Lucas 12:32 - Qullan Arunaca

³² “Jan ajjsarapjjamti, jisc'a tama ovejanacajja, ucampis alajjpach Awquimajj qhuyapayasiñapana reinop churaña munapjjtam.

Aymar Bibliia 1986

³² “Jan ajjsarapjjamti, jisc'a tama ovejanacajja, ucampis alajjpach Awquimajj qhuyapayasiñapana reinop churaña munapjjtam.

Qullan Arunaka DC

³² “Jisk'a tama ovejanakaxa, jan axsarapxamti, Dios Awkimax khuyapayasiñapan qhapaq markap churañ munapxtam.

Lucas 12:32 Jak'a apnaqawi uñst'ayäwi

Isaías 40:11

Cunjämatejj mä awatirejj ovejanacap ant'ata jutejja, uqhamaraquiw jupajj juti, amparapar ovejanac icht'ata, ichjjarusiwa ovejanacaparojja, uqha wawachat ovej kallunacarusti sum uñjaraqui.

Isaías 41:14

Tatitusti saraquiwa: “Israel, Jacobon marcapa, jisc'äscamsa, pisi ch'amäscaraquimsa, jan ajjsaramti, nayaw yanapascäma. Naya, Israelan Kollan Diosapa, nayaw khespiyirimätjja.

Isaías 53:6

Take jiwasanacaw ovejanacar uñtat saranuctan, chhakharactan, sapa maynis pachpa thaquipa sarasa, ucampis Tatitojj juparuw apjjaruyi jiwasan ñankha luratanacasjja.

Jeremías 3:19

“Israel, nayajj jumarojj wawajjat catokañataquiw amtasta, mä suma muncañ orake churañaraqui amtta, take aca orakenacat sipansa juc'ampi suma orake. Nayasti saraquïyätwa: ‘Jichhajj awqui sisjjchitanïya’ sasa. Ucatsti janiraquiy nayatjja jayar sarcjjchiniti saraquïyätwa.

Mateo 14:27

Ucampis Jesusajj jupanacarojj saraquïnwa: —Jan ajjsarapjjamti, nayäsctwa —sasa.

Mateo 20:16

“Uqhamapï qhitinacatejj khepancqui ucanacajj nayrancanejja; nayrancquis ucanacasti khepancaraquiniwa. Waljaniraquiwa jawsatajja ucampis ajllitajj juc'aniquiwa.”

Mateo 25:34

Ucapachaw cupëjjapancquis ucanacarojj sani: ‘Jutapjjam, jumanacajj Awquejjan bendicitanacapa, catokapjjaraquimay wiñay jacañjja jumanacataqui waquichatäquis uca, cawquïritejj aca orake kalltatpacha luratäqui.

Mateo 7:15

“Amuyasipjjam qhitinacatejj: ‘Diosatwa parlta’ sasa c'arisisa sarnakapqui ucanacatjja. Jupanacasti ovejanacar uñtataw jumanacan ucarojj jutapjje, ucampis chuymapanjja ñankha lunthat kamakenacawa.

Lucas 10:21

Ucapachaw Jesusajj cusisiñampi phokt'ata Kollan Ajayu toke, aqham säna: “Yupaychsmaw Awquiy, alajjpachansa uqhamarac acapachansa Tatitupa. Jumajj acanacjj wali yatiñaninacatsa uqhamaraqui amuyt'aninacampitsa imanttawa, ucatsti juc'a yatiñan jakenacaruw uñacht'aytajja. Jïsa, Awquejja, uqhamwa jumajj muntajja.

Juan 18:36

Ucjjarojj Jesusajj sänwa: —Nayan reinojjajj janiw acapachancquiti. Uqhamäspa ucajja, arquirinacajjajj nuwasipjjasapänwa judionacaru jan catuyatäñajjataqui. Ucampis nayan reinojjajj janiw acapachancquiti —sasa.

Hechos 20:28

Uqhamasti jumanac quicpa amuyasipjjam, take iyawsirinacarus uñjapjjaraquim. Ucataquiw Kollan Ajayojj Tatitun iglesiap uñjapjjañamataqui ajllipjjtamjja. Tatitusti wilapampiw uca iglesiap alasiwayi.

Hechos 20:29

Nayasti yattwa, naya sarjjä uca khepatjja, yakhanacaw jutapjjani iglesia t'unjañ munasa, cunjämtejj kamakenacajj ovejanacar tucjañataqui jutapquejja uqhama.

Romanos 6:23

Juchan wajjt'asiñapasti jiwañawa, ucampis Diosan wajjt'äwipajj wiñay jacañawa Cristo Jesús Tatitusana.

1 Corintios 1:21

Diosajj yatiw cuna luratapsa. Amtäwipansti janiraquiw acapacharojj jakenacan yatïwinacap toke khespiyañ munquiti, jan ucasti Diosajj arunacap tokew jakerojj khespiyañ muni, take qhitinacatï juparu catuyasqui ucanacaru. Uca parläwisti mayninacataquejj lokhe cancañar uñtatäcaspasa uqhamawa, uca tokwa Diosajj jakerojj khespiyañ munaraqui.

Filipenses 2:13

Diosaw suma amtäwinac churapjjtam, jupa pachparaquiw yanapasipctamjja uca lurañanac phokhañanjja jupan munañaparjama.

2 Tesalonicenses 1:11

Aca amtäwimpiw jumanacataqui Diosar mayipjjtjja Diosajj jumanacar asquit uñt'apjjañapataqui aca jupan jawsäwipana; uqhamaraquiw Diosar mayipjjaracta take suma amtäwinacamarojj ch'amapampi phokhasiñapataqui, cuna luräwinactï iyawsañ toke lurapcta ucanacasa.

2 Tesalonicenses 1:5

Acajj uñacht'ayistuwa Diosajj chekapätapa uñjäwipanjja, jumanacaru Diosan marcapar mantayañataqui asquit uñt'asina, ucataracwa t'akhesisipctajja.

Hebreos 12:28

Ucampis cawquïr marctejj Diosajj churquistu ucajj janiw onjjtcaspati. Ucat jichhajj yuspagarañäni, take amuyusampi yupaychañäni uqhamarac take ajjsart'añampi, ucaw Diosarojj cusisiyi.

Santiago 2:5

Munat jilatanacajja, ist'apjjam aca arunaca: Diosajj aca oraken pobrenacaruw ajlli, jupanacajj iyawsañanacapanjja kamirïpjjañapataqui, uqhamarac Diosan reinopsa herenciat catokapjjañapataqui, cuntejj jupajj churapjjämaw sisqui jupar munirinacarojj ucanacataqui.

2 Pedro 1:11

Uqhamatwa jumanacarojj churasiraquini jiwasan khespiyiri Jesucriston wiñay marcapar khespita mantapjjañamajja.

Apocalipsis 1:6

Ucatsti reyinaca sacerdotenacaracwa jiwasarojj tucuyistu Dios Awquiru sirviñasataqui. ¡Jach'a cancañasa, munañanïñasa jupancaracpan wiñayataqui! Uqhamäpan.

Apocalipsis 22:5

Ucanjja janiw arumajj utjcjjaniti, ucan jaquirinacasti janiw lamparinsa, intin khanapasa munascjjaniti, Dios Tatituquiwa khanani, jupanacasti wiñayaraquiw ucanjja reinapjjani.