Kasta
96 Diosan Reinopat arsutapat parlir jiskʼa tʼaqanaka
“Jan ajjsarapjjamti, jisc'a tama ovejanacajja, ucampis alajjpach Awquimajj qhuyapayasiñapana reinop churaña munapjjtam.
Davidan tronopanwa kont'asiraquini, jupan reyïñ ch'amapasti take chekancaraquiniwa, suman sarnakasiñasti janipuniw tucuscaniti. Jupan reinopasti suma utjnokatäniwa, cheka asqui cancañjjaru, uqhamaraqui cunatejj chekapäqui ucjjaru utt'ayataraquïniwa, jichhüruta wiñaycama. Acsti take ch'aman Tatitun sinti jach'a munasiñapaw uqhamjja lurani.
Jilatanaca, sañ munapjjaracsma, acapach janchejj janiw Diosan reinoparu mantcaspati. Jan wiñayataquïqui ucasti janiraquiw wiñay marcanccaspati.
Take qhitinacatejj Diosan suma yatiyäwipa ist'apqui ucat janiraqui amuyt'apqui ucanacajj, thaqui thiyarus purcatayna uca jathanacamp sasiwa, chuymapar purcäna uca suma yatiyäwinacsti supayaw apsuwayjje.
Aca pasatatsti, Jesusajj jach'a marcanacana, uqhamarac jisc'a marcanacanwa sarnakäna Diosan arunacap yatichasa, uqhamarac Diosan reinopat parlasa. Tunca payan discipulonacaparaquiw jupamp chica sarnakapjjäna.
yapusti aca orakewa. Suma jathäquis ucajja Diosan ajllit wawaparaquiwa, jan wali jathäqui ucasti supayan wawanacapäquis ucaraquiwa.
Khepa urunacansti suma sayt'atäjjaraquiniwa, cawqhancquitejj Tatitun templopajj uca kollojja. Wali alto kollüniwa, take kollunacat sipansa wali altoraquïniwa. Take marcanacasti uca kolluruw jutapjjaraquini,
Uca urunsti jakenacajj yakha diosanacjja apanucjjapjjaniwa, achacunacaru, uqhamaraqui ch'iñinacaruw churjjapjjani, korit, kollket jupa pachpan lurasit diosanacjja, yupaychañataquiw lurasipjjaraquïna.
Jakesti uca urojj karka p'iyanacaruw mantjjapjjani, jach'a karka p'iyanacaruraqui, Tatitun ajjsarcañ nayrakatapat imantasjjañataqui, jach'a cancañapan wal khanatapata, cunapachatejj jupajj sartani ucat aca orakerusti ajjsarañampi phokhantcani uca urojja.
Jakenacar alcatasitanacamjja apanucupjjam, juc'ataquiquiraquiwa uca jakejja, jaken jacañapasti mä samanampi sasiquiraquiwa.
walja jakenacaraquiw purinipjjani sapjjaraquiniwa: “Jutapjjam, Tatitun kollupar maqhatapjjañäni, Jacobon Diosapan temploparu, jupajj jiwasar sarnakäwinacap yatichañapataqui, ucat uca thaquipanjam sarañasataqui” sasa. Sión marcatwa Tatitun yatichäwipajj mistuni, Jerusalenatwa arunacapajj jutaraquini.
Ucat sipana jumanacajj Diosan reinopar ist'apjjam, ucatsti take acanacajj jumanacarojj churataquïpjjätawa.
Ucatsti trononacwa uñjaracta, ucanacansti qhitinacatejj taripañataqui munañanïña catokapcataynas ucanacaw kont'atäpjjäna. Uñjaractwa qhitinacatejj p'eke apakata jiwapjjäna Jesusan testigopäpjjatapata, uqhamarac Diosan arunacap parlapjjatap laycu. Uqhamaraquiw qhitinacatejj jan uca jach'a ajjsarcañ animalaru, diosaparus yupaychapcataynati ni chimpupsa p'ekenacaparu ni amparanacaparu uchayasipcataynasa ucanacajj ucancapjjaraquïnwa. Ucanacasti jactapjjataynawa ucatsti Cristompiw waranka mara reinapjjäna.
Apnakañasa, munañanïñasa, jach'a cancañasa, take acapachanquiri reinonacasa, alajjpachanquir Diosan marcaparu catuyatäjjaniwa. Diosan reinopasti wiñayataquipunïniwa, take acapachanquiri marcanacaw juparojj sirvipjjani, jaysapjjaraquini.’
