Lucas 6:20 - Qullan Arunaca

²⁰ Jesusasti ucapachawa discipulonacapar uñtasinjj saraqui: “Cusisiñanïpjjtaw jumanaca pobrenacajja, Diosan reinopasti jumanacanquiwa.

Aymar Bibliia 1986

²⁰ Jesusasti ucapachawa discipulonacapar uñtasinjj saraqui: “Cusisiñanïpjjtaw jumanaca pobrenacajja, Diosan reinopasti jumanacanquiwa.

Qullan Arunaka DC

²⁰ Jesusasti yatiqirinakapar uñkatasaw säna: “Kusisiñanïpxtaw jan kunaninakaxa, Diosan qhapaq markapax jumanakankiwa.

Lucas 6:20 Jak'a apnaqawi uñst'ayäwi

Salmos 37:16

Juc'a yänacan asqui jakejj juc'amp asquiwa, kamirïsin ñankha lurir jakenacat sipansa;

Proverbios 16:19

Asquiwa pobrenacampi jisc'ar tucuñajja, jach'a jach'a tucuñampi kamirïñat sipansa.

Proverbios 19:1

C'ari jakëñata, jan yatiñan jakëñata sipansa, juc'ampi asquiwa pobrëscañajja, cheka cancañana sarnakascañajja.

Isaías 29:19

Llamp'u chuymani jakenacasti Tatitunwa cusisipjjani, juc'ampi pobrenacasti cusisipjjaraquiniwa, Israelan kollan Diosapana.

Isaías 66:2

¡Take acanacjja nayaw amparajjampi lurta, uqhamatwa utjañjja kalltapjjaraqui! Naya Tatituw ucjja arsta. “Cawquïr jaktejj nayajj uñtascta ucajj qhititejj pobre, llact'ata sarnakqui, arunacajjsa suma ist'caraqui, phokcaraqui ucawa.

Sofonías 3:12

Nayasti jumanac taypirojja llamp'u chuymani, asqui jakenaca jaytawayä, cawquïrinacatï nayan sutejjaru iyawsapcani ucanaca.

Zacarías 11:11

Qhä urunsti arust'äwejjajj tucusjjänwa, uñch'uquisipquitäna uca oveja alaquipanacasti, amuyjjapjjänwa Tatitu parlascatapa cuntejj nayajj lurascäyäta uca toke.

Mateo 11:5

Juyqhunacajj uñj-jjapjjewa, cojonacas sarnakapjjaraqui, lepra usuninacas kollataraqui, okaranacas ist'apjjaraqui, jiwatanacasti jactayataraquiwa, uqhamarac pobrenacarus khespiyasiñan utjatapajj yatiyataraquiwa.

Mateo 25:34

Ucapachaw cupëjjapancquis ucanacarojj sani: ‘Jutapjjam, jumanacajj Awquejjan bendicitanacapa, catokapjjaraquimay wiñay jacañjja jumanacataqui waquichatäquis uca, cawquïritejj aca orake kalltatpacha luratäqui.

Mateo 5:1

Jesusajj walja jakenaca uñjasinjja, mä kolluru maqhatasinwa kont'asïna. Ucatsti discipulonacapajj jupan ucaruw jutapjjaraquïna.

Lucas 12:32

“Jan ajjsarapjjamti, jisc'a tama ovejanacajja, ucampis alajjpach Awquimajj qhuyapayasiñapana reinop churaña munapjjtam.

Lucas 13:28

Ucanwa wararipjjäta, laca ch'aqhanacamsa t'urusipjjaraquïta, Abrahamampi, Isaacampi, Jacobompi, uqhamarac take profetanacampi Diosan reinopancatapa uñjasina, jumanacasti ankaru jakonucutäpjjatamataraqui.

Lucas 14:15

Uc ist'asinjja mesan kont'atäpcän ucanacat maynïriw Jesusar säna: —Cusisiñaniw Diosan reinopan t'ant'a mank'erejja.

