Eclesiastés 8:1 - Qullan Arunaca

¹ ¿Qhitis yatiñanimpi chicachasispajja? ¿Qhitis take jacañjjata khanañchaspajja? Yatiñ cancañajj jaken ajanupjja khantayiwa, khoru ajanupsa koñaptayaraquiwa.

Aymar Bibliia 1986

¹ ¿Qhitis yatiñanimpi chicachasispajja? ¿Qhitis take jacañjjata khanañchaspajja? Yatiñ cancañajj jaken ajanupjja khantayiwa, khoru ajanupsa koñaptayaraquiwa.

Qullan Arunaka DC

¹ ¿Khitis yatiñan jaqimpix kikipasispa? ¿Khitirak kunäkitix ukanak uñt'aspa? Yatiñ kankañax jaqin ajanup qhanartayi, qhuru uñnaqapsa quñaptayarakiwa.

Eclesiastés 8:1 Jak'a apnaqawi uñst'ayäwi

Génesis 40:8

—Mä samca samcasipjjta, janiraquiw qhitis uca khanañchañ puedipquituti —sasaw jupanacajj sapjjäna. —¿Janit Diosasti uca samca khanañchirïquisti? —sasaw Joseajj saraquïna—. Jichhasti avist'apjjetay uca samca —saraquïnwa.

Job 33:23

“Ucampisa mä angelatejj jupan jac'apancchejja, ucanacatjja mayniquisaya warankatjja jupatjja arspan, chekätapatsa arsuracpan.

Éxodo 34:35

Ucampis israelitanacajj wastat Moisesan ajanupa wali c'ajir uñjapjjatapatsti Moisesajj wastatampiw ajanupjja velompi imt'asjjäna wastat Tatitumpi parliri mantañapcama.

Proverbios 1:6

uqhamata jupajj yatiñan jakenacan säwi arunacapa amuyt'añapataqui, uqhamarac parlatanacapa, uñtasïwi arunacapa, jan amuyt'caya arunacapa amuyt'añapataqui.

Proverbios 12:8

Yatiñan jakejj, yatiñapatjamajja jach'ar aptatäniwa, ucampis jan amuyt'ani ñankha jakejja jisc'achatäniwa.

Proverbios 17:24

Yatiñan jakejj juc'amp yatiñanïñwa muni, ucampis jan amuyt'an jakejja janiw cawquiru saratapsa yatisquiti.

Proverbios 21:29

Ñankha lurir jakejja ajjsarayasiñanacapjja imt'iwa, ucampis asqui jakejja jacäwipjja chekachasiwa.

Proverbios 24:5

Wali ch'aman jaket sipansa, yatiñan jakewa juc'amp jilanquejja; ch'amanïñata sipansa yatiñ cancañawa juc'amp luraspajja.

Daniel (hebreo) 2:22

Jupaw khanañchi jamasan imantata yänacsa, cunatejj ch'amacancqui ucsa yatiraquiwa, khanasti jupancaraquiwa.

Daniel (hebreo) 2:47

Daniel waynarusti saraquïnwa: —Chekpachapuniw jumanacan Diosamajj take diosanacat sipansa jilt'atajja; jupajj reyinacjjarus munañaniwa, cunatejj imantatäqui ucanacsa khanañcharaquiwa, jumasti uca imantatjja khanañcharactawa.

Mateo 17:2

Ucanwa Jesusajj khanquir tucuwayäna jupanacan nayrakatapana. Ajanupajj intjam c'ajquirïnwa, isipasti wali jank'oraquiw tucuwayäna.

Hechos 4:13

Ucapachajj jilïrinacajj Pedrompir Juanampir wali ch'amampi parlir uñjasinjja muspharataw uñjasipjje, jan suma yatichata jakenacäpjjatap yatisina. Ucatsti amuyapjjaraquïnwa chekpachapuni Jesusamp chica sarnakerïpjjatapa.

Hechos 4:29

Jichhasti Tatay, uñtamay jupanacan ajjsarayañanacapa. Arquirinacamarusti ch'amamay churapjjeta, juman arunacam jan ajjsaras parlapjjañajjataqui.

Hechos 6:15

Ucapachajj autoridadanacampi take qhitinacatï ucan kont'atäsipcän ucanacampejja, Estebanan ajanuparojj uñjapjjewa mä angelan ajanupjama.

Romanos 13:5

Uca laycupï waquisejja autoridadanacar jaysañajja, janiw mutuyäwi jan catokañataquiquiti, jan ucasti chuymasatjama.

Efesios 6:19

Nayataquis Diosatjja mayipjjaraquim, parlcta ucapach Diosajj nayar arunac churañapataqui, uqhamat take ch'amampi parlañajjataqui, imantatäqui uca khespiyasiñ arunac mayninacar yatiyasa.

Deuteronomio 28:50

uca jakenacasti wali ajjsarcaya jakenacäpjjewa, jupanacasti janiraquiw chuymani jakenacarojj ajjsarapcaniti ni wawanacatsa qhuyapt'ayasipcaniti.

2 Timoteo 4:17

Ucampis Tatituwa yanapitu, ch'am churaraquitu, uqhamat khespiyasiñ arunac parlañajjataqui, qhitinacatejj Tatitur jan uñt'apqui uca jakenacan ist'apjjañapataqui. Uqhamwa Tatitojj leonan lacapat khespiyitu.

2 Pedro 1:20

Ucampis nayrakatajj amuyt'asipjjam aca toketjja: profetanacan kellkata arunacajj janiw jasäquiti alek leet'asin amuyt'añataquejja.