Éxodo 34:15 - Qullan Arunaca

¹⁵ “Ucampis janipuniwa sumancañaru mantapjjätati uca oraken jaquirinacampejja. Jupanacasti diosanacaparu yupaychasina, uqhamarac sacrificionac loktasinjja jumanacaru churapjjeristam, ucatsti jumanacajj inampis uca diosanacaru loktat mank'anacsa mank'antapjjasma.

Aymar Bibliia 1986

¹⁵ “Ucampis janipuniwa sumancañaru mantapjjätati uca oraken jaquirinacampejja. Jupanacasti diosanacaparu yupaychasina, uqhamarac sacrificionac loktasinjja jumanacaru churapjjeristam, ucatsti jumanacajj inampis uca diosanacaru loktat mank'anacsa mank'antapjjasma.

Qullan Arunaka DC

¹⁵ “Janiw kuna amtäwirus uka uraqin jakir jaqinakamp mantapxätati, jupanakax diosanakapar yupaychasina, wilañcha luqtatanak jumanakar churapxiristam, jumanakax uka diosanakar luqtat waxt'anak manq'apxarakisma,

Éxodo 34:15 Jak'a apnaqawi uñst'ayäwi

1 Crónicas 5:25

Ucampis jupanacajj nayra awquinacapana Diosap contraw tucupjjäna, ucatsti Tatit Diosajj marcanacana diosanacaparu jupanacan nayrakatapana t'unjcatayna, uca diosanacaruw yupaychapjjäna.

Esdras 6:9

Ucatsti sapüruraqui jan armasina Jerusalenanquiri sacerdotenacaru churaspan vaca kallunaca, mä maran ovejanaca alajjpachanquir Diosar nact'ata loktäwinaca loktañataqui, uqhamarac trigsa, jaysa, vinsa, jan ucajj aceitsa jupanacan mayitanacaparjama, uqhamarac take cuntï munapqui uqhamaruraqui.

Esdras 9:12

Ucjjarusti sapjjaraquistawa jan phuchanacajja yokanacapampi casarañanacajja, ni phuchanacapsa yucanacajjampi casaraña munañanacajjsa, uqhamarac janipuni cunapachas jupanacan samarañanacapa, sumancañanacapsa munañanacajja, uqhamata nanacajj ch'amani sarantañanacajjataqui, orakena suma cusisita jacañanacajjataqui, ucatsti nanacat saraker wawanacajjsa jupan herenciapata wiñayataqui jaytañanacajjataqui.

Salmos 106:28

Baal-peor diosan loktiriparuw tucupjjäna, jiwat diosanacar loktat wilañchanac mank'apjjäna;

Salmos 73:27

Jumat jayarst'irinacajj tucusipjjaniwa, arsutam jan phokherinacarusti t'unjätawa.

Éxodo 22:19

“Qhititejj mä uywampi k'añusqui ucajja jiwañapawa.

Éxodo 22:20

“Qhititejj yakha diosanacaru sacrificio loktascchi, Tatituru loktañat sipansa ucajja jiwañapawa.

Éxodo 23:32

“Jumasti, janiw jupanacampejj mä suma amtäwir mantätati, ni diosanacapampisa.

Éxodo 32:8

Jupanacasti janc'aquiw saraktapjje nayajj sarapjjam sapcsma uca thaquitjja. Uqhamarac kori umatatayasaw mä vaca kallu lursusipjje, jichhasti ucaruwa yupaychasina sacrificionac loktasipqui. Ucat sapjjaraquiwa: ‘¡Israel, aca diosamawa Egiptot irpsuntamjja!’ —sasa.

Éxodo 34:10

Tatitusti sänwa: “Jumanacasti ist'apjjam, nayasti mä suma amtäwi lurta take jakenacaman uñjcata. Uqhamarac luraraquïwa walja muspharcañanaca, uqhamasti janiwa cawqha orakensa, ni cawqha marcansa luratäquiti; jumanacasti cawqhanjjay jakenac taypina jicjjatasipjjchïta take uca jakenac taypinwa jumanacajj uñjapjjäta Tatitojj cunjjay lurchini uca. Uqhamasti cunanacjjay nayajj jumanacampi lurchï ucanacajja wali muspharcañäniwa.

