150 Diosan Yatiñapat parlir Biblian jiskʼa tʼaqanakapa

Tatituwa yatiña churirejja; lacapataracwa yatiña, uñt'aña arunacapajj misturaqui.

Jumanacat maynintejj jan yatiñ cancañapajj utjcchi ucapachajj, Diosat maypan, Diosasti juparojj churaniwa. Jupasti jilarquirwa churi, qhitirus jan cuns sasaw churaraqui.

Yatiñ cancaña jicjjatañataquisti nayrakatajj Diosar ajjsartañawa; kollana Tatitur uñt'añajj ch'iqhi cancañanïñawa.

“Cusisiñaniwa qhititejj yatiña cancañ jicjjatqui ucajja, uqhamarac ch'iqhi cancaña catokqui ucasa; ucasti kollquit sipansa, suma korit sipansa juc'amp asquinacwa jicjjatayaraqui.

Yatiñ cancaña jicjjatañataquisti nayrakatajj waquisiwa Tatitur ajjsaraña; pisi amuyt'an jakenacasti jisc'achapjjewa yatiñarusa, yatichäwirusa.

Yatiñ cancañan kalltapajj, Tatitur ajjsartañawa, jupar wakaychirinacajj wali amuyt'anïpjjewa; Tatitojj wiñayaw jach'añchatäni.

Take cunat sipansa nayrakatajj, yatiñ cancaña, suma sarnakaña jicjjatam.

Ucampisa Diosajj wali ch'amani, yatiñaniraquiwa, jupajj uca suma amtatanacapjja phokheriwa.

Ist'am suma ewjja arunacaru, chekachäwi arunacsa catokasiraquim; uqhamatwa yatiñan jakëyätajja.

Tatit Jesucristosan jach'a Dios Awquiparuw mayta ajayun yatiñ cancañ jumanacaru churañapataqui Diosan uñacht'äwip sum amuyapjjañamataqui, uqhamarac sum uñt'apjjañamataqui.

Yatiñ cancañajj wali jila alani kalanacat sipansa juc'ampiwa; ¡janiraquiw chicachascaspati cunatejj wali muncañäqui ucampisa!”

Ucampis qhitinacatejj Diosan yatiñanïpqui ucanacan jacañanacapajj nayrakatajj k'omawa, suma jakenacäpjjaraquiwa, munasirïpjjaraquiwa, suma amuyt'anïpjjaraquiwa, qhuyapayasirïpjjewa, asqui lurapjjaraqui, khanaraqui cuns parlapjje.

Kollketa, suma korita sipansa, jicjjatapjjam yatichäwinaca, yatiñ cancañaraqui” sasa. Yatiñ cancañajj wali jila alani kalanacat sipansa juc'ampiwa; ¡janiraquiw chicachascaspati cunatejj wali muncañäqui ucampisa!”

Korit sipansa yatiñ cancaña jicjjatañawa asquejja; kollket sipansa amuyt'anïñawa asquejja.

Munaractwa jupanacajj chuymanacapanjja wali ch'amañcht'atäpjjañapa, mayaquïpjjañaparaqui munasiñansa, chekpach amuyumpi suma phokt'atäpjjañapawa, uqhamat Diosan imantäwipa uñt'añataqui, ucasti Cristo pachpawa. Jumanacajj Cristomp chicaw jiwjjapjjtajja, take jakenacan amtatanacapatjja jithektasjjapjjaractawa take cunanac toketsa. ¿Cunataraqui jichhasti acapacha jakenacjam jacasipctasti jaken amtatanacapar ist'asasti, cunjämtï jupanacajj sapqui: “Jan acjj llamct'amti, jan qhaysa mank'amti, jan amparamampis aptamti” sasajja? Take aca yatichäwinacasti tucusir yänacampi chicaw tucusiwayjje, jakenacan camachinacapaquiwa, uqhamarac jupanacan yatichatapaquiwa. Mä toketjja uca yatichäwinacajj sumjamäspawa, jakerus Diosarus sum arccaspa uqham tucuyaspa, alt'at chuymanïñapa mayiraqui, uqhamarac janchir t'akhesiyañsa mayiraqui, ucampis inamayaquiw take jañchin munañapar atipjañataquejja. Uca Criston imantatäscaraquiwa take yatiñasa, amuyt'asiñasa.

Jakenacataqui Diosan amtatapajj mä lokhe cancañjamäqui ucajja, jakenacan yatiñ cancañapat sipansa wali jach'awa; uqhamarac Diosajj jan ch'amanjamäcchi ucasa, wali ch'amaniwa jakenacan ch'amapat sipansa.

Yatiñan jakenacampi, ch'iqhi jakenacampiwa yatiñ cancaña thakapqui ucjja jicjjatapjjaspa.

Jan yatiñan jakejj juchanac lurasawa cusisi; yatiñan jakesti, yatiñ cancañatwa cusisi.

Diosasti jakenacarojj sänwa: ‘Take chuymampi Tatitu Diosar sirviñanquiwa yatiñ cancañajja; ñankhanacat jithektañanquiwa amuyt'asirïñajja’ ” sasa.

