Efesios 1:17 - Qullan Arunaca

¹⁷ Tatit Jesucristosan jach'a Dios Awquiparuw mayta ajayun yatiñ cancañ jumanacaru churañapataqui Diosan uñacht'äwip sum amuyapjjañamataqui, uqhamarac sum uñt'apjjañamataqui.

Aymar Bibliia 1986

¹⁷ Tatit Jesucristosan jach'a Dios Awquiparuw mayta ajayun yatiñ cancañ jumanacaru churañapataqui Diosan uñacht'äwip sum amuyapjjañamataqui, uqhamarac sum uñt'apjjañamataqui.

Qullan Arunaka DC

¹⁷ Tatit Jesucristosan muspharkañ Dios Awkiparuw mayta, ajay tuqin yatiñ kankañ jumanakar churañapataki, Diosan uñacht'äwip sum amuyapxañamataki, jupar juk'amp uñt'apxañamataki.

Efesios 1:17 Jak'a apnaqawi uñst'ayäwi

1 Crónicas 29:11

¡Jumanquiwa, Tata, jach'a cancañamasa, ch'amamasa, jach'ar aptatäñamasa, apnakañasa, jach'a reyi cancañamasa! Cunatejj alajjpachansa, aca orakensa utjqui ucanacajja jumanquiwa. Jumancaraquiwa apnakañamasa, jumajj Tata takenjjarusa jilïrïtam laycu.

Job 42:5

Jichhacamasti nayajj jumatjja mayninacan parlatap tokecwa uñt'ayäsmajja, ucampis jichhajj naya quipcaw jumarojj uñcatsma.

Salmos 24:10

¿Qhitirac khapak marcanquir Reyisti? ¡Take atipir Tatituwa! ¡Jupaw khapak marcanquir Reyejja!

Salmos 24:7

¡Wiñay puncunaca!, jist'artapjjam, nayrapach jist'añanacajj jist'araspan: khapak marcanquir Reyisti mantaniwa.

Salmos 29:3

Tatitun arupajj lamar kotan ist'asi, khapak cancañan Diosajj khojjokeyiwa; Tatitojj jach'a lamar kotjjan ist'asiyi.

Éxodo 28:3

Jumasti parlam yatiñani ch'iqhi, uqhamarac suma isinac lurir take jakenacampi, jupanacarusti nayawa churta yatiña, ch'iqhi cancaña suma isinaca Aaronatac lurapjjañapataqui, uqhamatwa Aaronajj nayaru suma loktasit sacerdotëjjanejja.

Proverbios 18:15

Yatiñan jakenacampi, ch'iqhi jakenacampiwa yatiñ cancaña thakapqui ucjja jicjjatapjjaspa.

Proverbios 2:5

yatïtawa Tatitur ajjsaraña; ¡jicjjataraquïtawa cunäquitejj Diosar uñt'añajja uca!

Isaías 11:2

Tatitun ajayupasti jupjjancapuniniwa, ucatsti yatiñampi, ch'iqhi cancañampi, suma amuyt'a chuymampi, ch'amampi, Tatitur uñt'añampi jupar ajjsarañampwa churani.

Jeremías 2:11

mä jan Diosar uñt'iri marcajj diosanacap trocatapa. ¡Uca diosanacapajj jan cheka Diosäpcchi ucasa! Ucampisa marcajjajj nayarojj apanucuwayituwa, nayasti jupanacan jach'a cancañaparaquïtwa, jan cunatac inamaya c'ari diosanac laycuquiw apanucuwayapjjetu.

Jeremías 24:7

Jupanacarusti mä suma amuyu churaraquï nayan Tatitütajja yatipjjañapataqui; jupanacasti marcajjäniwa, nayasti jupanacan Diosaparaquïyäwa, nayaru take chuymampi cuttanjjapjjatapata.

Jeremías 31:34

Nayar uñt'añataquejja janiraquiw waquiscjjaniti, yatichasipjjañanacapajj maynit maynicama amigonacaparusa, uqhamarac familianacaparusa, takeniraquiwa jisc'at jach'acama nayarojj uñt'apjjetani. Nayasti jupanacarojj ñankha luratanacapatjja perdonaraquïwa, jucha luratanacapatsti janiw mayampsa amtascjjaraquïti. Naya Tatituw ucjja arsta” sasa.

Jeremías 9:24

Maynitejj jach'a jach'a tucuñ munchejja, nayar uñt'atapat jach'a jach'a tucpan, nayan Tatitütajj yatitapata, aca oraken munasiñampi, asquiru, chekaparuraqui luratajjata, ucaraquiw nayatacjamajja. Naya Tatituw ucjja arsta.”