Éxodo 34:12

“Janiw jumajj sumancañaru mantätati cawqha marcanacarutejj jumajj mantcäta ucanjja, jupanacasti inampis jan walt'añaru puriyapjjeristama.

Jeremías 3:9

Jan ajjsartasaraquiw yakhampejj sarnake, uqham sarnakatapampisti aca orakerojj ñankhacharaquiwa. Nayar apanucusinsti kalanacaru uqhamaraqui kokanacaruw quillisiraqui.

Oseas 4:12

Marcajjajj c'ullut qhitsut diosanacaparuw jisct'asi, varanac tokeraquiw yatiñanacsa thakapjjaraqui. Wachoka juchampi apnakatajja, marcajjajj pantjat thaquinacanwa sarnakasqui; Diosap apanucusaw yakhanacampi juchanacan sarnake.

Oseas 9:1

Israel marca, jan cusiscamti; janirac yakha marcanacjamas cusisiñatjja thokonakcamti, jan wali sarnakañaruw purtajja yakhanacampi sarnakasajj Diosamaruw apanuctajja. Grano jawk'äwi chekanacanwa juman yakhampi sarnakatamatjja pago catokañ muntajja,

Levítico 17:7

Janipuniw mayampsa uca ñankhanacarojj ofrendanacapjja loktascjjapjjaniti, cawquïrinacarutejj jupanacajj yupaychapjjäna, uqhamarac k'añuchasipjjänsa. Acasti jumanacataquejj wiñaya leyïniwa, awquinacamataqui, uqhamarac wawanacamataquisa.

Números 15:39

Cunapachatejj fleconacan uchat uñjapjjät ucqhajj, take camachi arunac churapcsma ucanacat amtasipjjäta, ucatsti phokhapjjaraquïtawa, janiraquiw jumanacan pachpa amtäwinacamampi, munañanacamampi apayasipjjätati, cawquïrinacampitejj jumanacajj jan iyawsañani tucupcta ucanacampi.

Números 25:1

Cunapachatejj israelitanacajj Sitim sat chekar utjantasipjjän ucqhajj, chachanacajj moabita warminacampiw wachoka jucha lurañ kalltapjjäna.

Números 25:2

Uca warminacasti diosanacapar sacrificionac loktapcän ucaruw jupanacarojj jawsapjjäna, ucatsti israelitanacajj mank'anacapatwa mank'apjjäna, uqhamaraquiw moabitanacan diosanacaparusa yupaychapjjäna.

Hechos 15:20

Waquisispaw jupanacar aqham sas kellkaña: ‘Yakha diosanacar loktatäquis ucanacjja jan mank'apjjamti. Janirac wachoka juchsa lurapjjamti, ni cuncat jaychjat jiwayat uywanacsa, ni wilsa mank'apjjamti’ sasa.

1 Corintios 10:27

Jan ucajj mä jan iyawsiritejj jumanacar mank'añatac jawsayapjjätamjja ucat jumanacajj sarañ munapjjaraquïtajja, take cuntï churapcätam ucjja mank'asipcaquim jan jisct'asa, chuymanacaman jan mayjt'asipjjañamataqui.

1 Corintios 8:10

Amuyt'apjjam. Jumatejj uca yakha diosanacan altarapan kont'asisin mank'asmajja, ucatsti mä pisi iyawsañani jilatajj uñjiristam ucan mank'asquirjja, uca pisi iyawsañan jilatajj mank'araquispawa uca c'ari diosanacar loktat mank'jja.

