Kasta
142 Biblian jiskʼa tʼaqanakapajja, qollañ churäwinakat parli
Yakhepanacajj iyawsañwa Ajayu toke catokapjje, yakhepanacasti ch'am catokapjjaraqui usutanacar waliptayañataqui.
Uqhamaraquipï Diosajj iglesiapanjja sapa maynirus lurañapa churejja: Nayrakatajja apostolonaca, ucjjarusti Diosat catokasina arunacap parlirinaca, ucjjarusti yatichirinaca, ucjjarusti milagro luririnaca, usutanacar c'umaraptayirinaca, yanapirinaca, irpirinaca, jan uñt'ata arunaca parlirinaca.
Maynitejj usutächejja, iglesianquir jilïri jilatanacaruw jawsayañapa ucanacajj jupatac oración lurañapataqui, uqhamarac Tatitun sutipjjaru aceitempi jawt'añapataqui.
Cunapachatejj jupanacajj iyawsañampi orapjjanejja, uca usutajj khespitäjjaniwa. Tatitusti juparojj sartayjjaraquiniwa, juchanïchi ucqhasti perdonataraquïniwa.
Ucapachaw Jesusajj tunca payani discipulonacaparojj jawsäna, ucatsti ch'am churaraquïna take casta ñankha ajayunacaru alissupjjañapataqui, uqhamarac take casta usutanacaru c'umaraptayapjjañapataqui.
Aca chimpunacaraquiw iyawsirinac taypinjj utjani: Sutejjanwa ñankha ajayunacjja alissupjjani; machak parlanac parlapjjaraquini;
amparanacaparusti catarinac wayjjarupjjani, venenonac umantasasa janiraquiw camachatäpcanisa. Usutanacarusti c'umaraptayapjjaraquiniwa, amparanacapamp lokjjatasa —sasa.
Yanapt'apjjaraquitaya, jach'a ch'amamampi usutanacar kollañataqui, uqhamarac uñacht'äwinacsa, milagronacsa kollan Jesús Yokaman sutiparu lurapjjañajjataqui.”
Pedrosti sänwa: —Janiw koris, kollkes utjquituti, ucampis cunatï ujtquitu ucwa churäma: Nazaretanquir Jesucriston sutipar sayt'am, sartaraquim —sasa.
Uc arsusinsti, Pedrojj cupi amparat catusinwa juparojj wayti. Ucspacharaquiw cayupasa, uqhamarac cayu mokonacapas thurt'asiraquïna.
Cojosti ucspachaw thoktäna. Sayt'asisinsti, sarnakañwa kalltäna. Ucatsti jupanacamp chicaraquiw templor thoktas thoktas mantawayäna. Ucatsti Diosaruw yupaycharaquïna.
Callenacaruw usutanac iquiñanacaru apsupjjäna. “Pedrojj pascasin inach ch'iwipaquis yakhepanacarojj puriwayaspa” sasa.
Walja jakenacaraquiw jac'anquir marcanacatjja Jerusalenaru jutapjjäna. Usutanacaparu, uqhamarac ñankha ajayumpi lokheptayatanacarus apanipjjaraquïnwa. Take ucanacasti c'umaraptayatäjjänwa.
Diosasti Pablo tokew jach'a milagronac luräna.
Jakenacasti Pablon pañuelopsa isinacapsa usutanacan ucaruw apapjjäna. Usutanacasti uqhamatwa waliptjjapjjäna. Uqhamaraquiw ñankha ajayunacas jupanacatjj mistjjaraquïna.
Jesusajj tunca payan discipulonacaparuw tantacht'äna, ucat ch'amampi munañanïñampwa churaraquïna take cast ñankha ajayunac alissuñataqui, uqhamarac usutanac waliptayañataquisa.
Apostolonacapasti cuttanjjasinjja, cuntejj lurapcatayna uc Jesusarojj yatiyapjjäna. Ucjjarusti Jesusajj apostolonacapampejj mä wasar chekaruw sarapjjäna, Betsaida marca jac'aru.
Jakesti uc yatisinjja, arcapjjänwa; Jesusasti jupanacarojj catokaraquïnwa, Diosan reinopat yaticharaquïna, uqhamarac usutanacarus c'umaraptayaraquïna.
Niya jayp'öjjepansti tunca payan discipulonacapajj Jesusar jac'achasisin sapjjänwa: —Aca jakenacarojj qhitanucjjam, samarjjapjjañapataqui, uca jac'a utanacans mank'añ thakasipjjañapataqui, acansti janiw cunas utjquiti —sasa.
Jesusasti jupanacarojj sänwa: —Jumanacay mank'añjj churapjjamjja —sasa. Jupanacasti sapjjaraquïnwa: —Pheska t'ant'ampit pä chawllampit juc'ampejj janiw utjapquituti, taketac alir sarjjapjjerist ucqhajj inasa utjchispa —sasa.
Jakesti pheska waranka chachanacjamänwa. Jesusasti discipulonacaparojj saraquiwa: —Pheska tuncatcam konurayapjjam —sasa.
Uqhamwa lurapjjäna, takeniraquiw kont'asipjjäna.
Ucatwa Jesusajj pheska t'ant'ampi pä chawllampjja aptasina, alajjpachar uñtasinwa ucanacat Diosar yuspagararaqui. Pachjatatsti discipulonacaparuw churi jakenacar laquintapjjañapataqui.
Takeniw mank'apjjäna, sist'asipjjaraquïna, ucatsti tunca payan canastaracwa t'ant'a jilt'jja apthapipjjäna.
Mä urojj sapaquiw Jesusajj Diosat mayisiscäna; ucaruw discipulonacapajj jutapjje, ucat Jesusajj jupanacar jisct'äna: —Jakejj ¿qhitiw sapjjetus nayarojja? —sasa.
Jupanacajj sapjjewa: —Yakhepanacajj: ‘Bautisir Juanaw’ sapjjtamwa; yakhepanacasti: ‘Eliasaw’ sapjjaractamwa. Mayninacasti: ‘Nayra profetanacat mayniw jactanpacha’ sapjjaractamwa —sasa.
Jupanacarojj Diosan reinopat parlapjjañapataquiw qhitäna, uqhamarac usutanac waliptayapjjañapataqui.
Yatipjjaractawa cunjämtejj Diosajj Nazaretanquir Jesusar Kollan Ajaysa, uqhamarac ch'amsa churcäna ucjja. Uqhamaraquiw yatipjjtajja cunjämtï jupajj sarnakcäna, asquinac lurasa, usutanacar c'umarachasa, uqhamarac supayan munañapan t'akhesiyatäcän ucanac c'umarachasaraqui. Tatit Jesusajj Diosampïtap laycuw take ucanacjja luräna.
