Proverbios 1:5 - Qullan Arunaca

⁵ Qhititejj yatiñani, ch'iqhïqui ucawa aca arunacjja ist'ejja, ucatsti jicjjatiwa juc'amp yatiñ cancaña, uqhamarac juc'amp suma ewjja arunaca,

Aymar Bibliia 1986

⁵ Qhititejj yatiñani, ch'iqhïqui ucawa aca arunacjja ist'ejja, ucatsti jicjjatiwa juc'amp yatiñ cancaña, uqhamarac juc'amp suma ewjja arunaca,

Qullan Arunaka DC

⁵ Yatiñani ch'ikhi jaqixa, aka arunak ist'iwa, ukhamat juk'amp yatiñ kankañampi, ixwanakamp jikxati,

Proverbios 1:5 Jak'a apnaqawi uñst'ayäwi

2 Crónicas 25:16

Cunapachatï profetajj parlcäna ucqhajja, reyejj aqham sasaw juparojj cutt'ayaraquïna: —¿Nanacasti jumarojj reyin amuyt'ayiripatti utt'ayasipjjsma? Janiqui ucanac parlcamti. Jan ucajj ¿jiwayayasicha muntajja? —sasa. Profetasti ucjjarojj janiw juc'amp parlcjjänti, ucampis aqham sasaw säna: —Nayajj yattwa, Diosajj jumar tucjawa amti aqham luratamata, uqhamarac ewjja arunacajjaru jan ist'atamatsa —sasa.

Job 34:10

Ucampisa jumanacajja, amuyt'ani jakenacäpjjtawa, uca laycu jichhajj ist'apjjeta. ¡Take ch'amani Diosajj janiw cuna jan walsa lurcaspati, janiraquiw cunatejj jan chekapäqui ucsa lurcaspati!

Job 34:16

“Jumatejj amuyt'asirïstajja, ist'ita; cuntejj siscäma uca arunacarusti ist'araquim.

Job 34:34

Cawquïri yatiñani jakenacatejj ist'apquitu, suma amuyt'ani jakenacasa sapjjaraquitaniwa:

Proverbios 12:1

Qhititejj chekachatäñaru munqui ucajja, yatiñ cancañaruwa muni; chekachatäñaru uñisqui ucajja, jan amuyt'aniwa.

Proverbios 14:6

Ñankha lurir jakejj yatiñ thakasinjja janiw jicjjatquiti, ucampis ch'iqhi jakejja janc'aquiwa yatiñ cancaña jicjjati.

Proverbios 18:15

Yatiñan jakenacampi, ch'iqhi jakenacampiwa yatiñ cancaña thakapqui ucjja jicjjatapjjaspa.

Proverbios 19:25

Jan qhitiru yäker jakejj mutuyatäqui ucqhasti, jan amuyt'asir jakejj uqham uñjasinjja amuyt'asjjewa; yatiñan jakesti mä sapa chekachataquiwa yateke.

Proverbios 21:11

Ñankha jakeru mutuyir uñjasaw, jan amuyt'an jakejja yateke; yatiñan jakesti mä cuti yatichataquiw yateke.

Proverbios 8:33

Ist'apjjam yatichäwinacaru, jan yatiñ cancañarojj jisc'achapcamti.

Proverbios 9:8

Jan ist'asiri ñankha jakeru chekacham, jupasti jumarojj uñisïtamwa, ucampis amuyt'asiri jakeru chekacham, jupasti jumarojj munasïtamwa.

Proverbios 9:9

Yaticham yatiñan jakeru, ucatsti juc'ampi yatiñanïniwa; yaticham asqui jakeru, ucatsti juc'ampiwa yatiñapajj jiljjatani.

Eclesiastés 9:11

Aca orakenjja yakhampwa uñjta, t'ijuñanjja janiw wali t'ijurinacapuniti atipt'apquejja, jan ajjsaririnacapunisa nuwasïwina atipjapquejja; janiw yatiñanïpqui ucanacapuniti t'ant'anïpquejja, ch'iqhinacapuniti kamirïpquejja, suma yatichatanacapunisa suma catokatäpquejja; jan ucasti horasajj jan walt'añajj takeniruw puri.

1 Corintios 10:15

Amuyun jakenacarjamaw parlapjjsma, jumanacpacharaquiw amuyt'apjjasmajja cuntï sapcsma ucjja.

Deuteronomio 4:6

Uqhamaraqui uca leyinacjja jumanacampi chica imapjjam ucar phokhasaraqui sarnakapjjam, uqhamatwa take marcanacas yatipjjani, jumanacan suma amuyt'anïpjjatama; cunapachatï uca leyinac yatipjjani ucqhajj jupanacajj sapjjaniwa: ‘Cunja suma amuyt'an marcas aca marcajj’ sasa.