Proverbios 4:13 - Qullan Arunaca

¹³ Yatichäwinacsti sum catjjarusim, jan apanucumti; suma jacañamasti uca yatichäwirjam sarnakañanquiwa.

Aymar Bibliia 1986

¹³ Yatichäwinacsti sum catjjarusim, jan apanucumti; suma jacañamasti uca yatichäwirjam sarnakañanquiwa.

Qullan Arunaka DC

¹³ Yatichäwinak sum katxarusim, jan apanukumti; uka yatichäwirjam sarnaqam, ukaw jakañamaxa.

Proverbios 4:13 Jak'a apnaqawi uñst'ayäwi

Génesis 32:26

Uqhamasti jakejj Jacoborojj sänwa: —Antutjjeta, niyaw willjtanjje —sasa. —Janitejj bendisquitätajja, janiw antutcämati —sasaw Jacobojj saraquïna.

Proverbios 10:17

Qhititï ewjja arunacaru phokhasa sarnakqui ucajja, jacañ thaquinjamwa sarasqui; qhititï ewjja arunacaru jan phokqui ucajja, chhakañ thaquinjamwa sarasqui.

Proverbios 23:23

Alasim cheka cancaña, uqhamarac yatiñ cancañsa, ucatsti yatichäwimpi, amuyt'añampjja jan aljamti.

Proverbios 3:18

Yatiñ cancañajj jicjjatiripataquejj jacañawa; ¡cusisiñaniwa uca yatiña catjjäsipqui ucanacajja!

Proverbios 3:22

ucasti jumarojj jacañwa churätam, mä collarjamawa c'achacht'araquïtam.

Proverbios 6:23

Chekpachansa ewjja arunacasa, yatichäwinacasa khanasquir lamparjamawa; chekachäwinacasa, suma ewjja arunacasa, jacañ churir thaquiwa.

Proverbios 8:35

Qhititejj nayar jicjjatquitani ucajja jacañwa jicjjatani, Tatitun qhuyapayasiñap jicjjataraquini.

Eclesiastés 7:12

Yatiñajja jakerojj arjjatiwa, cunjämatï kollkejj arjjatqui uqhama, ucampis yatiñ cancañajj jilanquiwa yatiñaniru jacaña churatapata.

Cantar de los cantares 3:4

Jupanacampi uqham jiquisiwayasa mä juc'a sartatajjarusti, nayan ancha munatajjampejj jiquisjjactwa. Amparapata wayjjarusinsti jan antutjasaw taycajjan utjäwiparojj irpawayta.

Juan 6:63

Ajayuw jacañ churi, janchejj janiw cunataquis asquïquiti. Cunanactï nayajj jumanacar parlapcsma ucajja chekpach ajayun jacañ churir arunacawa.

Juan 6:68

Simón Pedrosti ucjjarojj saraquïnwa: —Tata, ¿qhitirus arcapjjeristjja? Juman arunacamajj wiñay jacañ arunacawa.

Hechos 11:23

Antioquiar purisinjja, Bernabeajj wal cusisïna, cunjämtï Diosajj jupanacar bendiscatayna uc uñjasajja. Jupanacarusti ewjjt'awayiwa: “Take chuymamp Tatitur arcapjjam” sasa.

Hechos 2:42

Takeniw sum arcapjjäna cunjämtejj apostolonacajj yatichcäna uqhamarjama, maynit maynicama suman jacasisa. Uqhamaraquiw tantachasipjjäna Diosat mayisiñataqui, t'ant'a pachjañataquisa.

Deuteronomio 32:47

Jumanacasti janiw aca arunacjja alekaqui ist'apcasmati; jan ucasti aca leyinacajj jumanacataquejj jacañawa, ucatjamaraquiwa walja maranaca jacapjjäta, cawquïri oraktï catupcäta Jordán jawirat qhursa tokena.”

1 Tesalonicenses 5:21

Take cun yant'apjjam, ucatsti cunatejj asquïqui ucana catjjarupjjam.

Hebreos 2:1

Ucatwa cuntejj ist'ctan ucarojj wali amuyu uchañasa, jan thaquit maysar saranucuñataqui.

Apocalipsis 12:11

Jupanacasti Corderon jiwatap laycuwa atipjapjje, uqhamarac cuna cheka arunactejj jupjjat parlapcänsa uca laycuraqui. Janiraquiw jiwañsa ajjsarapcänti, jiwañataquisa janc'aquïpjjaraquïnwa.

Apocalipsis 2:13

‘Nayajj yattwa take luratanacamjja. Cawqhantejj Supayajj munañanïqui ucqhan jacatamsa yatiractwa, ucampis nayarojj take chuymampiw arcasquistajja. Nayar iyawsatamjja janipuniw jaytctati, ni Antipas sat sirvirejjaru Supayajj utjqui ucqhana jiwayapquïpansa.