Yatiñajja jakerojj arjjatiwa, cunjämatï kollkejj arjjatqui uqhama, ucampis yatiñ cancañajj jilanquiwa yatiñaniru jacaña churatapata.

Jach'a jach'a tucuñajj nuwasiñanacacwa apani, ucampis yatiñ cancañajja llamp'u chuymaninacampiwa.

Yatiñ cancañajja yatiñan jakerojj amuyt'ayiwa sarnakañapanjja, ucampis jan amuyt'an jakerojj pachpa jan wali luratanacapaw sallkji.

Jach'a jach'a tucuñajja jan walt'añanacwa apani; yatiñ cancañasti llamp'u chuymaninacamp chicawa.

Yatiñ cancañatjja parlaractwa qhitinacatejj iyawsäwinacapanjja suma jiltatäjjapjje ucanacaru, ucampis uca yatiñ cancañajja janiw acapachanquirïquiti ni acapachan munañan jakenacancquisa, ucanacasti tucusiriquiwa. Diosan yatiñ cancañapatwa parlapjjtjja, uca Diosan amtatapasti jan amuyt'cayawa. Aca orakejj janïra utjcän ucqhatpachracwa Diosajj ucanacjja amtäna jiwasan khespiyasiñasataqui, wiñayan wiñayapataqui.

Jicjjataraquim yatiñsa, uqhamarac ch'iqhi cancañsa; janipuni arunacajj-jja armasimti. Yatiñ cancañarojj janipun apanucumti, jan ucasti munasim, jupaw imascätam.

yatiñarusa ist'araquïta; ch'iqhi chuymanïñsa jicjjatañ munaraquïta.

Nayajj yatiña thaquinjamwa irpäma, suma thaquinjamwa sarnakayaraquïma.

wiñayataquiw jupajj imaraquini. Yatiñ cancañampi yatjjatañampisti mä suma kamir yänacjamawa, khespiyaraquiwa, Tatitur ajjsartañasti kamir cancañat sipansa juc'ampi sumawa.

Yatiñ cancañajja jach'atwa arnakasisqui, ch'iqhi cancañasti arupjja ist'asiyaraquiwa. Kollketa, suma korita sipansa, jicjjatapjjam yatichäwinaca, yatiñ cancañaraqui” sasa. Yatiñ cancañajj wali jila alani kalanacat sipansa juc'ampiwa; ¡janiraquiw chicachascaspati cunatejj wali muncañäqui ucampisa!” “Naya, yatiñ cancañajj, ch'iqhi cancañamp chicaw jacta, suma ewjja arunacwa jicjjatañ yatta. Tatitur ajjsarañajj, jan waliru uñisiñawa. Nayasti uñistwa jach'a jach'a tucuñaru, jan walina sarnakañaru, uqhamarac c'arisiñaru. Nayanwa utji amtäwisa, lurasïwisa, nayätwa chekapar suma sarnakañajja, uqhamarac ch'amasa. Nayïpanwa reyinacas marcar apnakapjje, uqhamarac marca apnakerinacas chekapar leyinaca mistuyapjje. Nayïpanwa reyinacajj marcanacar apnakapjje, uqhamarac jilïrinacas chekaparu uñjapjjaraqui. Nayasti muntwa qhitinacatejj munapquitu ucanacaru, qhitinacatejj thakapquitani ucanacasti jicjjatapjjetaniwa. Nayawa kamir cancaña jach'ar aptatäñsa churta, uqhamarac jan tucusquir jach'a cancaña, nayrar sartañsa. Nayasti juc'amp sumwa churta, suma korita, suma kollketa sipana. Kollu amsta chekanacaruwa sayt'asi, thaqui pallkanacaruw sayt'asi.

Yatichäwinacsti sum catjjarusim, jan apanucumti; suma jacañamasti uca yatichäwirjam sarnakañanquiwa.

Yatichäwi arunacjja sum chuymamar catokam, ucatsti uca arunacar jaysasaraqui sarnakam.

Qhititejj yatiñani, ch'iqhïqui ucawa aca arunacjja ist'ejja, ucatsti jicjjatiwa juc'amp yatiñ cancaña, uqhamarac juc'amp suma ewjja arunaca,

Suma amuyt'a chuymay churita, yatiñ cancañ churaraquita, arsutanacamarojj takpach chuymampiw iyawsta.

Qhititejj nayar jicjjatquitani ucajja jacañwa jicjjatani, Tatitun qhuyapayasiñap jicjjataraquini. Ucampis qhititï nayar jan jicjjatquitu ucajja, jacañapwa aynacht'añaru apasqui; ¡nayar take uñisirinacasti jiwaruwa munasipqui!”

Jumajj wawatpachwa Tatitun arunacapjja yatta, uca arunacaw yatichiristam, uqhamarac khespiyañaru irpiristam Cristo Jesusar iyawsäwi toke.

Yaticham yatiñan jakeru, ucatsti juc'ampi yatiñanïniwa; yaticham asqui jakeru, ucatsti juc'ampiwa yatiñapajj jiljjatani.

