Daniel (hebreo) 2:45 - Qullan Arunaca

⁴⁵ Ucwa sañ muni cuntejj juma, jach'a reyejj, uca kollut mä jach'a kala jan qhitin nuct'ata sarakasinquiri uñjcäyäta ucajja, uca kalasti lak'aruw tucuyaraqui uca hierro, bronce, ñek'e, kollke uqhamaraqui korsa. Jach'a Diosasti juma, jach'a reyirojj, uñacht'ayaractamwa cunatejj acat kheparu pascani take ucanacjja. Uca samcajj chekäscapuniwa uqhamaraqui khanañchäwisa chekaraquiquiwa.”

Aymar Bibliia 1986

⁴⁵ Ucwa sañ muni cuntejj juma, jach'a reyejj, uca kollut mä jach'a kala jan qhitin nuct'ata sarakasinquiri uñjcäyäta ucajja, uca kalasti lak'aruw tucuyaraqui uca hierro, bronce, ñek'e, kollke uqhamaraqui korsa. Jach'a Diosasti juma, jach'a reyirojj, uñacht'ayaractamwa cunatejj acat kheparu pascani take ucanacjja. Uca samcajj chekäscapuniwa uqhamaraqui khanañchäwisa chekaraquiquiwa.”

Qullan Arunaka DC

⁴⁵ Uk sañ muni, qullut jan khitinsa nukt'kat qurumt'ankäna, jach'a jaqir t'unjkarakïna uka qalaxa. Jach'a ch'aman Diosaw juma reyirux uñacht'aytam kunatix akat qhiparu utjkani ukanaka. Uka samkax chiqawa, qhanañchäwipas chiqarakiwa.”

Daniel (hebreo) 2:45 Jak'a apnaqawi uñst'ayäwi

Génesis 41:26

Uca pakallko suma vacanacasa, uqhamarac uca pakallko suma trigo puyanacasa, pakallko maranacawa, pachpa samcaquiwa.

Génesis 41:28

Cunjämtejj nayajj siscsma uqhampunïniwa. Diosaw jumarojj yatiyasctam cuntejj jupajj lurcani uca.

Génesis 41:32

Jumajj aca pachpa samcjja pä cutiw samcastajja, Diosajj uca lurañ amtatap laycu, ucatsti janc'aquiw luraraquini.

2 Samuel 7:22

Uca laycu, nayan Tatitojja, ¡cunja jach'ätas jumajja! Janiraquiw qhitis jumjamajj utjquiti, ni yakha diosas utjcaraquiti jumat sipanjja, cunjämtejj nanacajj take cuna ist'apjjta uqhamarjamajja.

1 Crónicas 16:25

Tatitojj jach'ätapata, yupaychatäñapasa waquisitap laycu; ¡take diosanacat sipansa wali ajjsarcañätapataraqui!

Nehemías 4:14

Ucatsti jupanacan ajjsarayasipjjatap uñjasinjja, jupanac taypiru sayt'asisinjja sistwa jilïrinacarusa, marca apnakerinacarusa, uqhamarac take jakenacarusa, aqham sasa: —Jan ajjsarapjjamti. Amtasipjjam, Tatitojj jach'awa, uqhamarac ajjsarcañaraquiwa; jumanacasti nuwasipjjam masinacam laycu, wawanacam laycu, uqhamarac warminacama, utanacama laycuraqui —sasa.

Nehemías 9:32

“Uqhamasti nanacan jach'a Diosajja, take ch'amani uqhamarac ajjsarcañaraqui, ucatsti sumancäwir mantatamsa, munasiñamsa imtawa, jichhajja uñjamaya aca jan walt'añanacajja jutqui reyinacajjarusa, jilïrinacajjarusa, sacerdotenacajjarusa, profetanacajjarusa, uqhamarac nayra awquinacajjarusa, ucatsti take marcpacharusa, Asiriana reyinacapan urunacapatpacha jichha urucama.

Job 36:26

Diosajj jach'awa, janiw amuyt'añjamäquiti, janiraquiw kawkha maranïquitejj ucsa jact'csnati.

Salmos 135:5

Tatitun muspharcayätap yatta, jupajj take diosanacat sipan ch'amaniwa.

Salmos 145:3

Tatitojj jach'apuniwa, jach'ar aptatäñapajj waquisiwa, jach'a cancañapajj jan amuyt'cayawa.

Salmos 2:9

Hierro thujrumpiw jupanacarojj apnakäta, ¡ñek'e phuqhunacarjamaw t'unjaraquïta!” sasa.

Salmos 48:1

¡Tatitojj jach'a ch'amaniwa! Diosasajj jach'añchatäñataquejj asquiwa, kollan marcapansa, kollan kollupansa.

Salmos 96:4

Tatitojj take ch'amaniwa, jach'ar aptatäñapajj waquisipuniwa, c'ari diosanacat sipan wali ajjsarcayawa.

Isaías 28:16

Ucatwa Tatitojj saraqui: “Sionarojj mä kala uscü, mä suma ajllit kala, wali jila alaniraqui, jach'a jilïr kalaraquïniwa, uta cimienton esquin kalaparaquïniwa. Uca kalar iyawsiristi sumaquiw jacasini.

