142 Diosan suma uñnaqtʼapatwa Biblian jiskʼa tʼaqanakapa

Tatitut mä mayisiñajjaquiw utji, ucaquirac thakä: jacañ urunacajjan utapan utjasiña; utapan jupar yupaychañataqui, khapak cancañap uñjasin cusisiñataqui.

aytat cancañampi, lliphipquir khanampiw nayrakatapanqui, ch'amampi, muspharcay cancañampiw kollan utapanqui.

Dios Tata, ¡janiw qhiti diosas jumampejj chicachascaspati! ¡Janiw qhitisa, jumjama Santo, uqhamarac jach'ajj utjquiti! Jumasti cunayman muspharcañanaca, uqhamarac ajjsarcañanacwa lurtajja. ¡Uca laycusti asquïtawa yupaychatäñataquejja!

Takpach chuymajjampiw Tatitur jach'añchä, ¡Tatitojjay, Diosajjay, jach'a ch'amanipunïtawa! C'ajquir khapak cancañampiw isthapistajja,

Muspharcañ khapak cancañamat jupanacarojj yatiyasini, nayasti muspharcañ luratanacamat parlaraquï.

Wasitatwa reyirojj jach'a cancañapan uñjäta, marcan korpanacapasti jayacamaw puriraquini.

Tatitun munasiñapajj jiwasanacampïpan. Tatay, luräwinacajjarojj juc'ampiy jiljjatayam, ¡jïsa, irnakatanacajjarojj juc'ampiy thuruñcham!

¡Tatay, uywirejjay, sutimajj takpach oraken muspharcayawa! ¡Khapak cancañamajj alajjpachat juc'amp qhuricamawa! Timasirinacaman utjatap laycojj ñuñusquir wawanacan jach'añchatapampiw ch'amam uñacht'aytajja, timasirinacampir kallasirinacampir t'unjañataqui.

Alajjpachajj Diosan khapak cancañap yatiyi, alajjpachajj amparanacapan luratap khanañchi.

Tatitun khapak sutip jach'ar aptapjjam, kollan utapan Tatitur yupaychapjjam.

Sión marcatpacha, c'ajquir marcatpacha, Diosajj khantasqui.

¡Kollan utaman uñjañ munsma! Ch'amamamp jach'a cancañamamp uñjañ munta,

¡Tatitojj jach'ar aptatäpan! Tatiturojj alajjpachatpach jach'añchapjjpan, Tatiturojj alajjatpach yupaychapjjpan. animalanaca, uta uywanaca, orakenjam jisqhanaktir animalanaca, thoknaquir jamach'inaca. Tatitur jach'añchapjjam, acapachanquir reyinaca, takpach jilïrinaca, acapach apnakerinaca. Tatitur jach'añchapjjam; chachanaca, warminaca, waynanaca, ch'ama karitanaca, wawanaca. Tatitun sutip jach'ar aptapjjam, sutipaquiw muspharcañajja. Jach'a cancañapajj alajjpachats orakets jilanquiwa. ¡Jupaw marcaparojj ch'amañchi! ¡Jupaw iyawsirinacapar jach'ar aptayirejja, ajllit Israel marcapar jach'añchirejja! ¡Tatitojj jach'añchatäpan! Tatitun angelanacapa, jupar jach'añchapjjam, takpach tamanacapa, Tatitur jach'añchapjjam. Inti, phajjsi, c'ajquir warawaranaca, Tatitur jach'añchapjjam. Alajjpacha, Tatitur jach'añcham, alajjpachanquir umanaca, Tatitur jach'añchapjjam. Tatitun sutip jach'ar aptapjjam, arupamp arsusaquiw take cun utjayäna;

¡Tatay, luräwinacamajj waljapuniwa! Yatiñ cancañampiw take cuns lurtajja, orakejj luratanacaman phokhantatawa. Lamar kotajj jan tupt'cayawa, jan jact'cay jaquirinacaw utji; jach'anaca, jisc'anaca;

Diosasajj jach'a ch'amanipuniwa, yatiñ cancañapajj jan tucusquiriwa.

