Mateo 4:10 - Qullan Arunaka DC

¹⁰ Jesusasti juparux sänwa: —Saraqit nayat supaya, Diosan qillqatapasti siwa: ‘Tatitu Diosamarukiw yupaychäta, jupa saparukiw arkäta’ —sasa.

Aymar Bibliia 1986

¹⁰ Ucapachasti Jesusajj sänwa: —Saraket nayat, supaya, Diosan arupansti kellkatawa: “Tatitu Diosamaruquiw yupaychäta, jupa saparuquiraquiw sirvïta” —sasa.

Qullan Arunaca

¹⁰ Ucapachasti Jesusajj sänwa: —Saraket nayat, supaya, Diosan arupansti kellkatawa: ‘Tatitu Diosamaruquiw yupaychäta, jupa saparuquiraquiw sirvïta’ —sasa.

Mateo 4:10 Jak'a apnaqawi uñst'ayäwi

1 Crónicas 21:1

Supayax israelitanakatakiw sayt'asïna, ukaw Davidarux Israel markan jaqinakar jakthapiñ amtayäna.

Job 1:12

Tatitusti juchañchir angelarux sarakïnwa: —Ukhamax walikiwa. Kunjämarutix jumax Job chachan taqi yänakapamp lurañ munkta ukhamar luram, ukampis juparux janiw kuna jan walsa lurätati —sasa. Ukat juchañchir angelax Tatitun nayraqatapat sarawayxäna.

Job 1:6

Mä urux Tatitun ukaruw uñstir jutapxäna alaxpachan luqtirinakapaxa, jupanakamp chikasti juchañchir angelax jutarakïnwa.

Job 2:1

Yaqha urusti, alaxpachankir luqtirinakapax Tatitun nayraqatapar uñstiriw jutapxäna, juchañchir angelasti jupanakamp chikaw jutarakikïna.

Salmos 109:6

Ñanqha lurir jaqiruy taripiripatak ucham, pachpa arxatiripax juchañchpan;

Éxodo 23:25

Tatit Diosamaruw yupaychäta, jupasti t'ant'amaru, umamaruw aski waxt'äwimp phuqt'ani. “Nayaw taqi usunak jumat apaqäma.

Isaías 30:22

Ukatsti uka qullqit lurat diosamxa, qurimpi jawikipat diosamsa, jan wali yänakäkaspas ukhama, jan ukax t'unäkaspas ukham apanuküta.

Mateo 16:23

Jesusasti kutikipstanisin Pedrorux säna: —¡Nayat saraqit supaya, nayarux pantjasiyirjamätawa! Jumax janiw Diosan amtanakap amuyktati, jan ukasti jaqinakjamakiw amuytaxa —sasa.

Marcos 1:13

Jupasti pusi tunka uruw axsarkañ animalanakampi wasaran jakäna, ukan supayax yant'äna, ukatsti angelanakaw jupar luqtir jutapxäna.

Lucas 10:18

Jesusasti jupanakarux sänwa: —Jïsa, nayax supayar lliju llijur uñtat alaxpachat jalaqtanir uñjta.

Lucas 11:18

Ukhamarakipï, supayatix jupa pachpa jaljtaspaxa, ¿kunjämarak ch'aman sayt'aspasti? Aksti jumanakan: ‘Akax Beelzebú supayan ch'amapampiw ñanqha ajayunak alissu’ sapxatam laykuw sapxsma;

Lucas 13:16

Aka warmisti Abrahaman wawanakapat jutiriwa, supayasti juparux tunka kimsaqallqun maraw usuntat sarnaqayäna, ¿janit wakiski sábado urun usupat k'umarachañasti? —sasa.

Lucas 22:3

Ukapachaw supayax Judas Iscarioten chuymapar mantäna, jupasti tunka payan yatiqirinakat maynïrïnwa.

