Éxodo 34:14 - Qullan Arunaka DC

¹⁴ “Janipuniw yaqha diosanakarux yupaychapxätati, Tatitux janiw yaqhampïpxañam munkiti. Sutipasti jan yaqhampïñap muniri satawa.

Aymar Bibliia 1986

¹⁴ “Janipuniw yakha diosanacarojj yupaychapjjätati, Diosasti janiw munquiti yakhampïpjjañama, jan yakhampïñap muniri sataraquiwa.

Qullan Arunaca

¹⁴ “Janipuniw yakha diosanacarojj yupaychapjjätati, Diosasti janiw munquiti yakhampïpjjañama, jan yakhampïñap muniri sataraquiwa.

Éxodo 34:14 Jak'a apnaqawi uñst'ayäwi

1 Reyes 14:15

Jichhürut uksarusti Tatitux Israel markar t'aqhisiyaniwa, kunjämtix wali jalir jawirax mä quqar qatatki ukhama. Aka suma uraqi nayra awkinakapar jupax churkän ukxa, apaqxaniwa, ukatsti Éufrates jawirat juk'amp khuriruw jaqunukuni, Astarté idolon lantinakap luratanakapata, ukampi Tatitur q'apisiyatap layku.

1 Reyes 19:10

Jupasti sänwa: “Nayan jumar jaysataxaw walpun llakisiyitu, jumax taqi ch'aman Dios Tatitütawa. Israelitanakax jumampi lurat arust'äwi apanukupxi, altaranakamsa allinukupxiwa, profetanakamarusti jiwarayapxarakiwa. Naya sapakiw qhiparxta, jichhasti jiwayañatakiw thaqhasipkitu” sasa.

Éxodo 33:19

Ukat Tatitux sarakïna: —Nayax khuyapayasiñaxat uñacht'ayäma, sutixsa juman ist'kañ arsurakï. Khitirutix nayax munkta ukaruw khuyapayä, khitirutix nayax munkta ukaruw yanapt'arakï.

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Isaías 9:6

6 (5) Mä wawawa jiwasatak yuri, Tatituw mä yuqall wawa churistu, uka wawawa jichhax ch'amampi apnaqani. Akham sasaw sutichapxani: Amtäwinakapanxa Muspharkaña, jan atipjkay Tatitu, wiñay Awki, sumankañan Jilïripa, sasa.

Ezequiel 23:25

Nayaw q'apisiñaxa jumxarux warxatanï, jupanakasti wali qhuru chuymampiw jumar uñjapxätam; nasamsa, jinchunakamsa muruqapxätamwa, uka nuwasïwit qhispirinakarusti espadampiw jiwarayapxarakïtam. Yuqall wawanakamsa, imill wawanakamsa aparapxätamwa, ukatsti ninampi nakhantataw uñjasirakïta.

Nahúm 1:2

Tatitux taqinin jupar chiqa arkañas muni; khitinakatix jupar saykatapki, uñisipkaraki ukanakarux mutuyiwa.

Mateo 4:10

Jesusasti juparux sänwa: —Saraqit nayat supaya, Diosan qillqatapasti siwa: ‘Tatitu Diosamarukiw yupaychäta, jupa saparukiw arkäta’ —sasa.

1 Corintios 10:22

Jan ukax ¿Tatituruch q'apisiyañ munasipkaktanxa? ¿Jiwasax Tatitut sipan juk'ampi ch'amanïtanti?

Deuteronomio 29:20

20 (19) Tatitux janiw uka jaqirux pampachañ munkaniti, jan ukasti uka jaqirux q'apisiñampiw mutuyani, ukatsti aka qillqatan utjki uka ñanqhachäwinakaw jupxankani, Diosasti uka jaqin saraqirinakap q'al aka uraqit chhaqtayarakini.

Deuteronomio 32:16

Diosaruw q'apisiyapxäna, yaqha axtaskañ diosanakar yupaychasa.

Deuteronomio 32:21

Jan diosäki uka diosampiw phiñasiyapxitu, uka inamay diosanakampiw q'apisiyapxarakitu; ¡nayasti jan markäki uka markampiw phiñasiyä, jan amuyt'asiñ munir markampiw q'apisiyarakï!

Deuteronomio 4:24

¡Jumanakan Tatit Diosamasti tumpasir Diosawa, taqi kuns nakhantir ninjamawa!

Deuteronomio 5:24

ukatsti sapxistawa: ‘Chiqpachapuniw jiwasan Diosasax qhapaq kankañapampi, jach'a ch'amapamp uñacht'ayistu, arupsa nina taypitpach ist'apxtan. Jichhüruw uñjtan Tatitu Diosan jaqimpi parlatapa, jaqir jan jiwayasa.

Deuteronomio 5:7

“ ‘Janiw nayat sipan yaqha diosanakanïyätati.

Deuteronomio 6:15

Jumanakampïki uka Tatitu Diosamasti janiw yaqhampïpxañam munkiti, jupasti jumanakatakiw q'apisispa, ukatsti q'alpun jumanakar t'unjapxiristam.

Josué 24:19

Ukampis Josué chachax jupanakarux sänwa: —Jumanakax janjaw Tatitur luqtapkasmati, jupax qullana jan kamskaya Diosawa, janiw jumanakan sayt'asitanakamsa, jucha luratanakamsa inak uñjkaniti.

Jueces 6:10

Ukatsti sapxaraksmawa: Nayätwa jumanakan Tatitu Diosamaxa, jichha jakasipkta uka amorreonakan uraqipan utjir diosanakarux jan axsarapxamti, sasa; ukampis jumanakax janiw ist'apkistati’ ” sasa.