Lucas 11:2 - Qullan Arunaca

² Jesusasti jupanacarojj sänwa: —Orapcäta ucqhasti sapjjam: “[Alajjpachanquir nanacan] Awquejja, sutimajj jach'añchatäpan, Munañamampisti apnakapjjeta. [Munañamasti luratäpan acapachanjja, cunjämtï alajjpachana luratäqui uqhama.]

Aymar Bibliia 1986

² Jesusasti jupanacarojj sänwa: —Orapcäta ucqhasti sapjjam: “[Alajjpachanquir nanacan] Awquejja, sutimajj jach'añchatäpan, Munañamampisti apnakapjjeta. [Munañamasti luratäpan acapachanjja, cunjämtï alajjpachana luratäqui uqhama.]

Qullan Arunaka DC

² Jesusasti jupanakarux sänwa: —Diosat mayisipkäta ukkhasti sapxam: ‘Awkixay, sutimax qullanañchatäpan. Qhapaq kankañamax jutpan.

Lucas 11:2 Jak'a apnaqawi uñst'ayäwi

1 Reyes 8:43

jumajj alajjpachatpachjja ist'anim, cawqhantejj jactajj ucqhatpacha, ucatsti churaraquim cuntï mayctam ucjja, uqhamata aca orakenquir take marcanacajj jumar uñt'apjjañapataqui uqhamarac jach'añchapjjañapataqui cunjämatï Israel marcamajj lurqui uqhama, ucatsti sutimajja aca templo jumataqui lurcta ucana aytatätap yatipjjañapataqui.

2 Reyes 19:19

Jichhasti, Tatitu, nanacan Diosajja, jumasti khespiyapjjetaya Senaquerib reyin ch'amapatjja, uqhamata aca orakenquir marcanacajj yatipjjañapataqui juma Tatitu Diosaqui utjatapa” sasa.

2 Crónicas 20:6

Ucatsti art'änwa: “Nayra awquinacajjan Tatit Diosapa, ¡jumätawa alajjpachanquiri Diosajja, jumaraquiw take marcanacarus apnakasctajja! ¡Juman amparamanquiwa ch'amasa, munañanïñasa, janiw qhitis jumataquejj sayt'asiñapäquiti!

Salmos 103:20

Tatitur jach'añchapjjam: angelanacapa, arsutanacap phokherinaca, arupar janc'ac jaysirinaca.

Salmos 108:5

Diosajjay, jumajj alajjpachjjar kont'atätawa, aytat cancañamasti oraker phokhantatawa.

Salmos 11:4

Ucampis Tatitojj kollan templopanquiwa, khapak konuñapajj alajjpachanquiwa: nayranacapajj uñch'uquisquiwa, jakenacan luratanacap wali amuyump uñjasqui.

Salmos 57:11

Diosajjay, jumajj alajjpachat sipan jilanctawa, ¡Khapak cancañamajj takpach orakeruw phokhanti!

Eclesiastés 5:2

Lacamampejj jan mäqui arsumti, janirac lup'imsa Diosatac mä cuna lurañataquisa, Diosajj alajjpachanquiwa, jumasti aca orakenctawa. Ucatwa juc'aqui parlañamajj waquisi.

Isaías 63:16

¡Jumätaw nanacan awquejjajja! Abrahamajj inas jani uñt'apcchitaniti, Israelas janiraqui nanacatjja inas amtascjjchiniti, ucampis Tata, jumaw nanacan awquejjätajja; nayratpacha jumaw nanacan khespiyirejjätajja.

Ezequiel 36:23

Uca yakha marcanac taypinsti nayajj uñacht'ayaraquïwa, jach'a sutejjajj kollanapunïtapa, jumanacasti uca sutejj-jja jisc'achapjjayätawa, ucatsti cunapachatejj nayajj uqham sutejjajj jach'ätapa uñacht'ayä ucapachasti jupanacajj yatipjjaraquiniwa nayan Tatitütajja. Naya Tatituw ucjja arsta.

