1 Reyes 3:9 - Qullan Arunaca

⁹ Jichhasti churitaya yatiñ cancañ chuyma aca marcaru apnakañataqui, uqhamarac uñt'añataqui cunatejj asquïqui, jan walïcaraqui ucanaca; ¿qhitiraqui aca walja jakenacamarusti apnakaspasti?” —sasa.

Aymar Bibliia 1986

⁹ Jichhasti churitaya yatiñ cancañ chuyma aca marcaru apnakañataqui, uqhamarac uñt'añataqui cunatejj asquïqui, jan walïcaraqui ucanaca; ¿qhitiraqui aca walja jakenacamarusti apnakaspasti?” —sasa.

Qullan Arunaka DC

⁹ Jichhasti yatiñ kankañ chuymay churita, markamar apnaqañataki, ukhamaraki kunatix askïki, kunatix jan walïki uk uñt'añataki; ¿khitirak aka jan jakt'kay markamar apnaqaspasti?” sasa.

1 Reyes 3:9 Jak'a apnaqawi uñst'ayäwi

2 Samuel 14:17

Aca sirvirimasti suyt'ascaraquiwa juma jach'a reyin arunacapampi chuymachatäña, juma jach'a reyisti take cunsa chekaparupuniw uñjtajja, yatiractawa cunatejj walïqui ucsa uqhamaraqui cunatejj jan walïqui ucsa, mä Diosan angelapjama. ¡Tatitu Diosay juma jach'a reyimpi kheparpan! —sasaw warmejj säna.

1 Reyes 10:24

Take jakenacawa jupar uñjaña munapjjäna, uqhamarac ist'aña munapjjaraquïna Diosajj yatiñ cancaña churcäna uca.

1 Reyes 3:10

Tatitutaquisti asquïnwa Salomonan uqham mayitapajja.

1 Reyes 3:28

Reyina uqham chekaparu uñjäwipjja take Israel marcpachawa yatipjjäna, ucatsti juparojj asquimpiwa uñjapjjäna, jupanacajj ajjsarapjjänwa Diosajj uca yatiñ cancaña churatapata chekaparu apnakañataqui uca laycu.

1 Crónicas 22:12

Tatitojj jumar churpan ch'iqhi cancaña, uqhamarac yatiñanïña, cunapachatï jupajj Israel marcar apnakañamataqui utt'aycätam ucqhajja, uqhamata Tatit Diosaman leyipa phokhañamataqui.

1 Crónicas 29:19

Salomón wawajjarusti take chuymäña churam, camachi arunacama phokhañapataqui, uqhamarac ewjjanacama, leyinacama, take ucanacaru phokhasina, ucatsti templo lurayañapataqui, nayajj ucataquiraquiw waquicharacta” sasa.

2 Crónicas 1:10

Jichhasti yatiñ cancañampi, uqhamarac ch'iqhi chuymampi churita aca marcar apnakañajjataqui; ¿qhitis aca jach'a marcamarojj apnakaspajja? —sasa.

Salmos 119:144

Arsutanacamajj chekapapuniwa; amuyt'a cancañay churita, nayasti jacañ jicjjatä.

Salmos 119:34

Munañam phokhañay yatichita, takpach chuymampiw arunacam imä.

Salmos 119:73

Jumaw nayarojj irnokesta, sayt'ayaraquista: arsutanacam yatekañajjataquejj ch'iqhi chuymay churita.

Proverbios 14:8

Yatiñ cancañajja yatiñan jakerojj amuyt'ayiwa sarnakañapanjja, ucampis jan amuyt'an jakerojj pachpa jan wali luratanacapaw sallkji.

Proverbios 16:16

Korit sipansa yatiñ cancaña jicjjatañawa asquejja; kollket sipansa amuyt'anïñawa asquejja.

Proverbios 20:12

Tatitun uchatawa jinchus ist'añataqui, uqhamarac nayras uñjañataqui.

