Lucas 8:1 - Qullan Arunaca

¹ Aca pasatatsti, Jesusajj jach'a marcanacana, uqhamarac jisc'a marcanacanwa sarnakäna Diosan arunacap yatichasa, uqhamarac Diosan reinopat parlasa. Tunca payan discipulonacaparaquiw jupamp chica sarnakapjjäna.

Aymar Bibliia 1986

¹ Aca pasatatsti, Jesusajj jach'a marcanacana, uqhamarac jisc'a marcanacanwa sarnakäna Diosan arunacap yatichasa, uqhamarac Diosan reinopat parlasa. Tunca payan discipulonacaparaquiw jupamp chica sarnakapjjäna.

Qullan Arunaka DC

¹ Uka qhipatsti, Jesusax jach'a markanakana, jisk'a markanakan Diosan qhapaq markapan suma arunakap yatichasaw sarnaqäna. Tunka payan yatiqiripax jupamp chikaw sarapxäna,

Lucas 8:1 Jak'a apnaqawi uñst'ayäwi

Mateo 11:1

Cunapachatejj Jesusajj tunca payani discipulonacaparu ewjjt'añ tucuyjjän ucqhajja, jac'ancquis uca marcanacaruw Diosan arunacap yatichir sarjjäna.

Mateo 13:19

Take qhitinacatejj Diosan suma yatiyäwipa ist'apqui ucat janiraqui amuyt'apqui ucanacajj, thaqui thiyarus purcatayna uca jathanacamp sasiwa, chuymapar purcäna uca suma yatiyäwinacsti supayaw apsuwayjje.

Mateo 4:23

Jesusasti ucürunacanjja, Galilea tokenacanwa sinagoganacan Diosan khespiyasiñ arunacap yatiyasa sarnakäna, uqhamarac jakenacarus take usutanacapat c'umaraptayasa.

Mateo 9:35

Jesusasti ucapachajj take uca marcana, jisc'a marcanacansa yatichasaw sarnakäna, uqhamarac sinagoganacansa sapa chekana Diosan khespiyasiña arunacapat khanañchasaraqui, take casta usutanacsa c'umarachasaraqui.

Marcos 1:39

Jesusasti take Galilea orakpach muytäna takewja sinagoganacan parlasa, uqhamarac ñankha ajayunac alissusa.

Lucas 1:80

Yokall wawasti jiltänwa, ajayu tokenjja ch'amañchasiraquïnwa. Jupasti wasar tokenacan jacäna, cunürutejj Israel marcarojj uñstañapäcän ucürcama.

Lucas 20:1

Mä uruw Jesusajj templon jakenacar yatichascäna, uqhamarac khespiyasiñ arunac parlascäna. Ucaruw sacerdotenacan jilïrinacapajj puripjjäna, uqhamarac ley yatichirinacampi jilïrinacamp cuna.

Lucas 4:18

“Tatitun Ajayupaw nayjjanqui, suma yatiyäwinac pobrenacar churañataquiw ajllisitu; llact'at chuymanacar kolliriw qhitanitu, carcelanquirinacar khespita sarnakañat yatiyiriraqui, uqhamarac juyqhunacarus uñatatayiri; t'akhesiyatanacarus khespiyiriraqui;

Lucas 9:6

Jupanacasti mistusinjja take jisc'a marcanacaruw sarapjjäna khespiyasiñ arunac yatiyasa, uqhamarac usutanacar c'umaraptayasa.

Hechos 10:38

Yatipjjaractawa cunjämtejj Diosajj Nazaretanquir Jesusar Kollan Ajaysa, uqhamarac ch'amsa churcäna ucjja. Uqhamaraquiw yatipjjtajja cunjämtï jupajj sarnakcäna, asquinac lurasa, usutanacar c'umarachasa, uqhamarac supayan munañapan t'akhesiyatäcän ucanac c'umarachasaraqui. Tatit Jesusajj Diosampïtap laycuw take ucanacjja luräna.

Hechos 13:32

“Nanacasti jumanacarojj cuntï Diosajj awquinacasar arsuwaycäna uca suma arunacwa yatiyapjjsma.

Romanos 10:15

¿Cunjämraqui yatiyapjjanisti jupanacajj jan qhitatäcasinsti? Cunjämtï Kellkatanjja sisqui uqhama: “¡Cunja sumas sumancañ arunac apanirin purinitapajja, uqhamarac suma asqui arunac yatiyatanacapasa!”