Daniel (hebreo) 2:44 - Qullan Arunaca

⁴⁴ Uca reyinacan apnakañapcamasti, alajjpachanquiri Diosajj mä yakha reino sayt'ayaraquini, uca reinosti janipuniw tucjatäcaniti ni apnakatäcaraquinisa yakha marcanacampejja, jan ucasti jupaw take yakha reinonacarojj tucjani, wiñayan wiñayapaw uca reinojj utjaraquini.

Aymar Bibliia 1986

⁴⁴ Uca reyinacan apnakañapcamasti, alajjpachanquiri Diosajj mä yakha reino sayt'ayaraquini, uca reinosti janipuniw tucjatäcaniti ni apnakatäcaraquinisa yakha marcanacampejja, jan ucasti jupaw take yakha reinonacarojj tucjani, wiñayan wiñayapaw uca reinojj utjaraquini.

Qullan Arunaka DC

⁴⁴ Ukampisa, uka reyinakan marka apnaqäwip urunakansti, alaxpachankir Diosax mä rey khithanini, marka apnaqäwipasti wiñayatakïniwa, juparusti janiw khitis atipjkaniti, jan ukasti, jupaw taqi marka apnaqäwinakar tukjani.

Daniel (hebreo) 2:44 Jak'a apnaqawi uñst'ayäwi

Génesis 49:10

Janiw qhitis Judärojj ch'amapjja apakañ puedcaniti, cuna varatejj amparapancqui ucsa janiw apakcaraquispati, uca varan dueñopa jutañapcama, qhitirutejj marcanacajj jaysapcani ucqhacama.

2 Samuel 7:13

Juparaquiw nayataquejj mä templo utacharapitani, nayasti reinopjja wiñayataquipuniw utt'ayaraquëjja.

2 Samuel 7:16

Juman wawanacamajj wiñayaw apnakapjjani, uqhamaraqui reinomasti wiñayataquiraquïniwa nayan uñjatäscaraquiniwa, uqhamaraqui juman tronomasa wiñayataqui utt'atapuniraquïniwa’ ” sasa.

Salmos 145:13

Khapak marcamajj wiñay khapak marcawa, khapak apnakäwimajj wiñay apnakäwiraquiwa. Tatitojj arsutanacap phokheriwa, take luräwinacapan munasiñaniwa.

Isaías 60:12

Cawquïri marcatejj jan sirvcätamjja, ucajj tucusiniwa; marcanacasti uqhampacharaquiwa tucjatäpjjani.

Ezequiel 37:25

Cawquïri oraktejj Jacob sirvirejjaru churcta ucanwa jacapjjaraquini, cawquintejj nayra awquinacapajj jacapcäna ucana. Jupanacasa uqhamaraqui wawanacapasa, wawanacapan wawanacapasa ucanwa jacapjjani, David sirvirejjaraquiwa jupanacan jilïripäni.

Daniel (hebreo) 2:28

Ucampisa mayni Diosaw utji alajjpachana, qhititejj take imantata yänac khanañchqui uca, juparaquiw jichhajj juma jach'a reyirojj yatiyätam cunatejj acat kheparu pascani take ucanaca. Jichhasti, reyirojj khanañchäwa cunanactejj iccasina samcascatayna unañchäwinacsa uñjcatayna take ucanac toketa:

Daniel (hebreo) 2:34

Jach'a reyisti uca jach'a jake uñch'uquiscaraquïna, ucat ucañcamajj mä kollut mä kalajj sarakani, ucat uca jach'a jaken cayuparuw puri uqhamat uca jach'a jakerojj k'ala t'unji.

Daniel (hebreo) 2:35

Ucapachasti hierro, ñek'e, bronce, kollke, uqhamaraqui kori ucanacasti lak'aru tucuyataw uñjasiraquïna, cunjämatejj jawk'a horasajj trigojj jawc'sutajj uqhama, ucatsti thayaw take ucanacjja apasjjaraquïna jan cunsa jilt'ayasa. Ucampisa uca jakeru t'unjcäna uca kalasti mä jach'a kolluruw tucuwayjjaraquïna ucat uca kollojj take aca orakpacharuw phokhantäna.

Daniel (hebreo) 2:37

Juma, jach'a reyiw, take reyinacat sipansa wali jach'a reyïtajja, alajjpachanquiri Diosaw aca marca apnakaña uqhamarac munañanïña, ch'amsa take jach'añchañäwinacsa churaractamjja;

Daniel (hebreo) 2:43

Cunjämatejj jumajj uñjayätajj hierrompi, ñek'empi quittatjja, uqhamaraquiw uca reino apnakerinacajj casarasïwinac toke mayachasiñ munapjjani, ucampis janiw mayar tuct'añaru puripcaniti, cunjämatejj hierrompi ñek'empejj jan mayachasquejja uqhama.

