Mateo 7:22 - Qullan Arunaca

²² Cunapachatejj uca urojj purincani ucapachajja, waljaniraquiw sapjjaraquitani: ‘Tatay, Tatay, nanacajj sutimaruwa parlapjjäyäta, sutimaruraquiw ñankha ajayunacarus jaksupjjäyäta, uqhamarac sutimjjaruraquiw walja milagronacs lurapjjäyäta’ sasa.

Aymar Bibliia 1986

²² Cunapachatejj uca urojj purincani ucapachajja, waljaniraquiw sapjjaraquitani: “Tatay, Tatay, nanacajj sutimaruwa parlapjjäyäta, sutimaruraquiw ñankha ajayunacarus jaksupjjäyäta, uqhamarac sutimjjaruraquiw walja milagronacs lurapjjäyäta” sasa.

Qullan Arunaka DC

²² Khä urunxa, waljaniw sapxitani: ‘Tatay, Tatay, nanakax sutimaruw parlapxäyäta, sutimaruw ñanqha ajayunakar jaqsupxäyäta, ukatsti sutimxarurakiw walja muspharkañanak lurapxäyäta’ sasa.

Mateo 7:22 Jak'a apnaqawi uñst'ayäwi

Isaías 2:11

Jach'a jach'a tucur jakenacasti alt'atäpjjaniwa, jach'a ch'aman tucur jakenacasti alt'ayataw uñjasipjjani. Uca urusti Tatituquiraquiw jach'a cancañap uñacht'ayani.

Isaías 2:17

Jach'a jach'a tucur jakenacajja, k'ala alt'ayatäpjjapuniniwa. Uca urusti Tatituquiraquiw jach'a cancañap uñacht'ayani,

Números 24:4

Cunapachatejj ajayuncqui ucqhajj juc'amp suma uñji, suma arunacwa catokaraqui, uqhamarac ajayun uñacht'äwinacsa take ch'amani Diosatjja.

Números 31:8

Uqhamaw jiwarayapjjäna, Evi, Requem, Zur, Hur, Reba, uca madianitanacan pheska reyinacaparojja, uqhamarac Balaam sat Beor chachan yokaparusa.

Mateo 10:15

Khanacwa sapjjsma, uca marcanacan mutuñapajj juc'ampiraquïniwa taripäwi urunjja, Sodoma uqhamarac Gomorra marcan mutuñapat sipansa.

Mateo 24:36

“Ucampis cuna horasäcanitejj jan ucajj cuna urücanitejj ucjja janiw qhitis yatquiti, ni alajjpachanquir angelanacasa ni Diosan Yokapasa, jan ucasti Dios Awqui sapaquiw yati.

Mateo 25:11

Ucjjarusti purinipjjaraquiwa pisi amuyt'aninacäcäns uca pheska tawakonacajja, puncu jist'antatäjjepansti sapjjaraquïnwa: ‘¡Tata, Tata, jist'arapjjetaya!’ sasa.

Mateo 7:21

“Janiw qhitinacatejj: ‘Tatay, Tatay’ sisquitus ucanacajj takeni alajjpach marcarojj mantcaniti, jan ucasti qhitinacatejj Awquejjan munañapa lurqui ucanacaquiw mantani.

Lucas 10:12

Sapjjsmawa, taripäwi urun mutuña catokañapajj aca marcanjja Sodoma marcanquir jakenacat sipansa juc'amp jach'äniwa.

Juan 11:51

Ucampis Caifasajj janiw amuyupatacti acjja siscäna, jan ucajj jupajj uca marajj sacerdotenacan jilïripätap laycojja, Diosaw uqham arsuyäna: “Jesusaw jiwañapa Judea marcpachatjja” sasa.

1 Tesalonicenses 5:4

Ucampis jumanacajj jilatanaca, janiw ch'amacanacancapctati Tatitun jutäwip urupajj acatjamat jumanacar catuntañapataqui, cunjämatejj mä lunthatajj acatjamat jutqui uqhama.

2 Tesalonicenses 1:10

cunapachatejj Tatitojj qhä urunjja jutcani jupanquirinacampi jach'añchayasirejja, uqhamarac take iyawsirinacapampi jach'añchayasirejja; take aca arunac churapcsma ucarojj iyawsapjjtawa.

2 Timoteo 1:12

Ucatwa take acanacjja t'akhestjja. Ucampis acatjj janiw p'enkascti, nayajj yattwa qhitirutejj iyawscta uca, yatiractwa jupajj ch'amanïtapa qhä urucama nayaru cuntejj catuyquitu uc imañataquejja.

2 Timoteo 1:18

Tatitojj churpan qhä urunjja qhuyapayasiñap catokañapataqui. Jumajj asquiw yattajja cunjämtejj Éfeso marcanjja yanapquistän ucjja.

2 Timoteo 4:8

Jichhajj suma coronaw suyasquitu, qhä urunwa chekapar uñjir Tatitojj churitani, cawquïritejj chekap taripirïqui ucajja. Janiw naya saparuquiti churquitani, jan ucasti take qhitinacatejj munasiñampi Tatitun jutañap suyt'asipqui ucanacarojj churaraquiniwa.