¿Qhitis jach'a lamar kotjja amparapampi tupt'ejja; jan ucajj luc'anapampi alajjpachan kawkch'ätapsa tupt'ejja? ¿Qhitiraquis mä sapa tupuru take aca oraken lak'anacapsa apthapejja? ¿Jan ucajj take kollunacsa mä balanzar apjjatasin waytejja?

Tatitun luratanacapajj muspharcañawa, luratanacapar munirinacajj sum uñaquipapjje.

Wasitatsa, yant'asipcaquïnwa; Israelan Kollanaparuw llaquisiyapjjäna.

Tatay, acapachajj munasiñamamp phokhantatawa; leyinacamay yatichita.

Tatitojj jach'apuniwa, jach'ar aptatäñapajj waquisiwa, jach'a cancañapajj jan amuyt'cayawa.

Aytat cancañapat marcanacar yatiyapjjam, muspharcañ luräwinacapat take jakenacar parlapjjam:

Diosan jan uñjcay yänacapajj jupan luratanacap tokew uñacht'ayasi. Khanpachwa uñacht'ayasi cunapachatejj aca orakejj luratäcäns ucürutpacha jupajj Diosätapa, ch'amapajj jan tucusquiriraquïtapa. Ucatpï jakenacajj jan cunjämats jupat jaltapcaspatejja.

Arunacamarjam sarnakañ thaquin cusisï, kamir yänacamp cusisiñat sipana.

Jumaw chuymajjarojj juc'amp cusisiñ uchtajja jilarquir trigoninacat sipansa, vinoninacat sipansa.

Sión kolluna llact'atanacarojj khella lanti mä corona churañataqui, jachañ lantsti suma k'apquir cusisiñ kollanaca, chuyma cawcst'ata sarnakaña lantsti, yupaychañ k'ochunaca. ‘Atipt'iri roble kokanaca’ sasaw sutichapjjaraquïtam, pachpa Tatitun ayrutanaca c'ajquir cancañapa uñacht'ayañataqui.

Nayätwa Tatitojj, ucaraquiw sutejjajja, janiraquiw muncäti cunatejj nayar churañäqui ucjja yakhar churayañjja, janiraquiw yakha diosanacarus yupaychaycäti naya lantjja.

munasiñamajj jacañat sipan juc'ampiwa, lacajjajj jumaruw k'ochütam.

Ajjsarcay ch'aman luratanacamat yatiyasini, nayasti jach'a luräwinacamat parlaraquï.

Tatitojj reyiwa, reyi isimp isintatawa, Tatitojj ch'aman cancañamp isthapitawa: Jupaw acapach sum thurt'ayi, jan onjjtquir utt'ayaraqui.

khana isimpiw llawuntastajja. Alajjpacharojj isir uñtat janatattajja.

Diosaw khant'ayistu, imaraquistu; jupaw qhuyapayasiñampi, aytat cancañamp churi. Jan camscay asqui jaquir jakenacarojj, Tatitojj munasiwa, jach'aruw apti, asquinacap churaraqui.

Tatay, munasiñamajj alajjpachcamaw puri, asqui cancañamasti alajjpachcamaw jict'asi,

Aca uywatamarojj jacayaquimaya, nayasti arunacamarojj phokhäwa;

Uqhamaraqui jumanacan khanamajj jakenacataquejj khant'aracpan. Uqham suma wali luräwinacam uñjasa jumanacan Dios Awquimaru yupaychapjjañapataqui.

Dios Tatay, muspharcañ luratanacamajj waljawa, nanacat qhuyapayasitamas waljaraquiwa: janiw qhitis jumjamajj utjquiti. Ucanacjjat yatiyañ yant'ta, arsuñ yant'aracta, nayataquisti janiw jact'añjamäquiti.

Tatituw muni jupan sirviripajj mä machak alir uñtata jilañapa, waña orakeruraqui saphinacapjja saphintañapa. Janiw jupajj sumäcänti, janiraquiw c'ajcänsa, uñnakapasti janiw munañjamäcänti,

Muspharcañ luratanacamat jakenacar yatiyaspan, aytcay khapak sarayäwimat parlasiracpan.

