Mateo 19:28 - Qullan Arunaca

²⁸ Jesusasti juparojj sänwa: —Khanacwa sapjjsma, cunapachatejj take cunas wasitat machak lurascan ucqhajja, cunapachatejj Jaken Yokapajj konuñapjjar kont'ascan ucqhajja, jumanacan nayaru arcatam laycojja tunca payan konuñaruraquiw kont'asipjjäta ucat tunca payani Israel tribüquis ucar taripañataqui.

Aymar Bibliia 1986

²⁸ Jesusasti juparojj sänwa: —Khanacwa sapjjsma, cunapachatejj take cunas wasitat machak lurascan ucqhajja, cunapachatejj Jaken Yokapajj konuñapjjar kont'ascan ucqhajja, jumanacan nayaru arcatam laycojja tunca payan konuñaruraquiw kont'asipjjäta ucat tunca payani Israel tribüquis ucar taripañataqui.

Qullan Arunaka DC

²⁸ Jesusasti jupanakarux sänwa: —Qhanak sapxsma, kunapachatix taqi kunas machaqaptkani, jaqin Yuqapas qhapaq qunuñapxar qunt'askani ukkhaxa, jumanakan nayar arkatam laykux, tunka payan qunuñarurakiw qunt'asipxäta Israelan tunka payan ayllupar taripañataki.

Mateo 19:28 Jak'a apnaqawi uñst'ayäwi

1 Reyes 18:31

Tunca payan kalanacwa aptanïna, ucsti luränwa Jacobon wawanacapa, tribunacajj kawkhäpcäntejj uqhamaru, qhitirutejj Tatitojj siscäna Israel sutinïñapataqui.

2 Crónicas 9:19

Uqhamaraquiw tunca payan sayt'ata leonanacajj utjaraquïna, sapa thiyana sapa maya gradanacana. ¡Uqhamsti janipuniw cawqha reinonsa lurascänti!

Esdras 6:17

Uca urunsti sacrificionacjja loktapjjänwa pataca vaca kallunaca, pä pataca qhariñ ovejanaca, uqhamarac pusi pataca mä marani ovejanaca, ucjjarusti tunca payan chivonaca, israelitanacan tribunacapatjja mayacama take Israel marcpachana juchanacapata loktasisina.

Éxodo 15:27

Ucat sarjjasinjja Elim sat chekaruw puripjjäna, ucansti utjänwa tunca payan uma jalsunaca, uqhamarac pakallk tunca palmera sat kokanaca, ucatsti uca uma jac'aruw carpanacapa sayt'ayasa utjnokapjjäna.

Éxodo 24:4

Ucampis Moisesajj kellkänwa cunanactejj Tatitojj siscäna ucanaca, ucat khepärmanthi alwata sartasinsti jupajj kollu cayurojj mä altarwa luräna, uqhamarac altar thiyarojj tunca payan kala uchäna; Israelanquir sapa tributjja mä kala uchasa.

Éxodo 28:21

Aca kalanacasti tunca payanïñapawa, Israelan wawanacapajj tunca payaniwa uca laycu; ucampis sapa maya kalaruwa maynin sutipajj sellontatäñapa.

Isaías 65:17

“Uñtapjjam, nayajj mä machak alajjpachampi mä machak orakempi uscü. Cunatejj utjcän ucajj armatäjjaniwa, janiraquiw qhitis mayampsa jupanacatjja amtascjjaniti.

Isaías 66:22

Tatitojj saraquiwa: “Cunjämatejj machak alajjpachasa, machak orakesa, cunanactejj nayajj uscta ucanacajj wiñayataquïnejja, uqhamaraquiw wawanacamasa sutimasa wiñayataquiraquïni.

Levítico 24:5

“Mä suma jac'u aptam, ucatsti tunca payani wali suma tortanacäqui ucanaca lurt'araquim, pusi kilo chicatani ucqhatjamaraquïñapawa sapa t'ant'ajja,

Mateo 16:27

Jaken Yokapajj Awquipan jach'a munañapampiw angelanacapampi jutani, ucatwa sapa maynirus luratanacaparjama churjjani.

Mateo 19:27

Pedrosti ucjjarojj sänwa: —Tata, nanacajj take cunanacatejj utjapquitän ucanacjja apanucunipjjtwa, ucatsti jumaruw arcapjjsma. ¿Cunarac nanacataquisti utjani? —sasa.

Mateo 20:21

Jesusasti juparojj jisct'änwa: —¿Cuns munta? —sasa. Jupasti sänwa: —Jumajj reinoman reyïcät ucqhajj aca pani yokanacajjarojj juman thiyamaruy kont'ayarapita, maynirusti cupëjjamaru, maynirusti ch'ekäjjamaruraqui —sasa.

Mateo 25:31

“Cunapachatejj Jaken Yokapajj reyjama jutcani ucapachajja, angelanacapampi muyuntataw jupajj kont'asini tronoparojja take ch'aman cancañapampi.

