Mateo 5:3 - Qullan Arunaca

³ “Cusisiñanïpjjew qhitinacatejj ajay token aynacht'atäpjjatap amuyasipjje ucanacajja, Diosan reinopajj jupanacancaraquiwa.

Aymar Bibliia 1986

³ “Cusisiñanïpjjew qhitinacatejj ajay token aynacht'atäpjjatap amuyasipjje ucanacajja, Diosan reinopajj jupanacancaraquiwa.

Qullan Arunaka DC

³ “Kusisiñanïpxiw Tatitur taqi chuyma alkatirinakaxa, jupanakankiw Diosan qhapaq markapaxa.

Mateo 5:3 Jak'a apnaqawi uñst'ayäwi

2 Crónicas 33:12

Ucatsti cunapachatï wali t'akhesiana jicjjatascäna ucqhajja, Tatit Diosaparuwa art'asïna, ucatsti nayra awquinacapan Diosap nayrakatanjja walipuniwa jisc'aru tuct'äna.

2 Crónicas 33:19

Jupan oración luratapasa, uqhamarac catokatapasa, jucha luratanacapatsa, jan sum saratanacapatsa, cawqhanacarutejj yakha diosanacataqui santuario utanaca luraycäna ucanacatsa, Asera diosanaca uchayatapatsa, uqhamarac diosanac uchayatapatsa janïra Diosapatac jisc'ar tuct'cäna ucqha, profetanacapan sarnakäwipar kellkatawa.

2 Crónicas 33:23

Ucampis jupajj janiw Tatitun nayrakatapana jisc'ar tuct'cänti Manasés awquipjama, jan ucasti juc'ampiw juch luräna.

2 Crónicas 34:27

chuymamsa ch'alljjtayasitamata, nayataquejja jisc'ar tucutamata, aca chekataquisa, uqhamarac jakenacap toke arsutajja ist'asinjja; nayan nayrakatajjansa jisc'ar tucutamata, isimsa ch'iyanokasitamata, uqhamarac nayan nayrakatajjana jachatamatsa, nayasti jumarojj ist'aracsmawa. Naya Tatituw ucjja jumarojj sisma.

2 Crónicas 7:14

ucampis sutejja apqui uca marcajjatejj jisc'ar tucusina nayat mayisitani, thaktaraquitani, uqhamarac jan wali sarnakäwinacapsa apanucuni ucajja, nayajj alajjpachatpachwa ist'äjja, juchanacapsa pampacharaquïwa, ucatsti marcapan nayrakatar sartañapsa cuttayjjaraquïwa.

Job 42:6

Ucatpï jichhajj chuymas usuta parlatanacajjatsa jumat jayana pisayastjja, lak'a khellaru kont'ata.”

Salmos 1:1

Qhititejj ñankha lurir jakenacan amtayataparjam jan sarnakqui ucajj cusisiñan jakewa. Jupajj janiw jucharar jakenacan thaquipan sarnakquiti, janiraquiw Diosamp sawcasirinacampis chicachasquiti,

Salmos 112:1

¡Tatitojj jach'añchatäpan! Tatitur ajjsartir jakejj cusisiñaniwa, arsutanacapar munasir jakejj cusisiñaniwa.

Salmos 128:1

¡Tatitur ajjsart'ir jake, cusisiñanïtawa, Tatitur jaysir jake, cusisiñanïtawa.

Salmos 146:5

Jacobon Diosapan yanapat jakejj cusisiñaniwa, Tatitu Diosapar suyt'irejj cusisiñaniwa.

Salmos 34:18

Tatitojj llaquimp aynacht'atanacan jac'apancasquiwa, jupanacar khespiyañataqui, aynacht'at chuymanacap waytañataqui.

Salmos 41:1

Jan cunan jakempiru, pisi ch'aman jakempir uñjirejj cusisiñan jakewa, Tatituw jan walt'añ urunacan juparojj khespiyani.

Salmos 51:17

Diosatac chekpach loktäwejj cutiquipstat chuym loktañawa. Diosay, llamp'uptat chuymarojj janiw jumajj jisc'achctati.