Jumajj arsutanacamat saranucurinacarojj jisc'achtawa, amtäwinacapajj jan amuyt'an amuyunacawa.

Jumaruw yuspagarsma, muspharcañpun nayataquejj lurtajja, ¡ucsti sumpun yatista!

Cunapachatejj juman lurat alajjpach uñatatcta, juman uchat phajjsimpiru, warawaranacampir uñtcta ucapachajj sistwa: “¿Cunarac jakesti, jupat amtasiñamataquisti? ¿cunarac jiwir jakesti ch'am churañamataquisti?”

“Jumanacajj ucatjja cusisitaw mistunjjapjjäta, marcamarusti sumaquiw cuttawayjjapjjaraquïta. Jumanacar uñjasinsti montenacasa, kollunacasa cusisiñat k'ochupjjani, pampanquiri kokanacasti amparanacapwa t'ajjllisipjjaraquini.

Arunacamajj muspharcañawa, ucat arunacamar jaysta.

Tatitun arsutanacapajj chekapawa, jaken chuymapar machakaptayiriwa; Tatitun arunacapajj asquiwa, jan yatiñan jaker yatiñan tucuyiriwa; Tatitun camächit arunacapajj chekapawa, chuymar cusisiyiriwa; Tatitun arsutanacapajj k'omawa, nayranacar khan chuririwa. Tatitur ajjsartañajj k'omawa, wiñayatac utt'atawa; Tatitun arsutanacapajj chekawa, takpach ucanacajj asquiraquiwa;

Jumasti kollanätawa; jumaw Israel marcan jach'añchatätajja.

Jïsa, Tatitojj jach'a luräwinac lurarapistu, jiwasanacasti wali cusisitäpjjäyätanwa.

Takpach almajjampiw temploman uyupancañ munta, takpach chuymajjampiw jacquir Diosar cusisit k'ochta.

¡Jumanquiwa, Tata, jach'a cancañamasa, ch'amamasa, jach'ar aptatäñamasa, apnakañasa, jach'a reyi cancañamasa! Cunatejj alajjpachansa, aca orakensa utjqui ucanacajja jumanquiwa. Jumancaraquiwa apnakañamasa, jumajj Tata takenjjarusa jilïrïtam laycu. Jumataracwa jutaraqui kamir cancañasa, jach'äñasa. Jumaw take cunsa apnakascta. Ch'amasa, munañanïña cancañasa amparamanquiwa, ucatsti juman amparamancaraquiwa takeniru churañataqui kamir cancaña, uqhamarac munañanïñasa.

Tatay, jumaw takpach marcanac utjaytajja, jupanacasti nayrakatamaruw jutapjjani, jumar yupaychiri, sutimar jach'añchiri.

Tatitojj llamp'u chuymaniwa, asquiraquiwa, Diosasajj qhuyapayasiriwa;

Ucampis Tatitojj jumanacat qhuyapayasiñataquiw suyasipctam, jupasti walipuniw munasiñapjja uñacht'ayañ munapjjtam, Tatitusti qhuyapayasiri chekapa Diosaraquiwa. ¡Cusisiñanïpjjew jupar suyt'irinacajja!

“¿Cunatsa jumanacajj isinacamat wal llaquisipjjtajja? Uñjapjjam cunjämtï pampan pankaranacajj jilasqui uca, jupanacajj janiw kapupquisa ni cuns lurapcaraquiti. Nayasti sapjjsmawa, janiw rey Salomonas uca pankaranacjamajj sum isthapiscänti take utjirinïtap laycusa.

Take toket nayar muyuntista, amparamampiw imjjäsista.

Orak tucuyan jaquirinacajj muspharcañ luräwinacamat qhathatipjje, inti jalsu toketa, inti jalanta tokecamajj, jumïpan cusisiñat art'asiñajj utji.

Tatituw khanajjasa, khespiyasiñajjasa, ¿qhitirurac ajjsarästi? Tatituw jacañajjar arjjati, ¿cunarurac ajjsarästi?

Tatay, jumar wakaychirinacataquejj jach'a munasiñ imaraptajja, jumar maqhatirinacarusti taken uñjcañaw qhuyapayasiñam uñachaytajja;

juman jacquir umajj utji, khanamasti khan uñjayapjjetu.