Lucas 16:25

Abrahamasti juparojj sänwa: ‘Wawa, amtasim cunjäms jacañamanjj wali sum jacäyätajj uca. Lazaron jacäwipasti jan walipunïnwa. Jichhasti acanjja jupajj cusisiñ catoke, jumasti t'akhestawa.

Lucas 4:18

“Tatitun Ajayupaw nayjjanqui, suma yatiyäwinac pobrenacar churañataquiw ajllisitu; llact'at chuymanacar kolliriw qhitanitu, carcelanquirinacar khespita sarnakañat yatiyiriraqui, uqhamarac juyqhunacarus uñatatayiri; t'akhesiyatanacarus khespiyiriraqui;

Hechos 14:22

Uca marcanacansti Tatitur iyawsirinacarojj ch'amañcht'apjjänwa. Sapjjaraquïnwa: “Tatitur iyawsañanacamanjja ch'aman sayt'apjjam. Diosan marcapar mantañataquejja, t'akhesiñajj waquisipuniwa” sasa.

2 Corintios 6:10

Llact'atäpcta ucasa, cusisitaquipunïsipctwa; jan cunanïpcta ucasa, waljaniruraquiw kamiriptayapjjtjja; janis cunanïpctsa ucampis janiw cunas pist'apcaraquituti.

2 Corintios 8:2

Jupanacajj wali jach'a jan walt'añanacancchïn ucasa, wali cusisitäpjjewa. Jan cunanïpcchi ucasa, take chuymaw cusisiñampi churapjjäna kamirinacäcaspas uqhama.

2 Corintios 8:9

Jumanacasti Tatit Jesucriston munasiñapjja niya yatjjapjjtawa. Jupajj wali kamirïnwa, ucampis jan cunaniw tucuwayi jumanacar munasina, uqhamata jumanacajj uqham tucutapampi kamirquipstapjjañamataqui.

1 Tesalonicenses 1:6

Jumanacajj nanacaru uñtasaw sarnakapjjta, uqhamarac Tatituru uñtasa. Ucatsti Kollan Ajayojj churapctam uca cusisiñampiw Tatitun arunacapjja catokapjjta, jach'a t'akhesiñanacsa catokapcsta ucasa.

2 Tesalonicenses 1:5

Acajj uñacht'ayistuwa Diosajj chekapätapa uñjäwipanjja, jumanacaru Diosan marcapar mantayañataqui asquit uñt'asina, ucataracwa t'akhesisipctajja.

Santiago 1:12

Cusisiñaniwa qhititejj yant'anacjja llamp'u chuymampi catokqui ucanacajja. Uca yant'ar atipjas misturinacasti churäwi catokapjjani mä coronar uñtata, uca churäwisti cuntejj Diosajj jupar munirinacaru jacañ churaña arscänjja ucawa.

Santiago 2:5

Munat jilatanacajja, ist'apjjam aca arunaca: Diosajj aca oraken pobrenacaruw ajlli, jupanacajj iyawsañanacapanjja kamirïpjjañapataqui, uqhamarac Diosan reinopsa herenciat catokapjjañapataqui, cuntejj jupajj churapjjämaw sisqui jupar munirinacarojj ucanacataqui.

Apocalipsis 2:9

‘Take luräwinacamjja nayajj yattwa, t'akhesitamsa, jan cunanïtamsa yatiractwa, ucampis janiw jan cunanïcapuntati jan ucasti kamirïsctawa. ‘Judiöpjjtwa’ siri jakenacan juma toke parlatapsa yatiractwa, ucampis janiw jupanacajj judiöpquiti jan ucasti Supayan tamapancasipquiwa.

1 Samuel 2:8

Diosajj oraket pobrerojj wayti, limosna mayjasirirusti k'añunac taypit waysuraqui, jilïri jakenac taypiru kont'ayañataqui, mä jach'a jilïrinacan konuñapar kont'ayañataqui; Tatitunquiw take cunasa, aca oraken utt'äwinacapatsa, ucanacjjaruraquiw aca oraksa utt'ayaraqui.