Daniel (hebreo) 7:14 - Qullan Arunaca

¹⁴ Juparuraquiw munañanïñasa, jach'a cancañasa, reinosa churataraquïna, take marcanquiri jakenaca, cunayman casta parlani jakenacaraquiw juparojj sirvipjjäna. Ch'amapajj pachpaquïscaniwa, reinopasa janiraquiw t'unjatäcaniti.

Aymar Bibliia 1986

¹⁴ Juparuraquiw munañanïñasa, jach'a cancañasa, reinosa churataraquïna, take marcanquiri jakenaca, cunayman casta parlani jakenacaraquiw juparojj sirvipjjäna. Ch'amapajj pachpaquïscaniwa, reinopasa janiraquiw t'unjatäcaniti.

Qullan Arunaka DC

¹⁴ Jupasti munañan kankañampi, qhapaq kankañampi katuqäna, aka uraqpach apnaqañataki, ukatsti taqi markankir jaqinaka, kunayman arut parlir jaqinakarakiw juparux luqtapxäna. Jupan munañan kankañapax wiñayawa, marka apnaqäwipas janipuniw tukuskaniti.

Daniel (hebreo) 7:14 Jak'a apnaqawi uñst'ayäwi

Salmos 102:22

jakenacajj take marcanacat mayachasipcan ucapacha, reyinacasti Tatitur yupaychañatac tantachasipcan ucapacha.

Salmos 103:19

Tatitojj alajjpachan reyi konuñap utt'ayasi, ch'aman cancañapajj alajjpach acapach apnake.

Salmos 145:13

Khapak marcamajj wiñay khapak marcawa, khapak apnakäwimajj wiñay apnakäwiraquiwa. Tatitojj arsutanacap phokheriwa, take luräwinacapan munasiñaniwa.

Salmos 146:10

Tatitojj wiñayapuniw apnakani, Sión marca, Diosamajj wiñayan wiñayapaw apnakani. ¡Tatitojj jach'ar aptatäpan!

Salmos 45:6

Diosay, reyi cancañamajj wiñayataquiwa, reyi cancañamajj chekapar uñjañawa.

Salmos 72:11

Takpach reyinacajj jupa nayrakatar quillt'asipjjpan, takpach marcanacarac juparojj loktapjjpan.

Salmos 72:17

Reyin sutipajj wiñayataquïpan, aytat cancañapasti intir uñtat utjpan; takpach marcanacajj jupa tok asquinac catokapjjpan, takpach jakenacasti sapjjpan: “jumajj cusisiñanïtawa” sasa.

Salmos 8:6

take luratanacam apnakañapataquiw catuytajja, take cun uñjañapataquiw catjjaruyaractajja:

Isaías 16:5

Davidan wawanacapat mayniw apnakani, jupan apnakañapasti qhuyapayasiñampi suma utt'ayataraquïniwa. Jupajj chekaparu uñjirïniwa, taketaquiw asquin sarnakañ uscuraquini, janc'aquiraquiw chekar uñjäwis puriniraquini.

Isaías 60:12

Cawquïri marcatejj jan sirvcätamjja, ucajj tucusiniwa; marcanacasti uqhampacharaquiwa tucjatäpjjani.

Isaías 9:6

Mä wawaw jiwasataqui yurini, Diosaw mä yokall wawa churistani, uca wawaw jichhajj apnakaraquini. Aqham sasaw sutichapjjaraquini: ‘Amtäwinacapanjja Muspharcaña, jan atipjcay Dios, Wiñay Awqui, Sumancañan Jilïripa’ sasa.

Isaías 9:7

Davidan tronopanwa kont'asiraquini, jupan reyïñ ch'amapasti take chekancaraquiniwa, suman sarnakasiñasti janipuniw tucuscaniti. Jupan reinopasti suma utjnokatäniwa, cheka asqui cancañjjaru, uqhamaraqui cunatejj chekapäqui ucjjaru utt'ayataraquïniwa, jichhüruta wiñaycama. Acsti take ch'aman Tatitun sinti jach'a munasiñapaw uqhamjja lurani.

Daniel (hebreo) 2:35

Ucapachasti hierro, ñek'e, bronce, kollke, uqhamaraqui kori ucanacasti lak'aru tucuyataw uñjasiraquïna, cunjämatejj jawk'a horasajj trigojj jawc'sutajj uqhama, ucatsti thayaw take ucanacjja apasjjaraquïna jan cunsa jilt'ayasa. Ucampisa uca jakeru t'unjcäna uca kalasti mä jach'a kolluruw tucuwayjjaraquïna ucat uca kollojj take aca orakpacharuw phokhantäna.

Daniel (hebreo) 2:37

Juma, jach'a reyiw, take reyinacat sipansa wali jach'a reyïtajja, alajjpachanquiri Diosaw aca marca apnakaña uqhamarac munañanïña, ch'amsa take jach'añchañäwinacsa churaractamjja;

Daniel (hebreo) 2:44

Uca reyinacan apnakañapcamasti, alajjpachanquiri Diosajj mä yakha reino sayt'ayaraquini, uca reinosti janipuniw tucjatäcaniti ni apnakatäcaraquinisa yakha marcanacampejja, jan ucasti jupaw take yakha reinonacarojj tucjani, wiñayan wiñayapaw uca reinojj utjaraquini.