Daniel (hebreo) 10:1

Cunapachatejj Ciro reyejj Persia marca niya quimsa mara apnakcän ucapachasti, Daniel, cawquïritejj Beltsasar satäcaraqui ucajj mä chekpacha uñjäwi uñjäna, uca uñjäwejj janiw amuyt'añjamäcänti. Ucampisa Daniel chachajj wali amuyumpiw ucanacjja uñjäna, ucatsti amuyaraquïnwa cuntejj uca uñjäwejj sañ muncän ucjja.

Daniel (hebreo) 5:11

jupan reinopansti mayni jakew utji kollan Diosan ajayupampi irpata. Cunapachatejj jach'a reyin awquipajj reyïcan ucapachajj uca jakejj wali suma khana amuyunïtapwa uñacht'ayäna, ch'iqhïtapa, yatiñanïtapa diosanacjama yatiñanïcaspas uqhama. Ucatpï juma jach'a reyin Nabucodonosor rey awquimajj uca jakerojj take yatiri, mago, yatiñani, uqhamaraqui warawaranaca uñch'uquiri jakenacan jilïripat utt'ayänjja.

Mateo 11:25

Ucapachajj Jesusajj saraquïnwa: “Yupaychsmawa, Awquejja, munañaniraquïtawa alajjpachansa acapachansa. Jumawa yatiñ cancañ imanttajja wali yatiñan jakenacatjja; ucatsti juc'a yatiñan jakenacaruw uñacht'aytajja.

Mateo 11:27

“Awquejjasti take cunwa churjjetu ucampis janiw qhitis Yokarojj uñt'quiti, jan ucasti Awquiquiwa. Awquirusti janiraquiw qhitis uñt'quiti, jan ucasti Yokaquiw Awquirojj uñt'i, uqhamarac qhitirutejj Yokajj uñt'ayañ munqui ucanacampi.

Mateo 16:17

Jesusasti juparojj saraquïnwa: —Cusisiñanïtaw jumajj Simón, Jonasan yokapa. Janiw qhitis jumarojj yatiyctamti, jan ucasti alajjpachanquir Awquejjaw yatiytamjja.

Mateo 20:33

Jupanacasti sapjjänwa: —Uñjañwa munapjjta —sasa.

Mateo 6:13

Janirac yant'äwiru puriyapjjestati, jan ucasti ñankhatjja khespiyapjjeta.’ [Jumanquiwa jakenacaru apnakañajja jach'achatäñamasa wiñayan wiñayapataqui. Uqhamäpan.]

Lucas 12:12

ucapachasti Kollan Ajayuw cunatejj sañanacamäcani ucjja yatichasipcätam.”

Lucas 2:14

“¡Diosajj jach'añchatäpan alajjpachanacanjja. Aca orakensti sumancañaraqui utjpan qhuyapayasiñapat cusisipqui uca jakenac taypina!”

Lucas 21:15

Nayaw jumanacarojj yatiñ cancañan phokt'at arunacsa, churapjjäma, ucarusti janiraquiw qhiti uñisirinacamasa camsañataquis ch'amanïpcaniti.

Juan 14:17

Ucajj cheka Ajayuwa, acapachanquirinacasti janiw jupar catokcaspati, jan uñjatapa ni uñt'atapa laycu, ucampis jumanacajj uñt'jjapjjtawa, jupasti jumanacampïsquiwa, ucatsti jumanacanwa jacani wiñayataqui.

Juan 14:26

Awquejjaw nayan sutejjaru Kollan Ajayu qhitanini, jumanacar yanapañapataqui, uqhamarac chuymachañapataqui. Jupaw jumanacar take cuns yatichapjjätam, amtayapjjaraquïtamwa cuntejj nayajj jumanacaru sapjjsma ucanaca.

Juan 16:3

Acjj lurapjjaniwa, jan Awquiru ni nayaru cunapachas uñt'apjjatap laycu.

Juan 17:3

Aca wiñay jacañajj juma sapa chekpach Diosar uñt'añanwa utji, uqhamarac Jesucristoru cawquïrirutejj jumajj qhitancta ucaru.

Juan 20:17

Jesusasti sänwa: —Jan llamct'istati, janïraw Awquejjan ucaru maqhatcti. Ucampis saram, jilanacajjar yatiyanim, sarasctwa cawquincquitejj Awquejjajj ucaru, jupasti jumanacan Awquimaraquiwa, nayan Diosajjawa jumanacan Diosamaraquiwa.

Hechos 6:10

Ucampis jupanacajj janiw atipañatac ch'amanïpcänti Esteban chachan parlataparojja, jupasti Kollan Ajayun ch'amapampejj wali yatiñampiw parläna.

Hechos 7:2

Estebanasti sänwa: —Munat jilatanaca, uqhamarac awquinaca, ist'apjjeta. Jach'a ch'amani Diosaw Abraham awquisarojj uñstäna Mesopotamia orakencquïpana, janïra Harán ucsaru jaquir sarquipana.

