Mateo 7:21 - Qullan Arunaca

²¹ “Janiw qhitinacatejj: ‘Tatay, Tatay’ sisquitus ucanacajj takeni alajjpach marcarojj mantcaniti, jan ucasti qhitinacatejj Awquejjan munañapa lurqui ucanacaquiw mantani.

Aymar Bibliia 1986

²¹ “Janiw qhitinacatejj: “Tatay, Tatay” sisquitus ucanacajj takeni alajjpach marcarojj mantcaniti, jan ucasti qhitinacatejj Awquejjan munañapa lurqui ucanacaquiw mantani.

Qullan Arunaka DC

²¹ “Janiw taqi khitinakatix: ‘Tatay, Tatay’ siskitu ukanakax alaxpach markar mantkaniti, jan ukasti khitinakatix Awkixan munañap lurki ukanakakiw mantani.

Mateo 7:21 Jak'a apnaqawi uñst'ayäwi

Mateo 12:50

Qhitinacatejj Awquejjan munañapa lurqui, ucanacawa nayan jilajjajja, cullacajjasa, taycajjaraquisa —sasa.

Mateo 16:17

Jesusasti juparojj saraquïnwa: —Cusisiñanïtaw jumajj Simón, Jonasan yokapa. Janiw qhitis jumarojj yatiyctamti, jan ucasti alajjpachanquir Awquejjaw yatiytamjja.

Mateo 18:10

“Jan jisc'achapjjamti aca jisc'anacarojja. Nayasti sapjjsmawa, jupanacan angelanacapajj alajjpach marcanjja Awquejjan nayrakatapancasipcapuniwa.

Mateo 18:19

“Sapjjaracsmawa, paninitejj acapachan mä sapa amtañampi mä cunsa oracionan mayinejja, alajjpachanquir Awquejjajj churaniniwa.

Mateo 18:3

saraquïnwa: —Khanacwa sapjjsma, jumanacatejj jan mä wawjam tucupjjätajja, janiw Diosan reinopar mantapcasmati.

Mateo 18:35

Jesusasti aqham sänwa: Uqhamaraquiw alajjpachanquir Awquejjajj jumanacampejj luraraquini, janitejj take chuyma perdonapcät ucajja” sasa.

Mateo 19:24

Sapjjaracsmawa, juc'amp jasaquiwa mä camellon aguja nayra toke passuñapajja, mä kamir jaken Diosan reinopar mantañapat sipana.

Mateo 25:10

Jupanacan alir sarapjjañapcamasti casarasirejj purinjjänwa. Waquicht'asitäcän uca pheska tawakonacasti casarasïwirojj mantjjapjjänwa, ucatsti puncojj jist'antasjjaraquïnwa.

Mateo 25:21

Patronasti juparojj siwa: ‘Waliquiwa, jumajj wali suma sirvirïtawa. Juc'äquis ucaru wali sum phokhatamatjja nayajj jichhajj waljäquis ucaruraquiw uchäma. Jichhasti mantanim ucatsti nayampirac cusisim’ sasa.

Mateo 26:39

Jesusasti juc'ampi nayrakatar sarasinwa, quillt'asisin Diosarojj mayïna aqham sasa: “Awquejjay, waquischi ucajja, aca t'akhesiñatjja khespiyita, ucampis jan nayan munañajjäpati jan ucasti juman munañamäpan” sasa.

Mateo 26:42

Wasitat sararaquiquïnwa, ucatsti aqham sasaraquiw mayisïna “Awquejjay, janitejj waquiscchi aca t'akhesiñata jaltañajjajja, ucampis jan nayan munañajjäpati jan ucasti juman munañamäpan.”

Marcos 3:35

Qhitinacatejj Diosan munañapa phokhapquejja, ucanacaw jilajjasa, cullacajjasa, taycajjasa —sasa.

Marcos 9:47

Nayramatejj juchar puriyañ munstamjja, apsjjam, ucatsti juc'amp sumäspaw Diosan marcapar ch'ulla nayran mantañamajja, pä nayranpacha infiernoru jakontatäñamat sipansa.

Lucas 11:28

Jupasti sänwa: —¡Juc'amp cusisiñanïpjjewa qhitinacatejj Diosan arunacap ist'apqui, uqhamarac jaysapjje ucanacajja! —sasa.

Lucas 13:25

Utanisti sartasin punc jist'antipanjja, jumanaca ankanquirinacajj punc lekt'apjjäta: ‘Tata, jist'art'apjjeta’ sasa. Ucampis jupajj sapjjätamwa: ‘Janiw uñt'apcsmati cawquinquirïsipcstajja’ sasa.

Lucas 18:25

Juc'ampi jasaw mä camellon mä aguja nayra pasañapajja, Diosan marcaparu mä kamirin mantañapat sipansa —sasa.

Lucas 6:46

“¿Cunatarac jumanacasti: ‘Tata, Tata’ sapjjesta, ucatjja janirac cuntï sapcsma ucjja lurapctati?

Juan 14:7

Jumanacatejj nayaru uñt'apjjetasmajja, Awquejjarojj uñt'apjjaraquismawa; jichhatpachaw uñt'apjjaracta, uñjasipcaraquïyätawa.

Juan 15:23

Qhitinacatejj nayar uñisipquitu ucanacajja, Awquejjarojj uñisiraquiwa.