Jupawa Diosan jach'a c'ajquir khanapajja, juparaquiw cunäquitejj Diosajj uc uñacht'ayirejja, juparaquiw ch'aman arupampejj take cuns catjjäsi. Juchanacasat k'omachasinjja, alajjpachanjja Diosan tronopan cupëjjaparuw kont'asi.

Arunacamarojj jaystwa, jumaw take sarnakäwejj yatistajja.

Jumaw jacañ thac uñacht'ayitäta, nayrakataman jach'a cusisiñaw utji; jac'amansti wiñay cusisiñaw utjaraqui.

T'akhesiyat jakenaca, sist'asiñcam mank'apjjam, Tatitur thakerinaca, jupar jach'añchapjjam: walja maranac jacapjjaraquim.

“¡Tatituncjjasinjja cunjsa cusistjja! Diosajjancatajjatsti cusisiñan phokt'atätwa nayar khespiyatap laycu, atipjañsa churatap laycuraqui. Cunjämatejj mä casarasir waynajj coronap uchasejj uqhamätwa, jan ucajj cunjämatejj mä casarasir tawakojj c'achacht'asejj uqhamätwa.

Reyin sutipajj wiñayataquïpan, aytat cancañapasti intir uñtat utjpan; takpach marcanacajj jupa tok asquinac catokapjjpan, takpach jakenacasti sapjjpan: “jumajj cusisiñanïtawa” sasa.

Tatitojj munasiriwa, qhuyapayasiriraquiwa, k'apisiñapajj c'achhaquiwa, munasiñapasti jilarquiriwa. Tatitojj takenir munasiriwa, takpach luratanacaparojj munasiñampiw uñji.

“Tatitun ajayupajj nayjjanquiwa, Tatituraquiw nayarojj yakhachasitu; pobrenacaru suma yatiyäwinac yatiyiriw qhitanitu, llact'atanacaru chuymachañataqui, preso catuntatanacaru khespiyat sarnakasiñ yatiyiri, carcelanquirinacarusti khespiyat sarnakasiñ chuririraqui,

Tatitun sutip jach'ar aptapjjam, sutipaquiw muspharcañajja. Jach'a cancañapajj alajjpachats orakets jilanquiwa.

¡Cunja sumas Diosan yatiñ cancañapajja, munañapasa, amuyt'apasa! Janiw jupan amtäwinacapjja khanañchcsnati, ni jupan thaquipsa amuyt'caracsnati.

Tatiturojj suma chuymamp munasim, jupasti chuyma mankheman mayisitamarjamaw churätam.

Nayranacamajj lurat janchejj uñjäna; ucanacasti takpachaw kellkatamar kellkantasïna. Jacañ urunacajjajj suma jaqhutänwa, nayrïr uru janïr purinquipana.

Jakerojj angelanacat mä juc'a sullcac lurtajja, aytat cancañampi, jake cancañampiw juparojj pillunttajja;

¡Tatitun khapak cancañapajj wiñayawa! ¡Tatitojj luratanacapampiw cusisi!

kollan templopan Tatitur yupaychapjjam, takpach jakepun nayrakatapan qhathatpan.

Davidasti takpach chuymampiw Tatitun marcapar awatïna, ch'iqhi cancañampiw uñjäna, irparaquïna.

Ucampis jichhajj Israel, Jacobon marcapa, jumar uywiri Tatitojj sistamwa: “Jan ajjsaramti, nayaw khespiysma, nayaw sutimat jawssma, jumajj nayanctawa.

Jacht'asis yapuchirinacajj, cusisiñampiw apthapjjapjjani. Jathanac apasajj jachasisas sarapcchejja, jayllt'asisaw cutinjjapjjani, trigo yawitanacap markt'ata.

Mä jawiraw Diosan marcaparojj cusisiyi, Alajjpachanquirin kollan marcaparu. Diosajj marcap taypinquiwa, jupaw imascani; Diosaw khanjtatpach marcaparojj yanapascani.

korit sipan juc'amp muncayawa, suma korit sipan juc'ampiwa; chhuyu misq'it sipan juc'amp mojjsawa.