Lucas 22:31

Jesusax sarakïnwa: —Simón, Simón, sum ist'am, supayax jumanakar trigorjam jawq'suñatakiw mayi;

Lucas 4:8

Jesusasti supayarux siwa: —Saraqit nayat, supaya; Qillqatan siwa: “Tatit Diosamaruw yupaychäta, jupa saparukiw arkäta” —sasa.

Juan 13:27

Judasan uka t'ant'a katuqipansti, supayax jank'akiw chuymapar mantäna. Jesusasti sarakïnwa: —Kuntix lurañamäki uk jank'ak luram —sasa.

Hechos 26:18

Jupanakan nayranakap jist'arañamataki, jan juk'amp ch'amak thakhin sarnaqapxañapataki. Jan juk'amp supayan apnaqatäsipkañapataki, jan ukasti Diosar arkapxañapataki; nayar iyawsasin juchanakapat pampachäwi katuqapxañapataki, Diosan ajllit markap taypin churäwi katuqapxañapataki’ sasa.

Hechos 5:3

Ukat Pedrox Ananiasar säna: —Ananías, ¿kunatarak supayasti chuymamar manti, Qullan Ajayur k'arintañamataki, uraqi aljat qullqit mä chikat imaqañamatakisti?

1 Corintios 5:5

uka jaqix Supayar katuyatäñapa, ukhamat janchipan tukjatäñapataki, ajayupasti Tatitux jutkan ukkharaki qhispiyatäñapataki.

1 Corintios 7:5

Ukalayku, jan jumanak purax “janiw” sasipxamti, wakischi ukax arust'asipxam mä juk'a pacha jan jak'asiñataki, uka urunakan Diosat mayisiñataki. Uka qhipatsti wakisiw mayachasipxañama; inampis maynix janchipar jan atipirjamäsax, Supayax juchar puriychispa.

2 Corintios 11:14

Ukasti janiw kunäkisa, pachpa Supayaw k'ajkir angeläkaspas ukham tuku;

2 Corintios 12:7

ukhamarak jan khitinsa uka muspharkañ qhanañchäwinakat nayar taripaskañapataki. Ukat nayan jan jach'achasiñaxatakix mä t'aqhisiñ katuqta, janchir mä ch'aphimpi jununtatäkaspas ukhama, ukasti Supayan mä khithapjamaw nayar t'aqhisiyitu.

2 Corintios 2:11

Ukhamat Supayax jiwasar jan atipjkistaniti, ñanqha amtanakap sum yattanxa.

Deuteronomio 10:20

“Tatit Diosamar jach'añchapxam, jupa saparuk yupaychapxarakim; jupar jaysirïpxam, juramento lurapkäta ukkhasti Diosan sutipxar lurapxam.

Santiago 4:7

Ukhamasti Diosaruy jaysapxam. Supayampisti q'iwtasipxam, jupasti jumanakat jaltxaniwa.

Josué 24:14

—Taqi uka luräwinakat Tatitur axsartapxam, ukatsti suma chuymampi, chiqa kankañampirak luqtapxam. Kawkïri yaqha diosanakarutix jumanakan nayra awkinakamax Éufrates jawir thiyanakansa, Egipto markansa yupaychapkän uka diosanak apanukupxam, ukatsti Tatitur luqtapxam.

1 Pedro 5:9

Iyawsañanakaman uka supayatakix wal sayt'asipxam, maynïri jumanakjam Cristor arkirinakan taqi chiqan t'aqhisitanakapsa yatipxtawa.

1 Samuel 7:3

Ukat Samuelux israelitanakar säna: “Jumanakatix chiqpachapun Tatitur jaysañ munapxsta ukaxa, yaqhanakan diosanakapar yupaychañ apanukupxam, ukhamaraki Baal, Astarté ukanakan uñtasitanakaparusa, jiwasan mä sapa chiqpach Tatituruki yupaychapxam. Ukapachakiw jupax filisteonakan amparapat qhispiyapxätam” sasa.