Tatitun arsutanacapajj chekapawa, jaken chuymapar machakaptayiriwa; Tatitun arunacapajj asquiwa, jan yatiñan jaker yatiñan tucuyiriwa;

Jan amuyasimti sinti yatiñanïtama; Tatitur ajjsartam, take ñankhatsa jithektam,

Munat wawajjay, ewjja arunacajjar ist'am. Ist'apunim ewjjanacajj-jja. Janipuni nayrakatamatjja chhaktayamti, ¡jan ucasti chuymarupuni imam!

Take chuymamp ist'am yatiñan jakenacan säwi arunacapa, amuyt'araquim cuntï yatichcsma ucanaca.

Yatichäwimarojj walpun munasta: ¡Sapüruw ucjjat lup'iscta! Arunacamajj timanacajjat juc'amp yatiñan tucuyitu, camächit arunacamajj nayamp chict'atapuniwa.

“Munat wawajjay, ch'iqhi cancañampipuni sarnakam, ewjja arunacarjama sarnakaraquim,

Yatiñan jakejj juc'ampwa yatikañ muni, ucampis jan amuyt'an jakejja jan walinacampiw apayasi.

“Ucampisa ¿cawquitsa juti suma amuyt'anïñajja? ¿Cawqhanquisa ch'iqhi chuymanïñasa? Jakejj janiw yatquiti ucanacan wali jila alanïtapjja, janiraquiw acapachansa jicjjatquiti.

Yatiñ cancañampiwa utajj lurata, cimientonacapasa ch'iqhi cancañampiwa uchantataraqui. Jayra jaken yapu jac'apwa pasawayta, pisi amuyt'an jaken uva yapup jac'a. Ucatsti yapupwa uñjta ch'aphinacampi chhaktayata, kala uyupasa liju tucjataraqui. Uqham uñjasinsti chuymajjanjja amthapistwa; uc uñjasinsti aca yatichäwi yatekta: jumajj juc'ampis ict'ascactawa, amparanacamsa khomjjarusiscactawa sum iquiñataqui, uccañcamasti pobrernucstañawa acatjamata catuntätam, mä muyuycu jakjama wali ch'amampi. Ucatjja uta mankherojja yatiñampiw phokhantataraqui, jila alani muncaña yänacampi.

¿Qhitirac Tatiturusti janiw walïctati saspasti? ¿Jan ucajj qhitich juparojj yatichaspajja? ¿Qhitis juparojj ewjjanacsa jan ucajj amuyt'äwi arunacsa churi? ¿Qhitich juparojj cheka cancañampi taripäwi uñjañ yatichaspa? ¿Qhitis juparojj yatiñ cancañsa yatichaspa? ¿Qhitich juparojj yatiñ cancañ churaspa?

Yatiñasti chuymamaruw mantätam, ucatsti yatiñan sumätapwa yant'äta. Jumarusti suma ewjja arunacampi, ch'iqhi chuymampiwa imätam;

Qhitinacatejj jan iyawsirïpqui ucanacampejj suma amuyt'ampi sarnakapjjam, take horasanacansa asquinac lurapjjam.

Qhititejj ñankha lurir jakenacan amtayataparjam jan sarnakqui ucajj cusisiñan jakewa. Jupajj janiw jucharar jakenacan thaquipan sarnakquiti, janiraquiw Diosamp sawcasirinacampis chicachasquiti, jan ucasti, jupan cusisiñapajj Tatitun arupawa, uca arupatsti arumay uruw lup'i.

Jacañ urunacajjay jaqhuñ yatichapjjeta, amuyunacajjan yatiñ cancañ jicjjatañapataqui.

Ist'apjjam yatichäwinacaru, jan yatiñ cancañarojj jisc'achapcamti.

Yatiñan jakenacajj juc'acwa parlapjje, ch'iqhi cancañajj amuct'añawa.

Qhititejj yatiñ cancaña jicjjatqui ucajja, jupa pachpawa munasi; qhititejj ch'iqhi cancaña jicjjatqui ucajja, cusisiñwa jicjjati.

Acapacha yatiñ cancañasti Diosataquejj lokhe cancañawa. Diosan Arupasti saraquiwa: “Diosajj yatiñan jakenacarojj jupanacan pachpa sallka chuymampi amtatanacaparuw jalantayi.”

Jucharar jakenacajj janiw amuyt'apquiti cheka cancañatjja, ucampis qhitinacatejj Tatitur thaktapqui ucanacaw take cun amuyt'apjje.

Tatitojj situwa: “Nayranacajjajj jumaruw uñch'uquisctam, nayaw yatichascäma, nayaw amuyt'ayascäma, nayaw sarañamäqui uca thac uñachayascäma.

Ñankha lurir jakejj yatiñ thakasinjja janiw jicjjatquiti, ucampis ch'iqhi jakejja janc'aquiwa yatiñ cancaña jicjjati.

Tatitur ajjsarañajj yatiñ cancañwa utjayi; llamp'u chuyman tucuristi jach'ar aptatawa.

Uqhamajj sarnakäwinacamanjja sum amuyasipjjam. Yatiñ cancañampi jacapjjam, janirac jan yatirinacjamajja. Jan tiempjja ina ch'usaru tucuyapjjamti, urunacajj jan walëjjatap laycu. Jan lokhëpjjamti, jan ucasti cunäquitejj Tatitun munañapajja uc amuyañaru uscusipjjam.