Juan 3:5

Jesusasti ucjjarojj saraquïnwa: —Khanacwa sisma, qhititejj umampita Ajayumpita jan nascani ucajj, janiw Diosan reinopar mantcaspati.

Juan 5:17

Jesusasti jupanacarojj sänwa: —Awquejjajj jichhacamaw irnake, nayas uca pachparaquiw irnaktjja —sasa.

Juan 6:40

Qhitanquitu ucan munañapajja acanacawa: Take qhitinacatejj Diosan Yokaparu uñjquejja, uqhamarac jupar iyawsquejja ucanacajj wiñay jacañanïñapa, nayasti khepa urunjja jacatatayaraquïwa.

Juan 7:17

Maynitejj Diosan munañap lurañ munchi ucajja, uñt'aniwa Diosan yatichäwipächi jan ucajj naya pachpan yatichäwejjaquïchi ucjja.

Hechos 14:22

Uca marcanacansti Tatitur iyawsirinacarojj ch'amañcht'apjjänwa. Sapjjaraquïnwa: “Tatitur iyawsañanacamanjja ch'aman sayt'apjjam. Diosan marcapar mantañataquejja, t'akhesiñajj waquisipuniwa” sasa.

Romanos 12:2

Janiy jumanacajj acapacha saräwinacarjamajja jacjjapjjamti, jan ucasti amtañanacamanjja machakat amtasjjapjjam, uqhamat jumanacan jacañanacamajj sumäjjañapataqui. Uqhamatwa jumanacajj Diosan munañapjja yatipjjäta, cunatejj asquïqui, cunatejj Diosarojj cusisiyqui, k'omäcaraqui ucanacsa.

Romanos 2:13

Diosan nayrakatapanjja janiw asquïquiti uca ley alek ist'irinacaquejja jan ucasti uca leyirjam phokherinacaw asquejja.

Efesios 6:6

Irnakcasinsti, jan uywirimajj uñch'uquipctam ucqhaqui lurapcamti, uqhamat jupanacampi sumat uñt'ayasiñataqui, jan ucasti Cristoru sirvirinacjama, Diosan munañap take chuymamp lurapjjam.

Colosenses 4:12

Epafras jilatasti Criston sirviripawa, jumanaca taypit misturiraquiquiwa, jupasti jumanacarojj aruntanipjjaractamwa. Jupasti jumanacataquejj walipuniw Diosatjj mayisqui jumanacan sum sayt'asipjjañamataqui, uqhamarac Diosan munañap lurañaru suma catuyatäpjjañamataqui.

1 Tesalonicenses 4:3

Diosajj jumanacatjja jupar catuyat jacapjjañamwa muni; jan qhitis wachoka jucha lurañan sarnakpanti,

1 Tesalonicenses 5:18

Take cunatsa Diosar yuspagarapjjam, Diosasti jumanacatjja uqhamwa muni, Cristo Jesusan iyawsirinacapjamajja.

Tito 1:16

Jupanacajj: Diosarojj uñt'apjjtwa sapjjewa. Ucatsti luräwinacapampejj janiw uqham uñacht'ayapquiti, jupanacajj uñisirinaca, jan yäkasiñan khoru jakenacäpjjewa, janiraquiw cuna sumsa lurirjamäpquiti.

Hebreos 13:21

Diosasti jumanacarojj k'om tucuypan, sumaquiraqui take cunansa, munañapa lurasiñapataqui, jiwasampisti cuntejj lurañ munqui uc luristpan, Jesucristo toke. ¡Jesucristojj jach'achatäpan wiñayataqui! Uqhamäpan.

Hebreos 4:6

Ucampis yakhepanacajj janïraw uca samarañ chekarojj mantapquiti, qhitinacatï nayrakat khespiyasiñ arunac ist'apqui ucanaca jan ist'asipjjatap laycu.

Santiago 1:22

Ucampis cuntejj Diosan arunacapajj yatichquistu uc lurapjjaraquim, janiraqui alek isch'uquirinacaquïpjjamti, uqham alek isch'uquisajja jumanacpachaquiw sallkjasisipcasma.

1 Pedro 2:15

Diosasti jumanacanjja asqui lurañanacamwa munaraqui, uqhamata pisi amuyun jakenacan parlatanacapjja amuct'ayapjjañamataqui.

1 Pedro 4:2

Diosan munañaparjam take jacäwipana jacjjañapataqui, jan janchin munañaparjam jaysañataquejja.

Apocalipsis 2:27

cunjämatï nayarojj Awquejjajj munañanïña cancañ churitojja uqhama. Marcanacarusti mä hierro varampjamaraquiw apnakapjjani, ñek'et lurat phuqhunacäcaspas uqhamaracwa t'unthapipjjani.

Apocalipsis 22:14

“Cusisiñanïpjjewa qhitinacatejj isinacapa t'ajjsusipjje jacañ kokat mank'asiñataqui, uqhamarac marcar puncu chek mantañataquisa.

Apocalipsis 3:5

Qhitinacatejj atipjcani ucanacajj jank'ot ist'atäpjjaniwa, janiraquiw sutinacapsa jacañ librotjja apanuccäti, jan ucasti Awquejjan nayrakatapan, uqhamarac angelanac nayrakatanwa jupanacarojj uñt'asjjäjja.