Salmos 84:12

¡Take ch'aman Diosay, jumar alcatir jakenacajj cusisiñaniwa!

Proverbios 16:19

Asquiwa pobrenacampi jisc'ar tucuñajja, jach'a jach'a tucuñampi kamirïñat sipansa.

Proverbios 29:23

Jach'a jach'a tucuñajj jakerojj jisc'aruw tucuyi, ucampis jisc'aru tucuñawa jach'ar aptatäñjja utjayi.

Proverbios 8:32

“Jichhasti, wawanacajjay, ist'apjjeta; nayar arcapjjeta, ucatsti cusisitäpjjätawa.

Isaías 30:18

Ucampis Tatitojj jumanacat qhuyapayasiñataquiw suyasipctam, jupasti walipuniw munasiñapjja uñacht'ayañ munapjjtam, Tatitusti qhuyapayasiri chekapa Diosaraquiwa. ¡Cusisiñanïpjjew jupar suyt'irinacajja!

Isaías 57:15

Alajjpachanquiristi, qhititejj wiñayatac jacqui, sutipasti kollanaraqui, ucajj aqham siwa: “Nayajj mä alto kollan chekanwa jacta, ucampisa qhititejj alt'at chuymani, llact'ata sarnakaraqui ucanacarusti ch'amañcharactwa.

Isaías 61:1

“Tatitun ajayupajj nayjjanquiwa, Tatituraquiw nayarojj yakhachasitu; pobrenacaru suma yatiyäwinac yatiyiriw qhitanitu, llact'atanacaru chuymachañataqui, preso catuntatanacaru khespiyat sarnakasiñ yatiyiri, carcelanquirinacarusti khespiyat sarnakasiñ chuririraqui,

Isaías 66:2

¡Take acanacjja nayaw amparajjampi lurta, uqhamatwa utjañjja kalltapjjaraqui! Naya Tatituw ucjja arsta. “Cawquïr jaktejj nayajj uñtascta ucajj qhititejj pobre, llact'ata sarnakqui, arunacajjsa suma ist'caraqui, phokcaraqui ucawa.

Miqueas 6:8

Jake, Tatitojj sistamwa, cunatejj asquïqui ucjja, uqhamarac cuntejj jupajj jumatjja suyqui ucsa; jumajj chekapäqui uc luram, qhuyapayasiriraquim, uqhamarac Tatit Diosamarus alt'at chuymamampirac jaysam.

Mateo 11:25

Ucapachajj Jesusajj saraquïnwa: “Yupaychsmawa, Awquejja, munañaniraquïtawa alajjpachansa acapachansa. Jumawa yatiñ cancañ imanttajja wali yatiñan jakenacatjja; ucatsti juc'a yatiñan jakenacaruw uñacht'aytajja.

Mateo 11:6

Cusisiñaniwa nayat jan mayjt'asisa arquirejja —sasa.

Mateo 13:16

“Jumanacasti cusisitäpjjañamawa, chekpachansa uñjasipctawa ist'asipcaractawa.

Mateo 19:14

Jesusasti saraquïnwa: “Wawanacajj nayan ucar jutasipcpan, janirac jarc'apjjamti, Diosan reinopasti jupanacjamataquiwa” sasa.

Mateo 24:46

Cusisiñaniw qhiti uywatarutejj utanejj purinisin take cunsa suma phokhasquiriru jicjjatqui ucajja.

Mateo 25:34

Ucapachaw cupëjjapancquis ucanacarojj sani: ‘Jutapjjam, jumanacajj Awquejjan bendicitanacapa, catokapjjaraquimay wiñay jacañjja jumanacataqui waquichatäquis uca, cawquïritejj aca orake kalltatpacha luratäqui.

Mateo 3:2

Saraquïnwa: “¡Take jan wali luratanacamatjja arrepientisipjjam, Diosan reinopaw jac'ancjje!” sasa.

Mateo 8:11

Nayasti sapjjsmawa, waljaninacaw jutapjjani, inti jalsu toketsa uqhamarac inti jalanta toketsa, ucatsti kont'asipjjaraquiniwa Abrahamampi mank'añataqui, uqhamaraqui Isaac, Jacob ucanacampi, alajjpach suma marcanjja.