Niya arumäjjän ucqhajja walja usutanacaruw jupan ucarojj apanipjjäna, ucanacasti ñankha ajayumpi mantatanacänwa. Jesusasti mä sapa arsutapampiquiw uca ñankha ajayunacarojj ankaru alissüna, uqhamaraqui yakha usutanacasa waliptayataraquïnwa.
Take acanacasti phokhasiscänwa Isaías profetan arsutaparjama aqham sataparu: “Jupaw api jiwasan usunacasa, uqhamarac chhojjrinacasa” sasa.
Inti jalantarusti takeniraquiw cunayman usutanacaru Jesusan ucarojj apanipjjaraquïna. Jupasti sapakat mayniruw amparapampi lokjjatasin, waliptayäna.
Jesusasti ucürunacanjja, Galilea tokenacanwa sinagoganacan Diosan khespiyasiñ arunacap yatiyasa sarnakäna, uqhamarac jakenacarus take usutanacapat c'umaraptayasa.
Acanacasti yatisïnwa take Siria tokenacana, ucatsti cunayman usutanacaruraquiw Jesusan ucarojj apanipjjäna c'umaraptayañapataqui, uqhamarac ñankha ajayun mantatanaca, t'ucu usuninaca, suchunaca, uqhamarac take jan kollcay usutanacarus apanipjjäna. Jesusasti jupanacarojj c'umaraptayänwa.
Ucan usutanacarusti c'umaraptayapjjam, ucatsti sapjjam: ‘Diosan reinopaw jumanacar jac'achasini’ sasa.
Uqhamaraquiw walja ajayunac jakenacatjj alissupjjäna, aceitempi jawt'asaraquiw walja usutanacarojj c'umaraptayapjjäna.
Saraquïnwa: “Jumanacatejj naya Tatitu Diosaman arunacajja suma ist'apjjäta, ucat munañajjarjam lurapjjaraquïta, uqhamarac camachinacajjarusa, leyinacajjarusa phokhapjjaraquïta ucqhajj janiw cawquïr usunactejj egipcionacar apaycta ucanacampejj t'akhesiyapcämati. Nayätwa jumanacar c'umarachir Tatitumajja” sasa.
Takpach chuymajjampiw Tatitur jach'añchä, janiw qhuyapayasiñapat armascäti.
Tatitur jach'añchapjjam: angelanacapa, arsutanacap phokherinaca, arupar janc'ac jaysirinaca.
Tatitun alajjpach tamanacapa, jupar jach'añchapjjam, munañap phokher loktirinacapa, jach'ar aptapjjam.
Takpach luratanacapa, Tatitur jach'añchapjjam, jupan apnakat orakpachan jach'ar aptapjjam. ¡Takpach chuymajjampiw Tatitur jach'añchä!
Tatituw takpach juchanacajjat pampachitu, jupaw take usunacajjat c'umarachitu;
Tata, jumaquiy kolljjatt'ita, ucatsti kollatäyäwa; jumay khespiyita, ucatsti khespitaw uñjasï, juma saparuquiw yupaycharacsma.
Ucampis jupajj jiwasan Diosasataqui sayt'asitas laycuw chhojjriñchjatänjja, jiwasan ñankha luratanacas laycuw wali t'akhesiyatänjja; jupan t'akhesitapasti jiwasataquejj sumancañ apani, chhojjrinacap laycuw kollata uñjasiractanjja.
Jesusasti ucapachajj take uca marcana, jisc'a marcanacansa yatichasaw sarnakäna, uqhamarac sinagoganacansa sapa chekana Diosan khespiyasiña arunacapat khanañchasaraqui, take casta usutanacsa c'umarachasaraqui.
C'umar sarnakasiñ cuttayjjaraquïma, chhojjrinacamjja nayaw kolljjäma, uñisirinacamajj kawkhas parlascpan. ‘Sionajj apanucutawa, janiw qhitis jupatjja llaquiscjjeti’ sasa. Naya Tatituw ucjja arsta.”
Munat wawajjay, ewjja arunacajjar ist'am. Ist'apunim ewjjanacajj-jja.
Janipuni nayrakatamatjja chhaktayamti, ¡jan ucasti chuymarupuni imam!
Uca arunacajj suma jacañwa churi, take qhitinacatejj jicjjatapqui ucanacarojja.
Ucapachaw khanamajj, khantati warawarar uñtata c'ajani, usuchjatanacamas janc'aquiraquiw jacthapjjani. Cheka cancañamasti juman nayrakatamwa sarani, khapak cancañajjaraquiw juman khepamatjja arcanïtam.
Jesusasti walja cunayman usutanacaruw c'umaraptayäna, jakenacatsti cunayman ñankha ajayunac alissuraquïna. Janiraquiw uca ñankha ajayunacarojj cunsa arsuycänti, jupanacajj qhitïcäntï Jesusajj uc uñt'apjjatap laycu.
Take jakenacaw Jesusarojj llamct'añ munapjjäna, ch'amapampi takerus jupajj waliptayatap laycu.
Khanacwa sapjjsma, qhititejj nayar iyawsquitu ucajja, luraraquiniwa cuntejj nayajj lurctjja ucanaca, juc'amp jach'a luräwinacampwa lurani, Awquejjajj cawquincquitejj ucaru saratajj laycu.
Usutanacarojj c'umaraptayapjjam, lepra usuninacarusti k'omachapjjam, jiwatanacarusti jactayapjjaraquim, ñankha ajayunacarusti alissupjjaraquim. Take acanacsti inaquiw lurapjjäta, ucanac lurañataqui ch'am inaqui catokapjjatam laycu.
“Tatitun ajayupajj nayjjanquiwa, Tatituraquiw nayarojj yakhachasitu; pobrenacaru suma yatiyäwinac yatiyiriw qhitanitu, llact'atanacaru chuymachañataqui, preso catuntatanacaru khespiyat sarnakasiñ yatiyiri, carcelanquirinacarusti khespiyat sarnakasiñ chuririraqui,
Jumasti Tatitu Diosamaruquiw yupaychäta, jupawa jumanacarojj bendicipjjätam t'ant'sa, uqhamarac umsa. “Nayasti take usunacwa jumanacatjja apakapjjäma.
Munat jilata, Diosarojj maytwa juman take cunas suman sarañapataqui, uqhamarac jan usuntañamataqui cunjämatejj ajayunjja waliquïsctajja uqhama.