Eclesiastés 7:11

Aca oraken jaquirinacataquisti yatiñanïñajja ancha asquiwa, uqhamarac mä herenciäcaspas uqhamawa.

Eclesiastés 7:19

Mä marcan tunca jilïrinacat sipansa, yatiñ cancañaw ch'am churi yatiñanirojja.

Jeremías 1:6

Nayasti saractwa: “¡Ay, Tata! ¡Nayajj wawäsctwa, janiw parlañsa yatcti!” sasa.

Jeremías 45:5

¿Cuncha jumataqui mayisiñ munta? ¡Jan cunsa mayimti! Nayasti take jakenacjjarojj jach'a t'akhesiñanacwa apayanëjja, ucampisa jumarojj jacayascaraquïmawa cawquirutejj sarcät ucana. Naya Tatituw ucjja arsta’ ” sasa.

Daniel (hebreo) 2:21

Jupaw urunacsa, maranacsa mayjt'ayaraqui, reyinacsa apakaraqui, uscuraqui. Yatiñaninacarusti juc'ampi yatiñwa churi, ch'iqhinacarusti juc'ampi ch'iqhi chuyma churaraqui.

Mateo 3:11

Nayasti chekpachansa umampiw bautisapjjsma, jumanacar arrepientisir uñjasina, ucampis qhititejj nayat khepajja jutcani ucajj Kollan Ajayumpi, ninampiraquiw bautisapjjätam. Jupapï nayat sipan juc'ampi ch'amanejja, nayasti jupan wisqhup apañataquis janiw asquïcti.

Mateo 3:14

Bautisiri Juanasti janiw Jesusarojj bautisañ muncänti, ucatwa säna: —Jumaw nayarojj bautisañamajja, ¿jichhasti nayamp bautisayasirit jumajj juttajja? —sasa.

Juan 5:30

“Naya pachpatjja janiw cuns lurquiristti. Nayajj juchañchtwa cuntï Awquejjajj sisquitu uqhamarjama, juchañchañajjasti chekawa. Janiw nayajj munañajjarjama lurañ muncti, jan ucasti Awquejjajj qhitanquitu ucan munañaparjamaw lurta.

2 Corintios 2:16

Jan khespiyatanacataquejj uca incienso k'aphejj mä jan wali jiwayir k'apjamawa, ucampis khespiyatanacataquejj mä suma jacañ churir k'apjamaraquiwa. ¿Qhitiraqui ucsti amuyt'aspa?

2 Corintios 3:5

Janiraquiw nanacpachas cuna lurañataquis yatekatäpquirista uqhamäpcti, jan ucasti take cuntï lurapcta ucajj Diosatwa juti.

Efesios 5:17

Jan lokhëpjjamti, jan ucasti cunäquitejj Tatitun munañapajja uc amuyañaru uscusipjjam.

Filipenses 1:10

uqhamat asquïquis ucpin ajllipjjañamataqui. Uqhamatwa jumanacan mä k'oma jacasiñajj utjani, cunapachatejj Cristojj jutcani ucqhajj jan cuna jan walis utjañapataqui.

Hebreos 5:14

Ucampis waña mank'ajj jach'a jakenacataquiwa, ucanacajj amuyt'asiñjj yatjjapjjewa. Cunatejj walïqui, jan walïcaraqui uc uñt'añsa yatjjapjjaraquiwa.

Santiago 1:5

Jumanacat maynintejj jan yatiñ cancañapajj utjcchi ucapachajj, Diosat maypan, Diosasti juparojj churaniwa. Jupasti jilarquirwa churi, qhitirus jan cuns sasaw churaraqui.

Santiago 3:17

Ucampis qhitinacatejj Diosan yatiñanïpqui ucanacan jacañanacapajj nayrakatajj k'omawa, suma jakenacäpjjaraquiwa, munasirïpjjaraquiwa, suma amuyt'anïpjjaraquiwa, qhuyapayasirïpjjewa, asqui lurapjjaraqui, khanaraqui cuns parlapjje.