Nayanwa utji amtäwisa, lurasïwisa, nayätwa chekapar suma sarnakañajja, uqhamarac ch'amasa.

“Wiñayataqui jach'añchatäpan Diosan sutipajja, jupanquiwa yatiñasa, ch'amasa. Jupaw urunacsa, maranacsa mayjt'ayaraqui, reyinacsa apakaraqui, uscuraqui. Yatiñaninacarusti juc'ampi yatiñwa churi, ch'iqhinacarusti juc'ampi ch'iqhi chuyma churaraqui.

“Jayra jake, q'isimiranacar uñjam; cuntï lurapqui ucanaca uñjam, yatikasiraquim. Jupanacajj janis jilïrinïpcchi ucasa, ucampis jupanacajj mank'añjja imcatasipjjewa, yapu apthapi pachana.

Jan amuyt'an jakejj janiw yatekañ munquiti; jan ucasti jupan amuyt'äwipacwa parlañ muni.

Tatay, thaquim uñacht'ayita, thaquiman irpnakasita, jumat jan jithektas sarnakayita; jumaw Diosajjätajja, Khespiyirejjätasa, jumaruw take chuymamp sapür suyt'ascsma.

Nayan amtatanacajjasti janiw jumanacan amtatanacamjamäquiti, luräwinacajjas janiraquiw jumanacan luräwinacamjamäquiti.” Tatituw uqhamjja arsu. “Cunjämatejj alajjpachajj acapachat wali altonquejja, uqhamaraquiw amtatanacajjasa, luräwinacajjasa, jumanacan amtatanacamatsa, luräwinacamat sipansa wali altoraquiwa.” Tatituw ucjja arsu.

Yatiñanïqui ucajj yatichäwi arunacjja catokasiwa; jan wali parlir jakesti tucusiñaruwa puri.

Diosasti Salomonarojja wali yatiñ cancañwa churäna, uqhamarac ch'iqhi cancaña, ucatsti wali amuyt'añaraqui kota lacan walja ch'allanacar uñtata.

Qhititejj chekachatäñaru munqui ucajja, yatiñ cancañaruwa muni; chekachatäñaru uñisqui ucajja, jan amuyt'aniwa.

Arsutanacamajj chekapapuniwa; amuyt'a cancañay churita, nayasti jacañ jicjjatä.

jupaw ñankha jakenacan amtatanacapjja t'unatati, ucatsti jupanacarojj aynacht'ayaraquiwa. Ñankha chuymani jakerusti pachpa ñankha amtatanacaparuw jalantayi, uca ñankha amtatanacapsa aynacht'ayaraquiwa.

Jan amuyt'an jakesti jan wali sarnakatapatjja cusisiwa; ch'iqhi jakesti sarnakäwinacapjja chekachasiwa.

Yatiñan jaken arunacapampiw takenimpi munayasi, ucampis pisi amuyt'anin arunacapajj jupa pachpan aynacht'añapataquiquiwa:

“Munat wawajjay, jumatejj arunacajja catoketäta; camachi arunacajjsa imaraquïta,

“Yatiñasti callenacana, plazanacanwa arnakasi mayninacan ist'atäñataqui; arunacapjja yatiyiwa mantañ puncunacana, uqhamarac marcana tantachasïwi chekanacana, aqham sasa:

Ist'apjjam yatichäwinacaru, jan yatiñ cancañarojj jisc'achapcamti. Cusisiñaniwa qhititï nayar ist'quitani ucajja, uqhamarac qhititï sapürusa suyjjatasqui utajja puncuna ucajja.

Chekpachansa Diosaw churi yatiña, uñt'aña, uqhamarac cusisiña qhititejj jupatacjamäqui ucaru; ucampis jucharar jakerojja lurañwa churi apthapiñataqui, uqhamarac imasitanaca montonañapataqui, ucatsti qhititejj jupatacjamäqui ucar churjjañataqui. ¡Acasti inamayaquiraquiwa, thayarus catthapï siscsna uqhamaquiwa!

“Wawanaca, awquiman suma ewjja arunacaparojj ist'apjjam; take chuymampi ist'apjjam suma sarnakañ yatekapjjañamataqui. “Munat wawajjay, arunacajja ist'asinjja catoketa, ucatsti walja maranacaw jacäta. Nayajj yatiña thaquinjamwa irpäma, suma thaquinjamwa sarnakayaraquïma. Ucansti janiw cuna lanctañamas utjcaniti; ucanjama jalcasasa janiw lanctcätati. Yatichäwinacsti sum catjjarusim, jan apanucumti; suma jacañamasti uca yatichäwirjam sarnakañanquiwa. Jucha lurir jakenacan thaquipanjam jan saramti, janiraqui jan wali sarnakäwipsa arcamti. Thaquipan sarnakañjja jan munamti; jupanacatjja jithektam, ucatsti nayrakataru sarantam. Jupanacajj jan ñankhanac lurasajja janiw samarapquiti; jan qhitiru aynacht'ayasasti janiw icthapipcaraquisa. ¡Jupanacan mank'apasa, umañapasa ñankha lurañampi tucjasiñampiquiwa! “Asqui jakenacan sarnakäwinacapasti willjta khanjamawa; phokhatpach khantañcamaw juc'at juc'at khanti. Ucampis jucha lurir jakenacan sarnakäwinacapasti ch'amacaquiwa; ¡janiw yatisipquiti cunar lanctapjjatapsa! Nayajj suma yatichäwinacwa churapjjsma; uqhamasti jan jisc'achapjjamti yatichäwinacajj-jja.

amtatamarjamaw irpistajja, khapak chekawjaruw puriyaraquitätajja.