Qhitinacarutejj Tatitojj arjjatqui ucanacajj jacapjjaniwa, take jupanacampiraquiw nayajj jacaraquëjja. “Jumaw nayarojj kollt'asista, jacañsa cuttayjjaraquista.
Uñtapjjam, t'akhesiñat sipansa, jichhajj samarañaw utjitu. Jumaquiraquiw nayarojj jacayista, aynacht'añ jach'a p'iyatsa, take juchanacajj perdonatam laycu.
“Cutt'am, ucatsti marcajjana jilïri Ezequías reyiru aqham sam: ‘Nayra David awquimana Tatit Diosapajja aqham siwa: ‘Nayajj oracionamjja ist'smawa, uqhamarac jachatamsa uñjaracsmawa. Jichhasti jumarojj c'umaraptayämawa, ucatjja acat quimsa urut Tatitun temploparu saräta.
Sarnakäwipjja uñjtwa, ucampis nayajj kolljjatäwa, samarañ churaraquï, chekpachansa samarataraquiw uñjasjjanejja. Llaquitanacarusti nayaw chuymachäjja,
takenirus saraquïwa: ¡Samarañajj utjpan jayanquirinacampi, uqhamaraqui jac'anquirinacampisa! ¡Nayaw marcajjarojj kolljjatasjjä!”
Jesusasti uc ist'asinjja juparojj siwa: —Jan ajjsaramti; iyawsaquim, wawamajj c'umaräjjaniwa —sasa.
Jesusasti sänwa: —Sartam, iquiñam apthapisim, ucatsti sarjjaraquim —sasa.
Ucspachaw uca jakejj kollata uñjasïna. Iquiñap apthapisjjasinsti, sarnakañwa kallti. Ucürusti samarañ urünwa.
Ucansti Publion tatapajj usutaw iquiñancascäna. Jupasti wali calenturampi, uqhamarac wila cursiyampi usutänwa. Pablosti ucar uñjt'iriw saräna. Tatitut mayisinsti amparapampi lokjjatasinwa usurirojj c'umaraptayäna.
Uc yatisinsti uca islan yakha usutanacasti Pablon ucaruw jutapjjäna, jupanacasti kollatäpjjaraquïnwa.
Waliquiwa, jichhasti uñacht'ayapjjämawa Jaken Yokapajj munañanïtapa acapachan juchanac perdonañataquejja —sasa. Uca suchu jakerusti saraquïnwa: —Sartasim, iquiñam apthapisisinsti utamar sarjjam —sasa.
Ucspachaw uca suchu jakejj sarthapïna ucatsti utaparuraquiw sarjjäna.
T'akhesiñancasinsti Tatitut art'asipjjäna, jupasti t'akhesïwit waysüna.
Tatitun khespiyatanacajj arsupjjpan, timasirin amparapat antutayatanaca,
Arup qhitanïna, jupanacarusti c'umaraptayänwa, ¡mankhapachat khespiyäna!
Walja jakenacaraquiw jupan ucarojj jutapjjaraquïna, irpanipjjaraquïnwa juyqhunaca, suchunaca, okaranaca, manconaca, walja usutanacampi. Jesusasti jupanacarojj c'umaraptayänwa.
Uca quicpa Jesusan sutipar iyawsatap laycuw aca jakejj ch'amañchata uñjasi, jumanac nayrakatana. Uca Jesusar iyawsatap laycupï c'umarapun uñjasejja, take jumanacan uñjcata.
Walja ñankha ajayun mantat jakenacaraquiw c'umaraptayatäpjjäna. Uca ñankha ajayunacasti wararisisaw jupanacatjja mistjjapjjaraquïna. Walja suchu jakenacampi, cojonacampiraquiw c'umaraptayatäpjjäna.
Jesusasti jupanacar uñjasinjja sänwa: —Sarapjjam, sacerdoter uñstanipjjam —sasa. Jupanacasti sarcasawa c'umaräjjapjjäna.
Ucatwa jupanacat maynïrejj c'umaräjjasin Diosar jach'at yupaychasa cutt'aniwayäna.
ucampis Tatitojj situwa: “Munasiñajjaquiw jumataquejj waquichatajja, nayan ch'amajjasti juc'ampi sumaw uñsti cunapachatï jakejj t'uqha jicjjatasqui ucqha” sasa. Uqhamajj nayajj cusistwa, Criston ch'amapajj nayan t'uqhasiñajjan uñstañapataqui.
Jupaw karitarojj ch'am churi, pisi ch'ama jakerusti ch'am yapt'araqui.
Mä aruw art'asiraqui: “Wasaranjja Tatitutac mä thaqui waquichapjjam, mä cheka thaqui k'omachsupjjam wasara chekanacanjja.
Waynanacas karjtaquispawa, ch'amtayapjjaquiraquispawa, wali ch'amaninacasa aynacht'aquiraquispawa,
ucampisa take qhitinacatejj Tatitur iyawsapqui ucanacasti machak ch'amanacanïpjjaniwa; pacalinacar uñtataraquiw thoktapjjani, jalanakasinsti janiw karipcaniti, sarnakasas janiraquiw ch'amtayapcaniti.
Botet mistusinsti Jesusajj uñjänwa walja jakenacan ucancatapa. Jupasti uca jakenac uñjasinjja qhuyapt'ayasïnwa, ucatwa usutanacarus kollaraquïna.
Cunapachatejj Jesusajj ucanac yatjjän ucqhajja, sarawayjjänwa uca marcatjja, walja jakenacaraquiw juparojj arcapjjäna. Jesusasti take usutanacaruraquiw c'umaraptayäna.
Tunca quimsakallkoni mara usurnucstata warmiw ucancascaraquïna. Mä ñankha ajayuw juparojj c'umthaptayatayna, jupasti janiw cunjämatsa chekaptañataqui ch'amanïcänti.
Jesusajj jupar uñjasinjja, jawsänwa ucat saraquïna: —Warmi, usumatjja kollatäjjtawa —sasa.
Ucat jupjjaruw amparapamp Jesusajj lokjjati, uca warmisti ucspachaw chekaptjjäna, ucat Diosaru yupaycharaquïna.
Uc arsusinsti Jesusajj pamparuw thusnokäna, ucatsti thusonkayampi ñek'echt'araquïna, ñik'empisti juyqhun nayraparuw jawt'äna.
Ucatsti saraquïnwa: —Saram, Siloé estanquer jarekasiri —sasa. (Ucajj qhitanita, sañ muni.) Juyqhusti sarasinjja jarekasïnwa; cutt'anjjän ucqhasti uñj-jjänwa.