Ucatsti uñjaractwa machak alajjpachampi, machak orakempi. Nayrïri alajjpachampi orakempejj tucusjjataynawa, janiraquiw kotas utjcjjänti.
Uca unañchäwinsti cuntejj Ajayojj uñjayquitu ucansti, angelajj mä jach'a kollur irpsusinwa uñacht'ayitu Diosan nayrakatapata sarakasinquiri machak Jerusalenaru.
Uca marcasti Diosan khanapampiwa khanäna, mä suma kalan khanapjama, jaspe kalar uñtata, cristalar uñtataraqui.
Uca marcasti mä jach'a alto perkamp muyuntatänwa, ucansti tunca payani puncuraquiw utjäna, mä angelaraquiw sapa puncuncäna. Uca puncunacansti Israel marcan tunca payani tribunacapan sutiparaquiw kellkatäna.
Quimsa puncuw jalsu tokenjja utjäna, alajj tokenjja quimsaraqui, aynachanjja quimsaraqui, inti jalanta tokensti quimsaraqui.
Uca marcan perkanacapasti tunca payani jach'a kalanacat cimientonïnwa, Corderon tunca payani apostolonacapan sutinacapampi kellkata.
Nayampi parlcän uca angelasti mä kori vara ayt'atänwa uca marca tupt'añataqui, puncunacapa, perkanacapsa.
Ucsarusa acsarusa uca marcajj quipcaquïnwa. Angelasti uca kori varapampiw uca marcjja tupt'äna, ucatsti pä waranka pä patacani kilometrönwa. Anchorusa, altorusa, largorusa quipcaquïnwa.
Ucatsti perkracwa tupt'äna, uca perkasti sojjta tunca pusini metroraquïnwa, acapach tupurjamaraquiw angelajj tupt'ascänjja.
Uca perkasti suma jaspe kalat luratänwa, marcasti koricamaquiraquïnwa mä k'oma vidrior uñtata.
Uca tunca payani cimiento jach'a kalanacasti cunayman casta yakha kalanacampi c'achachatänwa. Nayrïrejja jaspempi, payïristi zafirompi, quimsïristi agatampi, pusïristi esmeraldampi.
Ucatsti kollan marca uñjta, machak Jerusalén. Uca marcasti Diosan nayrakatapatwa sarakasincäna, mä casarasir tawakor uñtata suma isthapt'ataraqui casarasir waynar catokañatacjama.
Jesusasti jupanacarojj sänwa: —Jumanacarupï khanpach yatiyatajja jan amuyt'caya Diosan reinopatjja, ucampis mayninacarojj take cunas uñtasïwinac tokwa yatiyasi,
Ucatsti mä jach'a aru alajjpachat ist'ta aqham siri: “Purinjjewa Diosasan khespiyasiñapajja, munañanïñapasa, jupan apnakañapasa, Jesucristona munañapampi apnakañapasa. Jilanacasaru c'arintasa juchañchirïqui ucasti ucatjja jaksutäjjewa, jupasti uruy arumaraquiwa, jilanacasarojj Dios nayrakatan juchañchäna.
Jesusasti discipulonacaparojj saraquïnwa: —Khanacwa sapjjsma, wali ch'amawa mä kamir jaken Diosan reinopar mantañapajja.
Sapjjaracsmawa, juc'amp jasaquiwa mä camellon aguja nayra toke passuñapajja, mä kamir jaken Diosan reinopar mantañapat sipana.
Jesusasti ucjjarojj saraquïnwa: —Cunapachatejj mä ley yatichirejj Diosan reinopata sum yatjje ucajja utan jakjamawa. Jupasti suma imat yänacapatjja yatiwa machak yänacsa, merk'e yänacsa apsuniñjja —sasa.
“Bautisiri Juanan jutatapat jichhürcamajja, Diosan reinopanjja jan walt'añanacaw utji. Qhitinacatejj ch'amampi atipjañ munapjje ucanacajja, ch'amanacapampiquiw catuntasiñ munapjje.
Jesusasti ucapachawa discipulonacapar uñtasinjj saraqui: “Cusisiñanïpjjtaw jumanaca pobrenacajja, Diosan reinopasti jumanacanquiwa.
“Cusisiñanïpjjew qhitinacatejj ajay token aynacht'atäpjjatap amuyasipjje ucanacajja, Diosan reinopajj jupanacancaraquiwa.