Daniel (hebreo) 2:24

Uca khepatsti Daniel waynajj Arioc jakempi jiquisiriw saräna, qhitirutejj reyejj siscatayna Babilonianquiri take yatiñani jakenacaru jiwarayañapataqui, ucat saraqui: —Jan jiwarayamti yatiñani jakenacarojja. Nayaru reyin ucar irpita ucat nayaw juparu take samcasitapa khanañchä —sasa.

Daniel (hebreo) 2:28

Ucampisa mayni Diosaw utji alajjpachana, qhititejj take imantata yänac khanañchqui uca, juparaquiw jichhajj juma jach'a reyirojj yatiyätam cunatejj acat kheparu pascani take ucanaca. Jichhasti, reyirojj khanañchäwa cunanactejj iccasina samcascatayna unañchäwinacsa uñjcatayna take ucanac toketa:

Daniel (hebreo) 2:29

Jach'a reyejj iquiñapancascänwa, ucat jupajj lup'iscäna cunatejj acat kheparu utjcani ucanac toketa, ucatsti qhititejj take imantata yänac toket khanañchqui ucasti yatiyaraquïnwa cunatejj lurasiñapäcän ucanacjja.

Daniel (hebreo) 2:44

Uca reyinacan apnakañapcamasti, alajjpachanquiri Diosajj mä yakha reino sayt'ayaraquini, uca reinosti janipuniw tucjatäcaniti ni apnakatäcaraquinisa yakha marcanacampejja, jan ucasti jupaw take yakha reinonacarojj tucjani, wiñayan wiñayapaw uca reinojj utjaraquini.

Daniel (hebreo) 8:25

Jupan sallka cancañapampisti, sallka luratanacapajj atipt'aquipuniniwa. Jach'a jach'araquiw tucuraquini, walja jakenacaruwa, qhitinacatejj jupar alcatata sarnakapcäna ucanacarojj ch'ojjña lurasaw jiwarayaraquini. Jilïrinacan jilïripampisa jiquintasiscaquiniwa, ucampisa uca jilïrin atipjataw uñjasiraquini.

Hageo 2:22

Acapacha reinonacarus tucjaraquïwa, reyinacan konuñanacapsa t'unjaraquïwa; guerrar sarir carronacapsa willthapiraquïwa, uca carron saririnacarusa tucjaraquïwa, caballonacasa, uqhamarac uca caballonacan lat'jjatat sarir jakenacasa jiwarapjjaniwa. Sapakat mayniw jilapan espadapampi chhokhontat jiwani.

Zacarías 12:3

Qhä urunwa Jerusalenarojj mä jathi kalaru tucuyäjja take marcanacataqui. Tucjaraquiniwa cawquïritejj jupanacat sayt'aschini ucarojja. Take marcanacaraquiw Jerusalenataquejj tantacht'asipjjaraquinejja.

Malaquías 1:11

Take acapach orakenwa nayarojj jach'añchapjjetu, uqhamaraquiwa take chekanacan incienso naqhayapjje nayar jach'añchasa, ucatsti k'oma ofrendanacrac loktapjjetu.

Mateo 21:24

Jesusasti jupanacarojj sänwa: —Nayajj mä jisct'a jumanacar jisct'apjjaraquïma. Jumanacatejj nayar sapjjetätajja, nayasti jumanacarojj sapjjaraquïmawa cuna munañampitejj lurcta ucjja.

Mateo 24:35

Alajjpachampi acapachampejj tucusiniwa, ucampis arunacajjajj janiw tucuscaniti.

Lucas 17:20

Fariseonacasti Jesusarojj jisct'apjjänwa: —¿Cunapachas Diosan reinopajj purinini? —sasa. Jupasti saraquïnwa: —Diosan reinopan puriniñapasti janiw cuna uñjañäquisa.

Deuteronomio 10:17

Jumanacan Tatitu Diosamasti diosanacansa Diosapawa, uqhamaraqui munañaninacansa munañanipawa; jupawa wali jach'a Diosajja, wali ch'amani, ajjsarcaña, take jakerus quipcaqui uñjaraqui, janiraquiwa kollkempis alayasquiti.

Apocalipsis 1:19

Kellkam cuntejj uñjctas ucjja, cunatejj acat kheparojj utjqui ucsa, cunatejj acat kheparojj utjcani ucanacsa.

Apocalipsis 19:17

Ucatsti uñjaractwa mä ángel lupin sayt'atäsquiri, ucatsti jupajj take alajjpach jamach'inacaruw art'äna wali ch'amampi, aqham sasa: “¡Jutapjjam, tantacht'asipjjam Diosan jach'a mank'añaparu.

Apocalipsis 4:1

Uca pasatatsti alajjpachwa uñtta, ucatsti uñjaractwa alajjpachanjja mä puncu jist'aratäsquiri. Kalltan trompetar uñtat parljjayquitän uca arusti saraquituwa: “Maqhatanim acaru ucatsti cunanacatejj acat kheparu lurascani ucanac uñacht'ayäma” sasa.