Efesios 1:17 - Qullan Arunaka DC

¹⁷ Tatit Jesucristosan muspharkañ Dios Awkiparuw mayta, ajay tuqin yatiñ kankañ jumanakar churañapataki, Diosan uñacht'äwip sum amuyapxañamataki, jupar juk'amp uñt'apxañamataki.

Aymar Bibliia 1986

¹⁷ Tatit Jesucristosan jach'a Dios Awquiparuw mayta ajayun yatiñ cancañ jumanacaru churañapataqui Diosan uñacht'äwip sum amuyapjjañamataqui, uqhamarac sum uñt'apjjañamataqui.

Qullan Arunaca

¹⁷ Tatit Jesucristosan jach'a Dios Awquiparuw mayta ajayun yatiñ cancañ jumanacaru churañapataqui Diosan uñacht'äwip sum amuyapjjañamataqui, uqhamarac sum uñt'apjjañamataqui.

Efesios 1:17 Jak'a apnaqawi uñst'ayäwi

1 Crónicas 29:11

¡Tatay, jach'a kankañasa, ch'amanïñasa, jach'ar aptatäñasa, apnaqañasa, munañanïñasa jumankiwa! Kunatix alaxpachana, akapachansa utjki ukax jumankiwa. Ukhamarak aka markas jumankiwa, ukampis Tatitu, jumaw taqi ukanakat jilïrïtaxa.

Job 42:5

Jichhakamasti, nayax mayninakan parlatap tuqik jumarux uñt'ayäsmaxa, ukampis jichhax pachpa nayraxampiw uñkatsma.

Salmos 24:10

¿Khitirak qhapaq markankir Reyisti? ¡Taqi atipir Tatituwa! ¡Qhapaq markankir Reyiwa!

Salmos 24:7

¡Wiñay punkunaka, jist'artapxam! ¡Jist'arat qhiparapxam, qhapaq markankir Reyiw mantani!

Salmos 29:3

Tatitun arupax lamar qutan ist'asi, qhapaq kankañan Diosax arup qhuxuqiyi; ¡Tatitux jach'a lamar qutxan ist'asiyi!

Éxodo 28:3

Yatiñan ch'ikhi jaqinakamp parlam, khitinakarutix nayax sumanak lurañatak ch'ikhi kankañ churkta uka jaqinakampi, Aaronan suma isinakap jupanakaruw lurayäta, uka isix wali sumäñapapuniwa, nayatak yaqhachat sacerdotenakatakjama.

Proverbios 18:15

Yatiñan jaqinakampi, ch'ikhi jaqinakampiw thaqhapki uka yatiñ kankañ jikxatapxi.

Proverbios 2:5

ukapachaw Tatitur axsartañ yatïta; ¡kunäkitix Diosar uñt'añax uk jikxatarakïta!

Isaías 11:2

Tatitun ajayupaw jupxankani, yatiñampi, ch'ikhi kankañampi, suma amuyt'a chuymamp churani, mä jach'a ch'aman reyïniwa, Tatitur uñt'asax suma ist'asirïniwa.

Jeremías 2:11

Diosar jan uñt'ir mä markan diosanakap apanukutapa, uka diosanakapax jan chiqa diosäpkchi ukasa. Ukampis markaxax nayarux apanukuwayituwa, nayax chiqpach Diosäkta ukasa, jan kunatak inamay idolonak laykukiw apanukuwayapxitu.

Jeremías 24:7

Jupanakarusti nayan Tatitütax yatipxañapatakiw mä suma amuy churarakï; jupanakasti markaxäniwa, nayasti jupanakan Diosaparakïyäwa, nayar taqi chuymampi kuttanxapxatapata.

Jeremías 31:34

Nayar uñt'añatakix janiw wakiskxaniti, maynit maynikama, masinakkama, wila masinakkam yatichasiñanakapaxa, taqiniwa jisk'at jach'akama nayarux uñt'apxitani. Nayasti jupanakarux ñanqha luratanakapat pampachäwa, jucha luratanakapatsti janirakiw mayampsa amtaskxäti. Naya, Tatituw uk arsta” sasa.

Jeremías 9:24

24 (23) Maynitix jach'a jach'a tukuñ munchixa, nayar uñt'atapat jach'a jach'a tukpan, nayan Tatitütax yatitapata, aka uraqin munasiñampi, askimpi, chiqampi lurataxata, ukham luräwix wal kusisiyitu. Naya, Tatituw uk arsta.”