Ucatwa nayajj jumanacarojj mä reino churapjjsma, cunjämatï Awquejjajj nayar churquitu uqhama,
Ucapachaw Supayajj Judasar manti, qhititejj Iscariote satäcaraquïna, jupasti tunca payan apostolonacat maynïrïnwa.
qhä reinojjan jumanacajj mank'apjjäta, umapjjaraquïta mesajjana, uqhamarac tronon kont'asipjjäta, Israelan tunca payan triburu taripapjjañamataqui.”
Khanacwa sapjjsma, qhititejj jan mä wawar uñtata Diosan reinop catokcan ucajja, janiw cunapachas ucar mantcaniti —sasa.
Jesusajj jiwatat jactasinjja, jupa quicpaw uca pusi tunca urunjja walja cuti apostolonacaparojj uñstäna. Uqhamatwa Jesusajj jupanacarojj uñacht'ayasïna chekpachapuni jactjjatapata. Uqhamaraquiw Diosan reinopjjat parlawayäna.
Ucampis cunapachatejj Felipejj Diosan jach'a cancañapat parlcäna, uqhamarac Jesucriston sutipatsa khanañchcän ucapachajja, jupanacajj uca arunacar ist'asinjja iyawsapjjänwa. Ucatsti chachanacamppacha warminacamppachaw bautisasipjjäna.
Jaken Yokapasti angelanacaparojj qhitaniraquiniwa, Diosan reinopata take juchanacar tincuyiri jakenacar apthapiri, uqhamarac qhitinacatejj jan asqui lurapqui ucanacarusa.
Khapak marcamajj wiñay khapak marcawa, khapak apnakäwimajj wiñay apnakäwiraquiwa. Tatitojj arsutanacap phokheriwa, take luräwinacapan munasiñaniwa.
Uca uruw Tatitojj take acapacha apnakanejja. Jupa sapaquiw Tatitünejja, sutipasti mä sapaquiraquïniwa.
Ucampis Diosan munañap phokherinacasti, intjamawa khanapjjaraquini Awquipan marcapanjja. Jumanacatejj ist'añ munapjjstajja, ¡ist'apjjam!
Tatitojj saraquiwa: “Cunjämatejj machak alajjpachasa, machak orakesa, cunanactejj nayajj uscta ucanacajj wiñayataquïnejja, uqhamaraquiw wawanacamasa sutimasa wiñayataquiraquïni.
Qhitinacatejj atipjcani ucanacarojja, nayamp chicwa kont'asiyä tronojjana, cunjämatejj nayajj atipjtjja ucatsti Awquejjampi chicajj tronopan kont'asctjja uqhama.
jumajj nayat mayiscaquita: marcanacjja, catokäwimjam catuyjjäma, orak tucuscam apnakasiñamataquiw churjjaraquïma.
Israel marcar wiñay apnakañapataqui. Jupan uca marcar apnakañapajj janipuniw tucuscaniti —sasa.
Jakesti uc yatisinjja, arcapjjänwa; Jesusasti jupanacarojj catokaraquïnwa, Diosan reinopat yaticharaquïna, uqhamarac usutanacarus c'umaraptayaraquïna.
Ucapachawa aca oraken tucusiñapajj purinini, Cristosti k'al t'unjani take munañaninacaru, jilïrinacaru, uqhamaraqui alajjpach ch'amanacaru, ucatsti Dios Awquiparuraquiwa apnakañapataqui take cuna catuyjjani.
“Nayasti janc'aquiw jutä. Sapa maynitaquiraquiw churäwi apanï luratanacaparjama churañataqui.
Jesusasti juparojj sänwa: —Khanacwa sapjjsma, cunapachatejj take cunas wasitat machak lurascan ucqhajja, cunapachatejj Jaken Yokapajj konuñapjjar kont'ascan ucqhajja, jumanacan nayaru arcatam laycojja tunca payan konuñaruraquiw kont'asipjjäta ucat tunca payani Israel tribüquis ucar taripañataqui.
“Uñtapjjam, nayajj mä machak alajjpachampi mä machak orakempi uscü. Cunatejj utjcän ucajj armatäjjaniwa, janiraquiw qhitis mayampsa jupanacatjja amtascjjaniti.
Saraquïnwa: “¡Take jan wali luratanacamatjja arrepientisipjjam, Diosan reinopaw jac'ancjje!” sasa.