Daniel (hebreo) 2:28

Ucampisa mayni Diosaw utji alajjpachana, qhititejj take imantata yänac khanañchqui uca, juparaquiw jichhajj juma jach'a reyirojj yatiyätam cunatejj acat kheparu pascani take ucanaca. Jichhasti, reyirojj khanañchäwa cunanactejj iccasina samcascatayna unañchäwinacsa uñjcatayna take ucanac toketa:

Daniel (hebreo) 2:44

Uca reyinacan apnakañapcamasti, alajjpachanquiri Diosajj mä yakha reino sayt'ayaraquini, uca reinosti janipuniw tucjatäcaniti ni apnakatäcaraquinisa yakha marcanacampejja, jan ucasti jupaw take yakha reinonacarojj tucjani, wiñayan wiñayapaw uca reinojj utjaraquini.

Daniel (hebreo) 7:18

Take ucanac pasatatsti acapach apnakañajj alajjpachanquir Diosar catuyatäjjaniwa, wiñayataquiw jupancjjaraquini’ sasa.

Daniel (hebreo) 7:27

Apnakañasa, munañanïñasa, jach'a cancañasa, take acapachanquiri reinonacasa, alajjpachanquir Diosan marcaparu catuyatäjjaniwa. Diosan reinopasti wiñayataquipunïniwa, take acapachanquiri marcanacaw juparojj sirvipjjani, jaysapjjaraquini.’

Oseas 14:2

Tatitur cuttanjjapjjam, aqham mayt'asisa: “Perdonapjjet take ñankha luratanacajjata, suma chuymampirac catokapjjeta, nanacan jumaru yupaychatanacajj-jja.

Levítico 10:3

Ucatsti Moisesajj Aaronarojj saraquïnwa: —Tatitojj acpï sañ munänjja cunapachatejj siscäna: ‘Qhitinacatejj nayaru jac'achasipjjetani ucanacarusti k'oma cancañajjwa uñacht'ayäjja, take israelitanacarusti c'ajquir khanajjwa uñacht'ayaraquëjja’ —sasa. Aaronasti uca arunaca ist'asajj janiw cunsa siscjjänti.

Levítico 22:23

Chuymamatjama ofrenda loktäwsti mä orko vaca jan ucajj mä orko oveja loktapjjäta, ucanacasti ch'ulla ch'ulla cayunïscpasa, ucampisa uca casta uywanac loktäwejja janiw catokatäcaraquïtati mä arsüwima phokhañ munasin loktäta ucapachajja.

Habacuc 2:14

Dios Tatitun jach'a luräwinacapat yatiñaraquiw take acapacharu phokt'araquini, cunjämatï umanacajj kotar phokt'ejja uqhama.

Mateo 10:32

“Take qhitinacatï jakenacan nayrakatapan nayaru uñt'itanejja, nayasti juparojj alajjpachanquir Awquejjan nayrakatapanjja uñt'araquïwa.

Mateo 3:2

Saraquïnwa: “¡Take jan wali luratanacamatjja arrepientisipjjam, Diosan reinopaw jac'ancjje!” sasa.

Mateo 5:16

Uqhamaraqui jumanacan khanamajj jakenacataquejj khant'aracpan. Uqham suma wali luräwinacam uñjasa jumanacan Dios Awquimaru yupaychapjjañapataqui.

Lucas 11:1

Mä cutejj Jesusajj mä chekan orascäna, ucat oración lurañ tucuyjjëpanwa, discipulonacapat maynejj juparojj säna: —Tata, oración lurañay yaticht'apjjeta, cunjämtï Juanajj discipulonacaparojj yatichcäna uqhama —sasa.

Romanos 1:7

Jichhajja take jumanacaruw kellkanipjjsma Roma marcan jaquirinacaru, qhitinacarutejj Diosajj wal munapctamjja, uqhamarac jupatac yakhachatäñataqui jawsatäpjjtawa. Uqhamajj jumanacajj catokapjjamay Dios Awquisana Jesucristo Tatitusampina bendicionapa, uqhamarac sumancañapa.