Ucspachaw Jesusajj cutiquipstäna, ucatsti warmiru uñjasinjja sänwa: —Ch'amacht'asim, wawa, iyawsatam laycuw c'umara uñjastajja —sasa. Jupasti ucspachaw c'umaräjjäna.
Jesusasti sänwa: —Wawa, iyawsatam laycuw c'umaräjjtajja. Jichhasti sumac sarjjam. Usumatsti c'umaräjjtawa —sasa.
Tatay, nayat qhuyapt'ayasita, ch'ama pisiw uñjasta, Tatay, wasitat c'umaraptayjjeta, takpach ch'aqhanacajjaw qhathatisqui.
Cusisit chuymajj jaken jacañapwa sumaptayi, ucampis llaquisit chuymajj jan ch'aman tucuyi.
Janiw qhitis siscaspati: “Usutätwa” sasajja. Diosasti Sionan jaquir jakenacan juchanacapjja perdonaraquiniwa.
Jesusasti uc ist'asinjja sänwa: —Aca usojj janiw jiwañataquïquiti, ucampis acajj Diosan jach'a ch'amapa uñacht'ayañataquiwa, uqhamarac uca usu toket Diosan Yokapan jach'a ch'amapajj uñacht'ayasiñapataquiraqui —sasa.
Ucatsti walja urunacaw uqham arnakasisa arcnakapjjetäna. Ucampis Pablotaquejj ucajj janiw walïcänti. Ucatwa Pablojj cutiquipstasina, tawakoncquis uca ñankha ajayurojj säna: —Jesucriston sutiparuw sisma: ‘Uca tawakot mistum’ —sasa. Ñankha ajayusti ucspachaw tawakotjja mistuwayjje.
Jesusasti juparojj amparapampiwa lokjjatäna, ucatsti saraquïnwa: —Muntwa, k'omäjjtawa —sasa. Uca aru arscän ucspachaw lepra usupatjja c'umaräjjäna.
Warmisti jan juc'ampi imantasirjamäsinjja, qhathatt'asisaw Jesusan cayupar quillt'asi. Take jaken nayrakatapanwa arsusi cunattï llamct'cäna, uqhamarac cunjämtï uca luratatjja c'umaräjjatayna ucanaca.
Jesusasti ucjjarojj saraquïnwa: —Wawa, iyawsatam laycuw c'umaräjjtajja, sumac sarjjam —sasa.
Jesusasti jupat qhuyapt'ayasisinjja amparapampiw lokjjatt'i, ucatsti saraquiwa: —Muntwa, c'umaräjjaractawa —sasa.
Uc arsquipan lepra usojj jaketjja chhaktawayjjäna, jupasti c'umaraquëjjänwa.
Tatituw kollani ch'okantaraquini marcapan chhojjrinacapjja. Ucapachaw phajjsejj intjama khanani, intisti khanapat sipanjja pakallko uqhampwa khant'ani, pakallko intin khanapäcaspas uqhama.
Mä urojj Jesusajj yatichascänwa. Ucanjja fariseonacamp, ley yatichirinacampiw kont'atäsipcäna; ucanacasti Galileata, Judeata, Jerusalenampita jutapjjatayna. Diosan ch'amapasti Jesusampïnwa usutanac c'umaraptayañataquejja.
achict'asipjjaraquïnwa Jesusan mä isipacsa llamct'añataqui. Uqham llamct'irinacasti takeniw c'umaräjjapjjäna.
Jesusasti capitanarojj saraquiwa: —Utamar sarjjam, iyawsatamarjamaraquiw lurasini —sasa. Jupan uywatapasti ucspachaw c'umaraptayatäjjäna.
ucampis sutejja apqui uca marcajjatejj jisc'ar tucusina nayat mayisitani, thaktaraquitani, uqhamarac jan wali sarnakäwinacapsa apanucuni ucajja, nayajj alajjpachatpachwa ist'äjja, juchanacapsa pampacharaquïwa, ucatsti marcapan nayrakatar sartañapsa cuttayjjaraquïwa.
Cunapachatejj Jesusajj utaru mantjjäna ucqhajja, uca juyqhunacajj juparuw jac'achasipjjäna. Jesusasti jupanacarojj jisct'änwa: —¿Iyawsapjjtati jumanacajj cuntï lurcä ucaru? —sasa. Jupanacasti sapjjänwa: —Jïs, Tata —sasa.
Jesusasti nayranacaparu llamct'asinjja jupanacarojj sänwa: —Luraspanaya cunjämtï jumanacajj iyawsapcta uqhamarjama —sasa.
Mä kawkhani ley yatichir jakenacasti chuymanacapanjja sapjjaraquïnwa: “Aca jakejj Dios contraw parli uca arunacampejja” sasa.
Ucat nayranacapajj c'umaräjjänwa. Jesusasti jupanacarojj aqham sasaw ewjjt'araquïna: —Jan qhitirus acjja yatiyapjjamti —sasa.
Tatituw nayan k'ochuñajjajja, juparaquiwa ch'amañchirejjasa, uqhamarac khespiyirejjasa. Jupawa nayan Diosajjajja, ucatwa yupaychäjja; juparaquiw awquejjan Diosapasa, ucatwa jach'añcharaquëjja.
Diosan thaquipajj chekapawa, Tatitun arsutanacapajj take chuymamp iyawscayawa, Diosajj jupar take chuymamp alcatirinacarojj imascapuniwa.
Niya arumäjjän ucqhajja walja usutanacaruw jupan ucarojj apanipjjäna, ucanacasti ñankha ajayumpi mantatanacänwa. Jesusasti mä sapa arsutapampiquiw uca ñankha ajayunacarojj ankaru alissüna, uqhamaraqui yakha usutanacasa waliptayataraquïnwa.
“Tatitun Ajayupaw nayjjanqui, suma yatiyäwinac pobrenacar churañataquiw ajllisitu; llact'at chuymanacar kolliriw qhitanitu, carcelanquirinacar khespita sarnakañat yatiyiriraqui, uqhamarac juyqhunacarus uñatatayiri; t'akhesiyatanacarus khespiyiriraqui;
Take cuntejj jumanacajj sutejjaru mayipjjäta ucjja, nayajj luräwa, Yokajj Awquin jach'a cancañap uñacht'ayañapataqui.
Cuntejj nayan sutejjaru mayipjjäta ucjja, nayajj take cunsa luräwa.
Ucapachaw juyqhunacajj uñjapjjani, okaranacas ist'apjjaraquini;
suchunacasti taruja kallunacjamaw sinc'usipjjani, amutunacasti arnakasipjjaraquiniwa. Wasara waña orakensti umajj walpun jalsuni mä jach'a jawirjama tucusa.