Daniel (hebreo) 4:3

¡Cunja jach'as luräwinacapajja, uqhamaraqui milagronacapasa! Jupan reinopasti wiñayataquipunïniwa, munañanïñapasa wawanacapans wawanacapataqui.

Daniel (hebreo) 4:34

“Cunapachatejj uca juchañchäwi urunacajj phokhasjjäna ucapachasti, naya Nabucodonosor reyejj alajjpacha uñtta, ucatsti lokhe cancañajjatjja kollatätajjwa amuyasjjaracta, ucat nayajj alajjpachanquiri Diosaru jach'añchta, aca arunacampiw juparojj yupaycharacta, qhititejj wiñayataqui jacqui ucaru: ‘Ch'amapajj wiñayataquipuniwa; munañapasa wawanacapans wawanacapataquiraquïniwa.

Daniel (hebreo) 6:26

Arsuractwa, mayiractwa take aca orake apnakcta ucanjja, Daniel chachan Diosapajj ist'atäpan uqhamaraqui ajjsaratäpan. “Jupaw jacquiri Diosajja, wiñayataquiwa. Jupan reinopajj janipuniw t'unjatäcaniti, ch'amapas janiraquiw tucuscaniti.

Daniel (hebreo) 6:27

Jupaw khespiyirejja, arjjatirisa; alajjpachansa, acapachansa, luratanacapajj muspharcañawa. Leonanacan lacapatsa jupaw Daniel sirviriparojj khespiyaraqui” sasa.

Daniel (hebreo) 7:27

Apnakañasa, munañanïñasa, jach'a cancañasa, take acapachanquiri reinonacasa, alajjpachanquir Diosan marcaparu catuyatäjjaniwa. Diosan reinopasti wiñayataquipunïniwa, take acapachanquiri marcanacaw juparojj sirvipjjani, jaysapjjaraquini.’

Daniel (hebreo) 8:25

Jupan sallka cancañapampisti, sallka luratanacapajj atipt'aquipuniniwa. Jach'a jach'araquiw tucuraquini, walja jakenacaruwa, qhitinacatejj jupar alcatata sarnakapcäna ucanacarojj ch'ojjña lurasaw jiwarayaraquini. Jilïrinacan jilïripampisa jiquintasiscaquiniwa, ucampisa uca jilïrin atipjataw uñjasiraquini.

Hageo 2:22

Acapacha reinonacarus tucjaraquïwa, reyinacan konuñanacapsa t'unjaraquïwa; guerrar sarir carronacapsa willthapiraquïwa, uca carron saririnacarusa tucjaraquïwa, caballonacasa, uqhamarac uca caballonacan lat'jjatat sarir jakenacasa jiwarapjjaniwa. Sapakat mayniw jilapan espadapampi chhokhontat jiwani.

Hageo 2:7

Take marcanacwa qhathatiyaraquëjja, ucatsti kamir cancañanacapwa apanipjjani, nayan utajjasti c'ajquiriraquïniwa.” Take ch'amani Tatituw acjja arsta:

Mateo 28:18

Jesusasti jupanacar jac'achasisinjja siwa: “Nayar churatawa take munañanïñajja alajjpachansa, acapachansa.

Juan 12:34

Ucjjarojj jakenacajj sapjjaraquïnwa: —Nanacajj ist'apjjtwa ley libronacajj toke: ‘Cristojj wiñayataquiw jacani’ siri. ¿Cunjämsa jumajj sista: ‘Jaken Yokapajj aptatäñapawa’ sasajja? ¿Qhitis uca Jaken Yokapajja? —sasa.

Hebreos 12:28

Ucampis cawquïr marctejj Diosajj churquistu ucajj janiw onjjtcaspati. Ucat jichhajj yuspagarañäni, take amuyusampi yupaychañäni uqhamarac take ajjsart'añampi, ucaw Diosarojj cusisiyi.

Apocalipsis 11:15

Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.

Apocalipsis 2:27

cunjämatï nayarojj Awquejjajj munañanïña cancañ churitojja uqhama. Marcanacarusti mä hierro varampjamaraquiw apnakapjjani, ñek'et lurat phuqhunacäcaspas uqhamaracwa t'unthapipjjani.