1 Pedro 2:9 - Qullan Arunaca

⁹ Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.

Aymar Bibliia 1986

⁹ Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.

Qullan Arunaka DC

⁹ Ukampis jumanakax Tatitunkiritak ajllitäpxtawa, reyir luqtir sacerdotenakäpxtawa; mä q'uma markäpxtawa; Diosan ajllisit markapäpxtawa. Ukatpï, Diosan muspharkañ luräwinakap yatiyapxañamaxa, Diosaw jumanakarux ch'amakat irpsusinxapxtam, suma muspharkañ qhanapar mantxapxañamataki.

1 Pedro 2:9 Jak'a apnaqawi uñst'ayäwi

Salmos 106:5

ajllitanacaman cusisiñap uñjañajjataqui, marcaman cusisiñapamp cusisiñajjataqui.

Salmos 118:27

Tatituw Diosajja: jupaw khant'anistu. Cusisiñ kalltapjjam, altar thiyacam layminacamp c'achachapjjam.

Salmos 135:4

Jupaw Jacoborojj ajllisïna, Israelarusti marcapäñataquiw ajllisiraquïna.

Salmos 22:30

Wawanacajjajj Tatituruw yupaychapjjani, jupjjatsti wiñayaw parlapjjani;

Salmos 33:12

Tatitut Diosanïqui uca marcajj cusisiñaniwa, jupatac ajllitäqui uca marcajj cusisiñaniwa.

Salmos 73:15

Nayatejj jupanacjam amtiriscäyätjja, wawanacamarojj aljantiriscäyätwa.

Isaías 26:2

Puncunacap jist'arapjjam mä asqui marcan mantañapataqui, qhititejj chekapäqui ucana.

Isaías 41:8

“Ist'am Israel, Jacobon marcapa, nayan sirvirejja, qhitirutejj ajlliscta uca, nayan munata Abrahaman wawanacapa.

Isaías 42:16

Juyqhunacarusti jan uñt'at thaquinacanjamwa irparaquëjja. Jupanacan nayrakatapansti ch'amacjja khanaruw tucuyäjja, kollunacsti pampa orakeruw tucuyaraquëjja. Take ucanacsti lurapunïwa.

Isaías 44:1

“Jacobon marcapa, Israel, jichhajj ist'ita, sirvirejja, nayan ajllisita.

Isaías 61:6

Jumanacarusti: ‘Tatitun sacerdotenacapa’ sasaw sutichapjjaraquïtam, Diosan sirvirinacapa sasaraqui. Yakha marcanacanquir kamir cancañanacapampiw cusisipjjaraquïta, uca c'ajquir cancañanacapampiw c'achachasipjjaraquïta.

Isaías 62:12

Israelitanacarusti: “Kollan marca”, “Tatitun khespiyatanacapa”, Jerusalenarusti: “Munat marca”, “Jan apanucut marca” sasaw sutichapjjaraquini.

Isaías 66:21

“Jupanacatsti yakhepanacarojj sacerdotenacäpjjañapataqui, levitanacäpjjañapataquiw ajllï. Naya Tatituw ucanac arsta.”

Isaías 9:2

Ch'amacan jaquir marcasti mä jach'a khanwa uñji; mä suma khanaw khanti ch'amacan jaquir jakenacataquejja.

Malaquías 3:17

“Take jupanacasti nayataquejj mä suma imat korjamäniwa cunürutï nayajj uñstcä uca urojja, jupanacatsti qhuyapayasiraquïwa cunjämtejj mä awquejj jupar sirviri wawapatjja qhuyapayasejja uqhama.

Mateo 4:16

Take ch'amacanquir jakenacajj mä jach'a khanwa uñjapjje, uqhamarac take qhitinacatejj jacapcäna wali ajjsarcañ jiwañ ch'amacanacan ucanacarus mä suma khanaw khant'i” sasa.

Mateo 5:16

Uqhamaraqui jumanacan khanamajj jakenacataquejj khant'aracpan. Uqham suma wali luräwinacam uñjasa jumanacan Dios Awquimaru yupaychapjjañapataqui.

Lucas 1:79

qhitinacatï ch'amacan jacasipqui, uqhamarac jiwañ ch'iwinsa, ucanacar khantayañataqui, uqhamarac jiwasarus samarañ thaquirjam irpañataqui.”

Juan 17:19

Jupanac laycuwa nayapachpas catuyasiracta, jupanacajj asquitaqui catuyasipjjañapataquiraqui.

Hechos 20:28

Uqhamasti jumanac quicpa amuyasipjjam, take iyawsirinacarus uñjapjjaraquim. Ucataquiw Kollan Ajayojj Tatitun iglesiap uñjapjjañamataqui ajllipjjtamjja. Tatitusti wilapampiw uca iglesiap alasiwayi.

Hechos 26:18

Jupanacan nayranacap jist'arañamataqui, jan juc'amp ch'amac thaquin sarnakapjjañapataqui. Janiraquiw juc'ampi supayan apnakatäcjjaniti, jan ucasti Diosaruw arcjjapjjani uqhamaraqui nayarus iyawsapjjetani. Uqhamatwa jupanacajj juchanacapat perdón catokapjjani, uqhamarac mä herencia catokapjjani Diosan ajllit jakenac taypina’ sasa.

Hechos 26:28

Agripasti juparojj sänwa: —Mä juc'atjamatwa Tatitur niyapun iyawsayistajja —sasa.

Romanos 9:24

Diosawa jawsistu, mayninacjja judionacata, mayninacsti jan judiöpquis ucanacata.

1 Corintios 3:17

Maynitejj uca Diosan templop t'unjanejja, Diosajj juparojj t'unjaraquiniwa. Diosan templopasti kollanawa, uca templosti jumanac pachpäpjjaractawa.