Daniel (hebreo) 10:1

Persia markankir Ciro reyin kimsa mara marka apnaqäwipan, Danielax khititix Beltsasar satäkaraki ukax, mä chiqpach unañchäwi uñjäna, uka unañchäwisti janiw amuyt'añjamäkänti. Ukampis Danielax wali amuyumpiw ukanak uñjäna, ukatsti uka uñjäwin qhanañchäwip amuyt'arakïna.

Daniel (hebreo) 5:11

aka Babilonia markan mä ch'ikhi, yatiñan jaqiw utji. Juparux qullan Diosan ajayupaw irpaski. Kunapachatix juma reyin awkimax reyïkäna ukapachaw uka jaqix qhana amuyunïtapa ch'ikhïtapa, yatiñanïtap uñacht'ayäna, diosanakjam yatiñanïkaspas ukhama. Ukatpï Nabucodonosor reyix, juma reyin awkimax uka jaqir taqi yatirinakana, layqanakana, yatiñan jaqinakana, warawaranak uñch'ukis yatir jaqinakan jilïripat utt'ayänxa.

Mateo 11:25

Ukapachaw Jesusax sarakïna: “Yupaychsmaw Awkixa, jumaw alaxpacha, akapacha apnaqtaxa, jumaw yatiñ kankañ wali yatiñan jaqinakat imanttaxa; ukatsti juk'a yatiñan jaqinakaruw uñacht'aytaxa.

Mateo 11:27

“Awkixasti taqi kun churxitu. Janiw khitis Yuqarux uñt'kiti, jan ukasti Awkikiw uñt'i; Awkirusti janirakiw khitis uñt'kiti, jan ukasti Yuqakiw Awkirux uñt'i, khitirutix Yuqax uñt'ayañ munki ukanakampi.

Mateo 16:17

Jesusasti juparux sarakïnwa: —Simón, Jonasan yuqapa, kusisiñanïtawa, uksti janiw khitis jumarux yatiyktamti, jan ukasti, alaxpachankir Awkixaw yatiytamxa.

Mateo 20:33

Jupanakasti sapxänwa: —Tatay, uñjañ munapxta —sasa.

Mateo 6:13

Janirak yant'äwir puriyapxistati, jan ukasti ñanqhat qhispiyapxita’; [jumankiw jaqinakar apnaqañaxa, ch'amanïñasa, jach'achatäñasa wiñayan wiñayapataki. Ukhamäpan.]

Lucas 12:12

ukapachasti Qullan Ajayuw kunatix arsuñamäkani uk sasipkätam.”

Lucas 2:14

“¡Diosax alaxpachan jach'añchatäpan! Aka uraqinsti sumankañax utjpan Diosan khuyapayat jaqinak taypina!”

Lucas 21:15

nayaw jumanakarux yatiñ kankañan phuqt'at arunak churapxäma, ukarusti janirakiw khiti uñisirinakamas kun kamsañatakis ch'amanïpkaniti.

Juan 14:26

ukampis Awkix nayan sutixar khithanki uka Chuymachasir Qullan Ajayuw jumanakar taqi kun yatichapxätam, ukatsti kuntix nayax sapksma ukanak amtayapxarakïtam.

Juan 16:3

Awkirus, nayarus jan uñt'apxatap laykuw taqi ukanak lurapxani.

Juan 17:3

Uka wiñay jakañasti juma sapa chiqpach Diosar uñt'añan utji, jumax khithankta uka Jesucristor uñt'apxañapataki.

Juan 20:17

Jesusasti juparux sänwa: —Jan katxäsistati, janïraw Awkixan ukar makhatkti. Ukampis jilanakaxar yatiyir saram, jupanakarusti sarakim: Nayax kawkinkkitix Awkixax ukaruw saraskta, jupasti jumanakan Awkimarakiwa, nayan Diosaxawa, jumanakan Diosamarakiwa —sasa.

Hechos 6:10

Ukampis jupanakat janiw maynis Estebanar atipañatak ch'amanïkänti, Estebanax Qullan Ajayun ch'amapampix wali yatiñ kankañampiw parläna.

