Mateo 5:3 - Qullan Arunaka DC

³ “Kusisiñanïpxiw Tatitur taqi chuyma alkatirinakaxa, jupanakankiw Diosan qhapaq markapaxa.

Aymar Bibliia 1986

³ “Cusisiñanïpjjew qhitinacatejj ajay token aynacht'atäpjjatap amuyasipjje ucanacajja, Diosan reinopajj jupanacancaraquiwa.

Qullan Arunaca

³ “Cusisiñanïpjjew qhitinacatejj ajay token aynacht'atäpjjatap amuyasipjje ucanacajja, Diosan reinopajj jupanacancaraquiwa.

Mateo 5:3 Jak'a apnaqawi uñst'ayäwi

2 Crónicas 33:12

Ukatsti kunapachatix jan walt'añan jikxataskän ukkhaxa, Manasesax Tatit Diosaparuw art'asïna, nayra awkinakapan Diosap nayraqatanxa jisk'aruw tukt'äna.

2 Crónicas 33:19

Jupan mayisitapampi, ist'ayasitapampi, jucha luratanakapasa, jan wali sarnaqatanakapasa, qullu patanakan yaqha diosanakatak yupaychañ utanak lurayatapasa, kawkharutix Astarté diosaru, yaqha diosanaksa uchkäna, Diosapatak janïr jisk'ar tukkasa ukkha, taqi ukanakax profetanakapan sarnaqäwipan qillqatawa.

2 Crónicas 33:23

Ukampis jupax janiw Tatit nayraqatan jisk'ar tukt'känti, kamisatix Manasés awkipax jisk'ar tukt'käna ukhama, jan ukasti juk'ampiw juch luräna.

2 Crónicas 34:27

aka chiqataki, ukhamarak jaqinakap tuqi arsutaxa ist'asin chuymam ch'allxtayasitamata, nayatak jisk'ar tukutamata, isinakam ch'iyanuqasitamata, nayan nayraqataxan jachatamatxa, nayax jumar ist'smawa. Naya, Tatituw sisma.

2 Crónicas 7:14

ukampis sutix apki uka markaxatix jisk'ar tukt'asin mayisitani, nayar thaqtitani, jan wali sarnaqatanakapsa apanukuni ukkhaxa, nayax alaxpachatpach juparux ist'ä, juchanakapsa pampacharakï, ukatsti markapan nayraqatar sartañapsa kuttayxarakïwa.

Job 42:6

Ukatpï jichhax laq'a taypina, qhilla taypin qunt'ata taqi arsutanakaxat chuym liq'istxa.

Salmos 1:1

Ñanqha lurir jaqinakan amtayataparjam jan sarnaqirix kusisiñan jaqiwa, jupax janiw jucharar jaqinakan thakhipan sarnaqkiti, janirakiw Diosampi sawkasirinakampis chikachaskiti,

Salmos 112:1

¡Tatitux jach'añchatäpan! Tatitur axsartir jaqix kusisiñaniwa, arsutanakapar munasir jaqix kusisiñaniwa.

Salmos 128:1

Tatitur axsartir jaqix kusisiñaniwa, Tatitur jaysir jaqix kusisiñaniwa.

Salmos 146:5

Jacobun Diosapan yanapat jaqix kusisiñaniwa, Tatitu Diosapar suyt'irix kusisiñaniwa.

Salmos 34:18

18 (19) Tatitux llakimpi aynacht'atanakan jak'apankaskiwa, aynacht'at chuymap qhispiyañatakix jak'apankaskiwa.

Salmos 41:1

1 (2) Jan kunan jaqimpiru, pisi ch'aman jaqimpir uñjir jaqix kusisiñaniwa; Tatituw jan walt'añ urunakan juparux qhispiyani.

Salmos 51:17

17 (19) Diosatak chiqpach luqtäwix llamp'u chuyma luqtañawa; ¡Diosay, llamp'uptat chuymarux janiw jumax jisk'achktati!

Salmos 84:12

12 (13) ¡Taqi ch'aman Diosay, jumar alkatir jaqinakax kusisiñaniwa!

Proverbios 16:19

Jan yäqat jaqinakamp jisk'ar tukuñax juk'amp askiwa, jach'a jach'a tukur jaqinakamp qamirkipstañat sipana.

Proverbios 29:23

Jach'a jach'a tukurix jisk'achataw uñjasini, llamp'u chuymanisti jach'ar aptatäniwa.

Proverbios 8:32

“Jichhasti, wawanakaxay, ist'apxita; nayat yatiqasipxita, jumanakasti kusisitaw sarnaqapxäta.

Isaías 30:18

Ukampis Tatitux jumanakat khuyapayasiñatakiw suyasipktam, jupax walipuniw munasiñap uñacht'ayañ munapxtam, Tatitusti khuyapayasiri chiqap Diosarakiwa. ¡Jupar suyt'irinakax kusisiñanïpxiwa!

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Isaías 61:1

Tatitun ajayupax nayxankiwa, jupaw nayarux yaqhachasitu; jan kunaninakar suma yatiyäwinak yatiyiriw khithanitu, llakt'atanakaru chuymachiri, katuntatanakar antutat sarnaqasiñ yatiyiri, carcelankirinakar antutat sarnaqasiñ churiri,

Isaías 66:2

¡Taqi akanak nayaw amparaxamp lurta, taqi kunas nayankiwa! Naya Tatituw uk arsta. “Kawkïr jaqirutix nayax uñtkta ukaxa, jan kunani, llakt'at sarnaqki, arunakaxsa sum phuqkaraki uka jaqiwa.