Jesusasti uc ist'asinjja sänwa: —C'umara jakenacajj janiw mä kolliri munapquiti, jan ucasti usutanacawa munapjjejja.
Sarjjapjjam, amuyt'apjjaraquim cuntejj uca arsüwejj sañ munqui uca. ‘Nayajj muntwa jumanacan qhuyapt'ayasirïpjjañama, janiw sacrificionacjja muncti.’ Janiraquiw asqui jakenacaru jawsiri jutcti jan ucasti juchararanacar arrepientisipjjañapataqui jawsiriw jutta —sasa.
Jesusasti jupanacarojj sänwa: —C'umaranacataquejj janiw kolliri munasquiti, jan ucasti usutanacataquiw kollirejja munasejja.
Janiw asqui jakenacar jawsir jutcti, jan ucasti juchararanacar jawsiriw jutta, jupanacajj juchanacapat arrepientisipjjañapataqui —sasa.
Jesusasti iquiñan winct'ata uñjasinjja, yatïnwa jaya maranaca uqhamäscatapa, ucatsti jisct'änwa: —¿Kollatäña muntati? —sasa.
Ucatwa jan naya quicpasa jumar jicjjatiri jutañarojj uchascti. Arsu mayac arsum, uywatajjasti c'umaräjjaniwa.
Ucatsti discipulonacapajj khespiyasiñ arunac take token yatiyapjjäna. Pachpa Tatituraquiw jupanacarojj yanapascäna, cunayman muspharcañanac lurayasa, arunacapan chekätap uñacht'ayañataqui.]
Nayaw jumanacarojj ch'amjj churapjjsma catarinacjjaru, uqhamarac alacrananacjjaru tacjjatapjjañamataqui, uqhamarac uñisirin take ch'amaparu atipt'apjjañamataqui, janiraquiw cunas camachapcätamti.
Jesucristo quipcaraquiw juchanacasjja pachpa cuerpopjjaru apawayjje, crusan jiwasina, uqhamata jiwasajj jucha lurañar jiwañasataqui, mä suma jacañan jacañasataqui. Jupajj chhojjriñchjatänwa jumanacajj c'umaräpjjañamataqui.
Jakenacasti Pablon pañuelopsa isinacapsa usutanacan ucaruw apapjjäna. Usutanacasti uqhamatwa waliptjjapjjäna. Uqhamaraquiw ñankha ajayunacas jupanacatjj mistjjaraquïna.
Ucampis jupajj jiwasan t'akhesiñanacas apt'atäscänwa, pachpa aykoñanacaswa apjjäsiscänjja. Jiwasasti Diosas juparojj usuchjcaspa uqham amuyayätanjja, Diosajj juparojj t'akhesiycaspas jan ucajj jisc'achcaraquispas uqhama.
Ucampis jupajj jiwasan Diosasataqui sayt'asitas laycuw chhojjriñchjatänjja, jiwasan ñankha luratanacas laycuw wali t'akhesiyatänjja; jupan t'akhesitapasti jiwasataquejj sumancañ apani, chhojjrinacap laycuw kollata uñjasiractanjja.
Jesusasti wasitampiwa Galileanquiri Caná sat chekaru purïna, cawquintejj umat vinor tucuycäna ucaru. Ucansti utjänwa reyin mä jach'a oficialapa, wawapasti Capernaum marcana usutäscänwa.
Jesusan Judeat Galilearu puritap yatisinjja, oficialajj saränwa Jesusan ucaru achict'asiri, utapar sarasin wawap kollañapataqui. Wawapajj niya jiwirjamänwa.
Jesusasti sänwa: —Janitejj milagronacsa ni unañchanacsa uñjapcasma ucajja janiw iyawsapcasmati —sasa.
Oficialasti sascaquïnwa: —Tata, janc'aquiy jutam janïr wawajjajj jiwquipana —sasa.
Samaria chek pascasinjja Sicar sat marcaruw puri, Jacobojj José yokaparu herencia orake churcatayna uca chekaru.
Ucatsti Jesusajj saraquïnwa: —Cuttjjam utamaru, wawamajj c'umaräjjewa —sasa. Jakesti iyawsänwa cuntejj Jesusajj siscäna uca, ucatsti sarawayjjänwa.
Janïr utapar purquipanwa uywatanacapajj jicjjatir mistupjjäna: —Wawamajj c'umaräjjewa —sasa.
Ucatsti uywatanacaruw jisct'äna cuna horasatsa wawapajj waliptatayna uca. Jupanacasti sapjjewa: —Wasür maya horasaw calenturapajj apaktjje —sasa.
Awquisti amtasïnwa uca pachpa horasan Jesusajj “Wawamajj c'umaräjjewa” satapa; jupasti takpach familiapampiw Jesusar iyawsjjäna.
—Jumaruw sisma, sayt'asim, iquiñam apthapisim ucatsti utamar sarjjam —sasa.
Suchu jakesti ucspachaw sartasin iquiñap apthapisi, ucatsti taken uñjcataraquiw mistuwayi. Uc uñjasinsti takeniw muspharapjjäna, Diosaruw yupaychapjjaraquïna: —Janipuniw cunapachas aqhamjja uñjirïctanti —sasa.
Jupanacasti mistusinjja take jisc'a marcanacaruw sarapjjäna khespiyasiñ arunac yatiyasa, uqhamarac usutanacar c'umaraptayasa.
Ucjjarojj Jesusajj sänwa: —Nayätwa jactañasa, jacañasa. Qhititejj nayaru iyawsaraquitu ucajja jiwatäcanisa, jacaniwa.
Take qhititejj jacqui, nayaru iyawscaraquitu ucanacajj, janiw jiwcaniti cunapachasa. ¿Iyawstati ucjja? —sasa.
Tatay, ist'aquitaya, nayat qhuyapt'ayasita, Tatay, nayar arjjatirejj jutaquimaya.
Jachañajjarojj cusisiñaruw quipstaytajja, llaqui is apakasinjja, cusisiñ isimpiw isthapiyistajja;
Dios Tatay, ucat ajayojjajj jan amuct'as jach'añchañ k'ochunac k'ochuni, jumarusti wiñayaw yuspagaräma.
Naamán chachasti Jordán jawiraru sarasinjja pakallk cutiwa uma mankhar chhaktäna, cunjämtï profetajj siscäna uqhamaru, ucatsti janchipajja mä wawan janchipjamawa tucuwayjjäna, k'omachatäjjaraquïnwa.