Acapachan korinacata sipana, uqhamarac suma yänacat sipansa, juc'amp asquiwa qhititejj yatiñampi parlqui ucajja.

Arunacamat khanañchäwejj amuyt'ayituwa, pisi amuyt'aninacarojj amuyt'ayiwa.

¡Ay, cunaquïcani, jumanacataquejja take cuns yatiri, wali ch'iqhi amuyasipcaracta ucanacataquejja!

Uqhama misq'jamäniwa jumataquejja yatiñ cancañasa, uñt'añasa; jumatejj ucanac jicjjatäta ucajja, suma tucuyäwi jicjjatäta, ucatsti suyt'äwimajja janipuniw tucjatäcaniti.

Jichhasti churitaya yatiñ cancañ chuyma aca marcaru apnakañataqui, uqhamarac uñt'añataqui cunatejj asquïqui, jan walïcaraqui ucanaca; ¿qhitiraqui aca walja jakenacamarusti apnakaspasti?” —sasa.

Kollketa, suma korita sipansa, jicjjatapjjam yatichäwinaca, yatiñ cancañaraqui” sasa.

Yatiñan jakenacajj wali amuyt'ampiwa parli, ucampis jan yatiñani jakenacan parlatapasti jan walt'añanac utjayirjamawa.

Yatiñan wawajj awquipan ewjja arunacapjja catokasiwa, ucampis jan ist'asir wawajja janiw chekachäwi arunacjja catokasquiti.

Ucatpï ch'amacht'asipjjañamajja iyawsatanacamarojja suma luräwinacampi yapjjatapjjañamataqui; suma luräwinacarusti amuyt'asiñampi; amuyt'asiñarusti, jumanacpach suma sarnakañampi; jumanacpach suma sarnakañarusti, llamp'u chuymampi; llamp'u chuymanïñjjarusti, Diosar munañampi;

Takpach yatichirinacajjat sipan juc'amp amuyta, arunacam lup'itajj laycu.

Janipuni cunapachas armasimti munasiñampita cheka cancañampita; ucanacsti mä collarjama cuncamar warcuntasim. Chuymamarusti ucanacjja sum imaraquim, Jan qhitis jumar ñankha lurquipanjja, jan qhitimpisa ch'ajjwañaru mantamti. Lokhe chuyman jakerojj, jan jach'ar aptamti, janirac jupjam sarnakañsa munamti; Tatitusti jan wali luririnacarojj janiw munquiti, ucampis jupajj asqui jakenacampiwa parlasi. Ñankha lurir jaken utaparojj ñankhachiwa, ucampis asqui jaken utaparojja asquimpiw phokt'i. Tatitojj jisc'achiri jakenacarojj jisc'achiwa, ucampis llamp'u chuyman jakenacatsti qhuyapayasiwa. Yatiñan jakenacan churäwipajj aytat cancañawa, ucampis jan amuyt'an jakenacajj p'enkachatäniwa. ucatsti sumaru uñjata, munataraquïyätawa Diosan nayrakatapana, uqhamarac jakenacan nayrakatapansa.

Qhititejj yatiñampi amuyt'qui ucajja, yatiñampiwa parli; arunacapasti sumwa amuyt'ayi.

Asqui jakejj yatiñ cancañampiw parli, lajjrapajj chekap sarnakañ khanañchi.

“Munat wawajjay, sum ist'ita yatiñ cancañajjaru, ch'iqhi cancañajjarusa. Uca jan uñt'ata jakenacajj ch'amamp lurctas ucanacampi jan phokt'asiñapataqui. Jan ucasti kheparojj jachañaquiw wact'ätam, uccañcamasti cuerpomajj juc'at juc'atjamwa aynacht'jjaraquini. Ucatsti ucqhaquiwa jumajj sätajja: ‘¡Janiqui yatichäwi arunacar jisc'achcpachänti! ¡Janiqui chekachäwi arunacarus apanucpachänti! ¡Cunataraqui jan ist'cpachätsti qhitinacatejj nayar yatichapquitäna, uqhamarac sumar irpaña munapquitäna ucanacarusti! ¡Nayasti niyapuniw jan walt'añar purta, take jakenacan nayrakatapana!’ sasa. “Jumasti warmimampi jacasim, cunjämatejj maynejj jupa pachpan phuch'upan umapata umasquejja uqhama. Jan wawanïcamti callenacan jan wali sarnaker warminacampejja, umanacamjja thaquirus wartcasman uqhama. Wawanacamasti warmiman wawanacapäñapawa, janiw yakhanacampejja, ¡cunjämatï phuch'usa, umasa jumanquejja uqhama! ¡Juman warmimasti bendecitäpan! ¡Cusisitaqui jacasim waynäcasin warmimampejja! ¡Warmimasti suma muncaña tarujar uñtatawa! ¡Jumarusti munasipunïtamwa! ¡Munasiñapampiwa jumarojj muyuntayätam! Uqhamatwa suma yatiñampi sarnakañ yatïta, ucatsti amuyt'ampiw parlaraquïta.

