Lucas 11:2 - Qullan Arunaka DC

² Jesusasti jupanakarux sänwa: —Diosat mayisipkäta ukkhasti sapxam: ‘Awkixay, sutimax qullanañchatäpan. Qhapaq kankañamax jutpan.

Aymar Bibliia 1986

² Jesusasti jupanacarojj sänwa: —Orapcäta ucqhasti sapjjam: “[Alajjpachanquir nanacan] Awquejja, sutimajj jach'añchatäpan, Munañamampisti apnakapjjeta. [Munañamasti luratäpan acapachanjja, cunjämtï alajjpachana luratäqui uqhama.]

Qullan Arunaca

² Jesusasti jupanacarojj sänwa: —Orapcäta ucqhasti sapjjam: “[Alajjpachanquir nanacan] Awquejja, sutimajj jach'añchatäpan, Munañamampisti apnakapjjeta. [Munañamasti luratäpan acapachanjja, cunjämtï alajjpachana luratäqui uqhama.]

Lucas 11:2 Jak'a apnaqawi uñst'ayäwi

1 Reyes 8:43

jumax alaxpachatpach ist'animaya, kawkhantix jaktaxa ukkhatpacha, ukatsti kuntix maykätam uk churarakim, ukhamat aka uraqinkir taqpach markanakan juman sutim uñt'añapataki, jach'añchañapatakiraki, kunjämatix Israel markamax lurki ukhama, ukatsti sutimax aka uta jumatak lurkta ukan aytatätap yatipxañapataki.

2 Reyes 19:19

Jichhasti, nanakan Tatit Diosaxay, Senaquerib reyin ch'amapat qhispiyapxitaya, ukhamat aka uraqinkir markanakan juma Tatitu Diosaki utjatap yatipxañapataki” sasa.

2 Crónicas 20:6

jupasti jach'at säna: “Nayra awkinakaxan Tatit Diosapay, ¡jumätaw alaxpachankir Diosaxa, jumarakiw taqi markanakarus apnaqtaxa! ¡Juman amparamankiw ch'amasa, munañanïñasa: janiw khitis kutkatkiristamti!

Salmos 103:20

¡Wali ch'aman angelanaka, Tatitur jach'ar aptapxam! Arsutanakap phuqhirinaka, arupar jank'ak jaysirinaka, Tatitur jach'añchapxam!

Salmos 108:5

5 (6) Diosaxay, jumax alaxpachat juk'amp jach'ätawa, jach'a kankañamax uraqiruw phuqhanti.

Salmos 11:4

Ukampis Tatitux qullan utapankiwa. Tatitun qunuñapax alaxpachankiwa, nayranakapas arikipuniw taqi jaqinakar uñch'ukiski.

Salmos 57:11

11 (12) Diosaxay, jumax alaxpachat sipan jilanktawa, ¡Qhapaq kankañamax taqpach uraqiruw phuqhanti!

Eclesiastés 5:2

2 (1) Diosatak mä kun lurañatakis jan mäki arsumti, Diosax alaxpachankiwa, jumasti akapachankaraktawa. Ukat juk'ak parlañamax wakisi,

Isaías 63:16

¡Jumätaw nanakan awkixaxa! Abrahamax janisay nanakar uñt'apkitpan, Israelax janisay nanakat amtasipkitpan, ukampis Tatay, jumaw nanakan awkixätaxa; nayratpacha jumaw nanakan qhispiyirixätaxa.

Ezequiel 36:23

Nayaw uka yaqha markanak nayraqatan uñacht'ayarakï, aytat sutixan qullanapunïtapa, jumanakax uka markanak taypin sutixa jisk'achapxtaxa; kunapachatix nayax sutixan jach'ätap uñacht'aykä, ukapachaw jupanakax yatipxarakini, nayan Tatitütaxa. Naya, Tatituw uk arsta.

Daniel (hebreo) 2:28

Ukampis mä Diosaw alaxpachan utji, jupax jan amuyt'kayanak qhanañchiriwa, juparakiw juma jach'a reyirux yatiytam kunatix akat qhiparu utjkani taqi ukanaka. Nayaw juma jach'a reyir qhanañchäma kunanaktix ikkasina samkaskta, unañchäwinaksa uñjkarakta taqi ukanakata:

Daniel (hebreo) 2:44

Ukampisa, uka reyinakan marka apnaqäwip urunakansti, alaxpachankir Diosax mä rey khithanini, marka apnaqäwipasti wiñayatakïniwa, juparusti janiw khitis atipjkaniti, jan ukasti, jupaw taqi marka apnaqäwinakar tukjani.

Daniel (hebreo) 7:18

Ukampis uka qhipat akapach apnaqäwix alaxpachankir Tatitun markapar katuyatäxaniwa, wiñayatakiw jupankxani” sasa.

Daniel (hebreo) 7:27

Ukatsti marka apnaqäwisa, munañan kankañasa, qhapaq kankañasa, taqi akapachankir apnaqäwinakasa, alaxpachankir Tatitun markapar katuyatäxaniwa. Marka apnaqäwipasti wiñayatakipunïniwa, juparuw taqi akapachankir markanakax luqtapxani, jaysapxarakini.’

Oseas 14:2

2 (3) Tatitur kuttanxapxam, akham mayt'asisa: “Taqi ñanqha luratanakaxat pampacht'apxita, nanakan jumar yupaychatanakaxsa, suma chuymampirak katuqt'apxita.

