Filipenses 3:3 - Qullan Arunaca

³ Cheka circuncidatanacajj jiwasanacätanwa, qhitinacatejj Diosarojj Ajayun yupaychapctan ucanaca. Cristo Jesusancjjasinjja cusisiractanwa, cuntejj janchin lurasqui ucanacarojj janiraquiw iyawscjjtanti.

Aymar Bibliia 1986

³ Cheka circuncidatanacajj jiwasanacätanwa, qhitinacatejj Diosarojj Ajayun yupaychapctan ucanaca. Cristo Jesusancjjasinjja cusisiractanwa, cuntejj janchin lurasqui ucanacarojj janiraquiw iyawscjjtanti.

Qullan Arunaka DC

³ chiqpach q'umachatanakax jiwasanakätanwa, khitinakatix Diosaru Ajayun yupaychapktan ukanaka. Cristo Jesusankxasin kusisitätanwa, janirakiw kunatix janchin luraski ukanakarux iyawskxtanti.

Filipenses 3:3 Jak'a apnaqawi uñst'ayäwi

Salmos 105:3

kollan sutipat cusisipjjam, Tatitur thakerinacajj cusisipjjpan.

Isaías 45:25

Nayïpanwa, take Israel marcajj atipjani, nayancatapatsti wali cusisiraquini.”

Jeremías 4:4

Judá uqhamaraqui Jerusalén marcan utjir jakenaca, jumanacajj circuncidasipjjam, ucatsti nayarojj Tatitut uñt'asipjjaraquita, chuymanacamarusti cuna arust'äwitejj utjqui uca unañchäwinac uscusipjjam; uqhamata ñankha luratanacam laycojj jan colerasiñajjajj ninjam aktascañapataqui, ucsti janiraquiw qhitis jiwaraycaraquispati.

Jeremías 9:26

Egipto, Judá, Edom, Amón, uqhamaraqui Moab orakenacarusa, take wasara token utjirinacarusa, qhitinacatejj paranacapa qhithurasipqui ucanacarusa. Take uca marcanacasti, uqhamaraqui Israel marcasa, chuymanacapanjja janiw Diosar uñt'apquiti.”

Malaquías 1:11

Take acapach orakenwa nayarojj jach'añchapjjetu, uqhamaraquiwa take chekanacan incienso naqhayapjje nayar jach'añchasa, ucatsti k'oma ofrendanacrac loktapjjetu.

Romanos 1:9

Qhiti Diosarutejj nayajj sirviscta take chuymajjampi Yokapan arunacap khanañchasa ucajja, uñjasquituwa cunjämtejj nayajj jumanacat oracionajjan amtasipjjapunsma ucjja.

Romanos 15:17

Cristo Jesusar iyawsirjamajja, Diosar sirvitajjatjja cusistwa.

Romanos 7:6

Ucampis uca leyin munañaparojj jiwatäjjtanwa, jichhasti khespiyatäjjtanwa Ajayun machak jacañan Diosaru sirviñataquejja, janiw uca merk'e leyejj kellkatäcän ucarjamati.

Romanos 8:15

Janiw esclavo tucuyir ajayu catokapctati ajjsaratac sarnakascañataqui, jan ucasti catokapjjtawa Diosan wawapa tucuyquistu uca Ajayu, ucat jupajj arsuyistu: “Nayan Awquejja” sasa.

Romanos 8:39

ni patancqui ucasa, ni mankhancqui ucasa, ni cuna yakha yänacasa Diosan munañapatjja apakquistaspati, uca munasiñsti Cristo Jesús Tatitus tokwa uñacht'ayistu.

Romanos 9:6

Janiw Diosati arsutanacapjja jan phokquejja, jan ucasti take israelitanacajja janiw chekpachan israelitäquiti.

2 Corintios 11:18

Niyaquejjay walja jakenacajj luräwinacapatjja jach'a jach'a tuct'apjjchejja, nayajj uqhamaraquiw tuct'äjja.

Gálatas 5:25

Cunjämtejj Ajayu tok jactanjja, uca pachparaquiw Ajayumpi cuna luräwinacasansa irpayasiñasajja.

Gálatas 6:16

Take aca arunacarjam sarnakerinacajj catokapjjam samaraña qhuyapayasiña, uqhamarac Diosan chekpach wawanacapasa.

Efesios 6:18

Acanacsti oracionampipuni lurapjjam, Diosar mayisina Kollan Ajayu toke. Uc lurañataquisti janc'aquïpjjam, jan pächasisa, uqhamarac take qhitinacatejj Diosancapqui ucanacataquis Diosatjj mayipjjaraquim.

Deuteronomio 10:16

“Jumanacan chuymanacamarojj suma arust'äwiru mantatäquis uca arunaca uchapjjaraquim, jan juc'ampi chuymanacam kalarayasipjjamti.

Deuteronomio 30:6

Tatituw jumanacan chuymanacamaru uca suma arust'äwin chimpu uchapjjätam, uqhamarac khepa wawanacamarusa, jumanacan take chuymampi, almamampi munapjjañamataqui, uqhamat walja maranac jacapjjañamataqui.

Filipenses 1:1

Naya Pablompi, Timoteompi Jesucriston sirvirinacapaw aca carta Filipos marcanquir jilatanacar kellkanipjjsma, uqhamarac obisponacarusa, diacononacarusa. Jumanacasti Diosatac ajllitäpjjtawa, Jesucristompisti mayaquïpjjaractawa.

Filipenses 3:12

Janiw: “Take acanacjja jicjjatjjtwa” siscti, ni ucampejj: “Wali k'omätwa” sañs muncaractti, jan ucasti nayrakataruw sarantascta Cristo Jesusar jicjjatañcama. Jupajj niyaw nayarojj jicjjatjjetu.

Filipenses 3:14

cawqharutejj puriñasäqui, ucar puriñataqui, alajjpachan chürawi catokañataqui, cunataquitejj Diosajj Cristo Jesús tokejj jawsquistu uc catokañataqui.

Colosenses 2:11

Jumanacasti Cristompi mayaquïpjjatamatjja circuncidatäpjjtawa, ucampis janiw cuna casta circuncisionatï janchin lurasqui ucampiti, jan ucasti cuna jucha lurañanacatejj janchin utjcän ucanacat khespiyatäjjapjjtawa. Aca circuncisionasti Cristotwa juti.

Judas 1:20

Jumanacasti munat jilatanaca, uca kollana iyawsäwinacamanjja ch'aman sayt'asipjjam, Kollan Ajayun ch'amapampirac Tatitut mayisipjjam.