Efesios 1:14

Kollan Ajayuwa jiwasanacan arjjatirisajja cawquïr wajjt'asïwtejj Diosajj churquistani uc catokañasataquejja. Ucsti catokañäniwa cunapachatejj jupanquirinacan khespiyasiñapajj phokhatäjjani ucqha, jupajj jach'a Diosätap laycu yupaychatäñapataqui.

Efesios 1:6

Ucatpï Diosarojj yupaychapuntanjja muspharcañ qhuyapayasiñapata, uca pachpa qhuyapayasiñapampiw bendicistu munat Yokapampi mayaquïtas laycu.

Efesios 3:21

¡Jach'añchatäpan Diosajja iglesia taypina Cristo Jesús toke, wiñayan wiñayapataqui! Uqhamäpan.

Deuteronomio 10:15

Ucampis Diosajj jumanacan awquinacamaruw ajllïna, munaraquïna, ucatsti jupanacan wawanacaparuwa ajlliraquïna, ucanacasti jumanacäpjjtawa, take marcanac taypita, cunjämatï jichhürcama uñjasisqui uqhama.

Deuteronomio 14:2

Jumanacasti Diosan k'oma ajllit marcapäpjjatam laycu. Juparaquiwa take marcanacat sipansa jumanacaru ajllisipjjtam jumanacajj jupan marcapäpjjañamataqui.

Deuteronomio 18:2

Janiw jupanacajj herencianïpcaniti israelit jakenacjama, jupanacan herenciapajj Diosataqui irnakañawa, cunjämatejj jupa quipca sawayqui uqhama.

Deuteronomio 4:20

Ucasti jumanacarojj Tatituw irpsunipjjtam qhä Egipto hierro umatatayañ hornota, uqhamarac jupan marcapa tucuyapjjtam, cunjämatejj jichhajj jicjjatasipjjta uqhama.

Deuteronomio 7:6

Jumanacasti Tatitu Diosatac ajllit marcäpjjtawa; Diosaw jumanacarojj take marcanacat sipansa ajllisipjjtam, uqhamat jumanacajj jupatac yakhachat marcäpjjañamataqui.

Filipenses 3:14

cawqharutejj puriñasäqui, ucar puriñataqui, alajjpachan chürawi catokañataqui, cunataquitejj Diosajj Cristo Jesús tokejj jawsquistu uc catokañataqui.

Colosenses 1:13

Diosaw jiwasarojj ch'amacanacan munañapat khespiyanistu, Jesucristo Yokapan apnakatäñataquiw uchasiraquistu.

2 Timoteo 1:9

Diosajj khespiyistuwa, jawsaraquistuwa juparu catuyata jacañasataqui, ucasti janiw jiwasan cuna asqui luratas laycuti, jan ucasti uqhamänwa jupan amtäwipajja, uqhamarac Cristompi mayachasitas laycuw munasiraquistu. Diosasti munasistuwa, aca orakejj janïra utjcän ucqhatpacha.

Tito 2:14

Jupawa jiwas laycu jiwawayi jan walinacat jiwasar khespiyañataqui, k'omachañataqui, uqhamata jupancañataqui jan karjasisa asqui lurañasataqui.

1 Pedro 1:2

Take jumanacarusti Dios Awquiw ajllisipjjtam nayratpacha amtataparjama. Kollan Ajayu tokeraquiwa jumanacarojj jupataqui yakhachasipjjtam, jupar jaysapjjañamataqui, Jesucriston wilapampi k'omachatäpjjañamataquiraqui. Jumanacasti Diosan bendicionanacapjja jilarquiri catokapjjam, uqhamarac suman sarnakasiñsa.

1 Pedro 2:5

Jumanacasti mä jacquir kaläpcasmas uqhamaraqui Diosarojj catuyasipjjam, ucatsti Diosajj jumanacampejj mä suma ajayun templjama sayt'ayañapataqui, uqhamarac jumanac quicpas Diosar sirvir sacerdotenac tucupjjañamataqui, Jesucristo toke take ajayun sacrificionac Diosar loktapjjañamataqui, Diosajj catokañapataquiraqui.

1 Pedro 4:11

Maynitejj parlchejja, Diosan arunacaparjam parlpan. Maynitejj qhitirus mä asqui lurchejja, Diosan ch'amapampi ucjja lurpan. Take cuntejj lurapjjta ucajja Diosar yupaychañataquïpan Jesucristo toke, juparuraqui munañanïñasa, jach'a cancañasa churatäpan wiñayan wiñayapataqui. Uqhamäpan.

Apocalipsis 1:6

Ucatsti reyinaca sacerdotenacaracwa jiwasarojj tucuyistu Dios Awquiru sirviñasataqui. ¡Jach'a cancañasa, munañanïñasa jupancaracpan wiñayataqui! Uqhamäpan.

Apocalipsis 20:6

Cusisiñanïpjjewa, Diosar catuyatäpjjaraquiwa qhitinacatejj nayrïri jactäwin jactapqui ucanacajja. Khepïri jiwasti jupanacjjarojj janiw cuna ch'amanïquisa, jan ucasti jupanacajj Diosampina Cristompina sacerdotepäpjjaniwa. Waranka mararaquiw jupampejj reinapjjani.

Apocalipsis 5:10

Reyinaca, sacerdotenacracwa tucuyapjjestajja Diosataquejja. Take aca orakpacharu apnakapjjañajjataqui” sasa.

1 Samuel 12:22

Tatitusti sutipar munatap laycojja janiw apanucupcätamti, jupasti jumanacarojj marcapwa tucuyasiñ munapjjtam.