Mateo 7:22 - Qullan Arunaka DC

²² Khä urunxa, waljaniw sapxitani: ‘Tatay, Tatay, nanakax sutimaruw parlapxäyäta, sutimaruw ñanqha ajayunakar jaqsupxäyäta, ukatsti sutimxarurakiw walja muspharkañanak lurapxäyäta’ sasa.

Aymar Bibliia 1986

²² Cunapachatejj uca urojj purincani ucapachajja, waljaniraquiw sapjjaraquitani: “Tatay, Tatay, nanacajj sutimaruwa parlapjjäyäta, sutimaruraquiw ñankha ajayunacarus jaksupjjäyäta, uqhamarac sutimjjaruraquiw walja milagronacs lurapjjäyäta” sasa.

Qullan Arunaca

²² Cunapachatejj uca urojj purincani ucapachajja, waljaniraquiw sapjjaraquitani: ‘Tatay, Tatay, nanacajj sutimaruwa parlapjjäyäta, sutimaruraquiw ñankha ajayunacarus jaksupjjäyäta, uqhamarac sutimjjaruraquiw walja milagronacs lurapjjäyäta’ sasa.

Mateo 7:22 Jak'a apnaqawi uñst'ayäwi

Isaías 2:11

Jach'a jach'a tukur jaqinakasti alt'atäpxaniwa, p'iqi waytat jaqinakas jisk'achjatäpxaniwa, uka urux Tatitukiw jach'ar aptatäni.

Isaías 2:17

Jach'a jach'a tukur jaqinakaxa, p'iqi waytat jaqinakasa, q'ala aynacht'ayatäpxaniwa. Uka urusti Tatitukiw jach'ar aptatäni,

Números 24:4

Tatitun arunakap ist'irin arunakapawa, Taqi ch'amanin unañchäwinakap yatirin arunakapawa, ajayunkki ukapacha unañchäwinak uñjirin arunakapawa.

Números 31:8

Jiwarayat chachanak taypinsti madianita phisqa reyinakaw ukankäna: Eví, Réquem, Sur, Hur, Reba jupanaka. Beor chachan Balaam sat yuqapas ukankarakïnwa.

Mateo 10:15

Qhanak sapxsma, taripäwi urunxa, uka markanakan mutuñapax Sodoma, Gomorra uka markanakat sipan juk'ampïniwa.

Mateo 24:36

“Ukampis kuna pachäkanitixa, jan ukax, kuna urükanitix uk janiw khitis yatkiti, janiw alaxpachankir angelanakas yatkiti, janirakiw Diosan Yuqapas yatkiti, jan ukasti Dios Awki sapakiw yati.

Mateo 25:11

Uka qhipatsti pisi amuyt'an tawaqunakaw uka chiqar kutt'anipxäna, punku jist'antatäxipansti, jach'at arnaqapxäna: ‘¡Tatay, Tatay, jist'arapxitaya!’ sasa.

Mateo 7:21

“Janiw taqi khitinakatix: ‘Tatay, Tatay’ siskitu ukanakax alaxpach markar mantkaniti, jan ukasti khitinakatix Awkixan munañap lurki ukanakakiw mantani.

Lucas 10:12

Sapxsmawa, aka markan taripäwi urun mutuñ katuqañapax, Sodoma markankir jaqinakat sipan juk'amp jach'äniwa.

Juan 11:51

Ukampis Caifasax janiw amuyupatjam uk arskänti, jan ukasti, uka maran sacerdotenakan jilïripätap laykuw Diosax ukham arsuyäna: “Jesusax judionak layku jiwañapawa” sasa;

1 Tesalonicenses 5:4

Ukampis juma jilatanakax janiw ch'amakankapktati, ukhamat Tatitun kutiniñap urux lunthatar uñtat jan katjayasiskañataki.

2 Tesalonicenses 1:10

kunapachatix Tatitux khä urun qullan markap taypin jach'añchayasir jutkani, Cristonkirinakas jupat muspharapkarakini ukapacha; jumanakasti kawkïr arunaktix churapksma ukarux iyawsapxtawa.

2 Timoteo 1:12

Ukat taqi akanak t'aqhista. Ukampis janiw ukanakat p'inqaskti, nayax yattwa khitirutix iyawskta uka; tukuy urukam qhispiyasiñ arunak qhanañchañatak ch'amanïtapsa yatiraktwa.

2 Timoteo 1:18

Taripäwi urunxa Tatitux jupat khuyapt'ayaspan. Jumax askiw yattaxa, Éfeso markan yanapkistän ukanakxa.

2 Timoteo 4:8

Jichhax mä suma pilluw suyt'askitu, chiqapar taripir Tatituw khä urun churitani. Janiw naya saparukit churkitani, jan ukasti, taqi khitinakatix munasiñampi Tatitun jutañap suyt'asipki ukanakarux churarakiniwa.