Ucanjja janiw arumajj utjcjjaniti, ucan jaquirinacasti janiw lamparinsa, intin khanapasa munascjjaniti, Dios Tatituquiwa khanani, jupanacasti wiñayaraquiw ucanjja reinapjjani.
Juparuraquiw munañanïñasa, jach'a cancañasa, reinosa churataraquïna, take marcanquiri jakenaca, cunayman casta parlani jakenacaraquiw juparojj sirvipjjäna. Ch'amapajj pachpaquïscaniwa, reinopasa janiraquiw t'unjatäcaniti.
“Ucampis cuna horasäcanitejj jan ucajj cuna urücanitejj ucjja janiw qhitis yatquiti, ni alajjpachanquir angelanacasa ni Diosan Yokapasa, jan ucasti Dios Awqui sapaquiw yati.
Khanacwa sapjjsma, qhititejj Diosan reinopjja mä wawjam jan catokcani ucajja, janipuniw Diosan reinoparojj mantcaniti —sasa.
Nayan kollan kollojjansti janiw qhiti cuna ñankha luriris utjcaniti, cunjämatejj umajj k'al phokhantejja uqhamaraquiw Tatitun yatiñapajj take marcpacharu phokhantani.
Ucatsti Jesusarojj sänwa: —Take marcanac apnakcäta ucqhajj nayat amt'asitätawa —sasa.
Jesusajj juparojj saraquïnwa: —Chekpachawa sisma, jichhürpachaw jumajj nayampi chica paraisoncjjäta —sasa.
Ucampis nayajj uca ñankha ajayunacarojj alisstwa Diosan Ajayupan ch'amapampi, ucasti sañ muni Diosan reinopaw jumanacar purinjje.
Take ucanac pasatatsti acapach apnakañajj alajjpachanquir Diosar catuyatäjjaniwa, wiñayataquiw jupancjjaraquini’ sasa.
Ucjjarusti Jesusajj juparojj sänwa: —Khanacwa sisma, qhititejj jan wasitat nascani ucajja, janiw Diosan reinopjja uñjcaspati —sasa.
Uqhamasti, nayrakatajj Diosan reinopa munapjjam, uqhamarac cunatejj chekäqui jupan nayrakatapanjja ucanaca, ucatsti take aca yänacajja jumanacarojj churataquïpjjätawa.
Jesusasti saraquïnwa: “Wawanacajj nayan ucar jutasipcpan, janirac jarc'apjjamti, Diosan reinopasti jupanacjamataquiwa” sasa.
Ucampis cawquïr marctejj Diosajj churquistu ucajj janiw onjjtcaspati. Ucat jichhajj yuspagarañäni, take amuyusampi yupaychañäni uqhamarac take ajjsart'añampi, ucaw Diosarojj cusisiyi.
Munat jilatanacajja, ist'apjjam aca arunaca: Diosajj aca oraken pobrenacaruw ajlli, jupanacajj iyawsañanacapanjja kamirïpjjañapataqui, uqhamarac Diosan reinopsa herenciat catokapjjañapataqui, cuntejj jupajj churapjjämaw sisqui jupar munirinacarojj ucanacataqui.
Uca reyinacan apnakañapcamasti, alajjpachanquiri Diosajj mä yakha reino sayt'ayaraquini, uca reinosti janipuniw tucjatäcaniti ni apnakatäcaraquinisa yakha marcanacampejja, jan ucasti jupaw take yakha reinonacarojj tucjani, wiñayan wiñayapaw uca reinojj utjaraquini.
Ucan usutanacarusti c'umaraptayapjjam, ucatsti sapjjam: ‘Diosan reinopaw jumanacar jac'achasini’ sasa.
“Diosan reinopajj cunjämatejj mä känajj kotar jakontatajj take casta chawllanaca catsojja ucamp sasiwa.
Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.
Jesusasti yakha uñtasïwitwa jupanacaru parlt'araquïna: “Diosan reinopajj cunjämatejj mä jakejj yapupar mostaza jathampi satantqui ucamp sasiwa.
Chekpachansa mostazajja take jathanacat sipansa sinti jisc'awa, ucampis cunapachatejj alsuni ucatsti jiltasinjja, pankar yapun take kokanacat sipansa, jach'a kokaw tucu. Jach'a kokätap laycusti jamach'inacas tapanacwa ucan lurasiraqui” sasa.
