Proverbios 19:2 - Qullan Arunaca

² Jan sum cunsa yatjjatasa lurañajja janiw walïquiti; mäqui lurjañanacanjja pantjasiñawa utji.

Aymar Bibliia 1986

² Jan sum cunsa yatjjatasa lurañajja janiw walïquiti; mäqui lurjañanacanjja pantjasiñawa utji.

Qullan Arunaka DC

² Jan sum amuyt'as lurañax janiw walïkiti; mäki lurañanakanxa, pantjasiñaw utji.

Proverbios 19:2 Jak'a apnaqawi uñst'ayäwi

2 Reyes 4:39

Jupanacata maynïristi pamparuwa mistuwayatayna ch'ojjñanaca apthapisiri, ucanwa jicjjatäna mä ch'uminquir koka achunacani, uca achunacasti ch'uminquir calabazar uñtatänwa, apakasinjja capaparuw apanïna. Cutt'anjjasinjja ucanacampi qhucht'asinwa mank'aru uchantäna, jan yatisina cunäcäntï uca.

Job 31:5

“Nayajj juramentompiw arsta, janiw qhitirus ñankha amtañampi cuns lurcti, janiraquiw qhitirus sallkjañ amtctti.

Proverbios 1:16

Jupanacasti janc'aquiwa ñankha lurañ munapjje, ¡masinacaparus janc'aquiw jiwayañsa munapjjaraqui!

Proverbios 10:21

Asqui jaken arunacapajj waljaninacaruw yatichi, ucampis jan yatiñani jakejj jan amuyt'asirïtap laycuw jiwi.

Proverbios 14:29

Wali llamp'u chuymanïñajj wali ch'iqhi cancañ uñacht'ayi; jan paciencianïñasti t'ajjmarätapwa uñacht'ayaraqui.

Proverbios 21:5

Suma amuyt'ampi cuna amtäwinaca waquichatasa sumaquiwa phokhasi, ucampis mäqui waquichata amtäwinacajja aynacht'añaruwa puriyi.

Proverbios 25:8

Cuntï nayramampi uñjcäta ucjja jan mäqui tribunalaru yatiyiri saramti, yakha testigo jakesti yakharacwa khanañcharaquispa uca laycu, ucatsti jumajj tucuyarojj janiw camachcasmasa.

Proverbios 28:20

Cheka lurir jakejj jach'añchatäniwa; qhititejj sallkjañampi mäqui kamiriptqui ucajja, juchañchatäniwa.

Proverbios 28:22

Inampst'iri jakejj mäquiwa kamiriptañ muni, ucampis jupajj janiw yatquiti pobres cancaña jupjjaru jutañapjja.

Proverbios 29:20

Jan amuyt'asis mäqui parlir jaket sipansa, mä jan yatiñan jakewa suma parlaspajja.

Eclesiastés 12:9

Yatiyirejj juc'amp yatiñanïsajja, juc'ampiraquiw yatiñjja jakenacar yaticharaqui. Uqhamaraquiw walja säwinaca yatjjatañaru uchasiraqui, ucatsti sapa maya chekaparu uscusa.

Eclesiastés 7:9

Jan colerasiñampi atipayasimti, colerasiñajj pisi amuyt'an jakenquiwa.

Isaías 27:11

Cunapachatejj mä kokan layminacapajj wañsjje ucqhajj p'aquirtjjewa, warminacasti uca layminac apthapisipjje phayasiñataqui. Mä jan amuyt'asir marcawa. Ucatpï jupanacar uscuri Diosajj jan qhuyapt'ayascanitejja.

Isaías 28:16

Ucatwa Tatitojj saraqui: “Sionarojj mä kala uscü, mä suma ajllit kala, wali jila alaniraqui, jach'a jilïr kalaraquïniwa, uta cimienton esquin kalaparaquïniwa. Uca kalar iyawsiristi sumaquiw jacasini.

Oseas 4:6

Marcajjasti janiw amuyanïcjjeti, ucatwa t'unjata uñjasiraqui. Jumasti sacerdote, yatiñamsa apanuctawa, ucatracwa jichhajj jumarojj nayar loktañanacatsa apanucuracsmajja, niyaquejjay jumajj Diosan yatichäwinacapsa armanucstajja, nayajj wawanacamatsa armasiraquïwa.

Juan 16:3

Acjj lurapjjaniwa, jan Awquiru ni nayaru cunapachas uñt'apjjatap laycu.

Romanos 10:2

Jupanac laycusti saractwa, jupanacanjj Diosatac munañ chuymajj utjasquiwa, ucampis jupanacan Diosar munañajj janiw chekpach amuyt'añjjanquiti.

Filipenses 1:9

Diosatsti mayiscaractwa jumanacan munasiñanacamajj juc'ampi utjañapataqui, yatiñansa, amuyt'añansa, take cunansa,