Proverbios 8:17 - Qullan Arunaca

¹⁷ Nayasti muntwa qhitinacatejj munapquitu ucanacaru, qhitinacatejj thakapquitani ucanacasti jicjjatapjjetaniwa.

Aymar Bibliia 1986

¹⁷ Nayasti muntwa qhitinacatejj munapquitu ucanacaru, qhitinacatejj thakapquitani ucanacasti jicjjatapjjetaniwa.

Qullan Arunaka DC

¹⁷ Nayar munasirinakarux munastwa, nayar thaqhirinakasti, jikxatapxituwa.

Proverbios 8:17 Jak'a apnaqawi uñst'ayäwi

2 Crónicas 34:3

Quimsakallko mara apnakascäna ucqhasti jupajj waynäscänwa, ucqharaquiwa nayra David awquipana Diosapar thaktäna. Cunapachatï tunca payan mara apnakascäna ucqhawa Judá orakeru k'omachayäna, uqhamarac Jerusalén marcarusa yakha diosanacan santuario utanacapata, Asera diosan lantinacapatsa, yakha diosanacatsa, uqhamarac hierrot umatatayasa lurat lantinacatsa.

Salmos 91:14

“Nayar munasitap laycusti, juparojj khespiyäwa, nayar uñt'atap laycusti, juparojj imaraquïwa.

Proverbios 1:28

“Uca urusti jumanacajj jawsapjjetätawa, ucampis nayajj janiw ist'apcämati; thakapjjetätawa, ucampis janiw jicjjatapquitätati,

Proverbios 2:4

kollkerjama, jila alani imat yänacarjama, thakaraquïta ucqhajja,

Proverbios 2:5

yatïtawa Tatitur ajjsaraña; ¡jicjjataraquïtawa cunäquitejj Diosar uñt'añajja uca!

Proverbios 4:6

Yatiñ cancañarojj janipun apanucumti, jan ucasti munasim, jupaw imascätam.

Proverbios 8:16

Nayïpanwa reyinacajj marcanacar apnakapjje, uqhamarac jilïrinacas chekaparu uñjapjjaraqui.

Eclesiastés 12:1

Waynäcasina jumar irnoker Diosamat amtasim, janïra ch'ama tucuña urunacajj, uqhamarac maranacasa purinquipana cunapachatejj siscasma: “Sarnakäwejjanjja janiw cunas cusisiyquituti” sasa.

Cantar de los cantares 3:4

Jupanacampi uqham jiquisiwayasa mä juc'a sartatajjarusti, nayan ancha munatajjampejj jiquisjjactwa. Amparapata wayjjarusinsti jan antutjasaw taycajjan utjäwiparojj irpawayta.

Isaías 45:19

Nayajj janiw cunsa jamasat parlcti, janiraquiw ch'amac c'uchunacansa parlcti. Janiraquiw Jacobon wawanacaparojj siscti: ‘Cawqhantejj jan cunas utjqui uca chekan thakapjjeta’ sasa. Naya Tatitojj, chekacpunwa parltjja, cunatejj chekapäqui uca arsuractjja.

Isaías 55:6

“Tatitur thaktapjjam jicjjatañjamäquipana, jac'ancquipan jawsapjjam.

Mateo 6:33

Uqhamasti, nayrakatajj Diosan reinopa munapjjam, uqhamarac cunatejj chekäqui jupan nayrakatapanjja ucanaca, ucatsti take aca yänacajja jumanacarojj churataquïpjjätawa.

Marcos 10:14

Jesusasti uc uñjasinjja colerasïnwa, ucatsti saraquïnwa: —Wawanacajj nayan ucar jutasipcpan sam, jan jarc'apjjamti, jupanacjamanquiwa Diosan reinopajja.

Juan 14:21

Qhititejj camachinacajj yatquejja, uqhamarac phokcaraqui ucajja, uñacht'ayiwa chekpach nayar munatapa. Awquejjasti munasiraquiniwa qhititejj nayar munasquitu ucarojja, nayasti juparojj munasiraquïwa, ucatsti uñacht'ayasiraquïwa.”

Juan 14:23

Jesusasti saraquïnwa: —Qhititejj munasquitu ucajja, cuntejj nayajj siscta ucwa luri; Awquejjasti munasiniwa, Awquejjampi nayampejj jupamp jakeriw jutapjjä.

Juan 16:27

Awqui pachpan jumanacar munatap laycu. Jupasti munasipjjtamwa jumanacajj nayaru munasipjjesta, uqhamarac nayajj Diosat jutatajj iyawsapjjesta uca laycu.

Juan 5:4

Mä angelaw yakhep horasanacajj sarakanirïna uca estancjjaru uca um onjjtayañataqui. Qhititejj nayrakat uca onjjtat umaru mantirïcän ucajja kollataw uñjasirïna cuna casta usutsa.]

Juan 7:37

Fiesta tucuy urojj juc'amp jach'a urünwa. Ucürunwa Jesusajj sayt'asisina jach'at arsüna: —Qhitich umat pharjatäsqui ucajja jutpan nayaru, ucatsti umaracpan.

Santiago 1:5

Jumanacat maynintejj jan yatiñ cancañapajj utjcchi ucapachajj, Diosat maypan, Diosasti juparojj churaniwa. Jupasti jilarquirwa churi, qhitirus jan cuns sasaw churaraqui.

1 Juan 4:19

Diosaw nayrakat jiwasanacar munistu, ucatwa jiwasajj juparojj munaractanjja.

1 Samuel 2:30

Uca laycu Israelan Tatitu Diosapajj sänwa jumampi takpacha familiamampi juparu sirvipjjañama wiñayataqui, ucampis jichhajj aqham saraquiwa: ‘Janipuniw jichhajj uqhamjja lurcäti, jan ucasti qhitinacatejj nayaru yäkapjjetani ucanacarusti suma yäkaraquëjja, qhitinacatejj nayaru jisc'achapquitu ucanacarusti mä p'enka uñjaraquëjja. Naya Tatituw ucjja arsta.’