Arunacamarojj munastwa, arunacamampejj cusisitaw uñjasta.

Mä suma chekawjaw nayarojj wact'itu, catokäwejjajj walpun cusisiyitu.

Diosajjay, jumaw Diosajjätajja, jumar thakasaw khantatta, almajjajj jumatjam pharjatawa; janchejjajj jumatjam awtjatawa, jan umani, jan jacañan waña oraker uñtatawa.

Jupan luräwipajj c'ajquiriwa, muncañaraquiwa, asqui cancañapajj wiñayawa;

Uqhamatwa jumanacajj alajjpachanquir Awquiman wawanacapäpjjätajja. Jupasti takenitaquiw intsa jalsuyani, uqhamarac asqui jakenacataquisa, jan asqui jakenacataquisa jallsa puriyaniraqui.

Tatay, jumaw chuymajj uñantista, nayar uñt'araquista: ch'eka amparamajj ucan jicjjatitaspa, cupi amparamasti janiw antutquitaspati. Ch'amacamp imjjatayasiñtejj amtirista, jan ucajj, khana urun ch'amac arumar tucuñaptejj muniristjja, ch'amacajj janiw jumat imantquitaspati, arum ch'amacajj urut sipan juc'ampiw khantaspa. ¡Ch'amacas urus jumataquejj pachpaquiwa! Jumaw nayarojj irnokasista, taycajjan puracapan utjayasista. Jumaruw yuspagarsma, muspharcañpun nayataquejj lurtajja, ¡ucsti sumpun yatista! Janchejjan jiltatapajj juman uñjatänwa, jan qhitin uñjcat irnokatäcäyät ucchañcama, orak mankhan utjayatäcäyät ucchañcama. Nayranacamajj lurat janchejj uñjäna; ucanacasti takpachaw kellkatamar kellkantasïna. Jacañ urunacajjajj suma jaqhutänwa, nayrïr uru janïr purinquipana. Diosajjay, juman amtatanacamajj jan amuycayawa, ucanacajj jan tucusquiriwa. Ucanactejj jact'añ muniristjja, ch'allat sipan juc'ampïspawa; jaqhuñ tucuyirist ucasa, jumamp chicaquïsquiristwa. Diosajjay, ñankha luririnacarojj tucusiyamaya, jake jiwayirinacarusti nayat jithektayam, jumaw kont'atajjsa, sartatajjsa yattajja, lup'itanacajjarojj jayatpach amuytajja.

Tatitun arupajj encina kokanac qhiwiliyi, ch'uminacsti jan kokan tucusiyaraqui. Kollan utapan takeniw jupar jach'añchapjje.

Sión kolluna llact'atanacarojj khella lanti mä corona churañataqui, jachañ lantsti suma k'apquir cusisiñ kollanaca, chuyma cawcst'ata sarnakaña lantsti, yupaychañ k'ochunaca. ‘Atipt'iri roble kokanaca’ sasaw sutichapjjaraquïtam, pachpa Tatitun ayrutanaca c'ajquir cancañapa uñacht'ayañataqui. “Nayrapacha t'unjat utanacsti wasitatwa utachjjapjjani, cawquïri jach'a utanacatejj t'unjatäcän ucanacjja wasitatwa sayt'ayjjapjjani, cawquïri marcanacatejj t'unjatäcän ucanacjja utachjjapjjaraquiniwa.

Tatitun amparapar sarnakäwim catuyasim, jupar take chuymamp alcatam, jupasti yanapätamwa. Asqui cancañamarojj willjtar uñtat khantayani, asqui sarnakatamsti chicürjam khanayani.

Yatiractanwa Diosajj jupar munirinacarojj take cunsa asquitaquiw waquicharapi qhitinacatejj jupan amtataparjam jawsatäpqui ucanacataquejja.

Nayranacajjampiw kollunac uñatatta: “¿cawquitarac yanapast nayatac jutani?” sasa. Yanapajj Tatitut nayatac jutani, alajjpach acapach lurir Tatituta.