Fariseonacasti Jesusarojj jisct'apjjänwa: —¿Cunapachas Diosan reinopajj purinini? —sasa. Jupasti saraquïnwa: —Diosan reinopan puriniñapasti janiw cuna uñjañäquisa.
Janiw siscaniti: ‘Acanquiwa’, jan ucajj: ‘Qhayanquiwa’ sasa. Diosan reinopasti niya jumanac taypincjjewa.
Diosaw jiwasarojj ch'amacanacan munañapat khespiyanistu, Jesucristo Yokapan apnakatäñataquiw uchasiraquistu.
Ucapachaw cupëjjapancquis ucanacarojj sani: ‘Jutapjjam, jumanacajj Awquejjan bendicitanacapa, catokapjjaraquimay wiñay jacañjja jumanacataqui waquichatäquis uca, cawquïritejj aca orake kalltatpacha luratäqui.
“Cusisiñanïpjjew qhitinacatejj Diosan munañaparjam sarnakatap laycu uñisitäpjje t'akhesiyatäpjjaraqui ucanacajja, Diosan reinopasti jupanacancaraquiwa.
“Janiw qhitinacatejj: ‘Tatay, Tatay’ sisquitus ucanacajj takeni alajjpach marcarojj mantcaniti, jan ucasti qhitinacatejj Awquejjan munañapa lurqui ucanacaquiw mantani.
“Diosan reinopajj cunjämatejj mä korejj oraken imantatäquis ucamp sasiwa. Mä jakew uca imantat kori jicjjati, ucatsti uca pachparuw wasitat imantjjaraqui, ucatsti cusisitaw take cunatejj jupan utjquis ucanac aljantasin uca orakjja alasjje.
Diosan reinopajj janiw mank'añäquis ni umañäquisa, jan ucasti cheka sarnakaña, cusisiña, sumancaña Kollan Ajayu toke ucawa.
sänwa: “Horasajj phokhasjjewa. Diosan reinopasti jac'ancjjewa. Juchan sarnakañanacjja apanucupjjam, khespiyasiñ arunacapar iyawsapjjaraquim” sasa.
Jesusasti ucjjarojj saraquïnwa: —Khanacwa sisma, qhititejj umampita Ajayumpita jan nascani ucajj, janiw Diosan reinopar mantcaspati.
saraquïnwa: —Khanacwa sapjjsma, jumanacatejj jan mä wawjam tucupjjätajja, janiw Diosan reinopar mantapcasmati.
Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.
Ucatsti reyinaca sacerdotenacaracwa jiwasarojj tucuyistu Dios Awquiru sirviñasataqui. ¡Jach'a cancañasa, munañanïñasa jupancaracpan wiñayataqui! Uqhamäpan.
Munañamampisti apnakapjjeta. Munañamasti luratäpan acapachanjja, cunjämatï alajjpachana luratäqui uqhama.
Ucansti jan ajjsartasaraquiw jupajj Diosan reinopatjja yaticharaquïna, uqhamarac Tatit Jesucristjjatsa. Janiraquiw qhitis juparojj jarc'cänti uqham parlatapatjja.
“Diosan reinopajj mä jach'a yapunimpi sasiwa, wali alwata sari irnakerinac thakeri, jupan uva yapup apthapiñataqui.
Tatituw take jan walit khespiyasquitani, uqhamarac alajjpach reinopataquiw imaraquitani. ¡Jach'añchatäpan jupajj wiñayan wiñayapataqui! Uqhamäpan.
Uc ist'asinjja mesan kont'atäpcän ucanacat maynïriw Jesusar säna: —Cusisiñaniw Diosan reinopan t'ant'a mank'erejja.
Tatitojj alajjpachan reyi konuñap utt'ayasi, ch'aman cancañapajj alajjpach acapach apnake.
Jesusasti juparojj sänwa: —Qhititejj arado catt'atäcasin khepar uñtqui ucajja, janiw Diosan reinopataquejj asquiquïti —sasa.
Jesusasti ucapachajj take uca marcana, jisc'a marcanacansa yatichasaw sarnakäna, uqhamarac sinagoganacansa sapa chekana Diosan khespiyasiña arunacapat khanañchasaraqui, take casta usutanacsa c'umarachasaraqui.
Jesusasti jupanacarojj saraquïnwa: —Khanacwa sapjjsma, jumanacat yakhepanacajj janïraw jiwapcaniti, Diosan reinopa jach'a ch'amapampi purinir uñjañcamajja.
