Proverbios 15:14 - Qullan Arunaca

¹⁴ Yatiñan jakejj juc'ampwa yatikañ muni, ucampis jan amuyt'an jakejja jan walinacampiw apayasi.

Aymar Bibliia 1986

¹⁴ Yatiñan jakejj juc'ampwa yatikañ muni, ucampis jan amuyt'an jakejja jan walinacampiw apayasi.

Qullan Arunaka DC

¹⁴ Amuyt'asir chuymax yatiñ kankañ thaqhi, jan amuyt'asir jaqinakasti jan walinakampiw phuqt'asi.

Proverbios 15:14 Jak'a apnaqawi uñst'ayäwi

Salmos 119:100

Chuyman jakenacat sipan juc'amp amuyta, arunacamarjam sarnakatajj laycu.

Salmos 119:97

Yatichäwimarojj walpun munasta: ¡Sapüruw ucjjat lup'iscta!

Proverbios 1:5

Qhititejj yatiñani, ch'iqhïqui ucawa aca arunacjja ist'ejja, ucatsti jicjjatiwa juc'amp yatiñ cancaña, uqhamarac juc'amp suma ewjja arunaca,

Proverbios 12:23

Ch'iqhi jakejj yatiñapatjja janiw jach'achasquiti, ucampis jan amuyt'an jakejja, pachpa jan amuyt'apampiw t'ajjmarätap khanañchasiraqui.

Proverbios 15:15

Qhititejj llaquitäqui ucataquejj take urunacasa jan walicamaquiwa; qhititejj cusisitäqui ucataquisti jan tucusquiri cusisiñawa.

Proverbios 18:15

Yatiñan jakenacampi, ch'iqhi jakenacampiwa yatiñ cancaña thakapqui ucjja jicjjatapjjaspa.

Proverbios 9:9

Yaticham yatiñan jakeru, ucatsti juc'ampi yatiñanïniwa; yaticham asqui jakeru, ucatsti juc'ampiwa yatiñapajj jiljjatani.

Isaías 30:10

Unañchäwi uñjirinacarusti sapjjaraquiwa: “Jan uca unañchäwinac uñjapjjamti”, profetanacarusti: “Cheka yatiyäwinac catokapctas ucanacjja jan yatiyapjjestati, jan ucasti suma koña arunac parlt'apjjeta, janirac cusisiñanacajjsa apakapjjestati.

Isaías 44:20

Chekpachansa khellsa mank'caspa uqhamawa. Uca lurañajj c'ari amuyunacampi sallkjayasiñawa. Uca jakenacasti janiw khespiyasipcaniti. Janiraquiw amuyt'asipcanisa cunatejj jupanacan amparapan utjqui ucajj c'aricamaquïtapa.

Oseas 12:1

“Efrainajj thaya pitaquiw sarnake; sapürusa inti jalsu toket jutiri thayaruquiw arcasqui. C'arisiñanacapampi, nuwasiñanacapampisti waliw jiljjattaraqui, Asiriampisti arust'asiraquiwa, Egiptorusti aceitenacrac apayi.”

Hechos 17:11

Uca marcanquir judionacasti juc'amp suma chuymanïpjjänwa, Tesalonicanquir judionacat sipansa. Jupanacasti take chuymaw Pablompir Silasampirojj isch'uquipjjäna. Sapüruraquiw Kellkatanacsa yatjjatapjjäna —Uca arunacajj ¿chekapunïpachati janicha? —sasa.

2 Pedro 3:18

Ucampis khespiyiri Tatit Jesucristosar uñt'apjjam, munasiñapanraqui jiltapjjam. ¡Jupasti jach'achatäpan jichhas, wiñayataqui! Uqhamäpan.