Romanos 8:15

Janiw esclavo tucuyir ajayu catokapctati ajjsaratac sarnakascañataqui, jan ucasti catokapjjtawa Diosan wawapa tucuyquistu uca Ajayu, ucat jupajj arsuyistu: “Nayan Awquejja” sasa.

1 Corintios 1:3

Jumanacansti utjapunpan suman sarnakasiña, uqhamarac Dios Awquisana, Jesucristompin bendicionapasa.

2 Corintios 1:2

Jumanacajj catokapjjam Diosan bendicionanacapa, uqhamarac Dios Awquisan, Jesucristompin sumancañapsa.

Gálatas 1:4

Jupasti jacañap apt'asi juchanacas laycu, aca jan wali jacañat jiwasanacaru khespiyañataqui, Dios Awquisan munañaparjama.

Efesios 1:2

Jumanacasti Dios Awquisan uqhamaraqui Tatit Jesucristosan bendicionapa, samarañapa catokapjjam.

Filipenses 1:2

Bendicionampi sumancañampisti jumanacampïpan Dios Awquisata, uqhamarac Tatit Jesucristompita.

Filipenses 4:20

¡Jach'añchäwi churatäpan Dios Awquisarojja wiñayan wiñayapataqui! Uqhamäpan.

Colosenses 1:2

qhitinacatejj Colosas marcan jicjjatasipctas ucanacaru. Jumanacasti take chuymaw Diosancapjjta, Jesucristorus iyawsapjjaracta. Jiwasan Dios awquisay jumanacarojj bendispan, sumancañaps churaracpan

1 Tesalonicenses 1:1

Naya Pablo, Silvanompi uqhamarac Timoteompiw Tesalónica marcan iglesianquir jilatanacaru aca carta apayanipjjsma, cawquïr jilatanacatejj Dios Awquiru, uqhamarac Tatit Jesucristor mayachatäpqui ucanacaru. Dios Awquisajja jumanacarojj bendispan, uqhamarac sumancañapas jumanacampïpan.

1 Tesalonicenses 1:3

Dios Awquisan nayrakatapanjja jumanacatjja amtapjjtwa kawkha iyawsañampis irnakapjjta, kawkha munasiñampis sirvipjjta, uqhamarac Tatit Jesucristosar suyt'añanjja ch'amamp sayt'apjjatama.

2 Tesalonicenses 2:16

Tatit Jesucristos pachpa, uqhamarac Dios Awquisasa qhuyapayasiñapampiw munasistu wiñay chuymachäwi churasa, uqhamarac mä suma suyt'añampi.

Apocalipsis 11:15

Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.

Apocalipsis 15:4

Tata, ¿qhitiraqui jan ajjsariristamsti? ¿Qhitiraqui jan yupaychiristamsti? Juma sapaquïtaw kollanajja. Take marcanacaw jutasina jumarojj yupaychapjjaraquïtam, cheka asqui luratanacam uñjapjjatap laycu” sasa.

Apocalipsis 19:6

Ucatsti walja jakes arnakascaspa, jan ucajj walja jawiranacana, uqhamarac jach'a khejjokhejjonacan suenapäcaspas uqhäm ist'aracta, aqham siri: “¡Aleluya! Take munañani Dios Tatitusawa jichhajj aca mundor apnakaña kallti.

Apocalipsis 20:4

Ucatsti trononacwa uñjaracta, ucanacansti qhitinacatejj taripañataqui munañanïña catokapcataynas ucanacaw kont'atäpjjäna. Uñjaractwa qhitinacatejj p'eke apakata jiwapjjäna Jesusan testigopäpjjatapata, uqhamarac Diosan arunacap parlapjjatap laycu. Uqhamaraquiw qhitinacatejj jan uca jach'a ajjsarcañ animalaru, diosaparus yupaychapcataynati ni chimpupsa p'ekenacaparu ni amparanacaparu uchayasipcataynasa ucanacajj ucancapjjaraquïnwa. Ucanacasti jactapjjataynawa ucatsti Cristompiw waranka mara reinapjjäna.