Tatitusti yatiñampi, ch'iqhi cancañampiwa sayt'ayi alajjpachsa, acapachsa. ucatsti jaya maranacaw jacasïta, cusisitaw sarnakasiraquïta. Jupasti yatiñampiwa lamar kotsa jaljtayi, jallsa kenayata puriyaraqui.

ucanacaw khespiyätam jan wali sarnakäwita, uqhamarac ñankha parlir jakenacatsa.

Yatiñan jakejj wali suma yatichäwinacwa parli, ucampis jan yatiñan jakejj jan walinacacwa luri.

Munat wawajjay, misq'iy mank'am, ucan sumätap laycu; mallt'am, jumataquejj sumawa. Uqhama misq'jamäniwa jumataquejja yatiñ cancañasa, uñt'añasa; jumatejj ucanac jicjjatäta ucajja, suma tucuyäwi jicjjatäta, ucatsti suyt'äwimajja janipuniw tucjatäcaniti.

Qhititejj Diosan arunacapar ist'i ucajja, cusisiñwa jicjjatani; ¡cusisiñaniwa Tatitur iyawsir jakejja!

Yatiñan jakejj, yatiñapatjamajja jach'ar aptatäniwa, ucampis jan amuyt'ani ñankha jakejja jisc'achatäniwa.

Mä toketsti take jakew amuyt'anejja, take ch'amani Diosasti takeniruw amuyt'a churaraquejja.

Aca säwi arunacasti: Yatiñ cancañampi, yatichäwinacampi yatiyañataquiwa, yatiñan phokt'at arunaca amuyt'añana yanapt'añataqui, “Yatiñasti callenacana, plazanacanwa arnakasi mayninacan ist'atäñataqui; arunacapjja yatiyiwa mantañ puncunacana, uqhamarac marcana tantachasïwi chekanacana, aqham sasa: ‘Jan yatiñani, sawcasiri, pisi amuyt'an jakenaca, ¿cunapachcamaraqui pisi amuyt'añan sarnakapjjäta, sawcasiñanacamana cusisisa, yatiñarusa jisc'achasasti? Nayan ewjja arunacajjaru ist'apjjeta, ucatsti nayaw yatiñanïña churapjjäma, yatichäwinacajjsa yatiyapjjaraquïma. Nayasti jumanacarojj jawsapjjsmawa, ucampis jumanacajj janiw ist'añ munapquistati. Jan ucasti suma ewjja arunacajj-jja jisc'achapjjtawa, janiraquiw ewjja arunacajj-jja catokañ munapctati. ¡Nayajja larusiraquïwa cunapachatï jan walt'añajj jumanacaru catuntapcätam ucqhajja! ¡Nayajj sawcasiraquïwa cunapachatï ajjsarañajj jumanacar catuntapcätam ucqhajja, uqhamarac cunapachatï jumanacar jutcani ajjsarañanacasa, jan walt'añanacasa, llaquisiñanacasa, aykoñanacasa, mä take tucjiri jach'a tutucjama ucqhajja! “Uca urusti jumanacajj jawsapjjetätawa, ucampis nayajj janiw ist'apcämati; thakapjjetätawa, ucampis janiw jicjjatapquitätati, jumanacan yatiñ cancañaru jisc'achapjjatamata, Tatitur jan ajjsarapjjatam laycuraqui. yatichäwinaca, ch'iqhi cancaña jicjjatañataqui, uqhamarac jakerojj asqui cheka cancañana sarnakaña yatichañataqui; Jumanacasti suma ewjja arunacajjarojj janiw catokañ munapctati, jan ucasti ewjja arunacajjarojj jisc'achapjjtawa. ¡Ucatsti jumanacajj jan wali sarnakapjjatanacamatjja t'akhesiñwa catokapjjäta! Ñankha amtatanacamampisti amjayasipjjätamwa. Jan yatiñan jakenacarusti jan wali luratanacapaw tucjani, pisi amuyt'an jakenacarusti jan amuyt'asitanacapaw aynacht'ayani. Ucampis qhititejj nayar ist'quitani ucajja, sumancañanwa jacasini, ucatsti janiw ajjsarayascaniti cuna jan walt'añanacansa.’ jan yatiñan jakenacarusti ch'iqhi cancaña yatichañataqui, uqhamarac waynanacarus yatiña, amuyt'asiña churañataqui.

Munat wawajjay, jumatejj yatiñ cancaña jicjjatäta ucajja, nayajj wali cusisitäyäwa; jumatejj chekpuni parläta ucajja, nayajj walipuniw cusisëjja.

Lacajjajj yatiñ cancañampiw arsuni, amuyt'äwinacajjajj wali amuyt'cayäniwa;

Jumanacarusti Dios quipcaw Jesucristompi mayaruqui tucuyapjjtam uqhamaraquiw Diosajj jiwasan yatiñ cancañasjja Jesucristompi utjayi. Uca Jesucristo tokeracwa khespiyistu, jupar catuyata tucuyaraquistu.

