,

Éxodo 3:15

Ucampis Diosajja Moisesarojj sascaquïnwa: —Israelitanacarojja aqham sätawa: ‘Abraham, Isaac, Jacob uca nayra awquinacaman Tatitu Diosapawa nayarojj jumanacan ucaru qhithanitu.’ —Jupajj siwa: —Acawa nayan wiñayatac amtasiña sutejjajja, uca sutejjawa takenitaquisa wiñayan wiñayapataquejja.

Proverbios 21:22

Yatiñan jakejj suma sayt'ayat marcaruwa jaljjati, uca marcajj cunanacarutejj alcatcäna ucarusa tucjaraquiwa.

Proverbios 24:5

Wali ch'aman jaket sipansa, yatiñan jakewa juc'amp jilanquejja; ch'amanïñata sipansa yatiñ cancañawa juc'amp luraspajja.

Proverbios 8:14

Nayanwa utji amtäwisa, lurasïwisa, nayätwa chekapar suma sarnakañajja, uqhamarac ch'amasa.

Eclesiastés 7:19

Mä marcan tunca jilïrinacat sipansa, yatiñ cancañaw ch'am churi yatiñanirojja.

Eclesiastés 9:16

Ucatsti nayajj sistwa: “Ch'amanïñat sipansa yatiñanïñawa asquejja, pobre jaken yatiñapajj janis yäkatäcchi, ni parlataparus jan ist'atäcchi ucasa.”

Eclesiastés 9:18

Nuwasiña armanacata sipana, yatiñ cancañaw asquejja. Mä sapa pantjasïwiquiw, jach'a tucjasïwir puriyi.

Isaías 12:1

Uca urunsti saraquïtawa: “Yuspagarsmaw Tatay, nayataquejj coleratäcchiyäta ucasa, jichhajj colerasiñamajj tucusjjewa, ucatsti sumancañracwa nayarojj churjjesta.

Jeremías 33:3

Nayar art'asita, nayasti ist'araquïmawa, ucatsti cunanactejj jumajj jan yatcta, uñjcaracta ucanacwa uñacht'ayaraquïma.

Daniel (hebreo) 1:17

Aca pusi waynanacarusti Diosajj ch'iqhi chuyma, amuyt'a churaraquïna, take casta libronacsa jupanacajj amuyt'apjjañapataqui, take casta yatiñanacsa yatipjjañapataqui. Uqhamarusa Daniel waynajj yatiraquïnwa take casta samcanaca, uqhamaraqui unañchanacan cun saña munatapsa.

Daniel (hebreo) 2:18

jupanacarojj yatiyänwa alajjpachanquiri Diosan yanapapa mayipjjañapataqui, uca jan khanañchañjama samca toketa yanapt'añapataqui, uqhamata jan jupanacajj Babilonianquiri yatiñani jakenacampi chica jiwarayatäpjjañapataqui.

Amós 3:7

Tatitojj janipuniw cuns lurcaspati profeta servirinacaparu jan yatiyasajja.

Mateo 11:25

Ucapachajj Jesusajj saraquïnwa: “Yupaychsmawa, Awquejja, munañaniraquïtawa alajjpachansa acapachansa. Jumawa yatiñ cancañ imanttajja wali yatiñan jakenacatjja; ucatsti juc'a yatiñan jakenacaruw uñacht'aytajja.

Lucas 10:21

Ucapachaw Jesusajj cusisiñampi phokt'ata Kollan Ajayu toke, aqham säna: “Yupaychsmaw Awquiy, alajjpachansa uqhamarac acapachansa Tatitupa. Jumajj acanacjj wali yatiñaninacatsa uqhamaraqui amuyt'aninacampitsa imanttawa, ucatsti juc'a yatiñan jakenacaruw uñacht'aytajja. Jïsa, Awquejja, uqhamwa jumajj muntajja.

Juan 11:41

Ucatwa kaljja nuqhokapjjäna. Jesusasti alajjpacha uñtasinwa arsu: —Awquiy, yuspagarsmawa nayar ist'atamata.

Juan 15:15

Janiw ‘uywatanac’ sas sutichcjjapsmati, mä uywatasti janiw uywiripan luratanacap yatquiti uca laycu. Nayajj jumanacarojj ‘amigonac’ sapjjsmawa, cuntejj Awquejjajj sisquitu uca jumanacar yatiyatajj laycu.

Apocalipsis 1:1

Acajja cuntejj Diosajj Jesucristor uñacht'aycäna ucawa, uqhamat jupajj sirvirinacaparu yatiyañapataqui, cunatejj janc'aqui lurascani ucjjata. Jesucristojj aca uñacht'äwjja mä angelap tokwa Juan sirviriparu yatiyi.

Apocalipsis 5:5

Ucampis uca jilïrinacat maynïriw aqham situ: “Jan juc'ampi jachcjjamti. Judá orakenquir Leonaw, qhititejj Davidan wawanacapan wawapäqui, ucaw atipji. Jupajj ch'amaniwa uca libro jist'arañataquejja, uqhamarac uca pakallko sellonaca ch'iyarañataquisa” sasa.