Romanos 1:28

Niyaquitejj Diosarojj jan uñt'añ munapcchejja, Diosajj jupanacarojj uca jan wali luräwinacapar chhakañapataquiw jaytanucu, ucat jan walïqui uc lurapjjañapataqui.

Romanos 15:6

uqhamata takenisa mayaqui jach'a Dios Awquisaru yupaychañataqui, jupasti Jesucriston Awquiparaquiwa.

1 Corintios 12:8

Uca Ajayu tokeraquiw yakheparu cunsa sum parlt'añapataqui yatiñ ch'ama churi, uca pachpa Ajayu tokeraquiw yakheparojj take cunas wali suma uñt'añampi parlt'aña churaraqui.

1 Corintios 14:6

Ucatpï jilatanaca, nayatejj jutasin jan uñt'at arunacat parlapjjäma ucqhajja ¿cuna asquirac jumanacasti jicjjatapjjasmasti? Inas cun Diosajj yatiyañ munchi jan ucajj mä chekapa arunaca, jan ucajj Diosan arunacapa jan ucajj mä yatichäwi parlañ utjchi ucqhaquiwa parliristjja.

1 Corintios 2:10

Take acanacsti Diosajj Kollan Ajayu tokwa uñacht'ayistu. Uca Ajayusti take cunracwa yati, Diosan jan amuyt'cay amtatanacapsa yatiraquiwa.

1 Corintios 2:8

Acapach marca apnakerinacajj aca Diosan amtäwipjja janiw amuyt'apcänti. Amuyt'apjjasapän ucajj janiw alajjpach Tatiturojj crusan jiwayapcasapänti.

2 Corintios 12:1

Naya pachpat jach'achasiñajjajj janiw waquisquiti, cuna unañchäwinäctï uñjcta uqhamaraqui cuna yatiyäwinactï Tatitojj churquitu, ucanacatwa parläjja.

Efesios 1:3

Yupaychañäni Diosaru, Tatit Jesucristosan Awquiparu, Cristompi mayachasitas laycuwa jupajj bendiciwayistu take casta ajayun bendicionanacampi alajjpachanacana.

Efesios 3:5

Pasïr maranacanjja janiw qhitirus uca jan amuyt'caña imantata arunacajj yatiyatäquiti, ucampis jichhajj Diosajj uñacht'ayiwa kollan apostolonacaparu, profetanacaparu Ajayup toke.

Efesios 4:13

Uqhamat takenis iyawsäwinjja mayaquïñaru puriñasataqui, uqhamarac Diosan Yokaparu uñt'añansa. Ucatsti ch'amani jakenacaw tucuñäni, Cristojj kawkch'äquitejj ucar puriñascama.

Filipenses 3:15

Take qhitinacatejj iyawsañan wali jilatäctan ucanacajj uqhamwa amuyañasa. Mä cuntejj jumanacajj amuyapctas mayjata, Diosajj jumanacarojj ucjja uñjayapjjaraquïtamwa.

2 Timoteo 2:25

Jan ist'asirinacarusti llamp'u chuymampi ewjjt'añaparaquiwa, inampis Diosajj jan wali luräwinacapat cuttayasincaspa, uqhamat jupan cheka arunacap uñt'apjjañapataqui.

Tito 1:1

Naya Pablojj Diosan sirviripätwa, Jesucriston apostoloparaqui, jupan qhitataraqui qhitinactejj Diosajj ajllisqui ucanacar iyawsañar apaniñajjataqui, uqhamarac Diosan cheka yatichäwinacapsa uñt'apjjañapataqui,

Santiago 2:1

Munat jilatanaca, jumanacajj Cristo Tatitusar iyawsirinacjamajja takenirus mayaqui uñjapjjañamawa.

2 Pedro 1:3

Diosaw jach'a ch'amapampi churistu take cuntejj jacañataqui munctansa ucanacjja, uqhamarac jupar munañsa churaraquistu, qhititejj jach'a ch'amapampi, uqhamarac muspharcañ luräwinacapampi jawsquistu ucar uñt'ayasajja.

2 Pedro 3:18

Ucampis khespiyiri Tatit Jesucristosar uñt'apjjam, munasiñapanraqui jiltapjjam. ¡Jupasti jach'achatäpan jichhas, wiñayataqui! Uqhamäpan.

Apocalipsis 7:12

aqham sasa: “¡Uqhamäpan! Yupaychatäñasa, jach'a cancañasa, yatiñasa, yuspagarañasa, jach'añchañasa, munañanïñasa, ch'amanïñasa, Tatit Diosasancpan, wiñayan wiñayapataqui. Uqhamäpan!”