Jupan sarnakäwipar arctañasti asquiwa, thaquipan sarnakañasa suman jacañaraquiwa,

Jach'a mank'äwinquir jakjamaw cusisï, lacajjasti cusisitaw jach'añchätam.

Tatitojj Sión kollutpach asquinac jumar churpan, takpach jacäwimansti, Jerusalén marcan kamirquipstatap uñjawayam.

Jachañajjarojj cusisiñaruw quipstaytajja, llaqui is apakasinjja, cusisiñ isimpiw isthapiyistajja; Dios Tatay, ucat ajayojjajj jan amuct'as jach'añchañ k'ochunac k'ochuni, jumarusti wiñayaw yuspagaräma.

Tatitojj asquimpir chekapampiruw munasi, qhuyapayasiñapajj orakpacharuw phokhanti.

Nayratpach arunacam yatta, wiñay utt'ayat arunacama.

Jumasti, Tatay, qhuyapayasir Diosätawa, llamp'u chuymani, munasiñani, asqui Diosätawa.

Tatitur yuspagarapjjam, jupajj munasiñaniwa, qhuyapayasiñapajj wiñayawa.

Tatay, jumaw iyawsir jakerojj asquinac churtajja, qhuyapayasiñamajj jarc'akasiñar uñtataw muyuntasqui.

Jach'a kollunacajj yakha chekarusay sartasipcpan, kollunacas aynacharusay jutasipcpan, ucampis munasiñajjajj jumataquejj janipuniw tucuscaniti, uqhamaraqui sumar mantäwi arust'äwejjajj janiw t'unjatäcaniti.” Uqham siwa jumar qhuyapayiri Tatitojja.

Tatay, arsutajjajj jumar cusisiyquirïpan, chuymajjan lup'itapajj nayrakatamcam purinpan, jumaw imantasiñ karkajjätajja, khespiyirejjätasa.

Diosay, nanacat qhuyapayasipjjeta, nayranacamampiy uñtanipjjeta: orakenquirinacajj thaquim uñt'apjjpan, take marcanacasti munañamampi, khespiyäwimamp uñt'apjjaracpan.

¡Cunja cusiscañas kollu patanacanjam jutasquir uñjañajja, qhititejj mä suma yatiyäwi apanqui ucan tact'atanacapajja, jupajj sumancañ yatiyäwinaca apani, suma cusiscañ yatiyäwinac apani, khespiyasiñ yatiyäwinac apani, Sión marcarusti siwa: “Diosamajj reyiwa”! sasa.

Juman ch'amam catokerinacajj cusisiñanïpjjewa, kollumcam puriñ munirinacajj cusisiñanïpjjewa.

Tatay, arunacamar munasitajj uñtanita; qhuyapayasiñam laycuy jacañ churita.

Tatitun thaquipan sumätap k'ochupjjani, Tatitun c'ajquir cancañapan jach'ätap laycu.

Tatay, luratanacamajj takpachapun jumar jach'añchpan, iyawsirinacamajj jumar jach'añchapjjpan.

Israel marca, Tatituruy suyt'am, qhuyapayasiñajj Tatitut juti, khespiyäwipajj jilarquiriw jutaraqui.

kollan sutipajj wiñayatac jach'añchatäpan, khapak cancañapasti oraker phokhantpan. ¡Uqhamäpan!

Acat mä juc'a urunacarojj ñankha lurir jakenacajj chhaktjjaniwa; jupanacar thakcätasa, janiw jicjjatcätati;

Nayajj Tatituruw munasta, mayisitajjar ist'atap laycu;

Diosaruw takpach chuymamp iyawsta, arunacap jach'ar aptaracta; Tatituruw takpach chuymamp iyawsta, arunacap jach'ar aptaracta;

“Cunjämatejj jallus, qhunus alajjpachat sarakanejja, janiraqui cutcatcjjeti, jan ucasti orakeruw chullunti, orakjja suma jasa tucuyi alinacsa mistuyaniraqui, jathas achuraqui yapuchañataquejja, t'ant'as mank'añataquejj utjaraqui, uqhamaraquiw lacajjat mistquis uca arunacajja, janiw nayan ucarojj ch'usaqui jan cun lurasajj cuttancaniti, jan ucasti cuntejj nayajj muncta ucwa luri, cuntejj nayajj siscta ucwa phokharaqui.