Ucapachasti, Jesusajj ucarojj mä amut juyqhu jakeruw irpanipjjäna, ucasti ñankha ajayunïnwa. Jesusasti juparojj c'umaraptayänwa, ucatwa uca jakejj uñj-jjaraquïna, parljjaraquïna.
Jupanacarojj Diosan reinopat parlapjjañapataquiw qhitäna, uqhamarac usutanac waliptayapjjañapataqui.
Ucansti janiw cuna milagronacsa lurcänti, mä kawkha usutanacaruquiw amparapampi lokjjatt'as c'umaraptayäna.
Jesusasti jupanac uñjasinjja qhuyapt'ayasïnwa, ucat nayranacap llamct'äna. Juyqhunacasti ucspacharaquiw uñj-jjapjjäna, ucat Jesusaruw arcjjapjjäna.
Jesusasti sänwa: —¡Uñj-jjam, iyawsatam laycuw c'umaraptayatäjjta! —sasa.
Ucspachaw juyqhojj uñatatjjäna, ucatsti Diosar yupaychasaw Jesusar arcäna. Takeniraquiw uc uñjasin Diosar yupaychapjjäna.
Nayar art'asitan ucapachajja, mayisitaparojj jaysäwa. Jupamp chicaw t'akhesiñancä, llaquisiñat irpsü, jach'aruw aptä;
walja maranacaw jacayä, ¡khespiyäwejjampiw jupar cusisiyaraquï!”
Ucampisa kollapjjaraquïmawa, c'umara tucuyapjjaraquïma, ucatsti chekpachanaracwa sumana jan qhitin cun sata sarnakasjjapjjäta.
Chuymajjasa, janchejjas tucusisquiwa, ucampis Diosaw wiñay catokäwejjajja, jupaw chuymajjarojj catjjäsisqui.
Uqhamasti Jesusajj jupanacarojj sänwa: —Sarapjjam, ucatsti cuntejj uñjapcta, ist'apcaracta ucanac Juanarojj khanañchapjjam. Yatiyapjjaraquim cunjämtï juyqhunacajj uñjapjje, cojonacas sarnakapqui, lepra usuninacas c'umaräjjapjje, okaranacas ist'apcaraqui, jiwatanacas jactayataraqui, uqhamarac pobrenacaruw khespiyasiñ arunacajj churasiscaraqui ucanaca.
Templonccän ucapachasti, cojonacamp juyqhunacampiw jutapjjäna. Jesusasti ucanacarojj c'umaraptayänwa.
Samarañ urun Jesusajj sinagogan yatichascäna.
Tunca quimsakallkoni mara usurnucstata warmiw ucancascaraquïna. Mä ñankha ajayuw juparojj c'umthaptayatayna, jupasti janiw cunjämatsa chekaptañataqui ch'amanïcänti.
Jesusajj jupar uñjasinjja, jawsänwa ucat saraquïna: —Warmi, usumatjja kollatäjjtawa —sasa.
Ucat jupjjaruw amparapamp Jesusajj lokjjati, uca warmisti ucspachaw chekaptjjäna, ucat Diosaru yupaycharaquïna.
Jesusasti saraquïnwa: —Janiw jupan juchap laycuti, awquinacapan juchap laycusa, jan ucasti Diosan luräwinacapajj jupa toke uñstañapataquiwa ucajj uqhama.
Kollut Jesusajj sarakanïna arquirinacapamp chica, mä pamparuw puripjjäna. Ucansti walja jakeraquiw utjäna take Judeapachata, Jerusalenata, Tiro, Sidón ucsa thiyampita. Acanacasti Jesusar ist'iri, uqhamarac usunacapat kollatäñataquiw jutapjjatayna.
Qhitinacatejj ñankha ajayunacan t'akhesiyatäpjjäna ucanacasti c'umarachatäpjjaraquïnwa.
Take jakenacaw Jesusarojj llamct'añ munapjjäna, ch'amapampi takerus jupajj waliptayatap laycu.
Jesusan ucawjat mistunquipansti, pani juyqhu jakenacaw arnakasis juparojj arcanipjjäna: —¡Davidan yokapa, qhuyapt'ayasipjjeta! —sasa.
Cunapachatejj Jesusajj utaru mantjjäna ucqhajja, uca juyqhunacajj juparuw jac'achasipjjäna. Jesusasti jupanacarojj jisct'änwa: —¿Iyawsapjjtati jumanacajj cuntï lurcä ucaru? —sasa. Jupanacasti sapjjänwa: —Jïs, Tata —sasa.
Jesusasti nayranacaparu llamct'asinjja jupanacarojj sänwa: —Luraspanaya cunjämtï jumanacajj iyawsapcta uqhamarjama —sasa.
Mä kawkhani ley yatichir jakenacasti chuymanacapanjja sapjjaraquïnwa: “Aca jakejj Dios contraw parli uca arunacampejja” sasa.
Ucat nayranacapajj c'umaräjjänwa. Jesusasti jupanacarojj aqham sasaw ewjjt'araquïna: —Jan qhitirus acjja yatiyapjjamti —sasa.
Ucampis jupanacajj mistus ucspachaw take uca chekanacan yatiyapjjäna cuntejj Jesusajj lurcatayna uca.
Ucapachaw Jairo sat mä jakejj purini. Jupasti sinagoganjj mä jilïrïnwa. Aca chachasti Jesusan cayuparuw quillt'asi, ucat utapar sarañapatac achict'asi.
Jupasti mä sapa imill wawaniquïnwa, tunca payan maranjama, ucawa jiwañampïscäna. Saripansti walja jakenacaraquiw arcasinjja Jesusarojj ñekthapipjjäna.
Mä jisc'a marcar purquipansti, tunca lepra usun jakenacaw jupar jicjjatir mistunipjjäna, jupanacasti jaya chekawjaruw sayt'asipjjaraquïna.
Ucat jach'at art'apjjäna: —¡Yatichir Jesús, nanacatay qhuyapt'ayasipjjeta! —sasa.
Jesusasti jupanacar uñjasinjja sänwa: —Sarapjjam, sacerdoter uñstanipjjam —sasa. Jupanacasti sarcasawa c'umaräjjapjjäna.
Ucatwa jupanacat maynïrejj c'umaräjjasin Diosar jach'at yupaychasa cutt'aniwayäna.
Jupasti Jesusan nayrakataparuw quillt'asi, ajanupsa orakcamaw alintäna yuspagarañataqui. Aca jakesti Samarianquirïnwa.
Ucapachaw Jesusajj juparojj saraquïna: —¿Janit tuncanïqui c'umarachatanacajja? ¿Cawquincapjjesa llätuncanejja?
