Mateo 4:10 - Qullan Arunaca

¹⁰ Ucapachasti Jesusajj sänwa: —Saraket nayat, supaya, Diosan arupansti kellkatawa: ‘Tatitu Diosamaruquiw yupaychäta, jupa saparuquiraquiw sirvïta’ —sasa.

Aymar Bibliia 1986

¹⁰ Ucapachasti Jesusajj sänwa: —Saraket nayat, supaya, Diosan arupansti kellkatawa: “Tatitu Diosamaruquiw yupaychäta, jupa saparuquiraquiw sirvïta” —sasa.

Qullan Arunaka DC

¹⁰ Jesusasti juparux sänwa: —Saraqit nayat supaya, Diosan qillqatapasti siwa: ‘Tatitu Diosamarukiw yupaychäta, jupa saparukiw arkäta’ —sasa.

Mateo 4:10 Jak'a apnaqawi uñst'ayäwi

1 Crónicas 21:1

Supayajj israelitanacataquiw sayt'äna, ucatsti Davidarojj amtayänwa Israel marcar mä jacthapiña aptatäñapataqui.

Job 1:12

Diosasti Supayarojj saraquïnwa: —Uqhamajja waliquiwa, jichhasti Job chachan take yänacapampejj cunjämarutejj muncta uqhamaru luram. Ucampisa juparojj jani cuna jan walinacsa luramti —sasa. Ucatsti Supayajj Diosan nayrakatapatjja sarawayjjänwa.

Job 1:6

Mä urojj Tatitun ucaruwa uñstiri jutapjjäna alajjpachanquir Diosan sirvirinacapajja, jupanacampi chicasti Supayajj jutaraquïnwa.

Job 2:1

Yakha urusti Tatitun ucaruw uñstiri jutapjjäna, alajjpachanquir Diosan sirvirinacapajja, jupanacampi chicasti Supayajj jutaraquiquïnwa.

Salmos 109:6

Ñankha lurir jakeruy taripiripatac ucham, pachpa arjjatiripajj juchañchpan;

Éxodo 23:25

Jumasti Tatitu Diosamaruquiw yupaychäta, jupawa jumanacarojj bendicipjjätam t'ant'sa, uqhamarac umsa. “Nayasti take usunacwa jumanacatjja apakapjjäma.

Isaías 30:22

Ucatsti uca kollket lurat c'ari diosamjja, korimpi apaquipata diosamsa jan wali yänacäcaspas uqhamwa apanucütajja. Cuna k'añücaspas uqhamwa apanucütajja, t'unäcaspa uqhama.

Mateo 16:23

Jesusasti cutiquipstasinwa juparojj sï: —¡Nayat saraket, Supaya! Nayarojj pantjasiyirjamätawa. Jumajj janiw Diosjam amuyctati, jan ucasti jakenacjamaquiw amuytajja —sasa.

Marcos 1:13

Jupasti pusi tunca urunacaw ajjsarcañ animalanacampi wasarancäna. Ucanwa Supayajj yant'äna, ucatsti angelanacaw juparu sirviri jutapjjäna.

Lucas 10:18

Jesusasti jupanacarojj sänwa: —Jïsa, nayajj uñjaractwa alajjpachata mä llijullijur uñtata Supayar jalaktanirjja.

Lucas 11:18

Uqhamaraquipï, Supayatejj jupa pachpa jaljtañaru uchasiscchejja, ¿cunjämrac ch'amani sayt'aspasti? Acsti sapjjsmawa jumanacan: ‘Acajj Beelzebun ch'amapampiw ñankha ajayunacjja alissu’ sapjjatam laycu.

Lucas 13:16

Aca warmisti Abrahaman wawanacapat jutiriwa, supayasti juparojj tunca quimsakallkoni maraw aca usumpejj chinuntäna. ¿Janiti usupat jararañajj waquisqui samarañ urunjja? —sasa.

Lucas 22:3

Ucapachaw Supayajj Judasar manti, qhititejj Iscariote satäcaraquïna, jupasti tunca payan apostolonacat maynïrïnwa.

Lucas 22:31

Jesusajj saraquïnwa: —Simón, Simón, amuyasim, Supayajj mayiwa jumanacarojj trigjam jawk'suñataqui.