Hechos 7:2

Estebanasti sänwa: —“Israelit jilatanaka, marka apnaqir jilïrinaka, ist'apxita: Jach'a ch'amani Diosasaw Abraham nayra awkisarux Mesopotamia uraqin uñstäna, Harán uksar jakir janïr sarkipana,

Romanos 1:28

Diosar jan uñt'añ munapxatap laykuxa, jupax jan wali amtäwinakaparuw jaytanuku, kunatix jan lurañäki uk lurapxañapataki.

Romanos 15:6

ukhamat taqinis Jesucristo Tatitusan Dios Awkipar yupaychañasataki.

1 Corintios 12:8

Yaqhipanakarux Qullan Ajay tuqiw yatiñ kankañampi arsuñapatak churi; yaqhipanakarusti uka pachpa Ajay tuqiw taqi kun yatiñampi arsuñ churi.

1 Corintios 14:6

Jichhasti jilatanaka, nayatix jutasin jan uñt'at arunakat parlapxäm ukax janiw jumanakatak askïkaspati, janitix Diosan yatiyäwinakap parlapkirisma, yatiñ kankañat jan parlapkirisma, profecía arunak jan yatiyapkirisma, yatichäwinak jan yatichapkirisma ukaxa.

1 Corintios 2:10

Taqi akanaksti Diosax Qullan Ajay tuqikiw uñacht'ayistu. Uka Ajayusti taqi kun uñakipi, Diosan jan amuyt'kay amtatanakapamppach uñakipi.

1 Corintios 2:8

Aksti janiw jichhür akapach apnaqirinakax amuyapkiti, jupanakatix amuyasapän ukax janiw alaxpach Tatiturux cruzar ch'akkatapkasapänti.

2 Corintios 12:1

Jach'achasiñax janiw wakiskiti. Ukampis Tatitut katuqat unañchäwinakata, qhanañchäwinakat arsuñaxawa.

Efesios 1:3

Jesucristo Tatitusan Dios Awkipax jach'añchatäpan, Cristonkatas laykux jupaw alaxpachat ajay waxt'äwinak churanistu.

Efesios 3:5

Uka imantat amtäwisti janiw jiwasat nayra jakirinakar yatiyatäkänti, ukampis jichhax Diosax Ajayup tuqiw qullan apostolunakaparu, profetanakapar uñacht'ayi.

Efesios 4:13

taqinis iyawsäwina, ukhamarak Diosan Yuqapar uñt'añansa mayakïñasataki, ukhamat aski jaqir tukuñasataki, kunjämäkitix Cristox ukhamar puriñataki.

Filipenses 3:15

Taqi khitinakatix iyawsañan wali jiltatäxtan ukanakax ukham amuyañasa. Jumanakatix mä kunansa mayja amuyapxstaxa, Diosaw jumanakarux uk uñjayasipkätam.

2 Timoteo 2:25

jan ist'asirinakarus llamp'u chuymamp iwxt'añaparakiwa, inampis Diosax jan wali luräwinakapat kuttayasinkaspa, ukhamat jupan chiqa arunakap uñt'apxañapataki,

Tito 1:1

Naya Pablox Tatitun luqtiripätwa, Jesucriston apostolupa, jupan khithataraki, khitinakarutix Tatitux ajlliski jupanakar iyawsañar irpaniñaxataki, Tatitun chiqa yatichäwinakap uñt'apxañapataki,

Santiago 2:1

Munat jilatanakaxa, jumanakax taqi ch'aman Tatit Jesucristosar iyawsirinakjamaxa, maynit maynikamax jan yaqhachnukusipxamti.

2 Pedro 1:3

Tatituw jach'a ch'amapampi churistu taqi kuntix jakañatak munktan ukanakxa, jupar munañsa churarakistu, khititix jach'a ch'amapampi, muspharkañ luräwinakapampi jawskistu ukar uñt'ayasa.

2 Pedro 3:18

Ukampis Qhispiyiri Tatit Jesucristosar uñt'apxam, munasiñapan jiltapxarakim. ¡Jupasti jach'añchatäpan, jichhasa, wiñayataki! Ukhamäpan.

Apocalipsis 7:12

akham sasa: “¡Ukhamäpan! Tatit Diosasar churatäpan: Yupaychañasa, qhapaq kankañasa, yatiñ kankañasa, yuspagarañasa, jach'añchañasa, munañanïñ kankañasa, ch'aman kankañasa, wiñayan wiñayapataki. ¡Ukhamäpan!”