Mateo 7:21 - Qullan Arunaka DC

²¹ “Janiw taqi khitinakatix: ‘Tatay, Tatay’ siskitu ukanakax alaxpach markar mantkaniti, jan ukasti khitinakatix Awkixan munañap lurki ukanakakiw mantani.

Aymar Bibliia 1986

²¹ “Janiw qhitinacatejj: “Tatay, Tatay” sisquitus ucanacajj takeni alajjpach marcarojj mantcaniti, jan ucasti qhitinacatejj Awquejjan munañapa lurqui ucanacaquiw mantani.

Qullan Arunaca

²¹ “Janiw qhitinacatejj: ‘Tatay, Tatay’ sisquitus ucanacajj takeni alajjpach marcarojj mantcaniti, jan ucasti qhitinacatejj Awquejjan munañapa lurqui ucanacaquiw mantani.

Mateo 7:21 Jak'a apnaqawi uñst'ayäwi

Mateo 12:50

Khititix alaxpachankir Awkixan munañap lurki, jupaw nayan jilaxasa, kullakaxasa, taykaxasa —sasa.

Mateo 16:17

Jesusasti juparux sarakïnwa: —Simón, Jonasan yuqapa, kusisiñanïtawa, uksti janiw khitis jumarux yatiyktamti, jan ukasti, alaxpachankir Awkixaw yatiytamxa.

Mateo 18:10

“Ukhamasti janipun aka jisk'alalanakat maynirus jisk'achapxamti. Nayasti sapxsmawa, jupanakan angelanakapax alaxpachan sapürupuniw Awkixan nayraqatapankasipki.

Mateo 18:19

“Sapxaraksmawa, paninitix akapachan mä sapa amtañampi mä kunsa Diosat mayipxätaxa, alaxpachankir Awkixax churanipxätamwa.

Mateo 18:3

sarakïnwa: —Qhanak sapxsma, jumanakatix jakañaman Diosar jan kutikipstapkäta, janirak mä wawjam tukupkäta ukax, janiw Diosan qhapaq markapar mantapkätati.

Mateo 18:35

Jesusasti akham sänwa: —Janitix jilamar taqi chuyma pampachapkäta ukax, alaxpachankir Awkixax ukhamarakiw jumanakampix lurani —sasa.

Mateo 19:24

Sapxaraksmawa, yawri nayra chiqa mä camellon mistuñapax juk'amp jasakiwa, mä qamirin Diosan qhapaq markapar mantañapat sipana.

Mateo 25:10

Jupanakan aceite alir sarañapkamasti, jaqichasir waynax purinxänwa, wakicht'atäpkän uka phisqa tawaqunakasti jupampiw jaqichasïwir mantxapxäna, ukatsti punkux jist'antasxarakïnwa.

Mateo 25:21

Uka jilïristi juparux sänwa: ‘Walikiwa, jumax wali suma irnaqirïtawa; juk'äkis uk wali sum phuqhatamatxa, jichhax waljäkis uk phuqhañamatakiw churäma. Jichhasti mantanim, ukatsti nayamp chika kusisim’ sasa.

Mateo 26:39

Jesusasti mä juk'a nayraqatar sartasinxa, killt'asisin ajanup uraqkam puriyasaw Diosarux mayisïna akham sasa: “Awkixay, wakischi ukax aka t'aqhisiñ apaqt'ita, ukampis jan nayan munañaxäpati, jan ukasti juman munañamäpan” sasa.

Mateo 26:42

Wasitat sararakikïnwa, ukatsti akham sasaw mayisïna: “Awkixay, t'aqhisiñaxatix wakisipunchixa, juman munañamax luraspan” sasa.

Marcos 3:35

Khitinakatix Diosan munañap phuqhapki ukanakaw jilaxasa, kullakaxasa, taykaxasa —sasa.

Marcos 9:47

Nayramatix juchar puriyañ munstamxa, apsxam, ukatsti juk'amp sumäspaw Diosan markapar ch'ulla nayrani mantañamaxa, pä nayranpacha manqhapachar jaquntatäñamat sipana,

Lucas 11:28

Jupasti sänwa: —¡Khitinakatix Diosan arunakap ist'apki, jaysapkaraki ukanakax juk'amp kusisiñaniwa! —sasa.

Lucas 13:25

Utanisti sartasin punku jist'antipanxa, jumanaka anqankirinakax punku liqt'apxäta: ‘Tatay, jist'art'apxita’ sasa. Ukampis jupax sapxätamwa: ‘Janiw uñt'apksmati kawkinkirïsipkstaxa’ sasa.

Lucas 18:25

Juk'ampi jasakïspaw mä camellon yawri nayra chiqa sarakipañapaxa, Diosan qhapaq markapar mä qamirin mantañapat sipansa —sasa.

Lucas 6:46

“¿Kunatarak jumanakasti: ‘Tatay, Tatay’ sapxista, ukat janirak kuntix sapksma uk lurapktasti?