Yatiñan jaken parlatapanjja yatiñ cancañawa utji, ucampis jan amuyt'an jaketaquisti ucajj lawampi jawk'anokcsnas uqhamawa.

Cheka cancañajj jacañwa churi, ñankha lurañasti jacañjja apakewa.

Jan sum cunsa yatjjatasa lurañajja janiw walïquiti; mäqui lurjañanacanjja pantjasiñawa utji.

Suma yatiñan jakenacamp chica sarnakerejja, suma yatiñaniraquïniwa; jan amuyt'an jakenacamp chica sarnakeristi, jan walt'añaruwa puriraquini.

Yatiñan jakejj janiw mäqui colerasquiti, chuyma usuchjatasa janis cunäcaspa uqhamac uñji, uqham luratapasti jach'a cancañawa.

Yatiñ cancañampiwa utajj lurata, cimientonacapasa ch'iqhi cancañampiwa uchantataraqui.

Wali parlañanjja jucha lurañawa utji, ucampis horasapar amuct'añasti yatiñ cancañanquiwa.

Tatituwa jaken sarnakäwipa sarayasqui; janiwa qhitis yatisquiti jupa pachpan tucuyäwipjja.

Tatitun camächit arunacapajj chekapawa, chuymar cusisiyiriwa; Tatitun arsutanacapajj k'omawa, nayranacar khan chuririwa.

Paciencianïñaw asquejja, jan ajjsarir jaket sipansa; marcanacar catuntañat sipansa, juc'amp asquiwa jiwasa pachpa apnakasiñajja.

Jan qhitiru yäker jakejj mutuyatäqui ucqhasti, jan amuyt'asir jakejj uqham uñjasinjja amuyt'asjjewa; yatiñan jakesti mä sapa chekachataquiwa yateke.

Nayarusti Diosaw khespiyitani, jiwan amparapat antutnucuyitani, jupamp chicaw irpasjjaraquitani.

Amuyt'asiri jakejj sumwa catokasi jupan asquipataqui toketäqui ucjja; jan amuyt'an jakesti janiw catokascaspati pataca cuti jawk'jatäcaspa ucasa.

Jan amuyt'an jakewa, jupa pachpan amuyt'aparu alcatasqui ucajja, ucampis qhititejj yatiñ cancañampi cunsa lurqui ucawa khespiyatäni.

Jakejj jan amuyt'asirïtap laycojja suma sarnakañapjja chhakhayiwa, ucatsti jakejj Tatituruquiw juchañchi.

¿Qhitis yatiñanimpi chicachasispajja? ¿Qhitis take jacañjjata khanañchaspajja? Yatiñ cancañajj jaken ajanupjja khantayiwa, khoru ajanupsa koñaptayaraquiwa.

Nayajj juman loktirimätwa: amuyt'a cancañay churita, arsutanacam yatiñ munta.

Ch'iqhi chuymanïñarusa chekap sarnakañarusa take ch'amamampi, kollkerjama, jila alani imat yänacarjama, thakaraquïta ucqhajja,

Wawamarojj horasäquipana chekacham, ucampis janiw jiwayañcama jawk'jätati.

Munat wawajjay, chekachäwi arunacarutejj jan ist'cäta ucajja, suma ewjja arunacatwa sarakttajja.

Suma amtäwinacajja suma ewjja arunacampiwa wact'ayasi; uqhamarac guerran nuwasiñataquisa wali yatiñampi sarañawa.

Take acanacsti Diosajj Kollan Ajayu tokwa uñacht'ayistu. Uca Ajayusti take cunracwa yati, Diosan jan amuyt'cay amtatanacapsa yatiraquiwa. Jakenac taypitsti ¿qhitirac yatispa jaken amtatanacapsti? Cawquïritejj chuymapancqui uca ajayuquiw yatejja. Uqhamaraquipï Diosan amtatanacapjja pachpa Diosan Ajayupaquiraquipï yatejja. Jiwasasti janiw acapachanquir ajayu catokctanti, jan ucasti Diosan Ajayupwa catokapjjtanjja, uqhamat cuntï Diosajj munasiñampi churquistu ucanac amuyt'añasataqui.

Tatitun amparapar sarnakäwim catuyasim, jupar take chuymamp alcatam, jupasti yanapätamwa.

Jan yatiñani waynanaca, ch'iqhïña yatekapjjam, pisi amuyuninaca, yatiñ cancañanïña yatekapjjaraquim.

Suma korita lurata anilloru, uqhamarac collarar uñtatjamaraquiwa, qhititejj suma yatiñampi chekachäwi arunaca catokasqui ucataquejja.

Nayrakatarupuni uñtam, nayräjjat uñtaraquim. Sum amuyasim cawqharutejj tact'ctajj uca chekjja, ucatsti suma chekarupuniw tact'ätajja. Thaquimatjja jan maysaru saranucumti; jan wali sarnakäwinacanjja janipun sarnakañ munamti.

Asqui jaken lacapatwa yatiñ cancañajj mistsu, ucampis ñankha jaken lajjrapjja qharekapjjaniwa.