Mateo 6:33

Uqhamasti, nayrakatajj Diosan reinopa munapjjam, uqhamarac cunatejj chekäqui jupan nayrakatapanjja ucanaca, ucatsti take aca yänacajja jumanacarojj churataquïpjjätawa.

Mateo 8:20

Jesusasti juparojj saraquïnwa: —Kamakenacas putunacaniwa, jamach'inacasti tapanacaniraquiwa, ucampis Jaken Yokapajj janiw cawqharu p'ekepa samart'añataquis mä chekajj utjquiti —sasa.

Marcos 10:37

Jupanacasti sapjjänwa: —Reinomanjja, juman jac'amaruy kont'ayasipjjeta, maynirojj cupëjjamaru, maynirojj ch'ekäjjamaruraqui.

Hechos 3:21

Ucampis uca Jesusanjja waquisiw alajjpachan kheparañapa, cunürutejj Diosajj take cun waquichcani ucürcama. Ucasti cunjämtejj Diosajj nayra asqui profetanacap toke arsuwaycäna ucarjamaw phokhasisqui.

2 Timoteo 2:12

t'akhesiñäni ucajja, jupampiraquiw jacañäni; jan uñt'iri tucuñäni ucajja, jupajj jan uñt'iriw tucuracstani.

Josué 3:12

Jichhajj ajllipjjam tunca payan jakenaca sapa mayni Israel tributa.

2 Pedro 3:13

Ucampis jiwasajj arsutaparjamaw suyt'asctan mä machak orake, mä machak alajjpachampi, cuntejj Diosajj: “Churapjjämaw” sisquistu uca. Ucansti take cunasa chekapapunïniwa.

Apocalipsis 11:16

Ucatsti uca pä tunca pusini jilïrinacajj, qhitinacatejj trononacapan Dios nayräjjana kont'atäsipcän ucanacajj ajanunacap orakcama alintasaw quillt'asipjjäna, ucatsti Diosaruw yupaychapjjäna,

Apocalipsis 12:1

Alajjpachansti mä jach'a uñacht'äwiw uñstäna. Mä warmiwa intin llawuntata uñstäna, phajjsisti cayunacapancaraquïnwa, p'ekeparusti mä coronampi asjjatataraquïnwa, uca coronansti tunca payani warawaranacaw utjäna.

Apocalipsis 20:4

Ucatsti trononacwa uñjaracta, ucanacansti qhitinacatejj taripañataqui munañanïña catokapcataynas ucanacaw kont'atäpjjäna. Uñjaractwa qhitinacatejj p'eke apakata jiwapjjäna Jesusan testigopäpjjatapata, uqhamarac Diosan arunacap parlapjjatap laycu. Uqhamaraquiw qhitinacatejj jan uca jach'a ajjsarcañ animalaru, diosaparus yupaychapcataynati ni chimpupsa p'ekenacaparu ni amparanacaparu uchayasipcataynasa ucanacajj ucancapjjaraquïnwa. Ucanacasti jactapjjataynawa ucatsti Cristompiw waranka mara reinapjjäna.

Apocalipsis 21:5

Ucatsti tronon kont'atäcäns ucajj siwa: “Uñjam, nayajj take cunwa machakat lurta” Saraquiwa: “Kellkam, aca arunacasti chekapawa, catuyascañaraquiwa” sasa.

Apocalipsis 22:2

Uca marcan jach'a callepansti purap jawira uñcatasinjja mä kokaw jilaraquïna. Uca kokasti jacañ churiri kokänwa, tunca payani cutiraquiw maranjja achüna. Sapa phajjsiwa achüna, laphinacapasti marcanacan kollasiñapataquiw willirtaraquïna.

Apocalipsis 22:5

Ucanjja janiw arumajj utjcjjaniti, ucan jaquirinacasti janiw lamparinsa, intin khanapasa munascjjaniti, Dios Tatituquiwa khanani, jupanacasti wiñayaraquiw ucanjja reinapjjani.

Apocalipsis 3:21

Qhitinacatejj atipjcani ucanacarojja, nayamp chicwa kont'asiyä tronojjana, cunjämatejj nayajj atipjtjja ucatsti Awquejjampi chicajj tronopan kont'asctjja uqhama.

Apocalipsis 4:4

Uca trono muyuntatasti yakha trononacaw utjaraquïna, ucanacasti pä tunca pusinïnwa. Uca trononacansti pä tunca pusini ancianonacaw jank'ot ist'ata uqhamarac kori coronanacan asjjatata kont'atäsipcaraquïna.

Apocalipsis 7:4

Ucatsti ist'aractwa qhitinacatï chimpt'äpcäna ucanacajja, pataca pusi tunca pusini waranka jakenacätapa, Israel marcanquir jakenaccamaqui.