Tatay, takpach chuymajjampiw yuspagarsma muspharcañ luratanacamat yatiyasa.

kollan sutipar k'ochupjjam, aytat cancañapar k'ochunac k'ochupjjam;

Nayajj Tatitun munasiñapatwa parlañ munta, yupaychaña k'ochunacap k'ochuña, take cuntejj jupajj jiwasanacatac lurqui ucanacata, Israelan wawanacapataquejj qhuyapayasiñapajj jach'ätapata, cuntejj qhuyapayasiñapanjja lurqui, uqhamaraqui jach'a munasiñapansa, take ucanacata.

Tatay, munasiñamajj alajjpachcamaw puri, asqui cancañamasti alajjpachcamaw jict'asi, chekapar uñjañ cancañamajj jach'a kollunacjamawa, arsutanacamasti jach'a lamar umanacjamawa. Tatay, jumaw jakenacarusa, animalanacarus uñjasctajja.

Lacajjajj sapüruw khapak cancañamatjja, jach'añchäwi k'ochunacamp phokt'atäsqui.

Cunjämatejj mä awatirejj ovejanacap ant'ata jutejja, uqhamaraquiw jupajj juti, amparapar ovejanac icht'ata, ichjjarusiwa ovejanacaparojja, uqha wawachat ovej kallunacarusti sum uñjaraqui.

Diosaw khant'ayistu, imaraquistu; jupaw qhuyapayasiñampi, aytat cancañamp churi. Jan camscay asqui jaquir jakenacarojj, Tatitojj munasiwa, jach'aruw apti, asquinacap churaraqui. ¡Take ch'aman Diosay, jumar alcatir jakenacajj cusisiñaniwa!

Chijinacar purcta ucapachajja, jumaw jacañajjar imtajja; ch'amamampiw timanacajjan amparapat khespiyistajja.

Suma amuyt'a chuymay churita, yatiñ cancañ churaraquita, arsutanacamarojj takpach chuymampiw iyawsta.

Aytat kollan sarayäwimat yatiyapjjpan, jach'a luräwinacamat parlapjjpan. Muspharcañ luratanacamat jakenacar yatiyaspan, aytcay khapak sarayäwimat parlasiracpan.

Tatay, nayamp timasirinacan utjatap laycojj asqui cancañamampiy irpita, nayrakatajjansti thaquimay qhusqhacharapita.

Tata, jumätaw nayan Diosajjajja; nayajj jumaruw yupaychsma, sutimsa bendiciractwa, muspharcaña amtatanacamwa phoktajja uca laycu, ucanacasti chekapapuniwa imantasiñajjaraquiwa nayra pachanacatpacha.

Jupaw warawaranac jact'i, sapa mayarusti suti ucharaqui. Diosasajj jach'a ch'amanipuniwa, yatiñ cancañapajj jan tucusquiriwa.

Arunacamajj sarnakäwejjatac khanawa, thaquejjan khantiriraquiwa.

nayan jumar munatajj laycu, jumajj wali jila alanïtawa, nayasti wal munassma. Jumajj nayancañamataqui jacañam khespiyañataquisa, nayajj jakenacwa, uqhamaraqui marcanacwa catuyta.

Diosajjay, Reyejjay, jach'aruw aptäma, wiñayaw sutim jach'añchä. Tatay, luratanacamajj takpachapun jumar jach'añchpan, iyawsirinacamajj jumar jach'añchapjjpan. Aytat kollan sarayäwimat yatiyapjjpan, jach'a luräwinacamat parlapjjpan. Muspharcañ luratanacamat jakenacar yatiyaspan, aytcay khapak sarayäwimat parlasiracpan. Khapak marcamajj wiñay khapak marcawa, khapak apnakäwimajj wiñay apnakäwiraquiwa. Tatitojj arsutanacap phokheriwa, take luräwinacapan munasiñaniwa. Tatituw tincurinacarojj catjjäsisqui, t'uqhasirinacarusti ch'amañchascaraqui. Takenin nayranacapaw jumarojj uñch'uquisipctam, jumaw waquisitarjam mank'añ jupanacar churtajja. Jumaw amparam lokatattajja, take jaquirinacarusti asquinac jilarquir churtajja. Tatitojj take sarnakäwipan chekap uñjiriwa, take luräwinacapan munasiñaniwa. Tatitojj art'asirinacapan jac'apancasquiwa, takpach chuymamp jupat art'asirinacan jac'apanquiwa. Jupar arquirinacan munataparjamaw phokhe, arnakasitanacap ist'i, khespiyaraqui. Sapüruw jach'añchäma, wiñayaw sutim jach'ar aptä.