Marcos 10:14

Jesusasti uc uñjasinjja colerasïnwa, ucatsti saraquïnwa: —Wawanacajj nayan ucar jutasipcpan sam, jan jarc'apjjamti, jupanacjamanquiwa Diosan reinopajja.

Lucas 11:28

Jupasti sänwa: —¡Juc'amp cusisiñanïpjjewa qhitinacatejj Diosan arunacap ist'apqui, uqhamarac jaysapjje ucanacajja! —sasa.

Lucas 18:14

Sapjjsmawa, aca impuesto cobririw Diosan perdonata utaparojj cuttawayjjäna; fariseosti janiwa. Qhititejj jach'a jach'a tucqui ucajja, jisc'ar tucuyatäniwa, jisc'ar tucqui ucasti jach'ar aptatäniwa.”

Lucas 22:29

Ucatwa nayajj jumanacarojj mä reino churapjjsma, cunjämatï Awquejjajj nayar churquitu uqhama,

Lucas 22:30

qhä reinojjan jumanacajj mank'apjjäta, umapjjaraquïta mesajjana, uqhamarac tronon kont'asipjjäta, Israelan tunca payan triburu taripapjjañamataqui.”

Lucas 4:18

“Tatitun Ajayupaw nayjjanqui, suma yatiyäwinac pobrenacar churañataquiw ajllisitu; llact'at chuymanacar kolliriw qhitanitu, carcelanquirinacar khespita sarnakañat yatiyiriraqui, uqhamarac juyqhunacarus uñatatayiri; t'akhesiyatanacarus khespiyiriraqui;

Juan 20:29

Jesusasti juparojj sänwa: —Tomás, jichhajj jumajj uñjatam laycuw iyawstajja. Cusisiñanïpjjewa jan uñjcas iyawsirinacajja —sasa.

Deuteronomio 8:2

Ucatsti amtasipjjaraquim cawquïri thaquinjamtï Tatitu Diosamajj irpanipjjtam wasarana pusi tunca maranaca sarnakayasa jumanacar yant'añataqui, uqhamaraqui yatichañataqui, uqhamata amtäwinacam uñt'añataqui, camachi arunacajj phokherjamäpjjtati jan ucajj janicha uc yatiñataqui.

Santiago 1:10

Cunapachatejj kamirejj aynacht'ata uñjasi ucqhajja, cusisitaquïñaparaquiwa, kamirïñasti kora pankaramp sasiwa, janiraquiw wiñayäquiti.

Santiago 1:12

Cusisiñaniwa qhititejj yant'anacjja llamp'u chuymampi catokqui ucanacajja. Uca yant'ar atipjas misturinacasti churäwi catokapjjani mä coronar uñtata, uca churäwisti cuntejj Diosajj jupar munirinacaru jacañ churaña arscänjja ucawa.

Santiago 2:5

Munat jilatanacajja, ist'apjjam aca arunaca: Diosajj aca oraken pobrenacaruw ajlli, jupanacajj iyawsañanacapanjja kamirïpjjañapataqui, uqhamarac Diosan reinopsa herenciat catokapjjañapataqui, cuntejj jupajj churapjjämaw sisqui jupar munirinacarojj ucanacataqui.

Apocalipsis 19:9

Ucatsti angelajj saraquituwa: “Kellkam: ‘Cusisiñanïpjjewa qhitinacatejj Corderon casarasïwi fiestaparu jawsayatäpqui ucanacajja.’ Ucatsti saraquituwa: “Acanacasti Diosan cheka arunacapawa” sasa.

Apocalipsis 22:14

“Cusisiñanïpjjewa qhitinacatejj isinacapa t'ajjsusipjje jacañ kokat mank'asiñataqui, uqhamarac marcar puncu chek mantañataquisa.

Apocalipsis 3:17

Ucampis jumajj: Kamirïtwa sistawa, waliquïsctwa, take cunan phokt'atätwa saractawa; janiraquiw amuyasctati mä aynacht'ata jan cunanïscatamjja, juyqhuraquïtawa uqhamarus k'alalaraquïtawa.