Mateo 15:9 - Qullan Arunaca

⁹ Janiw acch'as walïquiti jupanacan yupaychaña churatanacapajja, jupanacan yatichäwipajj jakenacan yatichäwipaquïtap laycu.’

Aymar Bibliia 1986

⁹ Janiw acch'as walïquiti jupanacan yupaychaña churatanacapajja, jupanacan yatichäwipajj jakenacan yatichäwipaquïtap laycu.

Qullan Arunaka DC

⁹ Inamayaw nayarux yupaychasipkitu; yatichäwinakapax jaqin yatichäwipakiwa’ —sasa.

Mateo 15:9 Jak'a apnaqawi uñst'ayäwi

Salmos 39:6

jaken jacañapajj ch'iwjamaquiwa; inamayaw yänacs arcuntasqui, janiw ucanac qhitin catuntasiñaps yatquiti.

Salmos 73:13

¡Inamayaquiw chuyma k'omachasitajjajja! ¡Inamayaquiw amparanacajj ñankhat jarekasitajjasa!

Éxodo 20:7

“Janiwa Tatitu Diosaman sutipjja inamayataqui aytasïtati, jupasti inamay sutip aytasirirojj mutuyaquipuniniwa.

Isaías 29:13

Tatitusti saraquituwa: “Aca marcajj pata chuymaquiw sirvitu, lacanacapampiquiraquiw nayaru jach'añchapjjetu, ucampisa chuymapajj nayatjja jayancasquiwa, nayar yupaychañ culto loktanipquitu ucasti jakenacan amuyataparjamaquiwa, p'eket yatekataquiraqui.

Levítico 26:16

ucapachasti nayajj jumanacampejj acanacwa luraraquëjja: Jumanacjjarojj ajjsarañanacwa apayanëjja, wali ajjsarcañ usunaca, nayra usunaca, uqhamarac janchiman aynacht'añanaca; inamayaw yapuchasipcäta, uca yapuchasitanacamsti uñisirinacamaw mank'antapjjani.

Levítico 26:20

Inamayaquiw ch'amsa tucusipcäta, orakesti janiw cunsa jumanacataquejj achcjjaniti, janiraquiw kokanacas achunacapa jumanacataquejj achcjjaniti.

Malaquías 3:14

Acwa jumanacajj sapjjtajja: ‘Diosaru sirviñajj inamayaquiwa. ¿Cunaraqui jiwasasti apsuñäni jupan camachi arunacaparjam sarnakasajja, uqhamaraqui llact'at sarnakasasa take ch'aman Dios nayrakatanjja?

Mateo 15:10

Jesusasti jakenacar jawsthapisin aqham sasaw parläna:

Marcos 7:7

Inamayaquiw nayar yupaychatapajja, yatichäwinacapajj jaken amtäwipaquiwa’ sasa.

1 Corintios 15:2

Uca arunacaraquiw jumanacarojj khespiyapjjtam, parlapcsma uca arunactejj sum catjjäsipcäta ucapacha; jan uqhamäcchi ucasti, iyawsäwisajj inamayataquïspawa.

Deuteronomio 12:32

“Take ewjjanaca churapcsma uqhamarjam sarnakapjjam, jan cunsa jiljjatayapjjamti ni menoswakayapjjamsa.

1 Timoteo 1:4

janirac nayra jan tucusquir parlanacar ist'asipcañapataquisa. Acanacajj inamaya ch'ajjwañanacaruquiw api, ucatsti Diosajj cuna ewjjanactejj iyawsäwi laycu phokhañasataqui churquistu ucarojj janiw yanapquistuti.

Tito 1:14

Janiraqui yäkapcpasa judionacan nayra parlanacaparu, ni chekapat saraker jaken arunacaparus ist'apjjpanti.

Hebreos 13:9

Janiy yakha jan uñt'cay yatichäwinacampejj apayasipjjamti. Waquisiwa chuymanacasaru munasir Diosan ch'amap catokañasajja, mank'añataquejj cunayman leyinacas utjchi ucasa. Take aca leyinacajja janipuniw cuna ascsa lurcänti arquirinacaparojja.

Santiago 2:20

Ucampis pisi amuyun jake, ¿janit amuyt'cta maynin iyawsatapatejj jan suma luräwinacampi uñacht'ayascchi ucqhajja, uca iyawsañapan jiwatätapa?

Apocalipsis 22:18

Take qhitinacatejj aca libron kellkatäquis uca Diosan arupa ist'irinacarojj nayajj sistwa: Qhititejj aca libron kellkatäquis uca arunacar yapjjatanejja, Diosajj juparojj cuna mutuyäwittï parlqui ucjja yapt'araquiniwa.

1 Samuel 25:21

Davidasti chuymapanjja amuyaraquïnwa, inamaya Nabal jakerojj wasarana arjjatatapa, take cunatejj jupan utjcän ucanacsa, uqhamarac jan jupatjja cunsa apakatapa, jupasti asqui luratajj jan walimpiquiraqui cutt'ayjjatapata.