1 Corintios 8:4

Uqhamajj uca yakha diosanacar sacrificion churatäquis uca mank'anac mank'añjjata, chekpachansa yattanwa, mä c'ari diosajj janiw cunäquis acapachanjja, mä sapa Diosaquiwa chekpachansa utjejja.

1 Corintios 8:7

Ucampis janiw acjja takeni yatipquiti. Yakhepanacajj uca c'ari diosanacar yupaychirinacäpjjänwa, ucatsti uca yakha diosanacar churat mank'anacjja mank'asipcaquiwa yakha diosanacar loktatäcaspas uqhama. Ucatsti ajayu tokena jan ch'amanïtap laycojja chuymanacapanjja juchanjamaw amuyasipjje.

Deuteronomio 31:16

Ucapachasti Tatitojj Moisesarojj sänwa: “Niyaw jumajj jiwjjäta, aca marcajj naya contra sayt'asisajj yakha diosanacaruwa arcapjjani cawquïri oraktejj catupcani ucanjja; ucapachasti jupanacajj nayarojj apanucupjjetaniwa, uqhamaraquiw suma arust'äwiru jupanacampi mantapcta ucsa p'aquintapjjani.

Deuteronomio 31:18

Ucampisa uca urojj nayajj juc'ampwa jupanacatjja jithektäjja, take jan walinac luratanacap laycu, uqhamaraqui yakha diosanacaru yupaychapjjatanacapata.

Deuteronomio 32:37

Ucatsti jupanacarojj saniwa: ‘¿Cawquincaraqui uca diosanacamasti, cawquïri arjjatiri diosarutejj iyawsapcäyäta ucasti,

Deuteronomio 32:38

sacrificion loktata uywanacan liq'ip mank'apcän ucanacasa cawquincaraqui loktapcäyäta uca vino umirinacasti? ¡Sartasipjjpanaya jumanacar yanapt'añataqui! ¡Jutapjjpanay arjjatirisa!

Deuteronomio 7:2

Cunapachatejj Tatitu Diosamajj uca marcanac amparanacamaru catuyapjjätam, uqhamaraqui atipjapjjät ucqhajj janiw jumanacajj cunsa jumanacatac catusipjjätati, jan ucasti take yänac t'unjapjjäta, janiraquiw cuna suma arust'äwirus jupanacampi mantapjjätati ni jupanacat qhuyapayasipjjätasa.

Deuteronomio 7:3

Janiraquiw jumanacajj jupanacampi familiachasipjjätati ni yokall wawamaru ni imill wawamarusa jupanacan wawanacapampi casarapjjätati.

Josué 23:12

Ucampis jumanacajj yatipjjam, jumanacatï Diosat saraktapjjäta, ucatsti uca jumanac taypin kheparir jakenacampi chicachasipjjäta, uqhamaraqui jupanacampis casarasipjjäta ucqhajj,

Apocalipsis 2:20

Ucampis mayan juma toke sañajj utjitu. Jumajj amuquiw catoktajj uca Jezabel sata warmirojja. Uca warmejj —Dios toket parlta —siwa, ucampis janiw uqhamäquiti, jan ucasti yatichäwinacapampejj sirvirinacajjaruw pantjayasqui wachoka juchan jacayasa, uqhamarac yakha diosanacar loktatäquis ucanac mank'ayasa.

Jueces 2:17

Ucampis israelitanacajj uca jilïrinacarojj janiw ist'añjja munapcänti. Dios nayrakatan jan walïpjjatap laycusti yakha diosanacaru yupaychiriw sarapjjäna. Jupanacan nayra awquinacapasti Diosan mandamiento arunacaparu ist'asaw jacapjjäna, ucampis jupanacajja janiw uca uñacht'äwirjam sarañjja munapcänti.

Jueces 3:6

Ucatsti israelitanacana yokanacapasa, phuchanacapasa casarasjjapjjänwa uca marcanacanquir jakenacan yokanacapampi, phuchanacapampi, ucatsti diosanacaparuraquiw yupaychapjjaraquïna.