Miqueas 6:8

Tatitux niyaw sistam, kunsa lurasma askïñatakixa, kunsa jupax jumat suyixa: askïñama, taqinirus chiqap uñjañam muni, Tatit Diosamarus alt'at chuymamampi yupaychañama.

Mateo 11:25

Ukapachaw Jesusax sarakïna: “Yupaychsmaw Awkixa, jumaw alaxpacha, akapacha apnaqtaxa, jumaw yatiñ kankañ wali yatiñan jaqinakat imanttaxa; ukatsti juk'a yatiñan jaqinakaruw uñacht'aytaxa.

Mateo 11:6

¡Nayat jan pächasirix kusisiñaniwa!” sasa.

Mateo 13:16

“Ukampis jumanakax kusisiñanïpxtawa, nayranakamax uñjiwa, jinchunakamasti ist'iwa.

Mateo 19:14

Jesusasti sarakïnwa: —Wawanakax nayan ukar jutasipkpan sama, jan jark'apxamti, Diosan qhapaq markapax jupanakjamankiwa —sasa.

Mateo 24:46

Uywiripampi sum phuqkir jikxatayaski uka uywatax, kusisiñaniwa.

Mateo 25:34

Ukapachaw Reyix kupïxapankirinakar sani: ‘Jumanakax jutapxam, Awkixan qullananakapa, aka uraqi qalltatpacha jumanakatak wiñay jakañ wakichatäkis uk katuqapxam.

Mateo 3:2

Sarakïnwa: “¡Taqi jan wali luratanakamat kutikipstapxam, Diosan qhapaq markapaw jak'ankxi!” sasa.

Mateo 8:11

Nayasti sapxsmawa, waljaniw inti jalsu tuqita, inti jalanta tuqitsa jutapxani, ukatsti Abrahamampi, Isaacampi, Jacobumpi manq'iriw alaxpach suma markan qunt'asipxani,

Marcos 10:14

Jesusasti uk uñjasax phiñasïnwa, ukat sarakïna: —Wawanakax nayan ukar jutasipkpan sama, jan jark'apxamti, Diosan qhapaq markapax jupanakjamankiwa.

Lucas 11:28

Jupasti sänwa: —¡Khitinakatix Diosan arunakap ist'apki, jaysapkaraki ukanakax juk'amp kusisiñaniwa! —sasa.

Lucas 18:14

Nayax sapxsmawa, aka qullqi apthapiriw utaparux juchapat Diosan pampachat kuttawayxäna; fariseosti janiwa. Jupa pachpa jach'achasirixa, jan yäqataw uñjasini, jan yäqat sarnaqiristi, jach'ar aptatäniwa.”

Lucas 22:29

Ukat nayax jumanakar reyi kankañ churapxsma, kunjämatix Awkixax nayar churkitu ukhama,

Lucas 22:30

qhapaq markaxansti, jumanakax nayan manq'añaxat manq'apxäta, umapxarakïta, ukatsti Israelan tunka payan ayllupar taripañatakiw qunt'asipxarakïta.”

Lucas 4:18

“Tatitun Ajayupaw nayxanki, jan kunaninakar suma yatiyäwinak churañatakiw ajllisitu; llakt'atanakar chuymachiriw khithanitu, katuntatanakar qhispiyasiñ yatiyäwinak yatiyiriw khithanitu, juykhunakar uñatatayiri, t'aqhisiyatanakar qhispiyiri,

Juan 20:29

Jesusasti juparux sänwa: —Tomás, ¿nayar uñjasakit iyawstasti? ¡Kusisiñanïpxiwa jan uñjkas iyawsirinakaxa! —sasa.

Deuteronomio 8:2

Tatit Diosamax wasaranjam pusi tunka mara sarnaqayasa irpanipktam taqi uka thakhit amtasipxam, jumanakar t'aqhisiyañataki, yant'añataki, amtäwinakam uñt'añataki, kamachi arunakap phuqhirjamäpxtati janicha uk yatiñataki.

Santiago 1:10

qamir jaqisti aynacht'atapat jach'añchasiñaparaki. Qamirïñax qura panqarampi sasiwa, janiw wiñayäkiti.

Santiago 1:12

Yant'ar ch'amampi atipjir jaqix kusisiñaniwa, yant'ar atipjirix jakañ pillu waxt'äwjam katuqani, Diosax jupar munirinakar churañatakiw arsuwayi.

Santiago 2:5

Munat jilatanakaxa, aka arunak ist'apxam: Diosax aka uraqin jan kunaninakaruw ajllisi, jupanakan iyawsañan qamirïpxañapataki, ukhamat Diosan qhapaq markap mä waxt'äwjam katuqapxañapataki, jupar munirinakatakiw uk arsuwayi.

Apocalipsis 19:9

Ukatsti angelax sarakituwa: “Aka arunak qillqam: ‘Corderon jaqichasïwipar jawsayatanakax kusisiñanïpxiwa’ ” sasa. Ukatsti saskakiwa: “Aka arunakax Diosan chiqa arunakapawa” sasa.

Apocalipsis 22:14

Jakañ churir quqan achupat manq'asiñatak isinakap t'axsusirinakax kusisiñanïpxiwa, ukhamarak markar punku chiqa mantañ munirinakasa.

Apocalipsis 3:17

Jumax sistawa: Nayax qamirïtwa, taqi kunas sumaruw misturapitu, taqi kunan phuqt'atätwa, janiw kunas pist'kituti, sasa. Ukampis janiw amuyasktati: juman aynacht'ata juykhütama, jan kusisiñani, mich'a, q'alalarakïtama.