Juan 14:7

Jumanakatix nayar uñt'apxchistaxa, Awkixar uñt'apxarakïtawa; jumanakax jichhatpach juparux uñt'apxtaxa, jichhas uñjasipkaraktawa —sasa.

Juan 15:23

khitinakatix nayar uñisipkitu ukanakax Awkixarux uñisirakiwa.

Juan 3:5

Jesusasti juparux sarakïnwa: —Qhanak sisma, khititix umampita Ajayumpit jan yurkanixa, Diosan qhapaq markapar janiw mantkaspati.

Juan 5:17

Ukampis Jesusax jupanakar sänwa: —Awkixax jichhakamaw irnaqaski, nayasti ukat irnaqarakta —sasa.

Juan 6:40

Awkixan munañapasti akawa: Taqi khititix Diosan Yuqapar uñt'ki, jupar iyawskaraki ukax wiñay jakañanïñapawa; nayasti tukuy urun jupanakar jiwatat jaktayä —sasa.

Juan 7:17

Khititix Diosan munañap lurañ munki ukakiw uñt'ani, yatichäwixan Diosat jutatapa, jan ukax, nayankatapa.

Hechos 14:22

Uka markanakansti Tatitur iyawsirinakarux ch'amañcht'apxänwa, ixwt'apxarakïnwa: “Tatitur iyawsañanakaman ch'aman sayt'apxam. Diosan markapar mantañatakix, t'aqhisiñax wakisipuniwa” sasa.

Romanos 12:2

Janiy jumanakax jichha pacha saräwinakarjam jakxapxamti; jan ukasti, amtañanakam mayjt'ayapxam, ukhamat jumanakan jakäwiman sumäxañapataki, ukat Diosan munañap yatiñataki, kunatix askïki, kunatix munkañäki, kunatix chiqäki ukanaka.

Romanos 2:13

Diosan nayraqatapansti, janiw kamachi ist'atapampik askïpkiti, jan ukasti uka kamachirjam phuqhirinakaw askixa.

Efesios 6:6

Janiy uywiriman uñjkatakix lurapxamti, ukhamat jupanakampi sumat uñt'ayasiñatakiki, jan ukasti Criston irnaqirinakapjamax Diosan munañap taqi chuyma lurapxam.

Colosenses 4:12

Epafras jilata, khititix Criston luqtiripäki, jumanakat maynïrïkaraki, jupas aruntanipxtamwa. Jupasti jumanakatakix walipuniw Diosat mayiski, Diosan munañap phuqhirinakjam thuruñchat sayt'asipxañamataki.

1 Tesalonicenses 4:3

Diosax jumanakan qullan kankañan jakapxañam muni, wachuq jucha lurañanak apanukupxam,

1 Tesalonicenses 5:18

Taqi kunat Diosar yuspagarapxam, jupax Cristo Jesusankirïpxatamat ukham muni.

Tito 1:16

Jupanakax: “Tatiturux uñt'apxtwa” sapxiwa. Ukatsti luräwinakapampix janiw ukham uñacht'ayapkiti, jupanakax uñisirinakäpxiwa, jan yäqasiñan qhuru jaqinakäpxiwa, janirakiw kuna sumsa lurirjamäpkiti.

Hebreos 13:21

uka Diosay jumanakarux q'uma, taqi kunansa aski tukuypan, munañap phuqhapxañamataki; Jesucristo tuqi kuntix jiwasanakamp lurañ munki uk lurarakpan. ¡Jesucristox wiñayatak jach'añchatäpan! Ukhamäpan.

Hebreos 4:6

Ukampis yaqhipanakax janïraw uka samarañarux mantapkiti, khitinakatix nayraqat yatiyäwi arunak ist'apkän jupanakan jan jaysapxatap layku.

Santiago 1:22

Ukampis jan aliq isch'ukirinakakïpxamti, jan ukasti luririnakäpxam, jan lurapkät ukasti, jumanakpachakiw sallqjasisipkasma.

1 Pedro 2:15

Diosasti jumanakan aski lurañanakam muni, ukhamat pisi amuyun jaqinakan parlatanakap amukt'ayapxañamataki.

1 Pedro 4:2

jan janchin munañaparjama, jan ukax Diosan munañaparjam taqi jakäwipan jakxañapataki.

Apocalipsis 2:27

kamisatix Awkixax nayar munañanïñ kankañ churkitu ukhama; markanakarusti hierro thujrumpiw apnaqapxani, ñiq'i phukhunakarjamaw t'unthapipxani. Jupanakarusti qhantati warawara churarakï.

Apocalipsis 22:14

Jakañ churir quqan achupat manq'asiñatak isinakap t'axsusirinakax kusisiñanïpxiwa, ukhamarak markar punku chiqa mantañ munirinakasa.

Apocalipsis 3:5

Jan walt'äwinak atipjirinakaru, nayar iyawsañ katxäsirinakarux, janq'u isimpiw isthapiyä, janirakiw wiñay jakañ qillqatat sutinakap apanukkäti, jan ukasti, Awkixan nayraqatapana, angelanakap nayraqatan jupanakarux uñt'asxä.