¿Aca yakha jaya marcanquir sapaquiti Diosar yupaychirejj cuttanejja? —sasa.
Uca jakerusti saraquïnwa: —Sartasim ucatsti sarjjam, iyawsatam laycuw c'umarachatäjjtajja —sasa.
Ucjjarusti Jericó marcaruw puripjjäna. Jesusasti discipulonacapampi walja jakenacamp mistusquipan, mä juyqhuw mayjasiscäna, sutipasti Bartimeo, Timeo chachan yokapa, jupasti thacjjan kont'atäscänwa.
Uca juyqhusti Nazaretanquir Jesusätap ist'asinjja jach'at art'äna: —¡Jesús, Davidan yokapa, nayatay qhuyapt'ayasita! —sasa.
Uc ist'asinsti waljaniw: —Amuct'am —sas tokepjjäna. Ucampis juyqhojj juc'amp jach'at art'ascaquïnwa: —¡Davidan yokapa, nayat qhuyapt'ayasita! —sasa.
Jesusasti uc ist'asinjja sayt'änwa, ucatsti jupanacarojj: —Irptanipjjam —saraquïnwa. Irptiri saririnacasti juyqhurojj sapjjänwa: —Jan ajjsaramti, sayt'asim, jawsasctamwa —sasa.
Jesusasti ucjjarojj sänwa: —Moisesajj kala chuymäpjjatam laycuwa uca camachi arunacjja jaytawayapjjtamjja.
Juyqhusti capap liwinucusinjja mäquiw sayt'asi, ucatsti Jesusan ucaruw maqhatäna.
Jesusasti juparojj jisct'änwa: —¿Cuna lurañajjsa munta? —sasa. Juyqhusti sänwa: —Yatichiri, nayrat waliptjjañ munta —sasa.
Ucjjarusti Jesusajj sänwa: —Sarjjam. Iyawsatam laycuw c'umaräjjta —sasa. Ucspachaw juyqhojj nayrat waliptjjäna, Jesusarusti arcjjaruwayjjaraquïnwa.
Cayut kalltasin p'ekecamajj janiw jumanacanjj cawqhas c'umaräcjjeti; takpach janchimajj k'ala chhojjriñchjatawa, jawk'jata, llejjtjtataraqui; jan qhitinsa kolljjatata, janiraqui ñacht'ata, uca usuyasitanacamsti janiraquiw qhitis aceitempi kolljjatt'asa samart'ayquiti.
Tatituw jacañjja churi, juparaquiw apakjje; sepulturcamaw puriyistu, juparaquiw jacatatayaraquistu.
Ucatwa janipuni nanacajj mayjt'asipcti: Janchinacajjajj sapürusa aynacharus sarjjchi ucasa, ajayunacajjajj sapürutjamaraquiw machakar tucusqui.
Lepra usun mä jakeraquiw Jesusarojj jac'achasïna. Jupan nayrakatapar quillt'asisinsti, saraquïnwa: —Tatay, munsta ucajja k'omacht'ita —sasa.
Jesusasti juparojj saraquïnwa: —Kamakenacas putunacaniwa, jamach'inacasti tapanacaniraquiwa, ucampis Jaken Yokapajj janiw cawqharu p'ekepa samart'añataquis mä chekajj utjquiti —sasa.
Maynïri discipulopasti juparojj saraquïnwa: —Nayajj suyt'aquï, tatajjaru nayrakat imt'asinjjä —sasa.
Jesusasti saraquïnwa: —Arquita, jiwatanacajj jiwat masiparojj imascpan sam —sasa.
Uca khepatsti Jesusajj boteruw mantawayjjäna discipulonacapasti jupamp chicaraquiw mantawayapjjäna.
Kotanjama sarasquipansti mä jach'a thayaw sartäna, ucatwa kota mathapejj botjjaru mantanjjäna, Jesusasti ucchañcamajj iquiscänwa.
Ucapachawa discipulonacapajj juparu sartayapjjäna, sapjjaraquïnwa: —¡Tata, khespiyapjjeta, jiwarañäniwa, botejj umaruw utjanti! —sasa.
Jupasti saraquiwa: —¿Cunatsa sinti ajjsarapjjta? ¡Jumanacan iyawsañanacamajj sinti pisiwa! —sasa. Sartasisinsti thayampiru kotampiruw tokenokäna, arsutaparusti thayajj t'acurawayjjänwa.
Take jupanacaw wali muspharatäpjjäna, sapjjaraquïnwa: —¿Qhitïpachas acajja? ¡Kotasa thayasa juparojj ist'aquiraquisä! —sasa.
Cunapachatejj Jesusajj kota qhurcatancjjän ucqhajja, Gadara sat chekancänwa; ucansti pä chachanacaraquiw amay imäwi mankhat mistunisin Jesusarojj jac'achasipjjäna. Ñankha ajayunïtap laycusti wali ajjsaratäpjjänwa, janiraquiw jakenacajj uca chekjja sarapjjerïcänti.
Ucanacasti wali jach'at art'apjjäna: —Jesús, Diosan Yokapa, ¿cunatsa jumajj nanacan ucaru jutta? ¿Nanacaru t'akhesiyirit juttajja janïra horasas purinquipana? —sasa.
Jesusasti juparojj amparapampiwa lokjjatäna, ucatsti saraquïnwa: —Muntwa, k'omäjjtawa —sasa. Uca aru arscän ucspachaw lepra usupatjja c'umaräjjäna.
Jumasti Tatitu Diosamaruquiw yupaychäta, jupawa jumanacarojj bendicipjjätam t'ant'sa, uqhamarac umsa. “Nayasti take usunacwa jumanacatjja apakapjjäma.
Uqhamaraqui marcamanjja janiw mä warmisa sullurejj utjcaniti, ni jan wawachiri warmisa utjcaniti. Nayasti jacañwa yapt'äma urunacamajj phokhasiñapcama.
Uca taypinsti mä warmiw utjäna, jupasti tunca payan marawa wila apa usumpi usurnucstatäna. Jupasti kollirinacaruw take cunaps inamay k'al tucjasitayna, janiw qhitis juparojj waliptaycänti.
Jupasti khepäjjat Jesusar maqhatasin isip llamct'i, ucatsti ucspachaw wila usupajj sayt'jjäna.
Ucatwa Jesusajj jisct'äna: —¿Qhitis llamct'itu? —sasa. Takenis —Janiw qhitisa —sasaw sapjjäna. Pedrosti sänwa: —Yatichiri, jakew ñekjjtam ucsat acsata nuct'asa, jumasti: ‘¿Qhitis llamct'itu?’ sactawa.
