Éxodo 34:15 - Qullan Arunaka DC

¹⁵ “Janiw kuna amtäwirus uka uraqin jakir jaqinakamp mantapxätati, jupanakax diosanakapar yupaychasina, wilañcha luqtatanak jumanakar churapxiristam, jumanakax uka diosanakar luqtat waxt'anak manq'apxarakisma,

Aymar Bibliia 1986

¹⁵ “Ucampis janipuniwa sumancañaru mantapjjätati uca oraken jaquirinacampejja. Jupanacasti diosanacaparu yupaychasina, uqhamarac sacrificionac loktasinjja jumanacaru churapjjeristam, ucatsti jumanacajj inampis uca diosanacaru loktat mank'anacsa mank'antapjjasma.

Qullan Arunaca

¹⁵ “Ucampis janipuniwa sumancañaru mantapjjätati uca oraken jaquirinacampejja. Jupanacasti diosanacaparu yupaychasina, uqhamarac sacrificionac loktasinjja jumanacaru churapjjeristam, ucatsti jumanacajj inampis uca diosanacaru loktat mank'anacsa mank'antapjjasma.

Éxodo 34:15 Jak'a apnaqawi uñst'ayäwi

1 Crónicas 5:25

Ukampis jupanakax nayra awkinakapan Diosapatakiw sayt'asipxäna, ukatsti kawkïr markanakarutix Diosax t'unjkatayna uka markanakan diosanakaparuw yupaychapxäna.

Esdras 6:9

Ukatsti sapürurak jan armasis Jerusalenankir sacerdotenakar churaspan, vaca qallunakäpasa, mä maran ovejanakäpasa, jan ukax trigöpasa, jayüpasa, vinöpasa, aceitëpas jupanakan mayitanakaparjama, alaxpachankir Diosar nakt'at luqtäwinak luqtapxañapataki.

Esdras 9:12

Sapxarakistawa, phuchhanakaxax uka jaqinakan yuqanakapamp jan jaqichasipxañapataki, janirak jupanakan phuchhanakapas yuqanakaxamp jaqichasipxañapataki. Janipun kunapachas uka jaqinakan samarañanakapsa, sumankañapsa munañanakaxa, ukhamata nanakax ch'aman sarantañataki, aka uraqin utjir suma achunakapat manq'asiñataki, kusisit jakañatakiraki, ukatsti wawanakaxampiru, allchhinakaxampir tutipäkaspas ukham wiñayatak jaytañataki.

Salmos 106:28

Pegor chiqan Baal diosan luqtiriparuw tukupxäna, jiwat diosanakar luqtatanak manq'apxäna.

Salmos 73:27

Jumat jayarst'irinakax jiwapxaniwa; arsutam jan phuqhirinakarusti t'unjätawa.

Éxodo 22:19

19 (18) “Mä uywamp q'añusir jaqix jiwañapatak juchañchatäniwa.

Éxodo 22:20

20 (19) “Yaqha diosanakar wilañchanak luqtir jaqix, jiwañapatak juchañchatäniwa.

Éxodo 23:32

“Janiw jumax jupanakampisa, diosanakapampis kuna arust'äwirus mantätati,

Éxodo 32:8

¡Jupanakax jank'akiw, nayax uñachaykta uka thakhit saranukupxi! Quri umatatayasaw mä vaca qallu lursusipxi, jichhasti ukaruw yupaychasipki wilañchanaksa luqtasipkaraki; ukhamarus sapxarakiwa: “¡Israel, akaw Egiptot irpsunktam uka diosamaxa!” —sasa.

Éxodo 34:10

Tatitusti Moisesar sänwa: “Sum ist'am, taqpach markamampiw mä arust'äwi lurä. Jach'a muspharkañanak lurä, janiw kawkha uraqinsa, kawkha markansa ukhamax luraskänti. Jumanakax jakapkät uka markanakan taqi uka jaqinakaw uñjani kuntix naya, Israelan Tatitupax lurkä ukxa. Ukhamasti nayax jumanakatak lurkä ukanakax wali muspharkañäniwa.

Éxodo 34:12

“Mantapkäta uka uraqin jakirinakampix janiw jumanakax kuna arust'äwsa lurapxätati, jupanakax jan walt'añaruw puriyapxiristam.

Jeremías 3:9

Jan axsartasaw yaqha diosanakar yupaychi, ukham sarnaqatapampisti aka uraqirux ñanqhachiwa. Nayar apanukusinsti qalanakaru, quqanakaruw killisiraki.

Oseas 4:12

Markaxax k'ullut khitsut diosanakaparuw jiskt'asi, thujrunak tuqirakiw yatiñanaksa thaqhi. Wachuqa juchampi apnaqataxa, markaxax pantjat thakhinakan sarnaqaski; Diosap apanukusaw yaqhanakampi juchanakan sarnaqi.

Oseas 9:1

Israel marka, jan kusiskamti; janirak yaqha markanakjamas kusisiñat thuqunaqkamti, Diosamar apanukusaxa, yaqhanakampiw wachuqa juchanak lurtaxa. Grano jawq'añ chiqanakan yaqhampi jan wal sarnaqatamatxa, paylla katuqañ muntaxa.

Levítico 17:7

Janipuniw mayampsa uka ñanqha ajayunakarux waxt'anakap luqtaskxapxaniti, kawkïrinakarutix jupanakax yupaychas q'añuchasipxäna ukanakaru. Aka kamachisti jumanakatakix wiñayatakïniwa, awkinakamataki, ukhamarak wawanakamatakisa.