Tatitun munasiñapajj jiwasanacampïpan. Tatay, luräwinacajjarojj juc'ampiy jiljjatayam, ¡jïsa, irnakatanacajjarojj juc'ampiy thuruñcham!

Jaken arunacapasti walja umanacar uñtatawa, jalir jawirjamawa, jacañ churir phuch'uraquiwa.

Yatiñan jakejj juc'amp yatiñanïñwa muni, ucampis jan amuyt'an jakejja janiw cawquiru saratapsa yatisquiti.

Qhititejj ch'iqhïqui, amuyt'irïqui ucataquejja, arunacajjajj khana jan camscayawa.

Ñankha jakeru mutuyir uñjasaw, jan amuyt'an jakejja yateke; yatiñan jakesti mä cuti yatichataquiw yateke.

Jan amuyt'asiri jakejj take cuntejj sapqui ucarojja iyawsaquiwa, ucampis ch'iqhi jakejja amuyt'asiwa cawquinjamas sarasqui uca.

Tatitun nayrakatapanjja janiw yatiñasa, ch'iqhi cancañasa, suma amuyt'anacasa cunäcjjeti.

juman jacquir umajj utji, khanamasti khan uñjayapjjetu.

“¿Cawquitaraqui yatiñ cancañasti juti? ¿Cawquincaraqui ch'iqhi cancañasti? Takenin uñjañatjja imantatawa, alajjpacha jamach'inacatsa imantataraquiwa.

Nayasti muntwa qhitinacatejj munapquitu ucanacaru, qhitinacatejj thakapquitani ucanacasti jicjjatapjjetaniwa.

“Munat wawajjay, jan armasimti nayan yatichäwinacajjata; camachi arunacajjsti chuymamarupuni imam, uqhamatwa pirwanacamas jilarquiri phokhantani, uqhamarac vino imañanacamasa. Munat wawajjay, jan jisc'achamti Tatitun jumar chekachataparojja, janirac tokenokatapatsa colerasimti; Tatitusti qhitirutï munasqui ucarojj chekachiwa, cunjämatejj mä awquejj munat wawaparojj chekachqui uqhama. “Cusisiñaniwa qhititejj yatiña cancañ jicjjatqui ucajja, uqhamarac ch'iqhi cancaña catokqui ucasa; ucasti kollquit sipansa, suma korit sipansa juc'amp asquinacwa jicjjatayaraqui. Yatiñ cancañajj perlanacata sipansa juc'amp jila alaniwa, ¡janiw wali munatäqui ucanacampisa chicachayat uñjascaspati! Cupi amparampisti walja maranac jacañwa churi, ch'eka amparampisti kamirïñampi, jach'achatäñampwa churaraqui. Jupan sarnakäwipar arctañasti asquiwa, thaquipan sarnakañasa suman jacañaraquiwa, Yatiñ cancañajj jicjjatiripataquejj jacañawa; ¡cusisiñaniwa uca yatiña catjjäsipqui ucanacajja! Tatitusti yatiñampi, ch'iqhi cancañampiwa sayt'ayi alajjpachsa, acapachsa. ucatsti jaya maranacaw jacasïta, cusisitaw sarnakasiraquïta.

“Jichhasti, wawanacajjay, ist'apjjeta; nayar arcapjjeta, ucatsti cusisitäpjjätawa. Ist'apjjam yatichäwinacaru, jan yatiñ cancañarojj jisc'achapcamti. Cusisiñaniwa qhititï nayar ist'quitani ucajja, uqhamarac qhititï sapürusa suyjjatasqui utajja puncuna ucajja.

Nanacajj Cristo Tatitjjatwa parlapjjtjja. Takeniruraquiw ewjjt'apjjta yatichapjjaracta sum amuyt'apjjañapataqui, uqhamata takenis suma jiltatäñapataqui Tatitumpi mayaquïñapanjja.

Wali ch'aman jaket sipansa, yatiñan jakewa juc'amp jilanquejja; ch'amanïñata sipansa yatiñ cancañawa juc'amp luraspajja.

Acanacatjja take chuymamampi amtasim, cunjämtejj jumajj nayrakataru sarcta uc takeni uñjapjjañapataqui. Jumapachpat imasim uqhamarac yatichäwimatsa, take cunansa ch'amani tucum. Uqhamtejj lurätajja jumapachpaw khespiyasïta, uqhamarac qhitinacatejj jumar ist'apctam ucanacarus khespiyaraquïtawa.

Parlañajj tucuyjjewa. Takewa parlatäjje. Diosar yupaycham, ucatsti camachi arunacapa phokham, take ucanacajj jaketaquïtap laycu. Diosajj take luratanacasatwa wayt'istani, walitsa jan walitsa, jan uñjcat luratanacatsa.

Jan ist'asiri ñankha jakeru chekacham, jupasti jumarojj uñisïtamwa, ucampis amuyt'asiri jakeru chekacham, jupasti jumarojj munasïtamwa. Yaticham yatiñan jakeru, ucatsti juc'ampi yatiñanïniwa; yaticham asqui jakeru, ucatsti juc'ampiwa yatiñapajj jiljjatani.

Yatiñ cancañajj amuyt'asiri jakenacanwa utji; jan amuyt'an jakensti janiw yatiñajj uñt'atäquiti.