“Juanan urunacapcamaw Moisesan leyipajj utjascäna, uqhamarac profetanacan yatichäwinacapasa. Ucqhatwa Diosan reinopat suma yatiyäwinacajj yatiyasjje ucatsti takeniw ch'amacht'asipjje mantañataquejja.
Jesusajj juparojj sänwa: —Khanacwa sapjjsma, qhititejj utapsa, awquipsa, taycapsa, jilapsa, cullacapsa, warmipsa, wawapsa, Diosan reinop laycu jaytanucuni,
Uca pachpa marcanjja utjaraquïnwa mä ijma warmi. Jupasti jan inact'asaw aca juezar quejasir sarirïna, uñisirip contra.
ucajja acapachanjja juc'ampwa catokani; alajjpachansti wiñay jacañwa catokaraquini —sasa.
Jesusasti sascaquïnwa: —Diosan reinopajj cunjämtï phawantat jathajj jilsuwayqui uqhamar uñtasitawa.
Jakejj jatha phawantasinjja utapar iquiriw sarjje, ucatsti sartjjaraquiwa. Uqhamaw urus arumas pasawayi. Jathasti ucchañcamajj alsunisinjja jiltiwa, ucampis yapunejj janiw yatquiti jathan cunjäm jiltatapsa.
Jathajj orakenjja jupapachaw jilasqui; nayrakatajj aliw mistu, ucjjarusti amuchrantiwa, ucatsti pokorjjaraquiwa.
Cunapachatejj achojj suma pokoratäjje ucapachasti, yawthapiriw mistupjje cosecha horasajj purinjjatap laycu —sasa.
Ucampis Yokap toketjja saraquiwa: “Juman tronomajj, Dios Tata, wiñayataquiwa. Apnakatamas chekaparaquiwa.
Jesusasti jupanacarojj sänwa: —Orapcäta ucqhasti sapjjam: “[Alajjpachanquir nanacan] Awquejja, sutimajj jach'añchatäpan, Munañamampisti apnakapjjeta. [Munañamasti luratäpan acapachanjja, cunjämtï alajjpachana luratäqui uqhama.]
Uqhamatwa jumanacarojj churasiraquini jiwasan khespiyiri Jesucriston wiñay marcapar khespita mantapjjañamajja.
Yakha uñtasïwitwa jupanacaru parlaraquïna: “Diosan reinopajj mä levadurjamawa, cunjämatejj mä warmejj quimsa medida jac'uru levadurampi chapuntqui ucsti poktayaraqui ucamp sasiwa.”
Jupanacarojj Diosan reinopat parlapjjañapataquiw qhitäna, uqhamarac usutanac waliptayapjjañapataqui.
Ewjjt'apjjaraquïyäsmawa Diosanquirinacjama sarnakapjjañamataqui, cawquïritejj marcapataqui, c'ajquir cancañapataqui jawsapctama ucaru.
“Diosan reinopajj aca uñtasitamp sasiwa. Tunca tawakonacaw mä casarasïwir sarapjje lamparanacapas apt'ata casarasirir catokañataqui.
Wawanacapätas laycojja Diosatjja herencia catokaraquiñäni jupan arsutaparjama. Uca herenciajja Cristompiraquiw catokañäni, jiwasanacatejj jupamp chica take cunans t'akhesiñäni ucajja, ucat alajjpachan jupampiraquiñäni.
Ucjjarojj Jesusajj sänwa: —Nayan reinojjajj janiw acapachancquiti. Uqhamäspa ucajja, arquirinacajjajj nuwasipjjasapänwa judionacaru jan catuyatäñajjataqui. Ucampis nayan reinojjajj janiw acapachancquiti —sasa.
Reyinaca, sacerdotenacracwa tucuyapjjestajja Diosataquejja. Take aca orakpacharu apnakapjjañajjataqui” sasa.
Diosan reinopat aca suma yatiyäwisti aca orakpachanwa yatiyatäni, uqhamat take marcanacan yatipjjañapataqui, ucatsti acapachan tucusiñapaw jutani.
Jesusasti jupanacarojj sänwa: —Jumanacarojj Diosajj yatiyapjjtamwa cunanacatejj alajjpachan imantatäqui ucanacjja, ucampis jupanacarojj janiw yatiyatäpcänti.