Números 15:39

Uka t'ikhachatanak uñjasin jumanakax nayan churat taqpach kamachi arunakat amtasipxäta, ukat phuqhapxarakïta; janirakiw jumanakan pachpa amtäwinakamampi, munañanakamampi apayasipxätati, ukanak laykuw jumanakax nayar iyawsañ apanukupxtaxa.

Números 25:1

Israelitanakax Sitim chiqan utjantasipkän ukapachasti, chachanakax moabita warminakampiw wachuq jucha lurañ qalltapxäna,

Números 25:2

uka warminakasti diosanakapar wilañchanak luqtäwiruw jupanakarux jawsapxäna. Israelitanakax uka manq'äwinakapat manq'apxäna, moabitanakan diosanakapatakiw killt'asipxäna,

Hechos 15:20

Jan ukasti jupanakar mä qillqat apayañaw wakisispa: ‘Idolonakar luqtat manq'anak jan manq'apxañapataki. Janirak axskatas jiwat uywanak manq'apxañapataki, wilan aycha jan manq'apxañapataki. Ukhamarusa, Moisesan kamachipan jark'atäki uka wachuq jucha lurañanak apanukupxañapataki.’

1 Corintios 10:27

Cristor jan iyawsir jaqitix manq'asir jawsayapxätam, ukat jumanakax sarañ munapxarakït ukaxa, kunanaktix churapkätam uk manq'asipkakim, chuymaman jan mayjt'asiskañapatakisti jan kunsa jiskt'apxamti.

1 Corintios 8:10

Ukhamasti jumatix ukanak yatkasina, yaqha diosanakar luqtañ chiqan qunt'asis manq'äta, ukatsti pisi iyawsañan jilatatix uñjätam ukaxa, uka jilatax uka yaqha diosar luqtat manq'a manq'arakispawa.

1 Corintios 8:4

Yaqha diosanakar luqtat manq'anak manq'añxatxa, niy yattanwa, jaqin lurat diosax akapachan janiw kunäkisa, mä sapa Diosakiw utji.

1 Corintios 8:7

Ukampis janiw taqin chiqa kankañat yatipkiti. Yaqhipanakax yaqha diosanakar yupaychañ yatitäpkän ukanakaxa, uka manq'anakat manq'asipkakiwa, diosanakar luqtatätap amuyasina; ajay tuqin t'ukhätap laykusti, chuymanakapan juchanjamaw amuyasipxi.

Deuteronomio 31:16

Ukat Tatitux Moisesar säna: “Niyaw jumax jiwxäta, ukapachasti aka markax aka uraqin utjir jaqinakan k'ari diosanakaparuw yupaychani; ukapachasti apanukxitaniwa, jupampi lurat suma arust'äwirux p'akintarakiniwa.

Deuteronomio 31:18

Ukampis uka urux juk'amp jupanakat jithiqtäxa, taqi jan walinak luratanakapata, yaqha diosanakar yupaychatanakapata.

Deuteronomio 32:37

Ukat uñisirinakasarux sani: ‘¿Kawkinkarak uka diosanakamasti, iyawsapkäyäta uka arxatir diosanakasti?

Deuteronomio 32:38

¿Kawkinkarak waxt'anakam aparapipkäyäta, wilañchanakam luqtapkäyät uka diosanakamasti? ¡Sartasipxpanay jumanakar yanapt'iri! ¡Jutapxpanay jumanakar arxatiri!

Deuteronomio 7:2

Kunapachatix Tatit Diosamax uka markanak jumanakar katuyapkätam, ukatsti jupanakar atipjapxarakïta ukkhasti, janiw jumanakax jupanakat khuyapayasipxätati, janirakiw kuna suma arust'äwirus jupanakampi mantapxätati; q'alpun uka markanak t'unjapxäta.

Deuteronomio 7:3

Janiw jumanakax jupanakamp mä wila masir tukupxätati, janirakiw yuqall wawamarusa, imill wawamarus uka jaqinakan wawanakapamp jaqichasiñap munapxätati.

Josué 23:12

Nayax jumanakan yatipxañam munta: jumanakatix Tatitut armasipxäta, ukatsti jumanak taypin qhiparki uka jaqinakampi chikachasipxäta, jupanakampis jaqichasipxarakïta ukaxa, Tatitu Diosamax janiw uka markanakarux jumanak nayraqatat jaqunukkaniti, jan ukasti Diosax qänar uñtata, sipitar uñtataw jupanakarux apnaqani, jikhaninakamatakix jawq'añar uñtata, nayranakamatakisti ch'aphir uñtata, jumanakat jan maynis kawkïr uraqtix Tatitux churapktam uka uraqin qhiparapxañamkama.

Apocalipsis 2:20

Ukampis jumatak arsuñaxaw utjitu. Jumax uka Jezabel warmirux janiw kamsktasa. Uka warmix ‘Diosaw khithanitu’ sasaw sarnaqi, yatichäwipampix luqtirinakaxaruw pantjayaski, wachuqa juchan jakayasa, idolonakar luqtatäkis ukanak manq'ayasa.

Jueces 2:17

Ukampis israelitanakax janiw uka jilïrinakarux yäqapkänti, jan ukasti Tatit nayraqatan janiw sum sarnaqapkänti, yaqha diosanakaruw yupaychapxäna. Jupanakan nayra awkinakapax Tatitun kamachi arunakaparu ist'asaw jakapxatayna, ukampis jupanakax janiw uka uñacht'äwirjam sarnaqapkänti.

Jueces 3:6

israelitanakan yuqanakapasa, phuchhanakapasa, uka markanakankir jaqinakan yuqanakapampi, phuchhanakapampiw jaqichasipxäna, ukatsti diosanakaparuw yupaychapxarakïna.