Lucas 4:8

Jesusasti ucjjarojj Supayarojj siwa: —Saraket nayat, Supaya; Kellkatanjja siwa: ‘Tatitu Diosamaruw yupaychäta, jupa saparuquiraquiw sirvïta’ —sasa.

Juan 13:27

Judasan uca t'ant'a catokatapatsti, Supayajj mäquiw chuymapar mantäna. Ucat Jesusajj saraquïna: —Cuntejj lurañamäqui ucjja, janc'ac luram —sasa.

Hechos 26:18

Jupanacan nayranacap jist'arañamataqui, jan juc'amp ch'amac thaquin sarnakapjjañapataqui. Janiraquiw juc'ampi supayan apnakatäcjjaniti, jan ucasti Diosaruw arcjjapjjani uqhamaraqui nayarus iyawsapjjetani. Uqhamatwa jupanacajj juchanacapat perdón catokapjjani, uqhamarac mä herencia catokapjjani Diosan ajllit jakenac taypina’ sasa.

Hechos 5:3

Pedrojj saraquïnwa: —Ananías, ¿cunats Supayajj chuymamar manti, Kollan Ajayuru c'arintañamataquejja uqhamarac orakem aljat kollket mä chicat imantañamataquisa?

1 Corintios 5:5

Uca jakesti Supayaru catuyatäñapawa janchipajj t'unjatäñapataqui, uqhamat almapajj khespiyatäñapataqui Tatitojj jutcani uca urojja.

1 Corintios 7:5

Jan maynis maynis “janiw” sasipjjamti, jan ucasti oración lurañ laycu, jumanac pura arust'asipjjasma mä tiempo jan jac'asiñataqui ucqhaquiw “janiw” sasipjjasmajja. Uca pasatatsti wasitatwa jumanacajj juntasjjapjjañama, inampis maynejj janchipar jan atipirjamäsajj Supayampi yant'atajja juchar purispa.

2 Corintios 11:14

Acajj janiw cunäquisa; pachpa Supayapuniw uqham mä khana angeläcaspas uqham tucujja.

2 Corintios 12:7

Uca uñachayäwinacasti wali muspharcañaraquïnwa, ucampis ucatjja jan nayan jach'a jach'a tucuñajjataquejj mä t'akhesiñwa nayajj catokta mä ch'aphir uñtata. Ucasti Supayan qhitapawa nayar t'akhesiyitu.

2 Corintios 2:11

uqhamata Supayajj jan jiwasar atipjañapataqui. Yatiractanwa cunja jach'a sallkäquitejj Supayajj ucjja.

Deuteronomio 10:20

“Tatitu Diosamarojj jach'añchapjjam, yupaychapjjaraquim jupa saparuqui servipjjam; ucatsti cunapachatï juramento lurapjjäta ucqhasti Diosan sutipjjaru lurapjjaraquim.

Santiago 4:7

Diosaruy jaysapjjam, Supayataquisti sayt'asipjjaraquim, uca Supayasti jumanacatjja jaltawayjjaraquiniwa.

Josué 24:14

Ucatsti Josué chachajj sascaquïnwa —Take ucanacatjja Diosarojj ajjsarapjjamaya, uqhamaraqui sirvipjjam suma chuymampi cheka cancañampiraqui. Cawquïri yakha diosanacarutejj jumanacan nayra awquinacamajj yupaychapjjäna, Eufrates jawir lacana, uqhamarac Egipto marcansa, ucanacjja apanucjjapjjam, ucatsti Diosaru sirvipjjaraquim.

1 Pedro 5:9

Uca Supayataquisti wal sayt'asipjjam iyawsañanacamanjja, yatipjjaraquim walja jilatanacan jumanacjamaraqui take chekan t'akhesipjjatapjja.

1 Samuel 7:3

ucatwa Samuelojj take israelitanacaru saraqui: “Jumanacatejj take chuymampi Tatitur cutt'anjjapjjäta ucapachajja, uca yakha diosanacamsa, Astarté diosanacamsa apanucjjapjjañamawa, ucatsti jacañanacamjja jupa saparuquiw churjjapjjañamaraqui, jupa saparuquiraquiw yupaychapjjañama. Ucapachaquiw jupajj take filisteo jakenacan amparapatjja khespiyapjjätam” sasa.