Éxodo 34:14 - Qullan Arunaca

¹⁴ “Janipuniw yakha diosanacarojj yupaychapjjätati, Diosasti janiw munquiti yakhampïpjjañama, jan yakhampïñap muniri sataraquiwa.

Aymar Bibliia 1986

¹⁴ “Janipuniw yakha diosanacarojj yupaychapjjätati, Diosasti janiw munquiti yakhampïpjjañama, jan yakhampïñap muniri sataraquiwa.

Qullan Arunaka DC

¹⁴ “Janipuniw yaqha diosanakarux yupaychapxätati, Tatitux janiw yaqhampïpxañam munkiti. Sutipasti jan yaqhampïñap muniri satawa.

Éxodo 34:14 Jak'a apnaqawi uñst'ayäwi

1 Reyes 14:15

Tatitojj Israel marcarojj k'alwa thalsuni, cunjämatï wali jalir jawirajj cañanacaru thalsqui uqhama. Aca suma orake nayra awquinacaparu jupajj churcäna ucjja apakjjaniwa, ucatsti Eufrates sat jawirata juc'amp qhuriruwa jakonucunejja, Astarté c'ari diosa luratanacapata, uqhamata Tatitur colerayatapata.

1 Reyes 19:10

Jupasti sänwa: “Nayajj uñjtwa jumana munasiñama take ch'amani Dios Tata, israelitanacasti juman sumancäwi arunacamjja apanucupjjewa, uqhamarac altaranacamsa allinucupjje, ucatsti espadan puntapampiwa profetanacamarojj jiwarayapjje. Naya sapaquiwa kheparjjta, jichhasti thakasipquituwa jiwayañataqui” sasa.

Éxodo 33:19

Ucat Tatitojj saraquïnwa: —Nayasti jumansa uñjcatawa qhuyapayäjja, uqhamarac sutejjsa juman ist'cataraquiw arsuraquëjja. Nayajja qhuyapt'ayäwa qhitirutejj muncta ucaru, uqhamarac yanaparaquïwa qhitirutejj muncta ucaru.

Isaías 57:15

Alajjpachanquiristi, qhititejj wiñayatac jacqui, sutipasti kollanaraqui, ucajj aqham siwa: “Nayajj mä alto kollan chekanwa jacta, ucampisa qhititejj alt'at chuymani, llact'ata sarnakaraqui ucanacarusti ch'amañcharactwa.

Isaías 9:6

Mä wawaw jiwasataqui yurini, Diosaw mä yokall wawa churistani, uca wawaw jichhajj apnakaraquini. Aqham sasaw sutichapjjaraquini: ‘Amtäwinacapanjja Muspharcaña, jan atipjcay Dios, Wiñay Awqui, Sumancañan Jilïripa’ sasa.

Ezequiel 23:25

Nayasti jumjjarojja colerasiñajjwa warjjataniraquëjja, jupanacasti wali khoru cancañampiraquiw jumarojj uñjapjjätam; nasamsa, jinchunacamsa murokapjjaraquïtamwa, qhitinacatejj jacasipcäta ucanacarusti espadampiw jiwarayapjjaraquïtam. Yokall wawanacamsa, imill wawanacamsa aparapjjaraquïtamwa, ucatsti jumajj ninampi mank'antataw tucusiwayjjaraquïta.

Nahúm 1:2

“Tatitojj mutuyiri celoso Diosaraquiwa; qhitinacatejj jupa conträpqui ucanacarojj mutuyiwa, uñisirinacapampisti walrac colerasiraqui.

Mateo 4:10

Ucapachasti Jesusajj sänwa: —Saraket nayat, supaya, Diosan arupansti kellkatawa: ‘Tatitu Diosamaruquiw yupaychäta, jupa saparuquiraquiw sirvïta’ —sasa.

1 Corintios 10:22

¿Jan ucajj Tatituruch colerayañänejja? ¿Jiwasajj Tatitut sipansa juc'ampi ch'amanïtancha?

Deuteronomio 29:20

Ucapachajj Tatitu Diosajj janiw janc'aqui perdoncaniti jan ucasti takpach colerasiñapa, uqhamaraqui mayjt'asitapa, uca jakerojj apayani, ucatsti jupa patjjarojj take aca libron kellkat maldicionanacaw jutaraquini, Diosasti wawanacapjja aca oraken k'alwa chhaktayaraquini.

Deuteronomio 32:16

Diosarusti colerayaraquïnwa yakha ajjtascañ diosanacar yupaychasa.

Deuteronomio 32:21

Cawquïri diosatï jan diosäqui ucampiw colerayapjjestajja, uca jan yäkat diosanacampiw colert'ayapjjaraquista; ¡ucatwa nayajj colerayapjjaraquïma jan amuyun jakenacampi, cawquïritejj jan marcäqui, uca marcampiw colerayapjjaraquïma!.

Deuteronomio 4:24

¡Jumanacan Tatitu Diosamasti, tumpasir Diosawa, take cuns naqhantir ninjamawa!

Deuteronomio 5:24

Ucatsti sapjjestawa: ‘Chekpachapuniwa jiwasan Tatitu Diosasajj uñacht'ayistu jach'a cancañapa, jach'a ch'amapsa, uqhamaraqui arupsa ist'aractanwa nina taypit mistuniri. Jichhüruw uñjtan Tatitu Diosan jakempi parlañ munatapa jan jakeru jiwayasa.

Deuteronomio 5:7

‘Janiw yakha diosanaca utjcätamti nayat sipanjja.

Deuteronomio 6:15

Jumanacampïqui uca Tatitu Diosasti janiw munquiti yakhampïpjjañama, ucatsti jumanac tokwa colerasispa, take jumanacaru t'unjañataqui.

Josué 24:19

Ucampisa Josué chachajj jupanacarojj sänwa: —Jumanacajj janiw Diosarojj sirviñ puedipcasmati, jupasti Kollana Diosawa, janiraquiw jumanacan jan wali sarnakäwinacama ni jucha luratanacamsa inaqui uñjcaniti.

Jueces 6:10

Ucatsti sapjjaracsmawa: ‘Nayätwa jumanacan Diosamajja, uca laycusti janiwa amorreonacan diosanacaparojj ajjsarapjjätati, cawquïr orakentejj jichhajj jacapcta ucanjja; sasa. ‘Ucampis jumanacajj janiw ist'apquistati’ ” sasa.