Daniel (hebreo) 3:4

Cawquïri jaketejj uca luräwinaca kalltayañapäcäna ucasti jach'at art'äna aqham sasa: “Ist'apjjam take marcanacanquiri jakenaca, yakha marcanquiri jakenacasa, cunayman casta parlani jakenacasa.

Daniel (hebreo) 4:3

¡Cunja jach'as luräwinacapajja, uqhamaraqui milagronacapasa! Jupan reinopasti wiñayataquipunïniwa, munañanïñapasa wawanacapans wawanacapataqui.

Daniel (hebreo) 6:26

Arsuractwa, mayiractwa take aca orake apnakcta ucanjja, Daniel chachan Diosapajj ist'atäpan uqhamaraqui ajjsaratäpan. “Jupaw jacquiri Diosajja, wiñayataquiwa. Jupan reinopajj janipuniw t'unjatäcaniti, ch'amapas janiraquiw tucuscaniti.

Daniel (hebreo) 7:18

Take ucanac pasatatsti acapach apnakañajj alajjpachanquir Diosar catuyatäjjaniwa, wiñayataquiw jupancjjaraquini’ sasa.

Daniel (hebreo) 7:27

Apnakañasa, munañanïñasa, jach'a cancañasa, take acapachanquiri reinonacasa, alajjpachanquir Diosan marcaparu catuyatäjjaniwa. Diosan reinopasti wiñayataquipunïniwa, take acapachanquiri marcanacaw juparojj sirvipjjani, jaysapjjaraquini.’

Abdías 1:21

Atipjañampiwa Sión kollurojj maqhatapjjani, qhitinacatï Esaun kollunacapan utjapquis ucanac contra arsuñataqui, ucansti Tatituraquiw apnakaraquini.

Mateo 11:27

“Awquejjasti take cunwa churjjetu ucampis janiw qhitis Yokarojj uñt'quiti, jan ucasti Awquiquiwa. Awquirusti janiraquiw qhitis uñt'quiti, jan ucasti Yokaquiw Awquirojj uñt'i, uqhamarac qhitirutejj Yokajj uñt'ayañ munqui ucanacampi.

Mateo 28:18

Jesusasti jupanacar jac'achasisinjja siwa: “Nayar churatawa take munañanïñajja alajjpachansa, acapachansa.

Lucas 1:33

Israel marcar wiñay apnakañapataqui. Jupan uca marcar apnakañapajj janipuniw tucuscaniti —sasa.

Lucas 10:22

“Awquejjajj take cunwa nayarojj catuyjjetu. Janiw qhitisa yatquiti Yokan qhitïtapsa, jan ucasti Awquiquiw yati, uqhamarac qhitinacarutï Yokajj uñt'ayañ munqui ucanacaraqui.”

Juan 12:34

Ucjjarojj jakenacajj sapjjaraquïnwa: —Nanacajj ist'apjjtwa ley libronacajj toke: ‘Cristojj wiñayataquiw jacani’ siri. ¿Cunjämsa jumajj sista: ‘Jaken Yokapajj aptatäñapawa’ sasajja? ¿Qhitis uca Jaken Yokapajja? —sasa.

Juan 3:35

Awquejj Yokaparojj munasiwa, juparusti take cunwa catuyaraqui.

Hebreos 12:28

Ucampis cawquïr marctejj Diosajj churquistu ucajj janiw onjjtcaspati. Ucat jichhajj yuspagarañäni, take amuyusampi yupaychañäni uqhamarac take ajjsart'añampi, ucaw Diosarojj cusisiyi.

1 Pedro 3:22

jupasti alajjpacharuw maqhatjje ucatsti Diosan cupëjjaparuw kont'asjje, uqhamarac jichhajj angelanacasa, munañaninacasa, ch'amasa jupar catuyatawa.

Apocalipsis 1:6

Ucatsti reyinaca sacerdotenacaracwa jiwasarojj tucuyistu Dios Awquiru sirviñasataqui. ¡Jach'a cancañasa, munañanïñasa jupancaracpan wiñayataqui! Uqhamäpan.

Apocalipsis 11:15

Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.

Apocalipsis 17:14

Corderompiw nuwasipjjani, ucampis Corderojj jupanacarojj atipjaniwa, jupasti munañaninacans Munañanipa, reyinacansa Reyiparaquiwa. Qhitinacatejj jupampïqui ucanacasti Diosan jawsata ajllitanacapawa, suma arquirinacäpjjaraquiwa” sasa.

Apocalipsis 3:21

Qhitinacatejj atipjcani ucanacarojja, nayamp chicwa kont'asiyä tronojjana, cunjämatejj nayajj atipjtjja ucatsti Awquejjampi chicajj tronopan kont'asctjja uqhama.