Mateo 15:9 - Qullan Arunaka DC

⁹ Inamayaw nayarux yupaychasipkitu; yatichäwinakapax jaqin yatichäwipakiwa’ —sasa.

Aymar Bibliia 1986

⁹ Janiw acch'as walïquiti jupanacan yupaychaña churatanacapajja, jupanacan yatichäwipajj jakenacan yatichäwipaquïtap laycu.

Qullan Arunaca

⁹ Janiw acch'as walïquiti jupanacan yupaychaña churatanacapajja, jupanacan yatichäwipajj jakenacan yatichäwipaquïtap laycu.’

Mateo 15:9 Jak'a apnaqawi uñst'ayäwi

Salmos 39:6

6 (7) ¡Jaqin jakañapax mä ch'iwjamakiwa! Inamayaw yänaksa arkuntaski, ukanak khitis katuntasini uksa janiw yatkiti.

Salmos 73:13

¡Inamayakiw chuyma q'umachasitaxaxa! ¡Inamayakiw amparanakax ñanqhat jariqasitaxasa!

Éxodo 20:7

“Janiw Tatit Diosaman sutip inamayatak aytasïtati, jupasti inamay sutip aytasirirux mutuyaniwa.

Isaías 29:13

Tatitusti sarakituwa: “Aka markax pata chuymakiw arkitu, lakanakapampikiw nayarux jach'añchitu, ukampisa chuymapax nayat jayankaskiwa, nayar yupaychapkitu ukaxa, jaqin amtataparjamakiwa.

Levítico 26:16

nayax jumanakampix akanak lurarakï: axsarañanaka, jiwayir usunaka, junt'u usunaka, nayra usunaka, janchin aynacht'añanaka, taqi uka usunak apayanï; inamayaw yapuchasipkäta, uka yapuchasitanakamsti uñisirinakamaw manq'antapxani.

Levítico 26:20

Inamayakiw ch'amsa tukusipkäta, uraqisti jumanakatakix janiw kuns achuykxaniti, janirakiw quqanakas achunakap churapkätamti.

Malaquías 3:14

Jumanakax akanak sapxtaxa: ‘Diosar arkañax inamayakiwa. ¿Kunaraki jiwasasti apsuñäni jupan arunakaparjam sarnaqasasti, taqi ch'aman Tatit nayraqatan llakt'at sarnaqasasa?

Mateo 15:10

Jesusasti jaqinakar jawsthapisin akham sänwa: —Ist'apxam, amuyt'apxarakim:

Marcos 7:7

Inamayakiw nayar yupaychatapaxa, yatichäwinakapax jaqin amtäwipakiwa’ sasa.

1 Corintios 15:2

Aka suma yatiyäwi arunak tuqirakiw qhispitäpxäta, uka arunakarjam sayt'apkäta ukapacha, kunjämtix nayax jumanakar yatiyapksma ukarjama; jan ukhamäkani ukasti, iyawsatamax inamayakïniwa.

Deuteronomio 12:32

“Ukhamasti, taqi aka kamachinak phuqhapxam, ukhamarjam sarnaqapxarakim, jan kunsa k'ichxatasa, janirak kuns k'ichiqasa.

1 Timoteo 1:4

janirak nayra jaqinakan jan tukuskir parlanakapar ist'apxpati. Ukanakax ch'axwañanakarukiw puriyi, ukatsti janiw Diosan amtäwip yatiñatakix yanapkiti, Diosan amtäwip yatiñatakix jupar iyawsañasaw wakisi.

Tito 1:14

Judionakan jan wali parlataparux jan yäqapxpanti, janirak chiqapat saraqir jaqin arunakaparus ist'apxpanti.

Hebreos 13:9

Jumanakasti janiy yaqha jan uñt'at yatichäwinakampix apayasipxamti. Diosan munasiñapampi chuymar ch'amañchañax juk'amp sumawa, manq'añanakxat kunayman arsutanakar phuqhañat sipana, uka arsutanakax janiw kunapachas askïkänti.

Santiago 2:20

Pisi amuyt'an jaqi, ¿yatiñ muntati?, jan luräwin iyawsäwix inamayakiwa.

Apocalipsis 22:18

Akan qillqatäki uka profecía arunak ist'irinakarux, taqpachaniruw nayax sista: Khititix akan qillqatäki uka arunakar kunsa yapxatanixa, Diosax jupar kuna mutuyäwinakattix aka qillqatan parlki ukxa yapt'arakiniwa.

1 Samuel 25:21

Davidasti amuyupan sänwa: “Inamayaw wasaran Nabal jaqin yänakap jan chhaqhañapatakix arxatta. Jichhasti ukham lurataxat jan walimpiw kutt'ayitu” sasa.