Isaías 1:6 - Qullan Arunaca

⁶ Cayut kalltasin p'ekecamajj janiw jumanacanjj cawqhas c'umaräcjjeti; takpach janchimajj k'ala chhojjriñchjatawa, jawk'jata, llejjtjtataraqui; jan qhitinsa kolljjatata, janiraqui ñacht'ata, uca usuyasitanacamsti janiraquiw qhitis aceitempi kolljjatt'asa samart'ayquiti.

Aymar Bibliia 1986

⁶ Cayut kalltasin p'ekecamajj janiw jumanacanjj cawqhas c'umaräcjjeti; takpach janchimajj k'ala chhojjriñchjatawa, jawk'jata, llejjtjtataraqui; jan qhitinsa kolljjatata, janiraqui ñacht'ata, uca usuyasitanacamsti janiraquiw qhitis aceitempi kolljjatt'asa samart'ayquiti.

Qullan Arunaka DC

⁶ Kayumat qalltasin p'iqikamax janiw kawkhas k'umaräkxiti; taqpach janchimax q'ala chhuxriñchjatawa, p'usuntata, llixtjtatarakiwa; jan khitinsa qullxatt'ata, janirak ch'uqxatt'ata, usuyasitanakamsa janirakiw khitis aceitempi qullxatt'as samart'aykiti.

Isaías 1:6 Jak'a apnaqawi uñst'ayäwi

2 Samuel 14:25

Take Israel marcansti, janiraquiw Absalonar uñtata yakha jakejj utjcänti, uqham wali suma waynätapatsti wali jach'añchataraquïnwa. Cayut p'ekecamajj janipuniw cuna jan walis Absalonanjja utjcänti, jan ucasti jupajj wali suma uñnakt'ani waynänwa.

Job 5:18

Jupatejj chhojjriñchi ucajja, kolljjataraquiniwa, jupatejj amparapampi nuwantchi ucajja, samarañjja churaraquiniwa.

Salmos 77:2

Tatitojjay, llaquisiñajjan jumar thaksma, arumthapejj jan karjasisaw amparanac loktansma, ajayojjasti janiw chuymachasiñ jicjjatquiti.

Isaías 30:26

Tatituw kollani ch'okantaraquini marcapan chhojjrinacapjja. Ucapachaw phajjsejj intjama khanani, intisti khanapat sipanjja pakallko uqhampwa khant'ani, pakallko intin khanapäcaspas uqhama.

Jeremías 17:9

“Jaken chuymapjama ñankha, c'arintirejj janiw utjquiti. ¿Qhitisa jaken chuymapjja sum uñjaspa?

Jeremías 30:12

Tatitojj siwa: “Chhojjrimajj jan kollcañjamawa, usumataquejj janiw kollajj utjquiti.

Jeremías 30:15

¿Cunatsa chhojjrinacamatjja jan amuct'asta? Usuyasitamasti jan kollkayawa juman walja jach'a juchanacam laycuw uqhama jumarojj lursma.

Jeremías 33:6

Ucampisa kollapjjaraquïmawa, c'umara tucuyapjjaraquïma, ucatsti chekpachanaracwa sumana jan qhitin cun sata sarnakasjjapjjäta.

Jeremías 6:14

Marcajjan chhojjrinacapsti patatacwa kollañ munapjje; take cunas waliquïsquiwa sapjjaraquiwa, ucampisa take cunasa jan walipuniwa.

Jeremías 6:7

Jerusalenatwa ñankha lurañajj mistu, cunjämatejj umajj mä phuch'ut mistojj uqhama. Uca marcansti nuwasiñanacampi ch'ajjwañanacampiquiw ist'asisqui; ucansti chhojjriñchasiñanacaqui, usuyasiñanacampicwa uñjaractjja,

Nahúm 3:19

¡Chhojjrimataquisti janiraquiw kollajj utjquiti, llagamasti jan kollcañawa! Take qhitinacatejj aynacht'atama ist'apjje ucanacajj cusisiñat amparanacap t'ajjllisipjje, uqhamasti, ¿qhitirus jumajj jan ñankhanac lurtajja?.”

Malaquías 4:2

Ucampisa qhitinacatï nayaru ajjsartasa sarnakapcta ucanacataquejj, chekaparu sarnakañajj intir uñtataw khantanini, khanapasti jakenacataquejj khespiyasiñ apanini. Ucatsti jumanacajj cusisiñata jalnakapjjäta cunjämatejj vaca kallunacajj uyut mistusajj jalnakapquejj uqhama.

Mateo 9:12

Jesusasti uc ist'asinjja sänwa: —C'umara jakenacajj janiw mä kolliri munapquiti, jan ucasti usutanacawa munapjjejja.

Lucas 10:34

Ucat jac'achasi uca jakeru, usuchjatanacapsti aceitempi vinompiw kolljjati, ucat ch'okt'araqui. Ucatsti uywapar apjjatasin mä korpachasiñ utaruw apjjäna, ucansti jupaw uñjascäna.