Ucat chuymajjajj walpun cusisi, ajayojjas cusisi, janchejjas samararaqui.

Jumaw nayarojj irnokasista, taycajjan puracapan utjayasista.

Tatitutaquejj machak k'ochu k'ochupjjam, acapachanquir jakenaca, Tatitur k'ochupjjam, Marcanacarojj sapjjam: “Tatituw reyejja” sasa. Jupaw acapacharojj jan onjjtañapatac utt'ayi; jupaw marcanacarojj chekapar uñjas apnake. Alajjpachajj cusispan, orakejj c'uchiraspan, lamar kotan utjirinacas cusisipjjpan; pampanacasa, ucan utjirinacas jallallapjjpan, ch'uminquir kokanacas cusisiñat wararipjjpan, Tatitojj niyaw purisinqui, acapachar sarayiriw jac'achasisinqui, chekapar uñjasaw acapacharojj apnakani, cheka cancañampiw marcanacarojj sarayani. Tatitur k'ochupjjam, sutip jach'añchapjjam, sapürupun atipjäwipat yatiyapjjam.

Qhuyapayasiñan asqui jakejj, ch'amacan khantir khanjamaw c'ajti.

Diosan luratanacap uñjir jutapjjam, jaken asquipatac muspharcay luräwinacap uñjapjjam:

Camächit arunacamampiw cusisï, janipuniw arunacamat armascäti.

Wawanacamarojj nayaw yatichä; take jupanacataquisti jach'a asqui sumancañaw utjani.

khantatiw arojjarojj ist'tajja, willjtaw llaquejj yatiyasinsma, nayasti ist'añam suyascta.

“Tatay, cunjämatejj tucuscä ucay yatiyita, kawkhatejj jacañajjajj waquisqui ucay yatiyita, ¡kawkha juc'aquitejj jacañajjäqui uc yatisiñ munta!

Tatay, takpach chuymajjampiw art'asinsma, ist'aquitaya, leyinacam phokhañ munta.

Suma cancañampi uñtäwejj chuymarojj cusisiyiwa; suma yatiyäwinacasti ch'amañchiwa.

¡Tatitojj jach'ar aptatäpan! Tatiturojj alajjpachatpach jach'añchapjjpan, Tatiturojj alajjatpach yupaychapjjpan. animalanaca, uta uywanaca, orakenjam jisqhanaktir animalanaca, thoknaquir jamach'inaca. Tatitur jach'añchapjjam, acapachanquir reyinaca, takpach jilïrinaca, acapach apnakerinaca. Tatitur jach'añchapjjam; chachanaca, warminaca, waynanaca, ch'ama karitanaca, wawanaca. Tatitun sutip jach'ar aptapjjam, sutipaquiw muspharcañajja. Jach'a cancañapajj alajjpachats orakets jilanquiwa. ¡Jupaw marcaparojj ch'amañchi! ¡Jupaw iyawsirinacapar jach'ar aptayirejja, ajllit Israel marcapar jach'añchirejja! ¡Tatitojj jach'añchatäpan! Tatitun angelanacapa, jupar jach'añchapjjam, takpach tamanacapa, Tatitur jach'añchapjjam.

Tatitojj jupar munirinacarojj imiwa, ñankha luririnacarusti t'unjiwa.

Munasiñamamp qhuyapayasiñamampejj sapürupuniw nayamp chicäsqui, Tatay, utamansti wiñayapuniw jacä.

Diosay, thaquinacamajj kollanawa: ¿qhiti diosarac jumjam ch'amanisti?