Jesusasti saraquïnwa: —Mayniw llamct'itu, amuyasiractwa ch'amajjampi mayniru kollatajja —sasa.
Warmisti jan juc'ampi imantasirjamäsinjja, qhathatt'asisaw Jesusan cayupar quillt'asi. Take jaken nayrakatapanwa arsusi cunattï llamct'cäna, uqhamarac cunjämtï uca luratatjja c'umaräjjatayna ucanaca.
Jesusasti ucjjarojj saraquïnwa: —Wawa, iyawsatam laycuw c'umaräjjtajja, sumac sarjjam —sasa.
Chijinacar purcta ucapachajja, jumaw jacañajjar imtajja; ch'amamampiw timanacajjan amparapat khespiyistajja.
Ucampis Cristo Jesusar jactayqui jiwatanac taypita uca Ajayutejj jumanacancchejja, uca quipca Diosaw jiwat janchinacamarojj jactayanejja, Diosan Ajayupajj jumanacan jacqui uca toke.
Jan amuyasimti sinti yatiñanïtama; Tatitur ajjsartam, take ñankhatsa jithektam,
¡ucawa suma kollajja cuerpomar ch'amañchañataqui!
Nayajj jupar sistwa: “Tatay, nayat qhuyapt'ayasita, juch lurcta ucasa, q'umaracht'asita” sasa.
Cunapachatï Jesusajj mä marcanccäna ucqhaw jupan ucarojj mä lepra usun jakejj purini. Jesusar uñcatasinjja orakcam ajanup alt'asaw achict'asïna: —Tata, munstajja, kollt'asitasmawa —sasa.
Ucatwa Jesusajj juparojj amparapampi llamct'äna, aqham sasa: —Muntwa, c'umaräjjam —sasa. Uc arsquipanwa uca lepra usupajj chhaktawayjjäna.
Take Israel jakenacaruw nanacajj yatiyapjjsma jumanacan nayrakatanacamana. Qhitirutï jumanacajj ch'accatapcta ucarojja, Diosaw jiwatanac taypita jactayi. Uca Nazaretanquir Jesucriston sutiparuw aca jakejj c'umaraptayat uñjasi, jumanac nayrakatana.
Cawqui chekarutï Jesusajj purcänjja, jisc'a marcarusa, jach'a marcarusa, pampanacarusa, usutanacjja callenacaruw apnokapjjäna. Jesusarusti achict'asipjjaraquïnwa: Tatay, isimacsay llamct'ayapjjeta, sasa. Take qhitinacatï jupar llamct'apcän ucanacajj c'umaraptapjjänwa.
Walja jakenacaraquiw jac'anquir marcanacatjja Jerusalenaru jutapjjäna. Usutanacaparu, uqhamarac ñankha ajayumpi lokheptayatanacarus apanipjjaraquïnwa. Take ucanacasti c'umaraptayatäjjänwa.
Puripcäna uca horasanracwa Jesusajj walja usutanacaru c'umaraptayäna, uqhamarac t'akhesiñanacata, ñankha ajayunacata khespiyäna. Walja juyqhunacaruw uñjayaraquïna.
Jesusasti juparojj sänwa: —Warmi, ¡cunja jach'as iyawsañamajja! Cunjämtejj muncta uqhamay luraspan —sasa. Ucspachaw uca warmin phuchapajj c'umaraptjjäna.
Marcapancjjän ucqhasti, mä suchu jakeruw iquiñaru callanipjjäna. Jesusasti jupanacan iyawsañap unjasinjja, usutarojj sänwa: —Ch'amañcht'asim, wawa, take juchanacamatsti perdonatäjjtawa —sasa.
—Utamar cuttjjam, ucatsti cuntejj Diosajj jumampejj lurqui uca yatiyaraquim —sasa. Ucat uca jakejj sarjje, ucatsti jupajj take marcpacharuraquiw cuntejj Jesusajj jupampejj lurcatayna ucjj yatiyäna.
Sarcasinsti yatiyapjjaraquim, Diosan reinopajj jac'ancatapata.
Usutanacarojj c'umaraptayapjjam, lepra usuninacarusti k'omachapjjam, jiwatanacarusti jactayapjjaraquim, ñankha ajayunacarusti alissupjjaraquim. Take acanacsti inaquiw lurapjjäta, ucanac lurañataqui ch'am inaqui catokapjjatam laycu.
Almajjay, ¿cunatarac llacthapistasti?, ¿cunatarac ajjsarthaptasti? Diosaruc suyt'am, wasitat jach'añchjjäta: ¡Jupaw cusisiñajjasa, Diosajjasa!
Jesusasti sänwa: —Jumatejj iyawsasmajja, lurasispawa. Iyawsir jaketaquejj take cunas waquisiquiwa —sasa.
Jesusasti jupanacar uñjasinjja sänwa: —Sarapjjam, sacerdoter uñstanipjjam —sasa. Jupanacasti sarcasawa c'umaräjjapjjäna.
Jesusasti jupanacarojj sänwa: —Khanacwa sapjjsma, jumanacantejj iyawsañanacamajj utjapjjeristam, janirac pächasiñas utjapjjeristam ucajja, janiw nayajj lurcta ucac lurapcasmati, jan ucasti qhä kollur: ‘Sartam, ucatsti kotar mantam’ sapjjasma ucajja, lurasispawa.
Take cuntejj oracionan mayipjjasma, ucat iyawsapjjaraquisma ucajja catokapjjasmawa.
Uqhamaraqui marcamanjja janiw mä warmisa sullurejj utjcaniti, ni jan wawachiri warmisa utjcaniti. Nayasti jacañwa yapt'äma urunacamajj phokhasiñapcama.
Jesusasti iquiñan winct'ata uñjasinjja, yatïnwa jaya maranaca uqhamäscatapa, ucatsti jisct'änwa: —¿Kollatäña muntati? —sasa.
Usutasti sänwa: —Tata, janiw qhiti yanapt'iris utjquituti uma onjjtquipan mantañajjataquejja. Sapa cuti mantañ muncta ucqhajja, yakhaquiw nayrakat mantawayjje —sasa.
Jesusasti sänwa: —Sartam, iquiñam apthapisim, ucatsti sarjjaraquim —sasa.
Ucspachaw uca jakejj kollata uñjasïna. Iquiñap apthapisjjasinsti, sarnakañwa kallti. Ucürusti samarañ urünwa.
Jesusasti walja jakenac muyuntanir uñjasinjja, ajayurojj tokenokänwa: —Ñankha okar amut ajayu, nayaw sisma: Mistum jupata, janirac mayampis mantamti —sasa.