Levítico 10:3

Moisesasti Aaronarux sarakïnwa: —Tatitux akpï sañ munänxa kunapachatix siskäna: “Nayar jak'achasirinakarux q'uma kankañax uñacht'ayä, taqi israelitanakarusti k'ajkir qhanax uñacht'ayarakï” —sasa. Aaronasti uka arunak ist'asax janiw kunsa siskxänti.

Levítico 22:23

Kawkïr urqu vacatixa, jan ukax urqu ovejan kayunakapach ch'ulla ch'ulläni uka uywxa, chuymaman luqtañ munatamat luqtaskasmawa, ukampis mä arsüwim phuqhañ munasintix luqtäta ukkhaxa, janiw katuqatäkätati.

Habacuc 2:14

Dios Tatitun jach'a luräwinakapat yatiñaw taqi akapachar phuqt'arakini, kunjämatix umanakax qutar phuqhantki ukhama.

Mateo 10:32

“Khititix jaqinak nayraqatan nayat arsunixa, nayasti alaxpachankir Awkixan nayraqatapan jupat arsurakï;

Mateo 3:2

Sarakïnwa: “¡Taqi jan wali luratanakamat kutikipstapxam, Diosan qhapaq markapaw jak'ankxi!” sasa.

Mateo 5:16

Uka pachpay jumanakan qhanamax jaqinak nayraqatan qhantpan, ukhamat aski luräwinakam uñjasin Dios Awkimar taqpachan yupaychañapataki.

Lucas 11:1

Mä kutix Jesusax mä chiqan Diosaruw mayisiskäna, mayisiñ tukuyxipansti, yatiqirinakapat mayniw juparux säna: —Tatay, Diosar mayisiñay yaticht'apxita, kunjämtix Juanax yatiqirinakapar yatichkän ukhama —sasa.

Romanos 8:15

Jumanakax janiw t'aqhisiyat tukuyir ajayu katuqapktati axsarat sarnaqaskañataki, jan ukasti, Diosan wawanakapar tukuyir Ajayu katuqapxtaxa, uka Ajay tuqiw Diosarux jak'achastan: “Nayan Awkixa” sasa.

Gálatas 1:4

Jesucristox Dios Awkisan munañaparjamaw juchanakas layku jakañap apt'asiwayi, aka jan wali jakañat jiwasanakar qhispiyañataki.

Efesios 1:2

Jiwasan Dios Awkisay jumanakarux munasiñapampi, sumankañapampi churpan.

Filipenses 1:2

Dios Awkisana, Jesucristo Tatitusan khuyapayasiñapampi, sumankañapampiy jumanakampïpan.

Filipenses 4:20

¡Dios Awkisasti wiñayatak jach'añchatäpan! Ukhamäpan.

1 Tesalonicenses 1:1

Tesalónica iglesiankir munat jilatanaka, kullakanaka: Naya Pablompi, Silvanompi, Timoteo jilatampiw aruntanipxsma, Dios Awkiru, Tatit Jesucristor mayachatäpkta ukanakaru. Taqi chuymaw sapxsma, Dios Awkisay munasiñapampi jumanakar phuqt'pan, sumankañapsa churarakpan.

1 Tesalonicenses 1:3

Dios Awkisan nayraqatapan iyawsañampi irnaqapxatamata, munasiñampi yanapapxatamata, t'aqhisiñanakan Jesucristo Tatitusar suyt'atanakamat sapa kutiw amtasipxta.

2 Tesalonicenses 2:16

Pachpa Jesucristo Tatitusasa, Dios Awkisasa khuyapayasiñap laykuw munasistu, ukatsti wiñay chuymachäwi, suyt'äwi churarakistu,

Apocalipsis 11:15

Paqallqür angelasti trompetap phust'äna, ukatsti alaxpachan jach'at art'asir arunakaw ist'asïna: “Akapach markanakax Tatit Cristosaruw jaqkattxapxi, jichhax jupaw wiñayan wiñayapatak marka apnaqani” sasa.

Apocalipsis 15:4

Tatay, ¿khitirak jumar jan axsarätamsti? ¿Khitirak sutimar jan yupaychanisti? Juma sapakïtaw qullanaxa; taqi markanakaw jumar yupaychir jutani, chiqa aski luratanakaman qhanstatap layku” sasa.

Apocalipsis 19:6

Ukatsti walja jaqis arnaqaskaspa ukham ist'arakta. Ukasti uma phaxchanakan qhututitapjamänwa, jach'a qhixu qhixunakar uñtata, sapxarakïnwa: “¡Aleluya! Taqi munañan Dios Tatitusaw aka uraqir apnaqañ qallti.

Apocalipsis 20:4

Ukatsti reyi qunuñanak uñjarakta, uka qunuñanakansti, khitinakatix Jesucriston qhanañchataparu, Diosan yatiyäwipar taqi chuymampi sayt'apxatap layku jiwayat uñjasipkatayna, ukanakaw qunt'atäsipkäna. Jupanakax janiw uka jach'a axsarkañ animalarusa, ukar uñtasit lursutarus yupaychapkataynati, janirakiw chimpupsa paranakaparu, amparanakapar uchayasipkataynati. Jupanakasti jaktapxänwa, Diosasti jupanakar reyi qunuñanak churäna, Cristompi waranqa mara apnaqapxañapataki.