Mateo 13:19 - Qullan Arunaca

¹⁹ Take qhitinacatejj Diosan suma yatiyäwipa ist'apqui ucat janiraqui amuyt'apqui ucanacajj, thaqui thiyarus purcatayna uca jathanacamp sasiwa, chuymapar purcäna uca suma yatiyäwinacsti supayaw apsuwayjje.

Aymar Bibliia 1986

¹⁹ Take qhitinacatejj Diosan suma yatiyäwipa ist'apqui ucat janiraqui amuyt'apqui ucanacajj, thaqui thiyarus purcatayna uca jathanacamp sasiwa, chuymapar purcäna uca suma yatiyäwinacsti supayaw apsuwayjje.

Qullan Arunaka DC

¹⁹ Khitinakatix Diosan suma yatiyäwip ist'apki ukat janirak amuyt'apki, ukanakax thakhir purkatayna uka jathamp sasiwa; supayasti jutasin chuymapar phawantat arunak apsuwayxi.

Mateo 13:19 Jak'a apnaqawi uñst'ayäwi

Proverbios 1:7

Yatiñ cancaña jicjjatañataquisti nayrakatajj waquisiwa Tatitur ajjsaraña; pisi amuyt'an jakenacasti jisc'achapjjewa yatiñarusa, yatichäwirusa.

Proverbios 17:16

Jan amuyt'ata laycusti inamayaquiw jan amuyt'an jakejj yatiñ cancaña kollkempis alasiñ munascaspa.

Ezequiel 31:18

Edenanquiri kokanacatsti janipuniw maynis uca kokampi uñtasirejj utjcänti, sumäñapampi, jach'äñapampisa; ucampisa Edenanquiri yakha kokanacampi chicaw sarakaraquini, uca orake mankhanquir chekaru jan Diosar uñt'irinacampi chica jacañataqui, cawquïri jakenacatejj guerran jiwarapcäna ucanacampi chica jacañataqui: ‘Uca kokasti Faraón reyiwa uqhamaraqui take jakenacapampi. Naya Tatituw ucjja arsta.’ ”

Mateo 12:26

Uqhamaraquipï, supayatejj jupa quipca supayar alissuspajja, jupas uqham jaljtataraquïspawa, ucatsti ¿cunjämatsa ch'amapajj acht'aspajja?

Mateo 13:20

Kalawjar purqui uca jathajja, qhitinacatejj janc'aqui wali cusisiñampi catokapqui ucanacawa,

Mateo 13:38

yapusti aca orakewa. Suma jathäquis ucajja Diosan ajllit wawaparaquiwa, jan wali jathäqui ucasti supayan wawanacapäquis ucaraquiwa.

Mateo 4:23

Jesusasti ucürunacanjja, Galilea tokenacanwa sinagoganacan Diosan khespiyasiñ arunacap yatiyasa sarnakäna, uqhamarac jakenacarus take usutanacapat c'umaraptayasa.

Mateo 5:37

Jumanacan arsuñamajja acaquïñapawa, ‘Jïsa’, jan ucajj ‘janiwa’, ucat juc'ampejja supayatwa juti.

Marcos 4:15

Yakhep jakenacajj thaquir purquis uca jathanacar uñtatawa. Diosan arunacap ist'apquis ucspachaw supayajj jutasin chuymanacapat uca arunacjja k'al chhaktayi.

Lucas 10:9

Ucan usutanacarusti c'umaraptayapjjam, ucatsti sapjjam: ‘Diosan reinopaw jumanacar jac'achasini’ sasa.

Lucas 9:2

Jupanacarojj Diosan reinopat parlapjjañapataquiw qhitäna, uqhamarac usutanac waliptayapjjañapataqui.

Juan 18:38

Pilatojj ucjjarojj saraquïnwa: —¿Cunas chekajja? Acanac jisct'asinjja wasitampiw Pilatojj mistusina judionacaru parläna: —Nayajj janiw cuna juchs jupan jicjjatcti.

Juan 8:43

Jumanacasti janiw arunacajj ist'añ munapctati, ucatwa jumanacajj jan amuyt'apctati cuntejj sapjjsma, ucjja.

Hechos 17:32

Pablor uqham jiwatanacan jacatatañapat parlir ist'asinjja, yakhepanacajj larusipjjänwa. Mayninacasti sapjjaraquïnwa: “Acanacjjatjja khepüruw juc'amp parlapjjetäta” sasa.

Hechos 18:15

Ucampis alek arunacaquïchi, sutinacaquïchi, uqhamarac jumanacan leyimaquïchi ucajja, jumanacaqui ucjja uñjasipjjam. Nayajj janiw ucanacjjatjja taripirïñ muncti —sasa.

Hechos 20:25

“Jichhasti nayajj yatistwa, qhitinacarutejj Diosan reinopat parlapcsma ucanacajja janiw mayamps uñcatjjapjjetätati.

Hechos 28:23

Uqham sasinsti mä urutaquiw tantacht'asiñjja amtapjjäna. Ucürusti walja jakenacaraquiw jutapjjäna, cawqhantejj Pablojj korpachascäns uca utaru. Alwat jayp'ucamaraquiw jupajj Diosan reinopat jupanacarojj parläna. Moisesan leyinacap toketa, uqhamarac profetanacan kellkatanacapampita Jesusjjat amuyt'ayañ munäna.

Romanos 1:28

Niyaquitejj Diosarojj jan uñt'añ munapcchejja, Diosajj jupanacarojj uca jan wali luräwinacapar chhakañapataquiw jaytanucu, ucat jan walïqui uc lurapjjañapataqui.

Romanos 14:17

Diosan reinopajj janiw mank'añäquis ni umañäquisa, jan ucasti cheka sarnakaña, cusisiña, sumancaña Kollan Ajayu toke ucawa.

Romanos 2:8

Ucampis jan ist'asis ch'ajjwirinacarojja mutuyaniwa, chekat sipana jan walïquis ucar jaysatap laycu.

Efesios 3:8

Diosancapqui uca jisc'anacat sipansa nayajj pisïtwa. Ucampis jupaw acqha suma yatiyañ churitu, jan judiöpquis ucanacaru Criston jan jact'cañ kamir cancañapat suma yatiyäwinac yatiyañajjataqui.

2 Tesalonicenses 2:12

uqhamata juchañchatäpjjañapataqui take qhitinacatejj Diosan arunacapar jan iyawsañ munapqui, jan ucasti jan walinacac lurañ munapqui ucanacajja.

Hebreos 2:1

Ucatwa cuntejj ist'ctan ucarojj wali amuyu uchañasa, jan thaquit maysar saranucuñataqui.

1 Juan 3:12

Janiw Cainjamäñasäquiti, jupajj Supayanquirïnwa ucatwa jilaparu jiwayi. ¿Cunats jiwayänjja? Cainan luratapajj janiw walïcänti, jilapan luratapasti asquiraquïnwa.

1 Juan 5:18

Yattanwa qhititejj Diosat awquinïqui ucajja, janiw juchan sarnakquiti Diosan Yokapan jupar imatap laycu, ucatsti Supayajj janiw llamct'quiti.

1 Juan 5:20

Yatiractanwa Diosan Yokapan jutatapa, uqhamarac amuyt'ayistu chekpach Diosar uñt'añataqui. Uca chekpach Jesucristo Yokapampejj mayanacwa jacaractanjja. Aca Diosajj chekawa, wiñay jacañaraquiwa.